Stigið út í steinöld Evrópusambandsins

Ég bjó í Evrópusambandinu í 25 ár. Ég veit með sanni að ekki er hægt að flytja til annars Norðurlands til þess að hafa það efnahagslega betra en hér á Íslandi. Einungis er hægt að hafa það efnahagslega öðruvísi. En aldrei í heildina efnahagslega betra, og verður aldrei hægt, svo lengi sem við göngum ekki í steinaldarbandalag Evrópusambandsins.

En með því að flytja sunnar til landa Evrópusambandsins er hægt að flytja aftur í tímann: efnahagslega, menningarlega, félagslega og allslega. Við skulum ekki minnast á málið bókmenntalega séð.

Hérna sjáið þið hve margir íbúar af hverjum hundrað íbúum Evrópusambandslanda hafa aldrei notað Internetið. Nokkur önnur lönd utan múranna voru mæld í leiðinni. Mælingin nær til íbúa á aldrinum 16 til 74 ára því þeir sem eldri eru voru því miður dauðir. Og engin börn fæðast lengur í stærstum hluta Evrópusambandsins. Fólkið þar þorir ekki að eignast börn vegna 30 ára samfellds massífs ömurlegs fjöldaatvinnuleysis, bágra kjara og svartra framtíðarmöguleika, að eilífu. Þetta er staðurinn sem ríkisstjórn Íslands vill flytja okkur til.

Þessu taka Íslendingar ekki eftir þegar þeir heimsækja þessi lönd sem ferðamenn og sjá lífið í gegnum íslenska greiðslukortið sem gengur fyrir krónum. Ykkur myndi aldrei detta í hug að það væri 35 prósent atvinnuleysi fyrir utan hótelvegginn ykkar. En það er það einmitt.

Hagstofa steinaldarbandalags ESB: Almost a quarter of persons aged 16-74 in the EU27 have never used the internet

Athugasemdir

[V.Jóhannsson (IP-tala skráð) 15.12.2011 kl. 18:40]

Gunnar - þetta er nú meira bullið í þér. Þú hefur einhverja þráláta óbeit á ESB.

Við hjónin fluttum frá Íslandi 1990 og ég sé ekki eftir einni mínótu af þeim tíma sem ég hef lifað fyrir utan Ísland. Íslenska samfélagið er gjörspillt og vonlaust og ekki fyrir hugsandi mann að búa þar. Þegar þú talar um, að ekki sé hægt að hafa það efnagagslega betra á öðrum norðurlöndum en á Íslandi, gleymir þú aðalatriðinu. Andlegri og líkamlegri heilsu. Að sjálfsögðu fer það eftir menntun og aðstæðum, hvernig lífsmunstur maður skapar, en það verður aldrei í lagi á Íslandi.

Ein spurnig - Hvers vegna fara íslenskir læknar til Skandinvíu og Danmerkur og vinna þar mánuðum saman og láta íslenska sjúklinga sína bíða efir aðgerðum, þótt í lífsháska séu? Það er eitthvað ekki allt í lagi hér, eða hvað? Í Guðs bænum hættu þessum skrifum.

Þetta með Internet er enginn mælikvarði.

Hæstu leyndu skattar, 19 nýir og allir gömlu hækkaðir og hæstu vextir, VERÐTRYGGING og verðbólga, rýrnun á kaupmætti hvern einasta mánuð, verðbóga 5.1% bara í þessum mánuði.

Suður Evrópa - Ok. Á Spáni fá ellilifeyrisþegar frí lyf, læknisþjónustu og alla spítalavist, rannsóknir og aðgerðir. Læknar frábærir en engir skussar, eins og sumstaðar. Allir íslendingar, með börn í skóla á Spáni, segja að skólarnir hér séu margfallt, endurtek MARGFALLT betri en á Íslandi. Hér er agi og hér læra börnin. Atvinnuleysi á Spáni hefur alltaf verið viðloðandi og það í ára, ára tugi og þá sérstaklega yfir vetrartímann. Árið ´77 var átvinnuleysi á Mallorca 24% yfir vetrartímann og þá tíðkaðist ekki að konur ynnu úti!

[Gunnar Rögnvaldsson, 16.12.2011 kl. 00:35]

Þakka þér V. Jóhannsson

Kröfuharka Íslendinga minnkar oftast mikið þegar þeir flytjast erlendis og eru gestir í annarra manna landi. Þeir krefjast minna og slaka sumir hverjir meira á því þeir vita að þeir eru bara eitt núll af milljónum núlla sem engin áhrif geta haft á eitt né neitt. Það veitir sumum betri andlegri líðan að vita að þeir eru núll og að þeir geti aldrei orðið neitt meira en núll í annarra manna landi.

Svo þekkja þeir heldur ekki samféalgið út og inn fyrr en eftir 20-25 ára dvöl og halda sumir hverjir á meðan að það sé eitt stórt halelúja. Eru hnútunum ekki eins kunnugir og þeir innfæddu. Sjá ekki það sem þeir sjá. En fæstir Íslendingar sætta sig við að búa lifa og anda jafnfætis hinum innfæddu því þeir eru betra vanir. 

Vinkona mín danskur læknir í Danmörku er orðin of gömul og ráðsett til að fara lengur á vertíð til Noregs. En það hafa danskir læknar gert áratugum saman. Og þegar Ísland var toppurinn á tilverunni fyrir hrun þá tóku þeir einnig slaginn hér á landi. Blessunarlega hefur Íslandi hingað til haldist vel á fólki sínu og við skulum vona að læknar skili sér heim aftur eins og Íslendingar hafa yfirleitt gert, nema þeir sem fóru Vestur í gamla daga. 

Flest íslenskt fólk sem flytur til annarra landa er oftast bara að prófa eitthvað nýtt og notar kreppuna til að taka ákvörðunina. Hún auðveldar þeim ákvarðanatökuna. Og svo eru náttúrlega margir bara einfaldlega að leita sér að atvinnu.

Menn ættu ávalt að reyna að halda fast í gott fólk.

Kveðjur til þín

[V.Jóhannsson (IP-tala skráð) 16.12.2011 kl. 12:45]

Gunnar, þakka svarið. Að sjálfsögðu slaka íslendingar á við að flytja erlendis og þá átta þeir sig betur á vitleysuni á Íslandi. Íslenska samfélagið hefur verið og er mjög sjúkt, sem lýsir sér m.a. í kaupsýki, bruðli, þunglyndi og krónískri streitu, fyrir utan alla líkamlegu sjúkdómanna, sem hrjá íslendinga, vegna vinnuálags. Það er ekki alveg rétt að segja að íslendingum finnast þeir vera núllur erlendis, en það eru til undantekningar og það fólk flytur til baka í ruglið, eða startar eigið og kemst fljótlega í ekanómískt rugl í nýja landinu, eins og heima. Á mínum slóðum erlendis voru nokkrir íslendingar með fyrirtæki, sem voru landanum til mikillar skammar. Þekktir fyrir svindl og svik hela vegen. Ég forðaðist þetta fólk eins og pestina. Að sjálfsögðu á maður að samlagast siðum og reglum heimamanna og sjá lífið í öðru ljósi en einhverju stress rugli og þá fer allt vel. Við vitum það, að íslendingar, sem fara í sólarlandaferðir eða t.d. hringferðir um Evrópu, eru nákvæmlega jafn vitlausir og heimóttalegir þegar þeir koma til baka. Þeir hafa ekki gripið nokkurn skapaðann hlut, nema ódýrt verð! Ég vann nokkur ár í dreifbýli á Íslendi og þá áttaði ég mig á því, að það er það fólk sem heldur lífi í Íslenska samfélaginu, því það ÞORIR ekki að flytja úr byggðarlaginu og breyta til.

Og hugsaðu þér - þar liggur "Gullegg" Íslendinga.

Kveðja.

[Gunnar Rögnvaldsson, 16.12.2011 kl. 13:38]

Lýsingu þína á íslenksu samfélagi get ég ekki tekið undir. Ef það væri svona eins og þú segir þá ættu Íslendingar ekki heimsmet í "flutningum heim aftur". Hér er ákfalega gott og afar dýrmætt samfélag.

[V.Jóhannsson (IP-tala skráð) 16.12.2011 kl. 19:49]

http://umbiroy.blog.is/blog/umbiroy/entry/1211609/ Lestu Ómar Valdimarsson! Því miður, segja tölur ekki neitt. Kveðja.