Leita í fréttum mbl.is

Ný ríkisstjórn peningavaxta installeruð á Ítalíu

dagur daganna
Mynd; stuttu síðar gáfu Bandamenn Þýskalandi nýjan seðlabanka, sem nú heitir Bundesbank. Hann er efst á aftökulista ESB-elítunnar.
 
Jæja, þá hefur ný ítölsk ríkisstjórn vaxtamismunar og bankaskulda verið uppfærð og installeruð með rekli Brussels inn á hinn harða disk Rómarríkis Ítalíu, þar sem sláttmálinn frægi um samruna Evrópu býr, eftir að hann fluttist skyndilega í síðasta hrakviðri frá Berlínarbungu.

Í sæti forsætisráðherra situr tæknimaðurinn Mario Monti; sérþjálfaður ráðgjafi í afleiðuviðskiptum hjá Goldman Sachs og heiðursforseti Bruegel hugveitunnar sem berst fyrir stofnun Bandaríkja Evrópu upp úr rústum þeim sem búið að að klessukeyra Evrópusambandsbrjálæðið í. Bíðið, það er meira. Monti verður líka fjármálaráðherra!

Der Spiegel um þýska seðlabankann
Afleiðuviðskipti með ríkisskuldbindingar voru notuð af mörgum ríkisstjórnum Evrópusambandsins til að flytja fjárskuldbindingar til og frá í rúmi tímans svo ríkisstjórninar gætu þannig svindlað sér upp í myntbandalag Evrópusambandsins, sem er mun ofar eldri himnum herra Himmlers. Aðeins eitt ríki af 11 uppfylltu í raun inngönguskilyrðin upp í myntina, en það var Luxembúrg, sem falsar hins vegar allar hagtölur landsins með því að sækja daglegt vinnuafl hagkerfisins utan landamæra hertogadæmisins. Þannig verður tekjuhliðin svo mikil á hvern íbúa og skuldir stórlega vanreiknaðar miðað við landsframleiðslu.

Corrado Passera bankastjóri Landsbankans Intesa Sanpaolo, sem er stærsti viðskiptabanki Ítalíu, verður súperráðherra yfir efnahagsmálum og innviðum ítalska ríkisins. Hann byrjaði starfið með því að halda fund með fjármálablaðamönnum í Lundúnum. Kaupþing og Price Waterhouse sjá svo væntanlega um afganginn af hagsmunum ítölsku þjóðarinnar, sem hvíla nú tryggt sem minjagripir í líkkistu lýðræðisins í EvrópuSovétSambandinu.
 
Adolf Hitler var þó þjóðkjörinn. En í Evrópusambandinu á slík vitleysa ekki við.
 
Grikkland er einnig að þróa þetta stjórnarform. Portúgal hugsar málið. Nú hljóta Samfylkingin og vinstri-græn að vera ánægð. Allir draumar þeirra eru hér að rætast.
 
 
 
 

« Síðasta færsla | Næsta færsla »

Athugasemdir

1 Smámynd: Júlíus Björnsson

Þjóðverja og Frakkar stofnuð  Fjárfestingarbanka EU, sem á ekki að hafa að markmiði að greiða út arð [uppsöfnunar varasjóður] og fjárfesta[longtime] í ríkum utan EU.  Samkomulag var að velja honum aðsetur í Lúxemburg og líka að gera Lúxembúrg að nýju Sviss með því að helstu viðskipta banka EU stofnuðu þar útibú.  Arður [rauntekjur sem verða eignir á 12 mánaða fresti] af þessar bankastarfsemi leggst svo ofan á þjóðartekjur [PPP] Lúxemborgar, þótt almennar neytenda tekjur þar séu áfram lægri en í Þýskalandi, Frakklandi og Hollandi.  Nálægð Luxemburg virkar að mínu mati eins og vera Garðabær við hliðina á Reykjavík.

European Central Bank the lender of last resort

Þjóðverjar og Frakkar er gerðir ábyrgir fyrir öllum evrum á fjármálamörkuðum utan EU. Smáríki sem hafa bolmagn hafa vegna smæðar veltu lítið vægi. Flest öll EU ríki hafa enga burði til ábyrgjast einu sinni sitt eigið heima gengi.  

Júlíus Björnsson, 18.11.2011 kl. 02:29

2 identicon

Þetta er mergjuð ræða hjá Nigel!

Baldur (IP-tala skráð) 18.11.2011 kl. 09:14

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband