Nauðungaruppboð í Danmörku - september

 

 

Í september fóru 422 fasteignir á nauðungaruppboð í Danmörku. Talan er árstíðaleiðrétt. Annars hefðu nauðungaruppboðin á pappír dönsku hagstofunnar verið 451 talsins (DST)

155.000 íbúðir standa tómar í Danmörku. Um er að ræða bæði fjölbýli og sérbýli. Hver þriðja eign selst á lægra verði en hún var keypt á. Meðalsölutími allra eigna er um 8-10 mánuðir. Á Norður-Sjálandi selst annað hvert hús með tapi. Þar eru dýrustu eignir landsins. 

Eignalaust ungt fólk

Um 40 prósent húsnæðiseigenda undir 35 ára aldri í Danmörku skulda meiri peninga í fasteign sinni en hægt er að selja hana á. Alls er hver fimmti fasteignaeigandi í Danmörku eignalaus (staða 22/04/2010). Mörg ár munu líða þar til hægt er að komast út úr þessum festum. Fari allt á versta veg mun skuldari verða eltur uppi með rest-skuldina þar til yfir lýkur. Þess ber auðvitað að geta að Danmörk er í Evrópusambandinu og er norrænt velferðarsamfélag, stundum. Þar fást líka vínarbrauð. Allir Danir vita að ekkert verður gert þeim til aðstoðar, því Danmörk er jú í Evrópusambandinu - og getur því ekkert gert. Nánari upplýsingar (krækjur) um danskan húsnæðismakað er að finna í viðhengdri skrá neðst í þessari færslu. 

 

 

 

Svona er að vera í ESB

 

Í samfleytt 5 ár voru nauðungaruppboð í Danmörku yfir 1400 í hverjum mánuði. Þetta var á árunum 1988 til 1992. Þið hafið eflaust ekki heyrt neitt um þetta. Þarna lækkaði húsnæðisverð um 40 prósent. Í samfleytt 6 ár voru nauðungaruppboð yfir 1000 talsins í hverjum mánuði í þessu norræna velferðarríki. Það voru árin 1988 til 1994.

 

 

 

Þarna var verðbólgan um það bil eitt til þrjú prósent en stýrivextir voru iðulega nálægt 8-10 prósentum. Þeim var fjarstýrt frá útlöndum. Allt sem gat farið á hausinn fór á hausinn. Engum datt í hug að það yrði gert neitt neinum til hjálpar. Enda var það ekki gert. Svoleiðis er ekki gert í norrænum velferðar samfélögum né í ESB. Atvinnuleysi var 9-12% í samfellt 14 ár. Það er einmitt svona sem það er að vera í ESB. Eiginlega má segja að Íslendingar séu núna að upplifa í fyrsta skiptið hvernig það er að vera í Evrópusambandinu. 

Hvernig kemur maður í veg fyrir nauðungaruppboð?

 

Jú, með því að eiga ekki neitt. Með því að vera öreigi. Það er galdurinn. Á ekki neitt, gerði ekki neitt, sá ekki neitt og heyrði ekki neitt. Það borgar sig svo vel í mörgum löndum ESB þar sem svo fátt borgar sig lengur. Enda er það það sem Þjóðverjar gera. Þeir eiga ekki neitt. Svíar eignast heldur sjaldnast neitt. Þegar meðalsænskur deyr á hann um 40.000 SEK. Svona er það að þora ekki að hætta fé sínu í norrænum velferðarsamfélögum og í ESB.

 

 

 

ESB verðtrygging og "Evrópuvextir" (ekki til) Össurar Skarphéðinssonar

 

ESB verðtrygging Össurar fer þannig fram að þú skuldbreytir lánum þínum að meðaltali á þriggja ára fresti, eða jafnvel oftar í sumum löndum ESB. Þú færð sem sagt nýtt lán í stað þess gamla. Í hvert skipti koma til nýir vextir til eins, þriggja eða fimm ára í senn og það kostar oft mikið að komast út úr þeim gömlu. Bætist sá kostnaður við nýjan höfuðstól. Í hvert skipti myndast sem sagt nýr höfuðstóll og skuldbreytingar kostnaður leggst einnig við hann. Þessum kostnaði græða lánafyrirtækin mikið á. Svona virkar þessi verðtrygging. Þú eignast oft bara skuldir því verðin lækka eða þá að laun þín lækka því ESB-atvinnuástandið er oftast svo slæmt. Eða þú missir bara vinnuna til langframa - færð aldrei aftur vinnu á æfi þinni.  

Svo er líka til önnur verðtrygging. Verðtrygging skatta og verðtrygging mikils atvinnuleysis. Þar sem svo fáir eiga neitt því lífeyrissjóðir í ESB eru oft ekki til, eða litlir, þá er þessi útgjaldaliður hagkerfisins skattafjármagnaður. Bótagreiðslur til almennings eru oft dýrtíðartengdar. Því þolir ESB ekki neina verðbólgu án þess að ríkissjóðir þess fari hreinlega á hausinn. Níðþung framfærslubyrði ríkissjóða er því svo að segja verðtryggð. Skattar þar með líka. Fólkinu í ESB er ávalt tryggt hátt og langvarandi atvinnuleysi. Stjórnvöld Evrópusambandslanda sjá fyrir því. Í Þýskalandi eru engin lágmarkslaun til. Fjórir af tíu áhættusömustu ríkissjóðum heimsins eru nú í Evrópusambandinu. Ísland er ekki á þessum topp 10 lista. Vaxtakrafa fjárfesta endurspeglar þessa áhættu á hverjum tíma (bls. 2 vaxtamismunur á evrusvæði 6. október umfram þýska vexti og áhættumat CMA 3.ársfj. 2010). 

 

 

 

Í nýrri greinagerð hagfræðinga Bank for International Settlements (BIS) er gert ráð fyrir að húsnæðisverð í Þýskalandi og Spáni muni lækka um 75% á næstu 40 árum. Þetta vita þýskir líklega mæta vel, innra með sér. Enda hefur raunverð þýskra fasteigna fallið um 20% frá aldamótum. Engin fasteignabóla hefur verið í gangi í Þýskalandi. Þessi 75% lækkun til viðbótar bíður þeirra. Í Danmörku er "aðeins" gert ráð fyrir 35% lækkun á næstu 40 árum. Það sem ræður þessari þróun er öldrun samfélaga Evrópusambandsins. Þar mun ekkert borga sig næstu hundruð árin. Ekkert. (BIS)

 

 

 

Svona líta sumar verslunargötur úr í öldrunarhagkerfum. Myndin er frá bakhlið gjaldþrota verslunargötu í einu fremsta öldrunarhagkerfi heimsins; Japan - og er fengin að láni úr greininni: þúsund gjaldþrota verslunargatan. Óðaöldrun (e. hyper ageing) hinna barnlausu samfélaga Þýskalands, allrar Suður-Evrópu, allrar Austur-Evrópu, Eystrasaltsríkja og Japan er ekkert grín. Hver vil fjárfesta í deyjandi eignum?

 

 

Svona lítur niðurrif þriggja miljón þýskra íbúða út. Glæsileg þróun í hinu útflutningsháða öldrunarhagkerfi Þýskalands. Myndin er úr þættinum "dauði Evrópu" sem sýndur var danska sjónvarpinu í fyrra. Hin eina óendurnýjanlega náttúruauðlind Evrópusambandsins er að deyja: fólkið í ESB. Mikið verða þingkosningar spennandi í svona samfélögum þar sem 70 prósent kjósenda verða komnir yfir sextugt. Um helmingur kjósenda í Þýskalandi eru orðnir sextugir nú þegar. 

 

 

 

Þýskaland; öldrun samfélagsins

 

 

 

Tengt efni

 

Mynd af svartri framtíð: lífið eftir japönsku. Hugskot um fjölskyldu- og ættarsamfélagið 

 

Fyrri færsla

 

Þriðji hluti: Björgun evrunnar. Þess vegna eru Össur og Jóhanna hættuleg 

 

Skrár tengdar þessari bloggfærslu:

• Danmörk - greinar um húsnæðismarkað 2006 til 2010

Athugasemdir

[Kristján Sigurðsson (IP-tala skráð) 14.10.2010 kl. 15:55]

Þakka fyrir greinina.

Það er furðulegt hve einlit umræða er í miklu uppáhaldi hjá stjórnvöldum og fréttamiðlum þessa land.

Nær einu rök elítu Íslands eru að úthrópa hvern þann sem hefur samfélagsýns sem ekki falla innan skilgreinds ramma hennar sem öfgamenn og vitleysinga.

Merkilegt hvað þetta virkar jú enn líkt og það gerði á sínum tíma í Þýskalandi Hitlers.

[Jón Ásgeir Bjarnason, 14.10.2010 kl. 21:45]

Mjög fróðleg samantekt.

Þetta þyrfti að komast í skólabækurnar.

Annars merkilegt að hver Svíi eigi 40.000 sænskar krónur þegar hann deyr.  Það er satt að best er að reyna sem minnst á sig þar og ekki taka ábyrgð....  Það er bara vesen og mest fer í skatt hvort eð er..

Er það af því flestir eiga ekki neitt eða þeir séu svo forsjálir venjulega að svíkjast undan erfðafjárskattinum?  Hann er auðvitað ekkert grín í krataveldi.

Credit Suisse segir annars í fréttum að Svíar séu 6. ríkastir í heimi. 

http://www.zerohedge.com/article/us-drops-first-seventh-average-wealth-adult-behind-singapore-sweden-and-france 

Ætli ríkið "eigi" svona mikið þar?  Annars frekar undarlegur listi.

-----

Takk fyrir skemmtilegar skriftir.

[Kári Harðarson, 14.10.2010 kl. 22:39]

Tengt efni: Hvers vegna ungir ítalir eru að flytja frá Ítalíu:

http://www.time.com/time/magazine/article/0,9171,2024136,00.html

[Gunnar Rögnvaldsson, 14.10.2010 kl. 23:51]

Þakka ykkur kærlega fyrir innlitið og athugasemdir

Takk Kári fyrir krækjuna á grein Times. Þetta virðist svara vel til þess sem bæði börnin mín hafa upplifað í samskiptum sínum við ítalska skiptinema og kynnum þeirra af Ítalíu. Dóttir mín sagði mér sjokkeruð að eftir háskólanám ynni ungt fólk á Ítalíu kauplaust í nokkur ár til að reyna að komast inn á vinnumarkaðinn. Engin launuð vinna, ekkert húsnæði er þá hægt að leigja eða kaupa. Vinkona hennar sem vinnur í aðalstöðvum fjandans í Brussel segir að skriffinnskubákn ESB sé að krökkt af ungu fólki frá Ítalíu sem vinnur þar ókeypis. Gerir allt til að reyna að komast með tærnar inn á vinnumarkaðinn.

Bestu kv.

[Gunnar Rögnvaldsson, 15.10.2010 kl. 00:26]

Takk kærlega Jón Ásgeir fyrir krækjuna:

Athugið; Credit-Suisse tekur eftirfarandi fram:

====================

Notes to Editors

- The Report defines wealth as the value of financial assets and non-financial assets (mainly real estate), minus household debt.

- All current data relate to mid-2010 and are at then-current market exchange rates (not purchasing power parity).

- The figures presented in the Report are based on the best available data on household assets and debts, updated and estimated where necessary. Full information on sources and methodology is provided in the 120-page Credit Suisse Wealth Databook.

- Projections to 2015 are made by the Credit Suisse Research Institute and are based on regressions of the correlation between Gross Domestic Product (GDP) growth, wealth and starting levels of wealth per adult, combined with the International Monetary Fund’s forecasts for GDP.

====================

Sem sagt: þetta er byggt á spot rate gjaldmiðla en ekki á kaupmætti. Þar sem allt er miklu ódýrara í BNA þarf að borða töluvert salt með þessu. Þetta er Svíþjóð mikið í óhag því þar er allt svo dýrt miðað við Bandaríkin.  

Nánar: Credit-Suisse Press Release 

[Gunnar Rögnvaldsson, 15.10.2010 kl. 01:18]

Þegar maður hugsar nánar út í þessa skýrslu Credit-Suisse og leggur tvo og tvo saman, þá fæ ég eftirfarandi út:

1) Credit-Suisse segir að fjármálakreppan hafi skekkt myndina mikið. Það er afar líklegt því fasteignaverð í Bandaríkjunum hefur lækkað mjög mikið á mörgum stöðum (40-50%). En eftir sitja skuldir landsmanna BNA eftir sem áður. Það er töluverður verðhjöðnunar þrýstingur í bandaríska hagkerfinu. En það hefur seðlabankastjórinn Ben Bernankie þar vestra lofað landsmönnum sínum að muni ekki koma til á hans vakt. Engin verðhjöðnun á hans vakt. 

2) Ef þetta er rétt, að einka-efnahagur Bandaríkjamanna sé svona illa farinn eftir kreppuna (þeir fóru fyrst inn kreppuna og þar hefur húsnæðisverð lækkað hraðast, mest og fyrst) þá sannfærist ég meira og meira um það að Ben Bernankie muni ekki láta sitja við orðin tóm og horfa aðgerðalaus á að eignir á móti skuldum Bandaríkjamanna brenni upp í verðhjöðnunarspíral. Hann mun því opna gáttirnar og kaffæra þá sem neita að skilja að Bandaríkin munu ekki þegjandi láta hin útflutningsháðu öldrunarhagkerfi ESB/Asíu kaffæra sig í þeim varningi sem þau neita sjálf að neyta heima, en vilja ólmir senda til Bandaríkjanna svo verksmiðjur þeirra megi keyra áfram í skuggavernd kolrangs gengis gjaldmiðils.

Því er ég sammála Martin Wolf og var það reyndar frá byrjun: Why America is going to win the global currency battle

The US is going to win this war, one way or the other: it will either inflate the rest of the world or force their nominal exchange rates up against the dollar.

Svo er bara að bíða og sjá. 

[Magnús Orri Einarsson (IP-tala skráð) 15.10.2010 kl. 21:26]

Ef 155.000 íbúðir standa auðar í DK þýðir það um það bil 8600 íbúðir ef leiðrétt er fyrir mismunandi íbúafjölda. Þetta er sennilega amk. faktor 2 miðað við Ísland þannig að ekki er þetta jákvætt, amk. veit þetta ekki á gott...