Ríkis-drykkja RÚV á bar á Írlandi

Hvað var svo í kvöldréttum óhæfra ríkisstarfsmanna ESB-DDR-RÚV í dag?

Jú, sérstakur útsendari RÚV á Írlandi fór á bar og talaði við tvo drekkandi bargesti. Þetta var eins og viðskipta- og stjórnarfundir útrásarvíkinga, sem oftast fóru fram á börum þar sem viðskiptagaldrar snillinga voru skráðir á munnþurrkur sem svo enduðu í klósetti allra landsmanna. Þá uppgötvaði ESB-DDR-RÚV ekki neitt. Fúsk!

Handjárnuðum viðskiptavinum RÚV var ekki gerð nein grein fyrir málefnum Írlands. Ekkert var fjallað um hvað gerðist. Ekkert var í fréttunum um að Írlandi var þrýst á eigið sverð um síðustu helgi undir skálaglamri fréttaútsendingar ESB-DDR-RÚV (sjá fyrri færslu). Fúsk!

Tveir bargestir, væni minn. En kannski hefur enginn annar viljað tala við réttamenn fréttastofu ríkisútvarpsins. ESB draumur RÚVs gæti þar að auki skaddast. Og svo gæti runnið illilega af rauðvínshagfræðingum þess í miðju Ýlfri Egils. Fúsk!

Ekkert var um þessa nýju Versala-ánauð sem þvingað er upp á írska fólkið. Þetta hentaði ekki inn í afskræmdan veruleika ESB-DDR-RÚV. Fúsk!

Svei þessari steingerðu fréttastofnun sem sjálf skammtar sér fjármagnið úr vösum saklauss fólks. Svartnættið er algert. Samt segjum og skrifum við árið 2010 - eftir Krists fæðingu! 

Í kastljósi munu "sannleikskastarar" ESB-DDR-RÚV svo skína á þjóðina í kvöld. Sérfræðingar RÚV í efnahagsmálum ætla að fræða þjóðina. Verið vil öllu búin, spennið inn öll belti og axlabönd. Þegið þið svo og borgið afnotagjöldin.

Sérfræðingar RÚV í efnahagsmálum munu þó ekki segja þér frá því að verðmætasköpun og tekjur Íslendinga af sjávarútvegi og landbúnaði - í gegnum aldir - hefur megnað að byggja upp svo gott hagkerfi og samfélag að við öll þurfum ekki að vinna við að draga fiskinn úr sjónum og fæða mannskapinn. Með tekjum frá þessu tvennu var - og er enn - restin af íslenska hagkerfinu búin til með. Undirstöðuatvinnuvegir. Surprise surprise? Fúsk!

Fréttastofa Ríkisútvarps Íslands er afsprengi þeirrar hagfræði og samfélagsvísinda sem kennd var í skólum eftir 1980, og sem rétt í þessu, frá og með 2007, hefur verið varpað á ruslahauga sögunnar. Tveir plús tveir eru ennþá fjórir.

Fyrri fræsla

Ríkis-svartnætti DDR RÚV (uppfært)