Svissnesku húsnæðislán íbúa evrusvæðis hafa hækkað um 44 prósent

 

Mynd; gengi evru gagnvart svissneskum franka

 

Evran hefur nú fallið um 30,5 prósent gagnvart svissneskum franka síðan 2. nóvember 2007. Þetta er ívið minna gengishrun en þegar ESB-útrásarfjármálamiðstöð Samfylkingarinnar hrundi ofan á íslensku krónuna. Þá gaf krónan strax 39 prósent eftir gagnvart evru og hóf lækningu og afruglun íslenska hagkerfisins samstundis. Síðan jafnaði krónan sig um tíma en féll svo enn frekar. Allt í allt féll krónan um það bil 49 prósent gagnvart evru. Í millitíðinni hafa myntlausu evruríkin Grikkland, Írland og Portúgal náð frá því að vera "við erum ekki Ísland" til að vera ekki neitt. Ekki segjast þau heldur vera Ítalía og alls ekki Spánn.

 

Mynd; Vísitala gengis íslenskrar krónu gagnvart evru frá ágúst 2008 til 20. júlí 2011

 

Á milli þessara ríkja og Íslands skilur fullveldi okkar í peningamálum sem og öðrum málum. Við stungum ríkisstjórn Samfylkingar og Vinstri grænna í steininn og sögðum þeim að fara með sitt Icesave_banka_ESB_brask til síns heima í tveimur þjóðaratkvæðagreiðslum. Þar situr þessi ríkisstjórn Íslands enn. Svört og yfirþreytt af skömm.

Sem sagt; bankakerfið hrynur ofan á þjóðina. Gjaldmiðillinn gefur samstundis og eðlilega eftir — fyrst um 39 prósent — og botnar svo á 49 prósenta falli gagnvart gjaldmiðli seðlabankalings Evrópusambandsins. Nú á krónan okkar — og við að sjálfsögðu með henni — uppstigið eftir, og okkur til góða. En það mun aldrei verða svo lengi sem þessi ESB-ríkisstjórn er hér við völd.

Í Austurríki neyddust yfirvöld stuttu seinna til að þjóðnýta tvo af sex kerfislega mikilvægum bönkum landsins sem höfðu meðal annars tekið upp Samfylkingarmódelið og hafið skæða útlánaútrás niður Balkanskaga og út og suður Austur-Evrópu. Ástandið var svo alvarlegt að seðlabankastjóri Evrópusambandsins neyddist til að gista og borða mat í Austurríki, sem kom ekki, svo vitað sé, alla leið frá Finnlandi. Um leið komust Austurrísk yfirvöld að því að allt að þriðjungur af nýlegum fasteignalánum landsmanna höfðu verið veitt í svissneskum frönkum og japönskum yenum, því þar, já þar, voru vextir svo miklu hagstæðari en í myntvafningi Evrópusambandsins sem nú er að rakna upp. Þessi lán voru þar næst bönnuð með gjaldeyrishöftum á alla nema auðvitað ríkt og sérstaklega mikilvægt ofurfólk landsins.

Nú eru (ó)lán þessi í erlendum gjaldmiðlum og lán þau sem austurískir bankar jusu yfir lönd Austur-Evrópu og niður Balkanskaga, orðin svo dýr, að í sumum löndum hefur greiðslubyrðin af þessum lánum margfaldast. Tifar þessi klukka nú vænt undir bankakerfum nokkurra evruríkja og sem lítið er minnst á í dag, því aðrir og verri fyrirburðir um hálsbrot myntvafningsins yfirskyggja allar fréttir, nema auðvitað þær sem eru ekki sagðar undir talibanni DDRÚV.  

Eina leiðin til að koma í veg fyrir svona ástand í svartri framtíðinni í Evrópusambandinu á ný, er auðvitað það að loka þarf ytri landamærum ríkjanna, taka völdin af ríkjunum, taka myntina af ríkjunum, taka ríkisfjármálin af ríkjunum og endurlífga Herra hringsins. Það gengur ekki lengur að ríkin séu að reyna að burðast með þetta litla fullveldi sitt í neinum málum. Það sjáum við greinilega.

Evrópusambandið hefur alltaf — og eingöngu — stækkað og treyst sig í sessi í krísum. Þetta er almenna reglan hjá þeim aðilum sem lifa best á óförum annarra. Og það er alltaf nóg af krísum í Evrópu.

 

Ó Sovét-Evrópa komi þú. Komdu og fáðu þér einn annan sjúss úr flösku minni, væni minn.

 

Tengt efni

• Desember 2009: Ríkisbanki eins evru-ríkis þjóðnýttur af evru-ríkinu í öðru evru-ríki 
• Mars 2010: Gjaldeyrishöft innleidd á evrusvæði

Fyrri færsla

 

Grikkland án seðlabanka - á leið í ríkisgjaldþrot. Nýlendustaða 

Athugasemdir

[Ómar Gíslason, 21.7.2011 kl. 20:49]

Ef við horfum yfir 10 ára tímabil, þá sýnist mér að evran hefur fallið um 62,1% gagnvart $

[Gunnar Rögnvaldsson, 21.7.2011 kl. 23:25]

Sæll Ómar og takk fyrir innlit. 

Sögu evrunnar gagnvart Bandaríkjadal er hægt að skipta upp í þrjú tímabil.

a) Frá 4 Janúar 1999 til 25. október 2000 féll hún um rétt og næstum slétt 30 prósent. Tvisvar á því tímavili reyndu seðlabanki ESB og Bandaríkjanna í sameiningu að stöðva fallið með stuðningsuppkaupum. En allt kom fyrir ekki, evran hélt áfram að falla.

b) Eftir þetta hruntímabil tekur við ennþá meira bizzar tímabil í stuttu en öfgafullu lífi þessar myntar. Frá og með október árið 2000 og fram í apríl árið 2008 hækkar evran um næstum 100 prósent gagnvart Bandaríkjadal. Hún er þá orðin leiksoppur spákaupmanna og er notuð sem eins konar spilavítismynt sem er nánast beintengd við spákaupmennsku í málmum, hrávöru og kínversku útflutningslegu uppihaldi.

c) Frá og með vorinu 2008 og fram til nú er hún orðin algerlega beintengd við markaði spákaupmanna. Og sveiflast eftir því. 

Sjá þrjár krækjur.

1. Ónýtir gjaldmiðlar - Júní 2008
2. The Bank must act to end the euro’s wild rise - FT sept. 2008 
3. Evran missir restina af jarðsambandinu. Fylgir nú hrísgrjónum og málmum - Maí 2011