Leita í fréttum mbl.is

Naktar staðreyndir á jörðu niðri

Af hverju er Evrópusambandinu leyft að hegða sér ólíkt öllu því stjórnarfyrirkomulagi er kennir sig við lýðræðislegt stjórnarfar, þar sem málamiðalnir einkenna stjórnmálin?

Svar: Af því að enginn og ekkert land vill óþvingað láta neitt það af hendi sem Evrópusambandið krefst til þess að vera Evrópusamband. Evrópusambandið byggir því á einræði á jörðu niðri, þó svo að annað sé sagt uppi í hallarsölum þess og við almenning á tyllidögum. Aðeins einræðisleg fyrirbæri hafa Acquis sem stjórntæki, þar sem engar málamiðalnir er hægt að viðhafa (Acquis (bls.9) = ég ræð öllu, þú ræður engu = sigurvegarinn tekur allt). Þetta stjórnarfar verður að deyja. Orkupakka þrjú má Ísland undir ENGUM kringumstæðum samþykkja. Aldrei!

Af hverju er Kína ekki með í málum Miðausturlanda? Svar: Af því að það kemst ekki þangað. Það hefur ekki getu til að komast þangað. Þess vegna

Af hverju er Kína ekki búið að taka Taívan? Svar: Af því að það getur það ekki. Það kemst ekki þangað. Bandaríkin vernda Taívan og aðeins Bandaríkin geta verndað Taívan

Af hverju er Suður-Kórea ríkt, öflugt og fullt hús matar? Svar: Af því að Bandaríkin drógu sig ekki út úr beinum hernaðaraðgerðum gegn kommúnistum Norður-Kóreu, Kína og Sovétríkjanna, heldur stóðu fast og hörfuðu ekki. Þess vegna er Suðrið ríkt og öruggt fullt hús matar í dag, en Norðrið er hins vegar innvortis heimsveldi ánauðar, fátæktar, hungurs og fjöldamorða

Af hverju var staðan svipuð svart/hvít á milli Austur og Vestur-Þýskalands á sínum tíma? Svar: Vegna Bandaríkjanna. Þau byggðu Vestur-Þýskaland upp úr rústum, vernduðu það gegn Sovétríkjunum og alþjóðlegri samkeppni, og gerðu það ríkt fullt hús matar

Af hverju er Þýskaland ekki í Póllandi að vernda Pólland, Rúmeníu og Búlgaríu gegn Rússlandi? Svar: Af því að það getur það ekki. Það kemst ekki þangað og enginn í Póllandi myndi treysta því. Einungis Bandaríkin geta tryggt fullveldi Póllands og Austur-Evrópu allrar

Af hverju vill Þýskaland ekki vernda siglingar þeirra olíuskipa sem þurfa að fara framhjá Íran og sem Þýskaland þarf olíu úr. Svar: Af því að það hefur ekki getu til þess. Það kemst ekki þangað

Af hverju er Þýskaland eða Kína ekki leiðtogi heimsins? Svar: Af því að þau geta það ekki. Þess vegna leiða Bandaríkin heiminn

Bandaríkin vernda Japan. Þau vernda Suður-Kóreu og Taívan. Þau eru að mynda fjórbandalag með Indlandi, Japan og Ástralíu til að gera þeim auðveldara að verjast Kína. Ekkert Evrópuríki kemur þar nálægt vegna getuleysis. Ísland ætti að bjóða Taívan í opinbera heimsókn hingað til Íslands í stað þess að leika raðbilaðan fábjána og Kínaróna á Filippseyjum á vegum Sjálfstæðisflokksins, sem er ekki sjálfstæðisflokkur lengur

Bandaríkin eru með flota sinn undan Miðausturlöndum og þau hafa verndað siglingarleiðir þar í 55 ár, hvern einasta dag ársins, og í 70 ár á Kyrrahafi og Atlantshafi. Þau geta sent flota sinn til allra horna heimsins ef með þarf, fyrirvaralaust. Ekkert annað ríki jaðrar getur slíkt

Bandaríkin ábyrgast einnig þjóðaröryggi Íslands vegna þess að hagsmunir Íslands og Bandaríkjanna eru órjúfanlega samþættir, ólíkt hagsmunum Íslands og meginlands Evrópu, sem fara ekki saman. Við höfum engra sameiginlegra tilvistarhagsmuna að gæta með meginlandi Evrópu. Engra, nema blómaskreytinga, sem þess utan fást annars staðar fyrir mun minna og án kúgunarveldis ESB

Bandaríkin vernda Austur-Evrópu. Það gerir NATO ekki lengur vegna þess að þau lönd sem Bandaríkin björguðu í tveimur heimsstyrjöldum og í Kalda stríðinu, eru orðin andsnúin Bandaríkjunum vegna öfundar, eigin getuleysis og algerlega óraunhæfra og blautra draumfara um Evrópusambandið

Þýskaland er ekki enn þann dag í dag meira sameinað en svo Austur-Þjóðverjum líkar vistin það illa í Evrópusambandinu, að 72 prósent þeirra vilja tengjast Rússlandi á ný. Í Vestur-Þýskalandi segja 54 prósent það sama, segir þýska Tagesspiegel. Þetta þýðir ekkert gott fyrir Pólland og Austur-Evrópu og þess vegna eru Bandaríkin allsherjar guð þeirra og verða Gamla testamentis guðspjall þeirra um ókomna framtíð

Næst þegar þú heyrir hámenntað fólk segja að Bandaríkin séu að "draga sig til baka" frá heiminum, þá skaltu fræða það fólk um þetta, og segja því að það sé hættulega fáfrótt. Og þú skalt einnig segja því að; sé það ekki ánægt með leiðtog Bandaríkjanna, þá geti það sjálft reynt að leiða heiminn, því hann er frjáls

Þess vegna leiða Bandaríkin heiminn; af því að þau ein eru þess megnug og engir aðrir

Heitar bandarískar staðsetningar í dag:

Suður-Kórea
Japan og Taívan
Indland og Ástralía
Austur-Evrópa
Miðausturlönd
Atlantshaf (bara volgt)
Miðjarðarhaf
Kyrrahaf

Og hvar skyldi Evrópa vera, af öllum þessum stöðum töldum? Svar: Hvergi. Evrópa er hvergi því hún er ekkert og kemst ekkert

Öll þessi lönd og heimshlutar þurfa á Bandaríkjunum að halda. Þau þurfa öll á Bandaríkjadal að halda, því Bandaríkin eru eini frjálsi kapítalmakaður heimsins, og þau þurfa öll á því að halda að Bandaríkin verndi það viðskiptafyrirkomulag sem þau byggðu upp og komu á í heiminum eftir Síðari heimsstyrjöldina, en sem Kína, ESB og Rússland eru að reyna að eyðileggja í dag

Bandaríkin eru að verja það fyrirkomulag sem reisti heiminn úr ösku frá og með 1945. Þau eru að verja þetta kerfi. Þau eru ekki í viðskiptastríði við Kína, heldur herjar Kína á þetta kerfi með það fyrir augum að misnota það, eyðileggja það og taka það yfir innanfrá. Hið sama gildir um ESB að miklu leyti, en aðeins að hluta til um Rússland

Tollar eru ávallt fyrstu varnarvopnin í þessu kerfi, því þeir eru friðsamleg vopn. En Bandaríkin munu ekki hika við að ganga lengra gerist þess þörf, eða að búa til nýtt kerfi ef svo ber undir, því þau ætla sér ekki að búa í ófrjálsum heimi. Og sú stund nálgast, því Kína og ESB geta ekki gefið eftir nema með því að hrynja. Þau eru föst í vösum kúnna sinna því þau eru svo útflutningsháð, því heimamarkaður þeirra er dauður úr vonlausu komma- og ESB-geldu stjórnarfari. Það eru Bandaríkin hins vegar ekki. Aðeins eitt prósent af landsframleiðslu Bandaríkjaanna má rekja beint til útflutnings til þessara staða

Ísland steig í hörmulegt spínat með því að hlussa eitruðum EES-samningi yfir sig, algerlega að óþörfu og án þess að að ráðfæra sig við þjóðina. En þá datt fáum eða jafnvel engum í hug að ESB-og-EES myndi verða sú skaðræðis tortímingar-ófreskja sem það er orðið í dag. Þessu skrímsli verður Ísland að kasta af sér áður en það er of seint

Þess vegna!

Einstaklega góða og kristalskýra grein Arnars Þórs Jónssonar dómara í Morgunblaðinu um orkupakkamál-3, ættu allir Íslendingar að lesa. Hana má finna hér: Fullveldið skiptir máli

Fyrri færsla

Fjölmiðlaveðurfar endist illa


Fjölmiðlaveðurfar endist illa

Theresa May - gettu hvað

Nóbb

****

Sjá "fréttaþvælu" að neðan: , og svo ef að "fjöllin eru að hrynja" (nýjasta netþvælan) þá myndi yfirborð jarðar breytast og sjórinn fossa yfir landmassa jarðar og Kevin Costner einn verða eftir í "vatnslandi" sínu, sem floppaði svo glæsilega í kvikmyndahúsum sömu plánetu

Svo eru menn að setja út á að Biblíusögur séu kenndar í skólum á meðan öpum er fært pennavald í dag. "Til baka til Biblíunnar" get ég hins vegar mælt með. Hún er það sem gerði okkur að því sem menn keppast nú við að rústa; að Vesturlöndum: þ.e. þjóðir, landamæri, þjóðríki, aðgreining valds, þ.e. takmarkað ríkisvald í stað alræðis úrkynjaðra imperíal-heimsvelda á borð við Sovétríki, Evrópusamband, Egyptaland hið forna og Rómarveldi sem rústaði þjóðríkjum

ÖRBYLGJUR

Engin hitabylgja hefur verið í Evrópu, nema í sjónvarpinu. Það komu nokkrir heitir dagar, en engin hitabylgja. Fremur kalt er í Evrópu núna (þ.e. aðeins 12 til 27 gráður, og 35 í Sahara og 67 stiga frost á suðurskautinu), þ.e.a.s fólki finnst kalt eftir nokkra heita daga. Ég bjó þarna í 30 ár og þekki þá menn ágætlega þegar hitabylgjur geisa, því þá fellur fólk í þúsundum, aðallega fólk sem mjög veikt er fyrir, eins og fólk fellur úr kuldum þegar frostavetrar herja. Þá fá franskir stjórnmálamenn venjulega skellinn fyrir það hversu illa er komið fyrir fimmta franska lýðveldi líberalista á fimmtándu ónýtu stjórnarskrá þeirra. Þetta tekst auðvitað aldrei hjá þeim, því það er ólæknandi þversögn í sjálfu tilvistarplaggi líberalismans. Skattar og meiri skattar kalla á meiri og svæsnari byltingar

Síðustu frostavetrar hafa verið notaðir til að útskýra það viðvarandi vaxtarfall sem er í landsframleiðslu evrulanda. Og núna í sumar hafa stærstu prammarnir ekki getað siglt og flutt vörur um þau fáu siglanlegu fljót sem meginlandi Evrópu hefur, og nýtast því vel til að útskýra króníska evrusjúkdóma þeirra hagkerfa sem neyðast til að nota evru sem mynt. Þarna er allt esb-ónýtt, en veðrinu (loftslags"málum") er hins vegar kennt um

MÆLINGAR

Mælaborð fólks og "stofnana" þess (þ.e. heiðnikirkjuveldi háskólanna) yfir næstum hvað sem er, er nú orðið svo stórt að heimurinn, líkaminn, sálin og næstum hvað sem er, hlýtur að vera að farast hvern einasta dag. Maðurinn hefur nefnilega "fundið upp" eldinn á ný

En það er hins vegar eitt sem ég skil ekki. Þeir sem segjast ekki vilja eignast börn vegna umhverfismála og sjónvarpshlýnunar; Af hverju drepa þeir þá ekki sjálfa sig strax fyrst að þeir álíta að heimurinn sé að farast af mannavöldum og að lausnin sé að fólk hætti að vera til. Það skil ég ekki

Við erum því miður með fjölmiðlastórstétt menntaðra on-linebjána í rifnum gallabuxum sem hannar veruleika bæði stjórnarfars, stjórnmála og veðurfars. Næst fáum við því sennilega það sem menn fengu á hippatímabilinu; sjálfsmorðstrúarhópana

Bankatímabilið virkar nú ljósár af samskonar vitleysu í burtu

a) 2003: Allir biðji: bankar okkar frelsa heiminn

b) 2019: Allir biðji: frelsaðu heiminn með því að hætta að vera til. Gakktu í sýndargöfugmennskuflokkinn og fáðu englavængi (e. virtue signaling)

UNDRALÖND

Þar á undan var það dot com bólan sem átti að frelsa heiminn og gera alla ríka. Og Sovétríkin sem liðu undir lok áttu að fá bandaríska Harward-deild í Moskvu, en fengu bara Rússland. Sá "Rússagaldur" var svo flókinn að það tók menntamenn 24 ár að fatta hann; Rússland var bara Rússland. Verslun við Laugaveg á Íslandi átti að geta orðið stórveldi í Japan, þökk sé netinu, en varð það bara ekki. Það undraland, Japan, hrundi árið 1989 svo hrikalega sem undrahagkerfi af asískri útflutningstegund (frá því að segjast vera 16 prósent af heimshagkerfinu niður í 6 prósent í dag), að hrun þess komst jafnvel á forsíður vestrænna dagblaða þremur árum síðar. Kína gæti verið samskonar-hrunið nú þegar. Og ef svo er, þá kemst það ekki í fréttir hér fyrr en fimm árum síðar, vegna fréttrænna trúarbragða

Náttúrbólan sem hýsir ferðamannabóluna er að springa líka. Þá verður aftur gott að vera á togara eða keyra strætó

UPPGJÖR

Í vikunnu kynnti Amazon fjórðungsuppgjör sitt er segir að vöxturinn sem hefur verið og sem tilkominn var með því að sýna helst aldrei neinn hagnað, sé loks að þrotum kominn og hallandi niður verði brautin úr þessu

Það sem fer upp kemur niður. Loftslagsdellan líka. Gréta Thunberg miðill af Blavatskykyni ku nú vera komin í stellingar við Alpafjöll. Hún segist sjá frumeindir með berum augum. Þar mun hún stara Alpafjöllin niður. Hvað kemur næst, er ekki gott að segja. Loftsteinn gæti fallið í höfuð hennar. Hann er að minnsta kosti náskyldur fjölmiðlum okkar í dag; .. hmm já loftsteinn.. ekki svo slæm hugmynd úr þeim sama heila mannsins sem byggði sér bambuskofa til að verjast síðustu ísöld er entist í 200 þúsund ár

KALT STRÍÐ II

Á meðan loftslagsmiðlar koma ekta fjölmiðlum eins og Séð og Heyrt á hausinn, þá er það Hið síðara kalda stríð (Kalt stríð II (KSII)) sem upptekur huga minn mest, næst á eftir orkupakkaþvælu Sjálfstæðisflokksins sem var. Stríð eru nefnilega spennandi, bæði köld og heit. Þau eru hið eðlilega ástand mannsins. Allir ættu því að endurskoða fjárfestingar sínar með þeim augum að þær verði strategískt KSII-þéttar og arðvænlegar. Sem sagt: Kalt stríð milli Kína og Bandaríkjanna og svo þess non-U.S-alignment svarta-péturssvæðis sem menn vita ekki enn hvert er né hvernig verður. Þarna munu líklega verða til nýjar viðskiptablokkir veraldar

ÍSLAND

Þeir sem hafa ekki lesið einstaklega góða og kristal-skýra grein Arnars Þórs Jónssonar dómara í Morgunblaðinu í dag um orkupakkamál-3, ættu að gera það. Hana má finna hér; Fullveldið skiptir máli

Fyrri færsla

Hófu sig yfir lög og rétt, lugu og ljúga enn


mbl.is Óttast áhrif hitabylgju á Grænlandsjökul
Tilkynna um óviðeigandi tengingu við frétt

Hófu sig yfir lög og rétt, lugu og ljúga enn


Viðbrögð Donalds J. Trump forseta Bandaríkjanna við yfirheyrslum upplýsingaþjónustunefndar fulltrúadeilar Bandaríkjaþings á Robert Mueller, sérstökum saksóknara. Textun má finna hér

****

Ekki hefur enn tekist að hreinsa mig af því að vera saklaus. Og ekki hefur enn tekist að hreinsa mig af því að finnast hálft í hvoru að Orkupakkaflokkur Sjálfstæðisflokksins á Íslandi sé systurflokkur hins bannaða Kommúnistaflokks Bandaríkjanna. Það hefur ekki tekist enn. Og það mun ekki takast svo lengi sem orkupakkaflokkur þess flokks er enn að reyna að koma fullveldi Íslands í orkumálum fyrir kattarnef. Er það skilið?

Stutt er síðan að Harward ætlaði að opna deild í Moskvu. En samt virðist eitthvað svo langt síðan þá. Heimurinn endaði ekki með falli múrs Sovétríkjanna, eins og allt of margir sprenggáfaðir menn sögðu þá. Rússland hélt áfram að vera Rússland og ESB hélt áfram að vera dulbúningur gamalla heimsvelda sem langar til að komast að á ný til að drottna yfir öðrum

Saddam hélt áfram að lifa í heimi sem endaði ekki með falli múrsins og Noriega gerði hið sama, Erdogan líka ásamt Íran og Norður-Kóreu. Heimur þeirra breyttist ekkert og allra síst breyttist hann í Kína, sem enn trúir því að það eitt sé í þennan heim fætt til að drottna yfir öllu sem undir himni hans er; tianxia

En velti menn því fyrir sér hvort að Donald J. Trump forseti Bandaríkjanna hafi sætt pólitískum ofsóknum af hendi Demókrataflokksins og Obama-sitjandi forseta þess flokks og embættismannaveldis hans, bæði fyrir og eftir kjör Trumps, þá er hér listi yfir þá yfirmenn í FBI bandarísku Alríkislögreglunni (sem sjálfur Robert Mueller, sérstakur saksóknari, var forstjóri fyrir í 10 ár) er reyndu að koma í veg fyrir kjör Donalds J. Trump. Eða sem reyndu að koma honum frá embætti eftir kjör hans, og sem til þessa hefur annað hvort verið vikið úr starfi, lækkaðir í tign, sendir heim, sendir til annarra staða eða sagt af sér. Ákæra, dómur og fangelsisvist bíður sennilega fjölda opinberra starfsmanna Obama og Hillary-gengisins, hvenær sem er úr þessu:

James Comey forstjóri FBI
Andrew McCabe aðstoðarforstjóri FBI
Peter Strzok gagnnjósnadeild FBI
Lisa Page lögfræðingur FBI
James Rybicki starfsmannastjóri FBI
James Baker yfirlögfræðingur FBI
Mike Kortan aðstoðarupplýsingastjóri FBI
Josh Campbell sérstakur aðstoðarmaður James Comey
James Turgal aðstoðarframkvæmdastjóri BFI
Greg Bower forstjóri þingmálaskrifstofu FBI
Michael Steinbach aðstoðarframkvæmdastjóri í FBI
John Giacalone aðstoðarframkvæmdastjóri í FBI

Viðbrögð þingleiðtoga Repúblikana á blaðamannafundi sem haldinn var eftir yfirheyrsluna

****

Alla yfirheyrsluna má horfa á þarna

****

Meira að segja stórgrautarhaus Demókrata, Michael Moore, varð fyrir miklum vonbrigðum með yfirheyrsluna og er afar óánægður með þennan "gamla mann" saksóknara sinn, eins og sést hér (þarna kom það aftur; aldurs-orkupakkarökin úr Valhöll). Moore hefði sennilega frekar óskað sér stálsleginn Stalín eða DDRÚV í hinu sérstaka hlutverki saksóknara í stað Róberts Muellers. Allt væri betra en sannleikurinn, eins og hjá DDRÚV

CUMMINGS + BANNON = DJÖFULLINN

Nú hlýtur, já bara hlýtur, DDRÚV í Austur-Berlín Reykjavíkurborgar að sýna Þjóðviljaprentsvartan þátt um Dominic Cummings sem verður ráðgjafi og strategískur hússtjórnandi í Downingstræti númer tíu hjá Boris Johnson forsætisráðherra, eins og sú helstofnun vinstrimanna á ríkisjötunni sýndi sérstaklega um Steve Bannon, ráðgjafa Donalds Trump, á meðan dagskrárdeild þess skipulagði fimmtu endurhersýninguna á því hversu sá almenningur sem kaus Brexit vissi auðvitað ekkert hvað hann var að gera. Vissi það auðvitað ekki frekar en í Icesave-svartnætti DDRÚV hér heima. Af hverju þurfum við að búa við vinstrikrónískan myrkvunar-ríkisfjölmiðil. Hvað er að? Og svo eru það auðvitað -omg svitna hér- "glóbal afhendingar-keðjurnar" í VB-samfylkingarviðskiptablaði Krugmans í sömu óborg sem enginn Íslendingur nennir lengur að búa í

Fyrri færsla

Mér líkar þetta (like)


Mér líkar þetta (like)

Study - Chinese Investment in US Has Fallen 88 Percent Since Trump Took Office

like

****

Fjárfestingar Kína í Bandaríkjunum hafa fallið um 88 prósent frá því að Donald J. Trump tók stjórnartauma Hvíta Hússins í sínar hendur, segir RSS-efnisveitan í NetNewsWire forritinu mér. National Review vitnar í grein New York Times sem ég hef ekki nennt að lesa, enda varla hægt að lesa það óblað lengur

En það væri að bera í bakkafullan lækinn að kalla uppkaup Kína í Bandaríkjunum fyrir "fjárfestingar". Bandarísk fyrirtæki eru sjálf að kafna í peningum og allir vita hvernig kínverskir peningar eru til komnir. Bandaríkin eru eini algerlega frjálsi kapítalmakaður heimsins og þangað henda lönd umfram-peningum sínum til annað hvort að koma þeim í skjól fyrir yfirvöldum heima fyrir, eins og í tilfelli Kína sem er með hörð höft á útflæði, eða þá vegna þess að ekkert fæst fyrir að festa fé sitt heima fyrir í sínu eigin landi

Í Bandaríkjunum festa fyrirtæki ekki fé nema að þau þurfi þess og sjái arðsemi í því. Þeim myndi til dæmis aldrei detta í hug, hvorki fyrirtækjum né ríkisstjórn landsins, að leggja hraðbrautir (Hitler) eða byggja harðlestir (Mussolini) til að flytja milljónir tómra hausa undir kúgunarveldi hins opinbera (Sovét/Kína) sem hraðast frá A til B. Allt þannig fer á hausinn því það borgar sig ekki og er ekki til neins. Það sem einkennir oft einræðisríki eru "of góðir" (mont)innviðir, engum til gagns. Sem dæmi þá er til hraðbrautarstubbur í Norður-Kóreu sem notaður er til að blekkja erlenda fréttamenn, sem ekið er með þá um á leið í "stórverslun", sem er eins og sovéskt samyrkjubú. Hún opnar bara þegar vestrænir fréttamenn og afglapar í leit að nýjum pólitískum guði eru á ferð

Nýjasta nýtt frá Frakklandi er það að Emmanuel Macron hefur sett á þrjú prósent stafrænan skatt á bandarísk tölvunar- og internetfyrirtæki í Frakklandi. Eiginlega er um eignaupptöku að ræða, vegna þess að "skatturinn" er óháður því hvort að fyrirtækin eru rekin með hagnaði eða tapi. Og hann er skrúfaður þannig saman að hann bitnar bara á bandarískum fyrirtækjum en ekki frönskum. Mörkin um veltustærð og alþjóðlega markaðshlutdeild í nýju frönsku skattareglunum sjá fyrir því. Á sama tíma eru frönsk fyrirtæki með 17 milljarða evra þjónustusölu til Bandaríkjanna og sleppa við nýja skattinn stærðar sinnar vegna. Og svo eru frönsk útibú í Bandaríkjunum með 280 milljarða dala sölu á ári þar, en segja sjálf á framtali sínu að þau séu aðeins með fjögur prósent hagnað og borga því næstum enga skatta í Bandaríkjunum, sagði leiðari WSJ í síðustu viku. Og allir vita hvers vegna

Staðreyndin er auðvitað sú að Frakkland er búið með skattagrundvöll franska ríkisins í Frakklandi. Þeir komast ekki hærra með skattana þar, því þá koma bara gul vesti út á torg og stræti. Þess vegna eru það erlend fyrirtæki sem látin eru sæta svona eignaupptöku eins og hér er lýst. Þetta mun líka ganga yfir íslensk fyrirtæki á meginlandi Evrópu í þeirri kolsvörtu framtíð sem þar bíður allra. Það er því ekki seinna vænna en að segja upp EES og forða sér frá Evrópu, því heimurinn er að skiptast upp í viðskiptablokkir: 1) Þeir sem verða handan járntjalds hins gamla heims og 2) þeir sem verða þar ekki. Meginland Evrópu er að renna á bak við nýtt járntjald. Það gerist auðvitað ekki alveg í einum grænum hvelli, en gerist samt hvern einasta dag ársins á hverju ári og hefur gert það lengi í smáskrefum

Nú tekur Boris við á morgun miðvikudag í Bretlandi og þarf bara að taka í útrétta hönd Trumps og standa með honum í Íranmálinu. Þar með myndi sverð Borisar falla eins og smjörhnífur ofan í miðjan valdaöxulinn Lotharingia, og sökkva sér töluvert niður þar

Sá Íslendingur sem sagt hefði árið 2000 að ESB ætli að taka sér fullt vald yfir nýtingu orkuauðlinda íslensku þjóðarinnar, hefði verið sendur í böndum inn á Klepp á þeim tíma. En þar býr hins vegar öll ríkisstjórn Íslands núna anno 2019. Lokuð og læst þar inni og segist vera í skoðun: "skoða þarf þetta", já "þetta þarf að skoða", eða "við munum skoða þetta í vetur". Af hverju fer Sigurður Ingi ekki bara í læknisskoðun hjá Svandísi-sovét strax. Hæg eru heimatökin því þar er Bjarni kominn í spennitreyju að "skoða" sjálfan sig en finnur ekkert, frekar en fyrri icesavedaginn; varanlega raðdómgreindarskertur

Fyrri færsla

Valhöll orðin klakmiðstöð seigfljótandi imperíalisma


Valhöll orðin klakmiðstöð seigfljótandi imperíalisma

EFTIR-KALDA STRÍÐIÐ (e. POST-COLD WAR)

Valhöll er núna orðin klakmiðstöð seigfljótandi imperíalisma Evrópusambandsins - eins og öll þannig veldi óhjákvæmilega verða

Formaðurinn Bjarni er e. "post-national" þ.e. eftirþjóðlegur eftirsjálfstæðismaður og nýnýlendusinni. Allt liðið í kringum hann er alveg eins, þ.e. eitt stórt tómarúm af eftirkyni. Og ekki nóg með það þá er þetta lið orðið imperíalistar sem reynir að installera hér nýju veldi hins nýja nýlenduveldis imperíal-ESB, sem þykist vita allt best og hvernig við og allar aðrar þjóðir eigum að haga okkar eigin málum, nota rafmagn eða ekki nota það, framleiða það, dreifa því og innrétta þjóðfélag okkar eða kaupa gúrkur. Alla samkeppni milli þjóða skal banna á meðan það er talið imperíal-guðlast að vilja leggja á tolla til að koma óheiðarlegum viðskiptaháttum stórra klessu- og esbkommalanda fyrir kattarnef. Heilög sé gervisamkeppni á milli fyrirtækja af óligarkakyni, en bölvuð og harðbönnuð sé samkeppni milli landa og hugmynda sem stangast á við nýnýlenduisma þessa fólks. Alla laga- og skattasamkeppni milli landa skal banna og allir skulu búa í sovét, því við í Valhöll (plebbahöll) erum nýaularnir í Eftirhöll. Allt tal þessa fólks um "fjölbreytni" er eins og varalitur á steinbít

Utan um þennan ískalda svellbunka úr aulaskap af eftirkyni syndir svo imperíalistinn Guðlaugur Þór sem er á fullu að kenna fólki hinumegin á plánetunni hvernig það á að haga sér í sínu eigin landi. Hann er með imperíal ESB+SÞ reglustrikuna á lofti og veit hvernig þetta og allt annað fólk á að stjórna sér, eða ekki stjórna sér. Boðskapurinn er að fólk/þjóðir geti ekki stjórnað sér sjálft. Það þarf Guðlaug Þór til að geta vitað það. Hann einn er með reglurnar á hreinu og alheimslögmálin fyrir alla menn á plánetunni og loftslag þeirra líka, því heima situr Bjarni Ben á bráðnandi ísjaka sem hin barngóða eftirkristna KommaKata gaf honum í afmælisgjöf

Þetta er nýja nýnýlendulið sem mótað hefur Sjálfstæðisflokkinn þannig hin síðustu 10 ár að enginn góður maður mun geta hugsað sér að koma nálægt honum nema þá kannski til að drepa hann. Framhald hans er því orðið eftirhald. Þetta lið hefur sagt ekta eldri Sjálfstæðismönnum að éta skít og það hefur gefið í skyn að þeir sem eru ekki sammála nýnýlenduhugsjónum þess séu hallærislegir og úr sér gengnir að innan sem utan. Þess vegna tala ég í athugasemd við fyrri færslu um fullnustugalla sem sennilega er ekki hægt að lækna, því nýlenduveldi eru alltaf ólæknandi á meðan þau eru

Þetta er alveg þveröfugt við allt sem Sigmundur Davíð Gunnlaugsson boðar, trúir á, segir og gerir. Upp fer því hann, en Spilahöllin norður og niður. SDG er nefnilega ekki e. "post" - og allra síst þarf hann að vera fullkominn. Hann þarf einungis að vera betri en valkosturinn. Og það fer hann létt með

Fyrri færsla

Samvinna er langt því frá af hinu góða


mbl.is Fylgi Sjálfstæðisflokksins aldrei minna
Tilkynna um óviðeigandi tengingu við frétt

Samvinna er langt því frá af hinu góða

Endalaust er staglast á hugtakinu "samvinna" í tíma og ótíma. Þeir sem eru heilbirgðir vita að samvinna er aldrei betri en sú vinna sem fram fer. Samvinna samvinnunnar vegna er orðin klisja sem heilbrigt fólk veit að er þvæla. Eiginlega er búið að sérhanna hugtakið sem stólbök þeirra öfugmælaflokka sem nú sitja eins og klessur á alþingi og skófla þar inn peningum fyrir að vera til dæmis þau fífl að samþykkja orkupakka, kynóra og fósturdráp og sjá jafnvel helst fyrir sér barnadráp í stað barnaskírnar

Það þurfti til dæmis mikla samvinnu til að safna Gyðingum saman til að geta myrt þá á meginlandi Evrópu. Þingið, ríkisstjórnin, embættismenn, ráðuneyti og lögregla þurfti að funda stíft og ákaft og kalla til sín vísindamenn á sviði mannfræði, læknisfræði og stjórnmálafræðinga. Manntalsskrifstofur, ættfræðingar, lánastofnanir, bankar og sparisjóðir og járnbrautarfélög með yfir 100.000 starfsmenn og "heilbrigðiskerfið" urðu einnig að vera í náinni samvinnu við hin efri lög stjórnsýslunnar. Að sækja til dæmis 400 þúsund Gyðinga inn á heimili þeirra í Ungverjalandi og flytja þá síðan til útrýmingar í öðru landi, krafðist mikillar samvinnu þvert á landamæri. Þarna kom Evrópuhugsjónin sér vel, hver svo sem hún er á hverjum tíma

Þarna var næstum öll Evrópa nasísk að meira eða minna leyti og miklir bandamenn voru einnig í múslímaríkjum Mið-Austurlanda. Íberíuskagi var að hluta til "hlutlaus" eða kinkaði kolli og dinglaði að meira og minna leyti með. Samvinna var samvinna, og varla mátti láta eitthvað eins og nasisma koma í veg fyrir "frjáls viðskipti" á milli landa. Rússland sem vann með hverjum sem var, framan af, sá til dæmis hinu þýska apabúri "æðri hugsjóna" á meginlandi Evrópu fyrir hráefnum svo hægt væri að brenna breskar borgir niður. Þess utan var "flokkurinn" í Rússlandi þá þegar orðinn sérfræðingur í innanríkismorðum sem byggðu á samvinnu í öllum lögum þess stórveldis í smíðum. Þessi samvinna á meginlandi Evrópu endaði ekki fyrr en maður með vindil stöðvaði lauflétta sigra sem byggðust á fyrirvaralausum árásum á nágranna sína, og samvinnulegheitum sem tóku svo á sig nýja mynd innan hvers þess lands sem ráðist var á. Nóg framboð varð þá af þjóðsvikurum í öllum hinum hernumdu löndum sem stunduðu samvinnu. Allir hljóta að sjá að samvinnan er það sem allt veltur á

Þeir sem geta ekki klórað sér í rassinum nema sem alþjóðleg samvinnuhreyfing, eru auðvitað ekkert annað en aular dagsins í dag, eins og ávallt áður. Getið þið ekki vinsamlegast hlíft manni við þessu samvinnukjaftæði og alveg sérstaklega klisjunni um "alþjóðlega samvinnu", því hún er ekki til frekar en hryggsúla sem fuglategund

Nú er til dæmis alveg ljóst að það sem kallað er "þingflokkur" er ekki flokkur. Þingflokkur Sjálfstæðisflokksins er ekki til og má ekki verða til. Aðeins eru til þingmenn flokksins. Það eru flokksmenn sem eru flokkurinn. Þingmenn geta ekki verið flokkur og mega heldur ekki vera það. Þeir eru aðeins þingmenn kjósenda. Og það eru þeir, kjósendur, sem veita þingmönnum það umboð sem þeir hafa. Ekkert annað umboð er til. Þingmenn Sjálfstæðisflokksins hafa til dæmis ekki umboð til að rotta sig saman og hefja samvinnu gegn kjósendum sínum. En það gera þeir núna í orkupakkamálinu (eins og í Icesavemálinu áður) því þar eru þeir orðnir þingmenn Samfylkingar, Viðreisnar (hvað sem það nú er) og Pírata (hvað sem það nú er líka)

Þessi samvinna ykkar er ólögleg og hún er gerræðisleg. Hreint gerræðisleg. Hún er svik. Takið ykkur vinsamlegast saman. Þið vitið vel að þið eruð að gera rangt. Það sést alla leið, hvert sem er. Og það er líka komin lykt af ykkur og hún er vond; verri en síðast. Mun verri

Að vera góð fyrirmynd er best. Enga samvinnu þarf til þess

Fyrri færsla

Loftbelgur Esbéson fallinn saman


Loftbelgur Esbéson fallinn saman

Allt sem ESB tekur sér fyrir hendur -þó mest fætur sem sparka í lönd- mistekst og verður að skorpnum afbökum sem elítuveldi þess snæðir í lokuðum brakherbergjum sambandsins. Ekkert stendur upp úr eftir 61 árs tilvist þess í næstminnstu heimsálfu veraldar. Myntin virkar ekki, hún drepur og hún eyðileggur lönd. Peningaskömmtun ríkir enn í því landi sem tilvonandi forseti framkvæmdarstjórnar ESB eyðilagði með kollegum sínum á valdaöxli Berlín-Parísar. Einn fjórði hluti hagkerfis Grikklands er enn horfinn, á meðan AGS, samkvæmt WSJ, upplýsir að 60 prósent af öllum eignum og hagnaði þýskra fyrirtækja sé í lokaðri einkaeigu hins lokaða aristókratíska ESB-aðals Þýskalands, langt fyrir utan allt gagnsæi markaða fyrir almenningshlutafélög. Þýska þjóðin er ennþá bara leiguliði í sínu eign landi og hún á ekkert nema bílinn sinn sem Merkelsossar ráðast nú á

"But this economic structure has other negative consequences. According to a report from the International Monetary Fund this week, about 60% of corporate assets and profits in Germany are generated by closely held firms, contributing to rising wealth inequality in Germany, the biggest divide in Europe behind the Netherlands and Austria.

“The concentration of privately held and publicly listed firm ownership in the hands of industrial dynasties and institutional investors is especially prevalent in Germany,” the IMF report said."

Og á sama tíma er franska hagkerfið það lokaðasta í OECD

Enginn tekur því eftir því að Galileo-staðsetningarkerfi ESB-loftbelgsins er hætt að virka á fastri sporbraut um jörðu. Kerfið átti að vera að fullu starfandi skömmu eftir aldamót, en hefur aldrei virkað sem skyldi og því aldei komist í gagnið. Það er því að sjálfsögðu að mestu leyti hætt að virka í dag, en enginn tekur þó eftir því að svo sé. Þýska Faz segir að ESB hafi á sínum tíma auglýst Galileo sem verandi "fullkomnasta" staðsetningarkerfi veraldar. Spagettístöð þess á jörðu niðri, með ESB-sarg á heilanum, bjó til tómatsósukóða handa þessu stakkels geimfari ESB fyrir ofan brunarústir þess á meginlandinu. Allir í Evrópu verða því áfram að reiða sig á það GPS-kerfi sem Rússar geta ruglað. Moskva lætur ESB-menn bara aka fram og til baka um sjálfa sig, eins og henni sýnist, og hlær sig svo máttlausa að teið skvettist framan í Kreml

Sömu sögu er að segja um Schengen glæpa,- þjófa-, og sjúkdómaveituna, plús "fjárfestingaráætlun" Jean-klodsmajors Junckers anno 2014, sem er sami gjaldþrotni sirkus og allar áætlanir Kína eru erlendis. Plús auðvitað ESB-bankabrandaralagið anno 2012, og nú síðast hallargarðssalernið Instex sem átti að miðla greiðslum til og frá Íran til að berja á forseta Bandaríkjanna sem sér um varnir ESB, til þess eins að helferðarþjálfað Þýskaland fái þar löglega afsökun fyrir því að koma sér upp sínum eigin kjarnorkuvopnum. Engin greiðsla né færsla hefur orðið til í því apparati sem ESB þorir ekki að hýsa í einu landi, heldur hefur dritað því niður í þrjú öxullönd þess svo að hvergi sé hægt að draga það til ábyrgðar. Ítalska mafían hefði ekki getað gert þetta betur. Ekkert nema eitt stórt ESB-núll er á ferðinni þarna. Bara enn einn brostni ESB-vindbelgurinn sem nærist á algeru umboðsleysi alls og rekur sem ryðhrúgudallur draugaskipsins ESB um heimshöfin, öllum til ama og eilífrar skammar um alla jörð

Reyksprengjur ESB blinda þó enn heilan krunkandi her svívirðilegs orkupakkaliðs ESB úr plasti hér á Íslandi. Það væri gustukaverk að stinga því liði andartak í samband við móðurjörðina, og hleypa svo eins og einum Kárahnjúk á. Almannagjáin á milli þings og þjóðar stækkar bara og dýpkar, þökk sé hug- og getulausu ESB/EES setuliði Íslands. Þetta verður að taka enda. Svona algjörlega von- og huglaust stjórnmálasetulið úr plasti á ekki að líða á Alþingi Íslendinga. Nóg er komið af krónískum Icesaveaulahætti á alþingi

Fyrri færsla

Orkupakka-Brusselræða Bjarna Ben á Alþingi? (varalestur?)


Orkupakka-Brusselræða Bjarna Ben á Alþingi? (varalestur?)

Er þetta kannski hún?, sem varalestur til vara? (smella)

Þarna á Alþingi sagði formaður Sjálfstæðisflokksins:

Raforkumál Íslands eru ekki innri-markaðsmál ESB

Kvennabúr Bjarna Ben formanns Sjálfstæðisflokksins hefur greinilega bundið formanninn á höndum og fótum og keflað hann, því nú heyrist ekki múkk frá honum lengur, miðað við það sem hann sagði alþjóð þarna á Alþingi Íslendinga í fyrra. Einhverskonar flokksskemmdarráð hefur yfirtekið það sem hann var landsfundarkjörinn til að gera; að leiða flokkinn áfram, en ekki til að leggja hann niður með raðdómgreindarskorti. Varla hefur sést eins ístöðulaus og dómgreindarskertur formaður í stjórnmálum, það getur varla verið. Hann er greinilega viljalaust verkfæri sem ekkert erindi nokkru sinni átti upp á stjórnmálasviðið

Og ekki tekur betra við frá þeim þingmönnum sem allir vita hvers vegna eru þarna; jú vegna þess að það vill svo til að þeir eru konur. Annað hafa þeir ekki til brunns að bera. Og allir vita, en gera samt ekkert í því, að slíkt er ekki nóg til að flokkur geti þrifist. Það sást á kvennaframboðinu sem var mikið, en eftirspurn eftir því nánast engin, eða fimm, tíu, átta og svo fimm prósent frá 1983 til 1995, og þá lagt niður í dós og lokað. Sérstöku karlaframboði hefði ekki farnast betur. Kyn- og ættarflokkar eiga lítið erindi við Íslendinga. Fólk sem heltekið er af kyni ætti ekki að vera í stjórnmálum. Þannig merkimiða-stjórnmál eru banvæn fyrir alla pólitík og öll lönd, því þjóð er ekki kyn. Þjóð er mikli meira en það. Hún er allt, sagan líka

Allir vita að orkupakkar ESB eru vondir fyrir Ísland. Mjög vondir. Og allir vita að þriðji orkupakkinn innheldur valdaframsal sjálfsásákvörðunarréttinda íslensku þjóðarinnar yfir okkar málum; að stjórna alfarið raforku og hitaveitumálum okkar sjálf í okkar eigin landi. Þjóðin á þetta land og hún byggði það upp, þessa vinnslu og kerfin líka. Vald yfir þeim málum er með orkupökkum ESB fært yfir á erlendar hendur með lúalegum framhaldsaðferðum af verstu sort. Þeir sem halda að stjórnmál eigi að snúast um að gera landi sínu vont, ættu ekki að vera í stjórnmálum. Allir vita að með þessum esb-pökkum er verið að gera Íslandi vont og kaupa sér frið, og allir vita hvernig þannig friðþægingarkaup enda; það sést vel á Sjálfstæðisflokknum og Framsóknarflokknum núna. Þetta gætu verið þeirra síðustu dagar, því flokksskemmdarráð þeirra hafa virkað. Þjóðfrelsið skal plokkað með augnabrúnaplokkara-aðferðum af þjóðinni á meðan ritarinn kjánar sig glórulaus í kaf. Þetta fólk er glatað fyrir Sjálfstæðisflokkinn og þar með fyrir Ísland líka

Á meðan syndir Guðlaugur Þór samfylkingarhundasund um heimshöfin hinumegin á jörðinni. Gat þetta endað örðuvísi. Gat þetta lið endað flokkana öðruvísi en nýtt síðasta hrun; taka tvö, sökkið

Fyrri færsla

Stuttar: Nytsamur bjáni og skipsrotta skipta um fæðutegund


Stuttar: Nytsamur bjáni og skipsrotta skipta um fæðutegund

Breski sendiherrann úr mýri Washingtonbæjar, sem enginn Bandaríkjamaður nennir að hlusta á né horfa til, og sem nota átti sem nytsaman bjána til að ná til Boris Johnson, sagði auðvitað af sér vegna þess að hann var orðinn ónytsamur bjáni

Amber Rudd ráðherra atvinnu- og eftirlaunamála hjá Theresu May hefur skipt 180 gráður um skoðun og styður nú allt í einu útgöngu Bretlands af Egyptalandslögsögu Evrópusambandsins í upplausn, án svo kallaðs samnings. Hún vill halda vinnu sinni því hún vill ekki verða atvinnulaus þegar Boris tekur við. Forystulaus forysta Sjálfstæðisflokksins með Guðlaug Þór úti í metoo-sundlauginni ætti að íhuga þetta líka, áður en hún sogast út með samfylkingarvatninu

Frakkland setti í vikunni þrjú prósent sí svona skatt á bandarísk stórfyrirtæki á sviði tölvunartækni og internetssamskipta. Trump hefur þegar sett í gang rannsókn byggða á 301. grein viðskiptalaga bandaríska þingsins frá 1974. Hann á vísan stuðning þingsins í alþjóðlegum viðskiptamálum og meira en það. Þingið er orðið enn harðara en Trump í þeim málum. Kannski verður niðurstaðan sú að Frökkum verði gert að líma myndir af skorpulifur og grátandi börnum á allar vínflöskur sem seldar eru til Bandaríkjanna

Það er aldrei að vita, nú þegar heimurinn er að jafna sig á undantekningar-afbrigðilegheitum þeim sem ríkt í hafa í heiminum frá lokum Síðari heimsstyrjaldar. Þar sem Evrópusambandið er á leið með að verða eins konar frímúrararegla, ásamt Sameinuðu þjóðunum, NATO og IMF-Evrópu. Enginn hvellur mun heyrast þegar þessar stofnanir enda líf sitt, heldur aðeins lágvær stuna, því hrunferlið er þegar hálfnað eins og sést á hundasundi Guðlaugs Þórs

Við munu taka hin sterku og þrautreyndu og mannkynssögulega endingarmiklu hápólitísku einingar trúmála, kynþátta, þjóða- og ættflokkamála, sem alltaf, nema í vísindaskáldsögum vorra tíma, hafa verið hornsteinar mannlegrar tilvistar þessa heims. Þar mun Veraldarvefurinn enda lífið sem samskonar lágvær stuna og allskonarnetin taka við, hvert öðru lélegra og ófrjálsara, nema á því neti sem Bandaríkin munu stjórna. IBM-Global verður kannski endurlífgað í einni eða annarri mynd, hver veit. Engu verður þó treyst fyrirfram. Heimurinn verður eðlilegur á ný

Kyssi ég því íslensku krónuna, því blessað er myntsvæði hennar

Fyrri færsla

Ógerningur að reka alþjóðlega fjármálastofnun í ESB


Ógerningur að reka alþjóðlega fjármálastofnun í ESB

Myntbandalagið sekkur

Deutsche Bank dregur sig út úr alþjóðlegri bankastarfsemi vegna sovétríkis ESB

Enn ein af óteljandi björgunaraðgerðum til handa reddingar Deutsche Bank frá þroti, var sjónsett á ESB-leiksviðinu um helgina. Tæplega 20 þúsund starfsmönnum, eða einum af hverjum fimm, verður gert að missa vinnuna út um allt. Því sem með þessu sparast á síðan að troða sem 288 milljörðum evra ofan í það svarthol sem eignasafn bankans er, og sigla því síðan út úr bankabyggingu Deutsche í Frankfurt, sem þrotarústum sérfræðingaveldis ESB á háum launum, undir heitinu "a bad bank" eða ruslakista

Það skyldi ekki undra neinn að útrás bankans færi svona á 20 árum, því sósíaldemókratinn Gerhard Schröder, með alla sína 10 þumalfingur ofan í bönkum ESB og Rússlands, heimtaði að ESB (lesist Þýskaland en ekki Bretland) myndi koma sér upp banka sem keppt gæti við Wall Street, Lundúnir og Sviss. Slíkt var náttúrlega fáránleg hugsun frá byrjun, því að myntin sem Deutsche á heima í er ónýt og bankahæf lögsaga seðlabanka hennar er ekki til

Þegar að fjármálakreppan skall á komu yfirburðir þjóðríkislögsögu seðlabanka í fullvalda og sjálfstæðum þjóðríkjum í ljós og bandaríski seðlabankinn gat skipað öllum lánshæfum bönkum í lögsögu hans að íklæðast björgunarvestum alveg sama hver staða þeirra væri og að endurfjármagna sig úr hirslum hans og borga síðar, ef með þyrfti, eða deyja og drepast. Ekkert pókerspil um hvar í fjármálakerfinu svarti pétur ætti heima mætti verða til. Svo nú eru það Wall Street og Lundúnir sem yfirtaka algerlega hlutverkið sem alþjóðlegur banki á meðan Deutsche pakkar saman og gerir eins og stjórnandi hans sagði: verður þýskur banki í (fornaldar) Þýskalandi á ný

Allur hagnaður hans hefur farið í að borga skatta til ECB-seðlabankalings ESB sem er með neikvæða vexti á innistæðum, þ.e. inneign Deutsche er skattlögð því að vansköpun myntarinnar evru kallar á að bankar séu þvingaðir til að lána út þá peninga sem þeir hafa umfram. En til hvera ætti að lána þá veit enginn því flestir viðskiptabankar ESB eru fullir af rusli sem stjórnmálastétt ESB bjó til. Til dæmis því rusli sem Gerhard Schröder þvingaði Deutsche til að kaupa árið 2004 og hét Postbank. Angela Merkel tók svo yfir og hefur staðið í því mánuðum saman að þvinga Deutsche til að yfirtaka brunarústina Commerzbank, á meðan vinnulöggjöfin og verkalýðshreyfingar Þýskalands gera slíkum brunarústum algerlega ókleift að keppa við Lundnúnir, Wall Street og þjóðríkið Sviss. Og svo eru það 1300 brunarústir í eigu þýska ríkisins og fylkjanna sem þýska ríkisstjórnin neitar að endurfjármagna og halda ofansjávar því þetta er jú Evrópusambandið, ekki satt! Þar má ekkert fyrir fjórfrelsinu, svo kallaða

Þarna höfum við svart á hvítu það sem ég spáði, að enginn með fullu viti mynd flytja neitt að ráði frá Lundúnum yfir til meginlands Evrópu þegar að Bretland færi út. Enda segja stjórnendur Deutsche að veikburða tilvistarleg staða Evrópusambandsins, seðlabanka þess, útganga Bretlands og viðskiptastríð um víða veröld (sem ESB með 100 prósent öryggi mun tapa) séu ástæður þess að Deutsche, sem fyrir löngu ætti að vera kominn á hausinn, pakki saman og hörfi heim. Bankinn er einu ári eldri en sjálft Þýskaland og ætti fyrir löngu og með réttu að vera farinn í þrot og steindauður, hefðu markaðslögmál fengið að ráða einhverju um örlög hans og annarra steinrunninna fyrirtækja þýska aðalsins

Það eru aðeins vanhæfir fáráðlingar og esbsinnar sem halda að lausnin á öllu sé ESB og EES. Viðhorf þeirra er svipað þegar að tölvunartækni kemur. Þeir menn halda að tölvunartækni sé einskonar töfrasproti (á í reynd ónýtum og úr sér gengnum stýrikerfum, hriplekum gagnageymslum og tengingum) á meðan þeir sem þekkja þá tækni best hrista hausinn og hlægja að fávisku slíkra kjána

"Fjártæknifyrirtæki" munu ekki stinga neinu mikilvægu undan alvöru bönkum. Þvert á móti þá munu alvöru bankar vita best hvernig nýta megi fyrirtæki tölvunarbransans út í ystu æsar, til að koma alvöru bankaþjónustu inn í stafræn tæki neytenda á öruggan og gróðavænlegan hátt

Margir vita að alvöru bankar eru ávallt skrefinu lengra komnir í notkun tækni en hinn almeni tölvunargeiri. Sá geiri er nú í svo miklum tilvistarvandræðum að hann reynir að troða vanbúinni tækni sinni inn í kaffivélar og straujárn með hörmulegum afleiðingum fyrir hinn almenna borgara. Alvöru bankar munu bjóða þessum fyrirtækjum mergð og heilan regnboga API-enda inn í bankavöruhús sín, því án alvöru bankaþjónustu á tækjum sínum eru hin svo kölluðu fjártæknifyrirtæki fyrirfram steindauð. Þau geta aldrei orðið bankar og þau geta aldrei ráðið til sín það fólk sem bankar hafa alltaf haft, og sem alltaf er skrefinu framar í öllu sem varðar löggjafavaldið á vesturlöndum og innleiðingu tækni sem uppfyllir kröfur þess og eftirlit

Rauntímavinnsla íslenska bankakerfisins er einstök í heiminum og innviðir á borð við Reiknistofu bankanna er hnossgæti sem fá lönd geta státað af. Hins vegar eru það esb-stjórnvöld og löggjöf þeirra sem hvíla eins og þrumuský yfir nánast öllu hér á landi, og koma í veg fyrir áræðni, nauðsynlega áhættutöku og því að snilligáfa íslenskra bankamanna fái að njóta sín til fulls. "Alþjóðlega fjármálmiðstöðin Ísland" hefði vel getað staðist ef við værum ekki í EES. Þá hefði hún sérhæft sig, vaxið sjálfbært og væri enn á lífi í dag, á meðan sólin sest í hinsta sinn á sokkið sovétríki Evrópusambands í smíðum

Það er ekki nein tilviljun að Warren gamli Buffet er að skófla til sín bréfum í bönkum. Hann sagði að bankar verða ekki svona ódýrir eins og þeir eru í dag eftir 10 ár. Ég spái alvöru bönkum í alvöru þjóðríkum bjartri framtíð. Það var í tísku að vera illa við þá eftir hrun og að tala þá niður, en tíska er hins vegar háð tíma og stað. Þess vegna var dýrasta ilmvatni veraldar hleypt af stokkunum í dýpasta öldudal Kreppunnar miklu á síðustu öld, og það fæst því enn. Sókn er oftast besta vörnin. Því skal öllum orkupökkum ESB hent í ruslið, því þar eiga þeir sannarlega heima

Leiðari Wall Street Journal fjallaði um "sápu óperu" Deutsche Bank og ESB í gær: As the Deutsche Bank Turns ($)

Fyrri færsla

Málamiðlun um EES-samninginn heitir dómstóll


Næsta síða »

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband