Evrópusambandið: verður orðið hæsta fjall í Hollandi eftir aðeins 38 ár

Bretar eiga og verða að beina sjónum sínum frá Evrópusambandinu og Evrópu, því um miðbik þessarar aldar verða hagkerfi Evrópusambandsins orðin engin nema kommar núll núll af hinum tíu stærstu í heiminum árið 2050. Þá mun Evrópusambandið hafa týnt tölunni sem eigandi fjögurra af tíu stærstu hagkerfa heimsins. Þá verður ekki gaman að vera bara hæsta fjall í Hollandi. Það er ekki nóg fyrir þá sem vilja framfarir og velmegun. 

Úrsmiður ríkisstjórnar Íslands er Evrópuúrsambandið. Þar gengur klukkan aftur á bak og skipt er um tímabelti tvisvar á dag á flugi embættismanna fram og aftur um ekki neitt. Magabeltin koma svo. Hert er að til framtíðar.

 

Um daginn útnefndi yfirmaður greiningardeildar Nordea Evrópusambandið sem utangarðssafn framtíðarinnar sem aldrei kom til ESB.

 

En gaman fyrir Spánverja að smásalan hjá þeim sé orðin aðeins 82 prósent af því sem hún var árið 2007 og hafi haldið áfram að hrynja enn hraðar og örugglega um 6 prósent á síðustu 12 mánuðum á sama tíma og lánveitingar til einkageirans séu lok lok og læs vegna veru landsins í myntbandalaginu.

 

Og hið algerlega frábæra er svo auðvitað það að smásalan í Þýskalandi er næstum sú sama og hún var fyrir 20 árum síðan og enn minni hún var fyrir 10 árum. Þjóðverjar hafa ekki fengið kauphækkun í 13 ár. Þetta er sko framtíðin. Þennan "pakka" þarf endilega að klára.

 

ESB-elliheimilið & stöðugleikinn, mínar dömur og herrar; tíminn stöðvaður. Á meðan heldur heimurinn fyrir utan ESB áfram að þróast og verða æ ríkari.

 

Our politicians need to look beyond Europe

 

Fyrri færsla

 

Grikkir minnast orða Margaret Thatcher um Evrópusambandið 

Athugasemdir

[Jón Steinar Ragnarsson, 1.7.2011 kl. 18:33]

Bæði Barrosso og Rompy hafa talað stórlega um The European Empire í ræðum sínum. Að því er stefnt að sögn til að styrkja álfuna og forða því að stíð fortíðarinnar endurtaki sig. Hafi þessir litlu Imperialistar tekið eftir í sögutímum, þá hefðu þeir séð að öll stríð í álfunni hafa sprottið af stórveldis og sameiningardraumum, friðsömum eða með valdi. (empire building)

Hjá ESB er hvítt, svart og svart, hvítt eftir því hvernig kampavínið hrífur. Þetta stórríki bankstera og fjólublá blóðsins frá lénstímanum getur ekki annað en endað í blóði og örbyrgð, eins og hefur verið reynt hvað eftir annað.

Yfirþjóðrembingarnir hjá háskólunum stýra skoðanamyndun hér, enda fá þeir 10 milljarða af 12, sem sambandið skilar til baka í styrkjaformi, svo þeir geti nú setið yfir latte eða belgískum jarðaberjabjór og skrifað langlokur  um ömuleika Íslenskrar menningar og þjóðernisvitundar, verandi sjálfir Íslendingar þó. 

Aumingjaskapurinn, græðgin, sjálfhverfan og siðblindan er alger og á henni byggja álitsgjafar fjölmiðla málflutning sinn. Það er nefnilega svo intellektúal og kyssa flauelsjakka með olnbogabótum, sem varla hafa unnið handtak um ævina annað byggja metafýsíska fílabeinsturna handa sjálfum sér til að geta hrækt á próletaríið ofanúr. Þeir kallast Félagshyggjumenn og eru víst fulltrúar hinna vinnandi stétta.

Vitfirringin er lygilegri en leikrit eftir Eugene Ionesco. 

[Jón Steinar Ragnarsson, 1.7.2011 kl. 18:34]

Eða  hétu þeir Berrassi og Rompe....

[Gunnar Rögnvaldsson, 1.7.2011 kl. 21:06]

Takk fyrir kaffið Jón Steinar ;) Þessi ofurnetta tinkling hugvekja þín mig óneitanlega á eftirfarandi orð Derek Scott ;

Óði hattarinn sagði Lísu í Undralandi að orð hafa þá meiningu sem þú vilt að þau hafi. Óði hattarinn hefði verið eins og heima hjá sér í Evrópusambandinu því þar fær orðið “nei” þýðinguna “já” og pólitískum áróðri er básúnað út sem upplýsingum . . lesa meira

[Jón Steinar Ragnarsson, 2.7.2011 kl. 05:46]

Takk fyrir þetta Gunnar. Einhverntíma hef ég lesið þetta áður enda tíður gestur á síðunni.  Hið skammvinna efnahagsundur Íra átti sér rætur í kröftugum aðgerðum í kringum 1993. Ekki bara gengisfellingu heldur líka með því að losa um vinstristrappaða skattaspennitreyju. Skattaívilnanir til að laða að erlend fyrirtæki, sem nú eru óðum á flótta til Póllands.

Ég man að í kvikmyndaheiminum komust þeir á kortið með því að laða að framleiðendur með skattaafsláttum og vsk niðurfellingu. Írland varð höbbið á norðurhveli fyrir stórframleiðslur á borð við James Bond og fleiri risaprójekt. Þetta var gert að fyrirmynd Nýsjálendinga, sem enn blómstra. Íslendingar tóku þetta einnig upp í skötulíki, sem varð til svipaðrar þróunnar eins og fólk veit. Stórmyndir og risaauglýsingar komu hingað í löngum bunum.  Það bremsaði þó við valdatöku vinstrimanna og það að dregið var í land með ívilnanirnar.  Um leið og Hollywood sér kommana koma þá pakka þeir saman.

Það má segja Birni Bjarna til hróss að hann stóð fyrir þessum umbótum og gerði sér grein fyrir efnahagslegu mikilvægi þess að laða þessar stóru framleiðslur að. Ávinningur sem var ekki síðri en það sem eftir situr af stóriðju, ef ekki raunverulegri og skjótvirkari ávinningur.

Varkárni Hollywood hefur ekkert með spádómsgáfur að gera. Þetta er vinstri veikin. Þegar "félagshyggjuöflin" (Sósíalistarnir komast að, þá er það öfundin og eyðileggingarnáttúran sem ræður.  Í því spila þeir í hendur vondu kapítalistanna og úr höndum hins raunverulega frjálsa og áþreifanlega fjármagns.  Nú þorir enginn að snerta okkur með 10 feta priki.

Sósíalistar eru ekki að berjast gegn "arðræningjunum" heldur er hugsjónin ávallt sú að það sé komið að þeim að verða kóngar um stund. Því fyrr sem menn átta sig á þessu því betra. Hvort tveggja öfganna er sama tóbakið.

[Jón Steinar Ragnarsson, 2.7.2011 kl. 05:53]

Talandi um "93", þá er það ekki bara Bukovsky sem hefur likt EU við ný Sovétríki, Michael Gorbachev gerði það einmitt um þetta leyti og það löngu á undan Bukovsky.  Menn héldu bara að Gorbi væri að djóka, af því að hann hefur þetta undirfurðulega glott á vör, þegar hann segir sannleikann.

[Einar Björn Bjarnason, 2.7.2011 kl. 21:22]

Síðan ætlar Seðlabanki Evrópu að hækka vexti - en orð Trichet benda sterklega til þess. Skv. nýjustu tölum var samdráttur í júní í iðnframleiðslu á Ítalíu, Spáni, Grikklandi og Írlandi.

Bætum síðan hækkandi vöxtum við, og Trichet gæti einfaldlega tekist að gefa Evrunni "Coupe de grace".

Mun Seðlabanki Evrópu taka Evrusvæðið fram af hengifluginu?

Kv.

[Júlíus Björnsson, 3.7.2011 kl. 12:03]

Fosphat námur heimsins eru tómar eftir 40 ár. Hvenær tæmast Fosphat námur EU? Stríðið um restarnar mun vaxa að mínu mati. USA er búið að spara mikið af hráefnum með viðskiptum við Kína, að mínu mati. EU er geld og það vit Þjóðverjar og stefna á 30 % fækkun neytenda sinna næst 30 ár.