Heilabúskapur Alþýðusambands Íslands að loka niður

Eins og þið hafið í Óséð & fáheyrt útgáfum ASÍ hvorki séð né heyrt, hefur þróun rafmagnsverðs til rafknúinnar heilastarfsemi forystu þessa alþýðlega sambands við ríkisstjórnina, haft afdrifaríkar afleiðingar fyrir Ísland. Heilastarfsemi ASÍ hefur orðið að lúta í lægra haldi fyrir rafmagnshækkunum. Og hér er ekki átt við neina umpólun eða spennuhækkun rafmagns. Nei, hér er átt við tæplega 50 prósenta verðhækkun á rafmagni og hita frá sumrinu 2008 til sumarsins í dag. 

Þessi sótthiti hljóp auðvitað líka yfir í íslensku hitaveiturnar beint til vogunarsjóða ríkisstjórnarinnar erlendis. Hitinn hefur því hækkað mikið. Annað veifið koma svo hingað til landsins vogunarmenn ríkisstjórnar ASÍ, til að mjólka landann. Engin þörf er lengur á að leggja neinar leiðslur eða línur til útlanda. Það hefur þegar verið gert í lokuðu bankakerfi alþýðulýðveldisins. Már passar svo það. 

Þessi helmingshækkun á raforku- og hitaveituverði hefur glatt alla alþýðu manna. Nú er loksins hægt að hefna sín og skrúfa fyrir. Völd alþýðunnar hafa aukist. Fólkið í landinu er samstundis komið í vopnakapphlaup við ríkisstjórn alþýðusambandsins í stjórnarráðinu. Við hækkum og þú skrúfar fyrir. "Ég skal banka en þú talar", er samið um á fundunum í stjórnarráðinu. ASÍ-rukkarinn bankar á dyrnar í sama mund og örþreyttur fjármálaráðherrann hvellbirtist á skermum útsendara DDRÚV. Þú bankar og ég tala. Svona er norræn velferð aukin. Just plane works!

Afleiðingarnar eru öllum auðskiljanelgar; Lambakjöt íslenskra bænda hefur ekki getað hækkað nema 8,7 um prósent á sama tíma. Sennilega minnsta verðhækkun í landinu í þessum þriggja ára ESB-sauðburði ASÍ, fyrir utan 13,4 prósenta hruns fasteignaverðs. Skýringin er auðvitað sú að svo erfitt er orðið fyrir íslenska neytendur að borða hrátt lambakjöt í frosti innandyra. Það frýs á milli tannanna. Til að bregðast við þessu verða tannlækningar frá og með nú framkvæmdar ókeypis. Tannlæknirinn þreytti, verður við arinn Bjarnasonar.

Dansk-norræna velferðarfyrirbærið kofanger (stuðari) hefur skyndilega fengið nýtt og stærra hlutverk í hinni nýju stjórnarskrá bifreiðargjalda alþýðulýðveldisins. Bændur; passið nú nautgripi ykkar!

 

Krækjur

 

Lambið er 14% dýrara  og á bls. 6 í Morgunblaðinu í dag.  

 

Fyrri færsla

 

Nýjum en götóttum netum trúað best 

Athugasemdir

[Gunnar Waage, 19.7.2011 kl. 06:17]

Yes alveg laukréttur nafni að vanda !

[Halldór Jónsson, 19.7.2011 kl. 09:12]

Netop Gunnar,

Þarna greipstu á "kúlulánavambanum".

ASÍ er enn eitt dæmið um hvernig kommaliðið notar stofnanir þjóðfélagsins eftir eigin pólitískri stefnu. Skítt með 50 % rafmagnshækkun af völdum Steingríms og hans liða ef maður getur hakkað á framsóknarbændum eins og Ásmundi Daða fyrir 8.7% á lambið og borgað honum rauðan belg fyrir gráan í leiðinni.

[Haraldur Hansson, 19.7.2011 kl. 12:49]

Gylfi er fyrst og fremst ESB trúboði.

Verði honum að ósk sinni greiða Íslendingar 3 milljörðum meira til Sambandsins en kemur til baka í fjárframlögum. Af útgjöldum sambandsins fara um 40% í styrki til landbúnaðar.

Af nettó-kostnaði Íslendinga rynnu því 1,2 milljarðar til landbúnaðar. Sem sagt: Íslenskir skattgreiðendur þyrftu að borga 100 milljónir á mánuði í niðurgreiðslu á evrópskum landbúnaði. (Samt erum við bara að tala um nettó-tölur.)

Þetta er miklu miklu meira en verðhækkun á lambakjöti kostar hvern Íslending. Ætti Gylfi ekki að hrópa á sína félagsmenn og skora á þá að sniðganga ESB?

[Gunnar Rögnvaldsson, 19.7.2011 kl. 20:46]

Þakka ykkur fyrir innlitið.

Það fer að verða verulega erfitt fyrir landsbyggðina að halda halda forystu ASÍ uppi.

Helsta markmið ASÍ er að viðhalda einmitt yfirstjórn ASÍ og að greiðslur meðlima haldi áfram að koma til hennar. Launþegar og hagsmunir þeirra koma neðar á listnaum. Þannig eru flest svona samtök orðin í dag.

Í Danmörku hafa stjarnfræðilegar launagreiðslur til verkalýðsforystunnar á undanförnum árum vakið ógeð og reiði meðal almenning. Hvernig skyldu þessi mál standa hér heima?

[Haukur Brynjolfsson (IP-tala skráð) 19.7.2011 kl. 22:00]

,, 50% rafmagnshækkun af völdum Steingríms”. Þvílíkt andskotans kjaftæði! Steingrímur er vissulega að skattleggja allt hér til fjandans og er þegar búinn með sínu snarvitlausa liði að eyðileggja gott og skilvirkt skattkerfi sem hér var fyrir. En það er ástæða fyrir þeim ósköpum og aldrei má gleymast  hverjir léku þessa stöðu upp í hendurnar á Steingrími með því að leggja grunn að efnahagshruni. Hverjir afhentu sérstökum gæðingum bankana í stað þess að tryggja dreyfða eignaraðild eins og um var rætt í upphafi og vel var hægt að setja reglur um? Landsbankinn, hver sat þar eins og könguló i netinu miðju - sérstakt talsamband foringjans mikla? Hver lagði niður Þjóðhagsstofnun í vitleysiskasti? Og hverjir veiktu hér allt eftirlit og slepptu svo lausum þeim fáráðahópi sem allt lagði í rúst. Þessum montrössum sem  kunnu ekki orðið að nefna upphæðir nema í milljörðum en rífa nú kjaft þegar reynt er að fá botn í vitleysuna.

Eitt fíflið fór um lönd og ,,keypti” Toyota-umboð, flaug svo hér milli staða í þyrlu sem hann þóttist ekki muna hvað kostaði. Vonandi hefur verðmiðinn fundist þegar vélina var tekin af honum.

Öll súpum við seiðið af ruglinu og hruninu og við, sem komin erum á efri ár, og búum við gjörbreyttar aðstæður frá því sem reiknað var með, munum varla lifa neinn efnahagsbata. En við getum eftir atvikum skemmt okkur eða pirrast yfir klaufalegum tilraunum sumra bloggara til sögufölsunar, þegar reynt er að beina athygli frá höfundum hrunsins með því að djöflast í stjórnvöldum sem basla í skítverkunum dagana langa.