Klofin geðþreyta forsætisráðherra

Í fyrradag kom skjaldborgarinn frú forsætisráðherraína Reykjavíkur innri, Jóhanna Sigurðardóttir, út úr álfheimum með hugljómun sína er þá hét: "Hefur engin áhrif á aðildarviðræður". Já þær halda áfram þó svo að yfirgnæfandi meirihluti þjóðarinnar hafi aldrei beðið um neitt slíkt. Og ófarir Evrópusambandsins hafa auðvitað engin áhrif á neitt þó svo að enginn viti lengur hvað Evrópusambandið er. Allra síst veit forsætisráðherraínan hvað Evrópusambandið var.

Kollegi hennar í Danmörku sagði kjósendum að Evrópusambandið væri steindautt. Og svo eru það náttúrlega finnsku leiðin í ESB-kirkjugarðinum og kollegi hennar í Svíþjóð, sem sagði að sænska fólkið hefði ekki gengið í Evrópusambandið, eins og það er orðið núna; flestar reglur þess þverbrotnar og allt á hausnum utandyra sem innan. Enginn ávinningur af evrunni, nema skaði. Fimm ESB-ríki á gjörgæslu hjá Alþjóða Gjaldeyrissjóðnum og þar af eru þrjú þeirra evruríki á leið í ríkisgjaldþrot! Og enn fleiri ríki eru í þann mund að banka upp á hjá sjóðnum. Þetta gengur allt svo vel, ekki satt! Stöðugleikinn klesstur upp á vegg. Potemkin Skjaldborgin.

 

Stefnuræðan: Skjól Skjaldburg Grikkland. Krónan ónýt Írland harr þesp. Ping, pong, dong pmfkt! Adiam Spánn sökkva evra condiment mal conecter Portúgal hrun. Skajldburg! Proin in sapien evra Írland. Krónan ónýt. Viðsnúningur og kraftaverk í útflutningsgreinum, ping, krónan ónýt. Donec ac sapien. Heidi und sviðakjammar. Meira en 12,98 og minna en 1.313,15 ESB. Krónan ónýt. Gong, Zap, Össur. Við megum ekki ræna þjóðina !gong! því sem hún !ping! bað ekki um. ESB og ESB Zap Ítalía, Spánn. Finnland omg. Krónan ónýt!

 

Í hvaða heimi lifir þessi manneskja þarna í einangrun sinni frá þjóðinni? Jú í Skjaldborginni! Hún lifir í skjaldborginni komandi að 7000 störfum borðliggjandi í farveginum sem stendur út af endanum og veit ekki annað en, getur ekki séð annað en, hefur ekki heyrt annað en. Allar setningar hennar eru froðusnakkk. Hún er það versta sem gengið hefur yfir landið okkar frá þessu háa sæti íslenska lýðveldisins. Klofningsmaður þjóðarinnar númer eitt.

 

ÍSLENDINGAR HAFA ALDREI HAFT SANNAN OG EINLÆGAN ÁHUGA Á AÐ GANGA Í EVRÓPUSAMBANDIÐ. ALDREI!

 

Skömm ÞÍN er alger.

 

Vandræðin í Evrópu geta haft áhrif á áhuga Íslendinga

Athugasemdir

[Haraldur Baldursson, 21.9.2011 kl. 22:52]

Þurfti ekki á síðum tíma að rúlla Kekkonen á hjólbörum út úr forsetaembætti í Finnlandi, elliæran og óstöðugan. Hafi Sljóhanna einhverntíma haft eitthvað, þá er það svo sannarlega fokið núna. Það væri ekki erfitt að vorkenna henni...en nei, á meðan konan heldur þjóðinni í gíslingu, með Seingrími flokkslausa, þá er ekki nokkur leið að kreista fram tár henni til handa.

[Þorsteinn Helgi Steinarsson, 21.9.2011 kl. 23:30]

Þessi uppdiktaða stefnuræða er hrein snilld!

Mergjað atómljóð sem meitlar stemminguna í algjörum samhljómi við upplifun okkar af súrealískri stefnu Jóhönnu og Össurar.

Þetta ætti að fara í næstu útgáfu Skólaljóða.

Þakka þér Gunnar!

[Viðar Friðgeirsson, 22.9.2011 kl. 01:02]

Hvað veldur því ógnaræði

og æpandi taugatrylling.

Ég hugsa til þess með hrylling,

ein helsjúk hugmyndafræði.

Hvað er það eiginlega sem knýr þetta fólk áfram á þessari helstefnu.

Hvað veldur þessari veruleikafyrrtu áráttu að það skuli ganga fyrir öllu að innlima Ísland, með ofbeldi ef ekki vill betur til, í þennan skelfilega klúbb sem ESB er. Þetta er sjálfsmorðsleiðangur Samfylkingar og mun vafalaust vega þungt í næstu kosningum, þ.e. að það skuli hafa verið eina stefnumál þessa flokks á meðan heimilin brenna og þúsundir eru án atvinnu.

Og þetta er flokkur sem þykist vera flokkur lítilsmagnans. Mér virðist að þetta sé jafnaðarflokkur í merkingunni að allir skuli vera jafn fátækir og helst sannir öreigar á framfæri hins opinbera og eigi ekki að hafa neinar skoðanir aðrar en þær að fylgja flokknum. Ég er sammála þér Gunnar.

ÍSLENDINGAR HAFA ALDREI HAFT SANNAN OG EINLÆGAN ÁHUGA Á AÐ GANGA Í EVRÓPUSAMBANDIÐ. ALDREI!

Hafðu þökk fyrir skrifin, nú sem áður.

[Eyjólfur G Svavarsson, 22.9.2011 kl. 11:30]

Ég er sammála þér Gunnar.   Viðar" það er enginn jafnaðarmannaflokkur til, hann gufaði upp þegar flokkur kallaður Samfylkingin var stofnaður af samtíningi af tækifærissinnum og eiginhagsmunaseggjum úr öllum flokkum. þetta er bara froða! vond froða!!!!!

[Gunnar Rögnvaldsson, 22.9.2011 kl. 19:04]

Þakka ykkur fyrir innlitið. Kveðjur