Leita í fréttum mbl.is

Friðhelgi heilabúss þingmanna

Ekkert virðist lengur vera friðhelgt nema heilabú þingmanna. Þau eru nú orðið sjaldan notuð til neins nema eins; að byggja sjálfum sér minnisvarða. 

Það verður fróðlegt að fylgjast með fasteignaverði nútíma fangelsa í blokkaríbúðum. Þið vitið, þarna sem þeir þurfa að búa sem mega ekki lengur sjúga til sín hagvöxtinn úti á svölum. Og ekki drekka hann innandyra. Aðeins hugmyndarflugið setur svona þingmönnum endimörk hagvaxtarins. Uppreisnin sem kom ekki frá miðju þegar hún var samin, er komin hér og nú. Hún er hér hjá okkur, meðal okkar. Þetta er þriðja leiðin til forheimskunar.
 
Jói ríki launakommúnisti hjá ríkinu þarf ekki að búa í blokk þar sem bannað er úti á svölum sem innandyra að reykja, reka við, grilla, elda, tala, og svo framvegis, - já - hann hlær alla leiðina í bankann með sovéska hagvöxt hinnar tæru vinstrióstjórnar Jóhönnu a la Al Capone et al. Vaxtarlag þessa hagvaxtar þekkja allir sem þekkja söguna og hafa kannski lært eitthvað af henni.
 
Smásalan sem missir stóra prósentu landsmanna frá sér í hratt fjölgandi Apatekin mun auðvitað hoppa af gleði og ráða nýtt fólk - ekki á Alþingi - heldur til að semja uppsagnarbréf til þeirra sem missa vinnuna. Og þeirra sem flýja land. Og þeirra sem flýja heimili sín og þeirra sem flýja til fjalla og verða þar um kyrrt, eftir að bílar voru bannaðir. Þar er betra en að búa í nálægð við friðhelgi heilabúss þingmanna.  
 
Þessir þingmenn hljóta að eiga hlut í Apóteki heimskunnar. Þetta eru líklega auðlindarmenn þjóðarinnar.
 
Hér á Íslandi drepast fleiri af völum beinnar notkunar illa gasaðra krydda og kryddjurta og sem komin eru vel fram yfir síðasta söludag. Við skulum ekki minnast á hina óbeinu notkun kryddjurta. Tölfræðin sannar það, svart á hvítu. Sama gildir um mengun. Þetta gildir um öll þróuð hagkerfi.
 
Það verður því að banna krydd og kryddjurtir strax. Talan er sennilega einn af milljón á ári, með veikan maga. Eftir á að hyggja væri hentugra (fyrir þingmenn) að banna alveg matseld í blokkaríbúðum þar sem lyktin drepur og óhollustan gæti farið sínu fram (af svölunum). Myndavélar? Reykskynjara í þurrkarann - beintengda við hið opinbera? Þetta kemur.
 
Það er ekkert skrýtið að framsýnir íslenskir arkitektar hafi hannað blokkarbyggingar á Íslandi eins og þær eru. Bílastæðin eru undatekningarlaust beint fyrir utan stofugluggana og útihurðina, því það minnir okkur svo áþreifanlega á að það eina sem hægt er að gera er að selja, setjast út í bílinn og koma sér sem fyrst á brott, - frá heimilinu sem einu sinni var. Bíllinn! 
 
Banna banna banna.
 
Fábjánar og grasasnar!

mbl.is Tóbak verði bara selt í apótekum
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Jón Steinar Ragnarsson

Hvaða hvaða...þetta er grafalvarlegt mál...það eru sjö hundruð sjálfráða unglingar, sem byrja að reykja á ári. Þetta er dómsdagsstaðreynd. Með að selja þetta í apótekum eins og annað eitur sem selt er þar og drepur fólk í bílförmum, þá munu unglingar þessa lands örugglega hætta að reykja med det samme.

Ég held að þetta fólk sé algerlega gengið úr límingunum. Ef ég hefði ekki litið á dagatalið, þá hefði ég haldið að það væri 1. Apríl.

Það þarf kannski að koma á skipulagðri neðanjarðarglæpastarfsemi í kringum þetta til að hafa ofan af fyrir shegen glæpahringjunum sem vafalaust glíma við atvinnuleysi hér. Þetta er kannski hluti af átaki í atvinnumálum.

 Næst er svo að banna neyslu tóbaks og framleiða enn fleiri glæpamenn úr venjulegum existensíalískum borgurum, sem vilja hafa frelsi til að drepastúr einhverju að eigin vali.

Jón Steinar Ragnarsson, 31.5.2011 kl. 01:34

2 Smámynd: Jón Steinar Ragnarsson

Kjánahrollurinn er náttúrlega mestur í kringum það sem er aðalatriðið..."Íslendingar verði fyrstir í heiminum", bla bla bla...

Fífl á heimsvísu verður allavega útkoman.

Jón Steinar Ragnarsson, 31.5.2011 kl. 01:36

3 Smámynd: Jón Steinar Ragnarsson

Annars að öðru:

Athygliverður fyrirlestur í 8 hlutum um eponential growth.. og lalalandið sem við búum í, gersneyddu rökhugsun.

Þarna er m.a. komið skemmtilega inn á orðið sjálfbærni, sem er spyrt við hverja setningu vinstrimanna.

Jón Steinar Ragnarsson, 31.5.2011 kl. 01:41

4 Smámynd: Jón Steinar Ragnarsson

exponential....fyrirgefðu...

Jón Steinar Ragnarsson, 31.5.2011 kl. 01:41

5 Smámynd: Sigurður Haraldsson

Þetta er komið útúr öllu korti og Hreyfingin líka með ekki bara fjórflokkurinn sem ég hef alltaf talað um að sé á villigötum nú fylltist mælirinn gagnvart alþingi og þingmönnum!

Sigurður Haraldsson, 31.5.2011 kl. 08:03

6 Smámynd: Gunnar Rögnvaldsson

Það er ansi hart að þessi þjóð sem fyrir aðeins 45 árum fékk Jóa frænda eða Sigga sjómann til að koma í heimsókn með vindlana og pípuna sína svo "góð lykt" gæti nú sest að í stássstofum heimilanna, skuli hafa náð því að verða manna elstir, þrátt þessa fyrir miklu vosbúð í æsku. En sem nú, því miður, er orðin manna hræddust og histeísk. 

Nú verður Jói frændi að koma í heimssón eins og rústuð ESB-ljósapera ilmandi af frönskum hlandlyktar-drepara, en ekki ilmandi af Half & Half, Price Albert, Wings, Camel eða London Docks lyktum eða hvað þá með tvo svarta glæpsamlega dropa í nefi eða vör. Til öryggis var síldarmjölsbragð af matnum og dauðar rollur lágu í vatnsbólinu sem við strákarnir migum í þegar þess þurfti. Allir voru hraustir.  

Í mínu ungdæmi umgekkst ég raunverulega tröllkarla og skessur með mesta yndi. Á leiðinni heim úr kirkju á sunnudögum með afa þá þefaði maður sig til réttanna sem stóðu á hádegisverðarboðrum allra bæjarbúa. Allt saman eldað úr því sem til var, og þar á meðal af konum sem voru ekki lífhræddir aumingjar og vesalingar, þó bústnar væru. 

Nú er staðan þannig að ungir menn og konur sem sækja um í danska herinn, er unnvörpum hent á ruslahaugana því mönnum ofbýður hið lélega líkamlega ástand og pervisið andlegt hugarástand þeirra eftir 10 milljón fyrirhyggjulög frá "þinginu" og trilljón reglugerðir í heilsubætandi átt á innan við 30 árum.

Bjørnebanden er kominn á þing, sagði mér eitt sinn einn lögfróðasti maður í Danmörku. Þetta er eins og fólk með vélbyssur; lögin koma út í hryðjum eins og byssukúlur.

Valdi þingmanna fylgir lítil ábyrgð. Það vantar sum sé að setja á laggirnar eins konar gjaldþrotaskrá fyrir Alþingisþingmenn: Eftir þrjú árangurslaus eða skaðleg lög sem eiga uppruna sinn hjá þeim, er prófið tekið af þeim og þeir þurfa að borga sektir. Svikin kosningaloforð væri hægt að taka á eins og gert er við þá sem missa bílprófið fyrir eitt eða annað og oft ekki neitt nema mannleg mistök. 

Gunnar Rögnvaldsson, 31.5.2011 kl. 10:02

7 Smámynd: Gunnar Rögnvaldsson

 
Bloggfærsla 11. mars 2010: Að tryggja sig gegn hagsæld 
 
Að ganga ekki í takt 
 
Að ganga ekki í takt
  
Konan mín sagði mér að það hefði komið heimspekingur í danska ríkissjónvarpið (já, ríkis). Hann var að gefa út bók. Hann sagði að Adolf Hitler hefði orðið mjög ánægður með samfélagið í dag. Hvað meinarðu?, spurði fréttamaðurinn vandræðalega. Jú hann vildi að við gengjum öll í takt. Lýðræðið væri sett til hliðar sagði heimspekingurinn Søren Gosvig Olesen. Í dag hlýða menn og gera eins og þeim er sagt. Til dæmis fer öll þjóðin eftir því sem heilbrigðisyfirvöld segja. Spinn doktorar stjórnvalda gegna hlutverki áróðursráðuneytis.

"Þetta er rétt hjá honum Gunni, enginn hefur lengur góðan rétt á að segja neitt sem brýtur í bága við pólitískan rétttrúnað í dag", bætti konan mín svo við. "Sjáðu bara umhverfismálið" sagði hún. Það er hið svo kallaða hlýnunarmál sem hún á við - og fjölmiðlana. "Hmm já, þetta er kannski rétt hjá honum," sagði ég við konuna mína. Svo labbaði ég burt. Á leiðinni að skrifborðinu datt mér í hug að vandamálið í myntbandalagi Evrópusambandsins núna væri það að Grikkland gengi ekki í takt - bara alls ekki í takt.
 

Gunnar Rögnvaldsson, 31.5.2011 kl. 10:22

8 Smámynd: Eggert Guðmundsson

Já Gunnar. Það er gott að vera í takt við raunveruleikann. Taktleysi setur alla út af laginu. Einn samhljóma kór er það sem koma skal. Taktlaust líferni er ekki liðið.

Eggert Guðmundsson, 31.5.2011 kl. 14:32

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband