Sjálfstæðisbarátta Bretlands

Kvöldvers Péturssonar í flutningi Mótettukórs Hallgrímskirkju hans, við lag Tryggva Baldvinssonar. Allt stórfenglegt hér - og líka þegar karlakórinn Heimir flutti versið í Reykholtskirkju

****

Brexit sýnir mönnum hversu erfið sjálfstæðisbarátta þjóða oftast er. Hún er erfið. Hún er einnig oft blóði drifin og ógeðfelld, því í henni skríða oft hinir verstu ormar hvers einasta þjóðfélags upp og opinbera sig sem þau úrhrök sem þeir eru

Lærdómurinn af þessu er sá að þjóðir mega aldrei aldrei nokkru sinni gefa frá sér hvorki fullveldi né sjálfstæði sitt

Sá útópíski heimur sem myndaðist frá og með falli Sovétríkjanna og sköpun Evrópusambandsins 1991, er heimur sem varð að deyja. Þetta eru dauðaöskur hans. Þessi heimur var orðinn þannig að ein umboðslaus nefnd eða einn maður í einum banka sem fann upp eitt rangt peningalegt verkfæri, eins og til dæmis undirmálslán eða ESB og evru, hafði möguleika á að taka allan þennan heim niður eins og spilaborg. Slíkar ofursamþættingar og keðjuvirki mega ekki verða til aftur

Eitt land verður að geta farið á hvolf án þess að taka allan heiminn eða álfuna með sér í fallinu. Aldrei aftur 1991-2008 útópía glóbalista og skrifstofuveldis Evrópusambandsins, sem gerðu þjóðir varnarlausar með því að ræna frá þeim fullveldi og sjálfstæði í sínum málum. Þannig gíslataka má ekki líðast aftur

Að hlusta á þessa eilífu stjórnmálafræðinga koma í DDRÚV til að útskýra það sem þeir greinilega vita ekkert um í þessu máli, nema á yfirborðinu, er eins og að hlusta á mann sem er að útskýra regndropa án þess að vita að himinn er til og að þar eiga skýin heima, sem hann veit heldur ekki hvernig myndast; teknókrati og afleiðu-trader heita þeir

Í kauphöllinni í París hættu menn ekki þeim viðskiptum sem gengu út á hvernig hagnast mætti á hernáminu, fyrr en að þýski herinn stóð ískrandi 10 kílómetrum fyrir utan borgina. Þá reyndu þeir að uppskera hagnaðinn, en misstu æruna, oft lífið líka, og landið missti sjálfstæði sitt og fullveldi

Þannig er sjálfstæðisbarátta þjóða oftar en ekki. Einn þriðji vill það sem rétt er og hreint, einn þriðji er vísvitandi eða óafvitandi þjóðarskíthælar og einn þriðji er óákveðinn, og bíður eftir merki frá þeim sem eru að sigra eða tapa í frelsisbaráttunni

Nema í tilfelli okkar Íslendinga. Þar voru svo gott sem allir sammála um að toga í sama hreina strenginn. Það tog þarf að herða og aldrei má á því slaka. Aldrei. Brexit sýnir og sannar það

Allir sem snerta ESB eitrast, fullveldis-tennur þeirra leysast upp og þeir breytast í þjóðarblóðsugur sem sjúga saftið úr þjóðinni. Það er alltaf munur á réttu og röngu

Fyrri færsla

Theresa May og Sjálfstæðisflokkurinn 

Theresa May og Sjálfstæðisflokkurinn

SVITABOLSSVÆÐI BENEDIKTS LÝÐSKRUMARA - OG FINNSK LEIÐI JÓHÖNNU SAMFYLKINGAR

Hún er ansi lagin hún Theresa. Að minnsta kosti enn sem komið er. Ef hún væri það ekki, þá myndu Íhaldsmenn rífa hvorn annan á hol og sundra flokknum í ótal bita. Í Sjálfstæðisflokknum ganga málin hins vegar fyrir sig á annan hátt. Þar þurfa menn ekki að sprengja neitt, því þeir ganga bara í annan flokk. Miðflokkurinn er að fyllast af Sjálfstæðismönnum sem fyrirlíta glóbalisma og vilja ekki vera með í því að rústa íslenskum landbúnaði. Þeir trúa heldur ekki blint á EES, sem er að reynast Íslandi á sama hátt og hinn innri markaður ESB er að reynast öllum þeim löndum sem heita ekki Þýskaland: hann er gildra á borð við stuðpúðasvæði Rússlands og Þýskalands. Í gamla daga hét rússneska stuðpúðasvæðið Sovétríkin en í dag heitir þýska stuðpúðasvæðið "hinn innri markaður ESB"

Mynd Trading Economics: landsframleiðslan á mann í Finnlandi (PPP). Tólf ára samdráttur, eyðni og stöðnun í þýskri evru

****

Finnland er fast í þessu, og er að láta þar lífið í hægfara efnahagslegum dauða. Þar deyja fleiri Finnar en fæðast. Landið er þátttakandi í eina sovétríki sögunnar með sameiginlega mynt, evrusvæðinu, og þjóðartekjur á mann eru mun lægri þar en þær voru árið 2008. Atvinnuleysi varð krónískt og varanlega hátt frá og með inngöngu landsins í ESB árið 1994 og ekkert gengur með útflutning Finnlands inn á stuðpúðasvæði Þýskalands, því þar er svartholið Þýskaland sjálft einvalda konungur yfir versta efnahagslega svæði veraldar; evrusvæðinu

Mynd Trading Economics: Atvinnuleysi í Finnlandi (prósentur). Stóra kryppan frá og með 1991 er hrun Sovétríkjanna og fast-gengissnákur EEC/EMS, ERM, og restin þar á eftir er ESB og evran. Árið 2009 féll landsframleiðsla Finnlands svo mikið að leita þurfti aftur til 1918 til að finna sambærilegt hrun, þökk sé handjárnun Finnlands í evrum. Nokia dó einnig í evrum á meðan álverið í Straumsvík malar enn gull í íslenskum krónum. Efnahagslegt mikilvægi álversins fyrir Ísland hefur alltaf verið meira en mikilvægi Nokia var í Finnlandi

****

Samanlagt hagkerfi evrusvæðisins árið 2017, var ennþá minna en það var árið 2009, segir í grein Walter Russell Mead á WSJ. Hugsið ykkur pyntingarnar á fólkinu sem býr þarna og hversu bágborinn neytendamarkaður svæðisins er. Á sama tíma óx bandaríska hagkerfið um 34 prósent. Það þarf ekki að leggja menn í lömunarstóla EES-samningsins til að skilja svona tölur. Þetta er versta efnahagssvæði heimsins. Hvorki meira né minna

Og nú eru fjárfestingar fyrirtækja á evrusvæðinu við það að hrynja á ný, segir Longview í Macro Trade nr. 97 þann 14. febrúar. Ekki batnar staða Finnlands við það. Það kemur að því að lengra niður götuna er ekki hægt að sparka dósinni sem heitir evrusvæðið og esb

Fyrri færsla

"Raiders" komnir í verkalýðshreyfinguna? Evrópa hefur klofnað

"Raiders" komnir í verkalýðshreyfinguna? Evrópa hefur klofnað

ÍSLAND  Á LEIÐ Í RAUTT

Það er ekki hægt að verjast þeirri hugsun að það sama sé að gerast með verkalýðshreyfinguna og gerðist með bankana á sínum tíma, er þeir voru boraðir út að innan með borvélum sem smygluðu sér þar inn, en sem reyndust vera pakkar fullir af þerripappír. Að verið sé að gera tilraun til að bora hreyfinguna út innanfrá, með aðstoð einhvers konar "e. raiders" eða reiðmönnum sem komast vilja yfir bæði peninga og völd og koma þar fyrir krosshagsmuna-tengslum. Við höfum fengið að vita að sjóðir verkalýðshreyfinganna eru ákaflega digrir. Endar verkalýðshreyfingin í vösum slæmra afla? Þegar hlustað er á talsmenn hennar, getur manni varla dottið annað í hug en bankaránið mikla á Íslandi

MEGINLAND EVRÓPU HEFUR KLOFNAÐ

Klofningur meginlands Evrópu, vegna innvortis strategísks gljúfurs, heldur áfram. Þar hafa málin þróast þannig að heimsálfan skiptist nú í tvo hluta sem frekar óðfluga fjarlægjast hvor annan. Fyrsti og mikilvægasti hlutinn fyrir Ísland er sá sem flygir Bandaríkjunum að máli (sjá hér). Flokkun landanna í þessum hluta er ekki enn fullkomnuð, en hún er í gangi. Síðari hlutinn, sem í framtíðinni mun verða andstæðingur Íslands, er sá hluti álfunnar sem fylgir Þýskalandi að málum, sem nú reynir sér til varnar að toga Rússland sem áhrifavaldsfélaga sinn inn í evrópska kerfið til þess að viðhalda stuðpúðasvæði hins svo kallaða "innri markaðs ESB" á sporbraut um sig. En án valda yfir hinum svo kallaða "innri markaði ESB" er Þýskaland búið að vera sem ríki, og þýskir vita það - og Bretland er farið

Frakkland er nú í miðju vaði að velja sér annað hvort örugga framtíð í fæðingarbandalagi þess við Bandaríkin, eða óörugga framtíð í ýtrast varasömu bandalagi með þeim sem fylgja Þýskalandi að málum. Mín skoðun er sú að Frakkland muni velja Bandaríkin og geti lítið annað gert fyrir sig en einmitt það. Vaxandi klofningur er nú að myndast á milli Þýskalands og Frakklands, því að Frakkland er ekki eins háð Bandaríkjunum og Þýskaland, því að land eins og Þýskaland sem flytur út næstum helming landsframleiðslu sinnar, er ávallt í vösum kúnna sinna og því afar viðkvæmt og hættulegt ríki. Hagkerfi þess er orðið hættulega vanskapað með aðstoð ESB. Það er Frakkland hins vegar ekki. Umræður um hvernig eigi að bregðast við áformum um bandaríska tolla á evrópska bíla sýna það. Þar vill Frakkland lítið sem ekkert aðhafast á meðan Þýskaland heldur um viðskiptahagnað sinn gagnvart Bandaríkjunum eins og að um ránsfeng sé að ræða; sem hann reyndar er. Samhliða þessu ferli eru Bandaríkin að byggja upp nýjan bandamanna-strúktúr í Evrópu. Síðan verður NATO gert að skrifstofu í fallegu einbýlishúsi við Genfarvatn, eins og Þjóðabandalag frá 1919

Eini gallinn við þetta fyrir Frakkland er þó sá, gangi þetta eftir, að þar með hefur Þýskaland tryggt sér bakvörð í austri, sem þýðir öflugra Þýskaland í vestri. Sú hugsun er þó sennilega blindgata fyrir þýska, því bæði Obama og Trump er komnir með fleyginn þar á milli og sem kallast getur Intermarium í smíðum úr þessu. Þar með myndi einnar-vígstöðva-pressan í vestri gagnvart Frakklandi hjaðna og Þýskaland með Rússland sem bandamann sett í skák og kannski mát. Þess vegna er NS2 svona mikilvægt mál fyrir þýska, en slæmt mál fyrir Evrópu1

Mikilvægt er að horfa ekki á meginland Evrópu sem bunka úr sáttmálapappírum. Sá bunki af sögulega endalausum pappírum og sáttmálum yfir hið pólitíska landslag Evrópu, er einungis þurr pappír, þar sem til dæmis Brussel er aðeins hinn tálsýnilegi hluti felumyndarinnar yfir álfuna í dag. Það sem hins vegar alltaf gildir og skiptir öllu máli um Evrópu, eru geópólitískir tindar, fjallgarðar, flóar og fljót, trú og þjóðir, eyjar og innhöf álfunnar. Þær landfræðilegu staðreyndir koma alltaf eins og rakvélablöð upp úr yfirborðinu og skera hvaða sáttmástofnun álfunnar sem er í tætlur. Þeir tindar fara ekkert, og þeir eru jafn hvassir í dag og ávallt áður í sögu álfunnar. Línurnar eru að skerpast

Og eins og Mike Pompeo sagði óbeint: "pappír er pappír, en það eru lönd og þjóðir ekki. Bandaríkin eru að fara yfir pappírana til að sannreyna þá, og að búa til nýja þar sem þess er þörf, og brenna þá sem virka ekki lengur"

Fyrri færsla

Hlýnun kommúnismans

Hlýnun kommúnismans

Við menn höfum verið að burðast með meira en 250 meiriháttar heimsenda-kenningar síðustu tvö þúsund árin. Síðast var það uppgufað ózon-lag gufuhvolfsins sem átti að hafa steikt okkur út nú þegar. En í dag, tuttugu og fimm árum síðar, eftir að ekkert gerðist, er það græn fátækt, lífsstíls-gaddasvipur, sjálfspyntingar, helst í frosti, og ströng andleg stegla sem á að bjarga heiminum frá þeirri síðustu: hlýnun kommúnismans

Og eftir að Veraldarvefurinn kom, þá er fólk byrjað að halda að heimurinn sé svo lítill, smár og viðkvæmur að ekkert megi útaf bera neins staðar, án þess að veröld þess endi í rauntíma, on-line. Í hvert skipti sem dómsdags-klukka vefsins gellur, þá titrar sá efnaði hluti mannkyns sem náð hefur því sósíal-nirvana fjölbreytnileikna stigi að vera með stálhring í nefi og sjálfspyntingar-implant úr bambuskofa í neðri-vör, og skelfur eins og að við byggjum öll í einum og sama köngulóarvefnum. Hann nötrar, skelfur og fólk fær áfall-x þegar hinn snjalli sími þess gellur. Erum við að farast núna? Núna í beinni? Svo sest það við imbann og lætur 251. kenningalið hins næsta dómsdags mata sig á meiri pyntingum, týndum mörgæsum og skjaldböku sem bættist í hópinn í síðustu viku, án þess að láta nokkurn mann vita af sér

En ef að fólk myndi líta upp úr sínum snjalla síma og horfa til himins, þá myndi það sjá dómsdagsvélina sem öllu stýrir og máli skiptir í lífi þess og dauða: sólina

En þar sem öll DDRÚV og BBCCCP á framfærslu skattgreiðenda eru ekki með hin hálsblásandi blaðursbú sín þar, þ.e. á sólinni, þá veit fólk ekki af þessu og horfir á fréttadalla imbans sökkva heimi þess í beinni, og heldur áfram að skjálfa. Þó ekki allir, en of margir. Nógu margir til að könguló veraldarvefsins hlær, og þið skjálfið. Heilabú fólks er orðið víbrator sem hristir sál þess í sundur. Það er orðið snjallt, en mest hrætt, og vaxandi nýheimskuveldi sem ræktar nýja heimsku, meðal annars á skjálfandi vef sem heitir Wikipedia, sem hristist sundur og saman í takt við alternative facts tölvuvinstrisins

Hlýnun kommúnismans er staðreynd og vá sem mæta þarf af fullri hörku. Að vera grænn í þeim efnum er hættulegt. Annars breytist stiknandi rauður sorphaugur þess síðasta, í græna landfyllingu úr myglu

Fyrri færsla

Heilbrigð skynsemi er oft veik skynsemi

Heilbrigð skynsemi er oft veik skynsemi

Nixon í glímu við gangster-element stjórnmála, svipað og Trump er í dag. Fjölmiðlar þessa mikla lands drógu svo bandarísku þjóðina á tálar í því sem þá var kallað Watergate-hneykslið, og hröktu úr embætti réttkjörinn forseta landsins sem aldrei í sögunni hafði sigrað eins stórt í kosningum, og sem gerði það vegna dugnaðar og hugrekkis. Því hefur þjóðin ekki gleymt. Hún var dregin á tálar og fjölmiðlar landsins sviku hana. Það þurfti því ekki mikið til að bandaríska þjóðin sæi í gegnum svikavef fjölmiðla þegar að síðustu forsetakosningum kom, þar sem Trump var kjörinn þrátt fyrir að vera með næstum allt fjölmiðlahyskið, bankana, Wall Street, tæknirisana, Hollywood, heiðnikirkjuveldi háskólanna, gáfumennin og hugveiturnar á móti sér. Bandaríska þjóðin mundi enn

****

GREININGARDEILDIN OG MORGUNKORNIÐ

Þeir sem halda að íslenska verkalýðshreyfingin sé eitthvað annað en pólitískt undirróðursafl þessi árin, og jafnvel að hluta til gangster-element, hljóta að eiga við veruleg ofheilbrigðisvandamál að stríða í skynsemissálu sinni, eða eru bara fyrsta farrýmisflón á leið í rútugrút nýmarxismans til Venesúela

Þegar þú fékkst vinnu í greiningardeild skynseminnar í Evrópu árið 1900, þá manstu núna að þú sendir út morgunkorn þín undir fyrirsögninni: Sterk, rík, friðsamleg og voldug Evrópa liggur í kortunum, - því það sagði hin "heilbrigða skynsemi" þér. Svona myndi þetta verða um aldur og ævi

Nú jæja. Klukkan er fimm að morgni sumardagsins fyrsta, fjórtán árum síðar (1914), og Evrópa logar stafnanna á milli og er á leið í þvílíka rúst að aldrei hefur annað eins sést

Á hinum sama degi fimm árum síðar (1919), þegar rústin er brunnin til ösku og Evrópa er banvænn öskuhaugur alls, þá sendir þú út nýja greiningu til viðskiptavina þinna og sú heilbrigða bregst fiðlubogalist þinni ekki aftur, sem eitt allsherjar sarg hinnar "heilbrigðu skynsemi", sem reyndar er fársjúk. Yfirskrift þín er því svona: "Þýskaland er búið að vera fyrir fullt og allt og friður sé með yður í hinu nýja samfélagi þjóðanna"

Nú jæja. Þú ert aftur kominn á ritvélina og hamrar þessi hjér hjartaslög skynseminnar, 21 ári síðar (1940): "Þýskaland ræður allri Evrópu og yfirráð þess eru komin til að vera. Þeir sem neita að horfast í augu við þessa staðreynd eru flón"

Nú jæja. Sex árum síðar (1946) ertu enn á ný með nýtt morgunkorn handa viðskiptavinum þínum, og það hljómar svona: "Þýskaland er í rúst og 70 milljón manns eru látnir. Öllum málum Evrópu er frá og með nú stjórnað frá Washington og Moskvu. Ekkert getur haggað því." En svo hrundi auðvitað Moskva 1989 og Þýskaland rann saman á ný 1990

Í dag er því staða mála þessi: Heimsálfan Evrópa, sem hin síðustu 27 ár var með tilkomu ESB 1992 stillt upp eins og Sovétríkin stilltu sér upp með sína stuðpúða í kringum valdamiðjuna í Moskvu, er að leysast upp. Evrópa er að leysast upp. Hún hefur þegar klofnað í tvennt. Algerlega í tvo hluta:

1. Einn hlutinn flygir Bandaríkjunum að máli og sér þau sem verndara sinn

2. Hinn hlutinn fylgir Þýskalandi að málum

Þetta var skorðið út í pappa á öryggismálaráðstefnunni í Munchen um síðustu helgi. Þar kynnti Angela Merkel neyðarlausn Þýskalands, og hún er sú að til að reyna að sporna við því að Þýskaland missi stuðpúða-svæðið sitt (hinn innri markaður) í kringum sig eins og Pútín berst í því að halda stuðpúðasvæði sínu á sporbraut um sig (dæmi Úkraína, Hvítarússland, Georgía, Há-Kákasus og Moldova). Þýskaland Merekls vill því innlima Rússland inn í "evrópska kerfið", sem Þýskaland notar til að halda sér á lífi (sbr: NS2 og því að halda NATO veiku og sjúku sem kjaftaklúbbi ótal nefnda og ókeypis kvöldverða, Pútín í hag)

Hinn hlutinn sem vinnur gegn henni og með Bandaríkjunum, vill hins vegar ekki verða þýsk-rússnesk nýlenda í vösum Berlínar og Moskvu. Bara alls ekki, og síðast þegar slíkt gerðist var til dæmis Pólland þurrkað út. Þetta fatta ostpolitk-kratarnir og Þýskalands-fetistarnir í Sjálfstæðisflokknum ekki enn, enda skildu þeir Kalda stríðið varla heldur. Svo þeir eru bara úti að aka í sinni "heilbrigðu skynsemi" og fóðra djöfulinn með krataþvælu sinn áfram

Til fjandans með íslenska verkalýðshreyfingu sem dulbúinn marxískan stjórnmálaflokk, sé hún það, þó ekki væri nema að hluta til. Til fjandans með þannig hreyfingu, hún á ekki rétt á sér. Vakna þú vesalingaveldi hægrimanna með heilabú kratismans sem implant. Látið höfuð ykkar ekki morgunkornast. Slíkt getur verið banvænt

Þeir sem ætla einu sinni enn að beita heilbrigðri skynsemi við að greina hvernig meginland Evrópu og þar með Evrópusambandið muni þróast á næstu árum, verða fyrir sárum vonbrigðum með greiningar sínar

Stefna Bandaríkjanna gagnvart Evrópu er því einu sinni enn komin á genetískan auto-pilot. Að hindra það að engin ein eining geti ráðið yfir meginlandi Evrópu. Stuðla að því að valdajafnvægi sé engri einni stórri valdaeiningu í hag og að koma í veg fyrir að hún geti myndast. Bonk; Brussel er bambuskofi; Pompeo lenti hér, en ekki þar; og sjálfstæði Grænlands liggur því í loftinu. Línurnar skerpast og skýrast:

Turning and turning in the widening gyre
The falcon cannot hear the falconer;
Things fall apart; the centre cannot hold;
Mere anarchy is loosed upon the world,
The blood-dimmed tide is loosed, and everywhere
The ceremony of innocence is drowned;
The best lack all conviction, while the worst
Are full of passionate intensity.

Fyrri færsla

Hatursiðnaður góða fólksins

Hatursiðnaður góða fólksins

Græna hagkerfið að "arðráns-störfum": Fimm þúsund tonna græna baneitraða batteríið sést ekki á þessari mynd með CAT D11. Vondur kjósandi tók myndina. Sennilega hvítur karlmaður, sem jafnvel á trukkinn sinn sjálfur. Skelfilegt!

****

Heilög krossferð verkalýðshreyfingarinnar er eins og svo margt annað í dag, byggð á hatri. Hluti þess fólks sem búið hefur sér til starfsferil úr hatri sínu á kapítalisma og á þeim sem eiga og þéna meira en það hefur sjálft, lifir hátt núna. Þetta sjáum við ágætlega á hatursiðnaðarhverfum góða fólksins í dag, sem vaxið hafa á svæsinn hátt undanfarin mörg ár. Þar er það einkaframtak hatursins sem á öll einkaleyfin fyrir hatri á öðrum

Allir vita að launafólk hefur aldrei haft það eins gott og í dag. En samt ræðir þetta fólk um verkföll á bestu efnahagslegu dögum íslenska lýðveldisins. Beðið er um harmageddón vinstrisins: fullkomnunina. Afleiðing fullkomnunar er hins vegar ávallt útópíuknúið ekkert. Tómið eitt, því að það sem er nógu gott, er í eðli sínu gott, og getur aldrei orðið fullkomið án þess að allt það góða sé brennt niður, jafnað við jörðu og banvænni útópíunni rúllað út. Ísland þarf ekki að vera fullkomið. Það er nógu gott eins og það er og miklu meira en það. Það sama gildir um Vesturlönd sem þetta sama fólk hatar líka

Að mörgu leyti má segja að vinstrihreyfingin sé almennt orðin að haturshreyfingu. Ár eftir ár finnur vinstrið upp nýjar hatursgreinar til að búa sér til starfsferil úr, með vísan í lögverndaða einkaleyfisstöðu þess sem fórnarlamba-framleiðandi. Sem háskólavottaður framleiðandi endalausra fórnarlambahópa svo það stappar við allsherjar geggjun, þá halda peningarnir áfram að koma rúllandi frá þeim sem fjárveitingavaldið hafa. Það er enginn peningur í því að segjast standa uppréttur og vera í lagi

Græna haturshreyfingin á kapítalismanum er ágætis dæmi um það. Og hún virkar til dæmis þannig að háborgir græningja eru sóðalegustu borgir jarðar -fyrir utan ríki kommúnismans- þar sem allt flýtur í óhreinindum, subbuskap, endurlífguðum sjúkdómum eins og berklum, mænusótt, barnaveiki, rauðum hundum og mislingum. Holdsveiki er á næsta leyti. Sóðaskapur og bakteríuhernaður frá rotnandi matarleyfum og stinknadi æluspýja úr aumingjaafurðum vinstrisins og sprautur dópista liggja í sandkössum barnanna, sem þetta fólk vill helst ekki eiga, vegna haturs á karlmönnum. Þetta eru háborgir græningja um allan heim. Græna fólkið heimtar meiri náttúru í sínu eigin náttúruleysi, en svo bankar gamla harða náttúran upp á í lífi þess sem sjúkdómar, fallandi lífslíkur og græn fátækt. Þeir íslensku bændur sem segjast til dæmis vera græningjar í dag, voru það allt sitt líf í þúsund ár, en bara án þess að vita af því. Þeir vita hvað náttúran er grimm, duttlungafull, hörð og órómantísk í návígi. Eina ástæðan fyrir grænku þeirra í dag er bara gamla vinstrið. Rauða gamla vinstrið. Allt hitt er þvaður plús fjárlög

Þegar þetta vinstralið verður uppiskroppa með til dæmis rasista, því þeir eru varla til nema í höfðum þessa fólks sem hefur einkaleyfi á að hata hvíta karlmenn, þá er fasisma-stimplinum dengt yfir þá sem eiga ekki eignarlóð í hatursiðnaðarhverfum vinstrisins, sem fann sér grænan málstað um leið og sá rauði kláraðist síðast. Konur og karlar úr aumingja-iðnaðarhverfum kvenrembu-femínisma, útvarpa nýjum og nýjum viðfangsefnum til að hata, úr hatursuppfinninga-deildum háskólanna, þar sem það hefur búið sér til starfsgreinar byggðar á hatri

Það ömurlega við þann stóra hóp fólks sem hefur atvinnu af því að hata aðra og hefur byggt upp heilan starfsferil sem byggir á hatri, er það, að um leið og hann verður uppiskroppa með fórnarlömb til að hata, að þá finnur hann bara upp nýjar hatursgreinar: þær síðustu eru ófædd börn í móðurkviði, metoo-stappan, sem er eins og nýnasistahreyfing góða fólksins, og svo er það Donald Trump, eftir að næstum ómögulegt var að hata Davíð Oddsson meira. Menn sem geta eitthvað skulu hataðir í hel. Þannig er þetta orðið. En það fólk sem heldur þessu liði upp með landsframleiðslu í hörðum krónum, er hins vegar byrjað að verða reitt. Ekki reitt á eyðieggjandi hátt, heldur reitt í kjörklefanum, því að um sómakært fólk er að ræða. Það sættir sig ekki lengur við að þeir sem geta eitthvað séu hataðir í hel. Það kýs jarðýtur sem brotna ekki í spón við hvaða fyrirstöðu sem er

Framhald: Victor Davis Hanson bóndi og sagnfræðingur kann betur að koma orðum að þessu en ég í grein sinni: The Strange Paradoxes of Our Age

Fyrri færsla

Aldrei aftur!

Aldrei aftur!

FJÉLAGAR, TAKIÐ EFTIR!

Það er hægt að laga þetta allt saman (launamálin) með því að taka upp rúblu. Og svo með því að launþegar séu á að minnsta kosti jafn háum launum og verkalýðsforystan hefur sjálf. Allir fá þá vinnu við verkalýðshreyfinguna, því það er þar sem hin raunverulegu verðmæti og samkeppnishæfni þeirra verða til.

Þá stöðvast loksins allar þessar utanlandsferðir og hlýnun jarðar hættir, eins og kom fram í frumukassa DDRÚV. Konur fá þá aftur forræði yfir líkama sínum og geta ekki lengur gert það með hverjum sem er hvenær sem er, án afleiðinga, og Þjóðviljinn byrjar að koma út aftur

Hvaðan peningarnir eiga að koma skiptir ekki máli, því þá höfum við rúblur. Og svo verða fyrirtækin fljótlega komin í vinnu hjá launþegum. Þau vinna þá við að borga þeim laun og við höldum launum fyrirtækjanna niðri svo þau geti aldrei aftur tekið upp á því að borga ein hæstu laun í heiminum. Aldrei aftur!

Svo þegar búið er að jafna laun bankastjóra, helst við jörðu, þá má enginn nokkru sinni komast að því að heimilin eru stærsti lánveitandinn í hagkerfinu. Þeir sem taka sig af fé heimilanna verða skilyrðislaust að vera... tja.. það er víst óþarfi að segja nákvæmlega frá því hér.. jáh, svipað og þær réttdræpu afætur sem vinna hjá lífeyrissjóðum landsins sem eru í eigu heimilanna og sem ávaxtað hafa fé almennings svo hrikalega hátt að heimilin eiga alla landsframleiðsluna 1,7 sinnum, og heimilin "eiga því bókstaflega allt" í landinu.. nei bíddu.. bíddu hægur.. þetta átti ekki að vera svona.. nei það getur varla verið.. andartak.. andartak..

..HLÉ VEGNA BILANA

FJÉLAGAR! EN HVERNIG VIRKAR LÁGLAUNASTEFNA?

Dæmi: Þýska Hartz-láglaunastefnan í Þýskalandi virkaði svo vel að sá sparnaður sem gat orðið til í þýska hagkerfinu, varð allur til hjá útflutningsfyrirtækjum landsins. Og þegar sparnaður verður til hjá fyrirtækjum, en ekki heimilum, þá heitir hann hagnaður

Hlutur Þjóðverja í neyslu landsframleiðslunnar, sem fyrirtækin framleiða, varð svo lítill að flytja þarf helming landsframleiðslunnar út

Við þetta hvarf einnig útlánamarkaðurinn fyrir þá peninga sem þýskum fyrirtækjum gæddist vegna láglaunastefnunnar. Þýsk heimili gátu ekki tekið við sparnaði (hagnaði) fyrirtækjanna í formi útlána í gegnum bankakerfið, til neyslu. Og ekki nóg með það, þýsk heimili hættu að vera lánshæf, vegna lágra launa

Þessu fé sem þannig hafði verið "rænt" frá þýskum heimilum (með blessun verkalýðshreyfinga esb-sossa) með því að gera hlutdeild þeirra í neyslu landsframleiðslunnar svona lítinn og þannig koma í veg fyrir að hagnaður gæti orðið til hjá heimilunum, já honum var svo skipað út og þrýstidælt inn á evrulöndin í suðri, undir útlánastöðlum sem bannaðir vori heima í Þýskalandi

Í suðri voru raunstýrivextir evrunnar neikvæðir og þýsku fé dælt þar inn á nafnvöxtum sem þau gátu ekki fengið heima í Þýskalandi. En vextirnir voru samt falskir og staðbundið-neikvæðir og útlánin brunnu niður. Þeir hefðu átt að vera hærri og þar með hindrað suðræn heimili í að brenna hagkerfi sín niður og þar með komið í veg fyrir svona ósvinnu. En þar sem ECB-seðlabanki evru er miðaður við þarfir Þýskalands aðeins, þá voru vextir hans í suðri ásamt þýska þrælaríkinu í norðri, eldsspýtan sem kveikti í evrusvæðinu. Þetta er sennilega eitt stærsta útflæði á illa fengnu fé undir beltisstað í sögu mannkyns. Í sumum löndum Suður-Evrópu nam þýska innflæðið 30 prósentum af landsframleiðslu

Þannig var því sem með réttu átti að vera sparnaður í eigu þýskra heimila, dælt inn á evrulöndin í suðri svo að þau hefðu fé til að kaupa útflutninginn af þýskum fyrirtækjum, sem gengu fyrir þrælum á lágum launum í norðri

Og þegar að evrulöndin í suðri sprungu vegna þessara undirboða alls í þýskt stjórnuðu ESB og svo vegna fjármálakreppunnar sem Þýskaland átti stóran þátt í að skapa, þá var það ákveðið í hallarsölum ESB, sem eru í vösum Þýskalands, að það væru löndin í suðri sem myndu verða gerð upp, í stað þess að láta þýsku bankana, sem lánuðu peningana út, rúlla. Það kom bara diktat um það frá Berlín og París

Messustjórinn yfir þessu öllu voru tveir kanslarar Þýskalans úr sömu stór-samsteypunni, Schröder og Merkel, sem er eilífðar samsæri þýska elíta gegn þjóðinni, sem á ekkert, en er hlýðnir þrælar

Og þar sem löndin í suðri eru í föstu og handjárnuðu gengisfyrirkomulagi við Þýskaland með evru, þá voru þau varnarlaus með öllu. Það eina sem land eins og Þýskaland skilur er fyrirvaralaus gengisfelling beint í andlit þess

Fyrri fræsla

Kjarabarátta breytist í kommabaráttu?

Kjarabarátta breytist í kommabaráttu?

Verkalýðshreyfing í leit að málstað

****

Það er hér með staðfest að verkalýðshreyfingin er ekki í kjarabaráttu. Hún er í pólitískri krossferð sem gengur út á að ná sér niðri á þeim sem þurfa lítið sem ekkert á henni að halda, þ.e. þeim sem grenja ekki. Og þar sem langsamlega stærsti hluti launafólks á Íslandi býr við ein bestu kjör í heimi, þá er spilið búið fyrir verkalýðshreyfinguna sem verkalýðshreyfingu. Hún er því orðin svipað pólitískt viðrini og ESB-kratar eru orðnir alls staðar í Evrópu; sem krakkeleruð Corbyn-stytta og sótsvartur talsmaður alræðis burtfloginna öreiga. Rústa þarf öllu til að skapa henni nýjan grundvöll. Það er það sem stefna verkalýðshreyfingarinnar án verkalýðs er í dag. Þetta er hún. Hún er ein eftir í lýðnum. Þess vegna sjáum við helstu lýðskrumara landsins koma grátandi út af fundum, fyrst að HICP-vísitölu- og lífeyrissjóðabullið brást. Eiginlega er hreyfingunni vorkunn, yfir því að vera orðin svona mikill einstæðingur og pólitískt viðrini

Fyrri færsla

"Banda­rísk ríki í mál við Trump" er varla fréttnæmt

Viðbrögð verkalýðsfélaganna koma á óvart

"Banda­rísk ríki í mál við Trump" er varla fréttnæmt

Mynd: "The Corbyn crack-up". Spectator 16. febrúar. Verkamannaflokkur að leysast upp vegna kommúnisma-skríls. Kakkalakka-hreyfing komma á Vesturlöndum skreið upp á borðið við síðustu skjálfta. Nú hefur hún borað vinstrið út og allt er að molna. Svo detta þeir niður aftur, og bíða næstu skjálfta. Þá skríða þeir upp á ný og bora

****

BANDARÍKI NORÐUR-AMERÍKU

Auðvitað er höfðað mál. Auðvitað er reynt að hafa hátt. Og auðvitað er þetta ekki nein sérstök frétt. Það er aldrei frétt að til dæmis dómari á Hawaiieyjum eða í Seattle þykist geta stjórnað öllum inn- og útgönguleiðum Bandaríkjanna, frá einni samfóholu í sinni borg. Engum nema fréttamanni dettur slíkt í hug. Slíkt er ekki frétt, heldur fésbókfærsla

Slíkt væri jafn fáránlegt og að valda- og fégráðug verkalýðshreyfing myndi stjórna heilu landi, eða að hundaeigandi sem kann ekki að ala upp hund, láti hundinn fara með sig hvert sem er og verði þannig eigandi í bandi hunds. Ekkert slíkt stendur í neinum handbókum fyrir eigendur. Hvergi, og heldur ekki í neinum samningi um EES, sem er að verða örorkupakki-3 fyrir aumingja og embættismenn

Og hvorki samfógöngubraut í New York né hjólastígur í Kaliforníu, sem þiggur þriðjung allra félagsmálaútgjalda Bandaríkjanna -vegna einmitt ólöglegra innflytjenda á vegum sossa- munu ráða því hvað Bandaríkin sem ein ósundrandi heild gera. Það er vitað og er ekki frétt

Það er hins vegar frétt að Trump mun byggja múr sem ver öll Bandaríkin gegn því að verða eitt fylki bagga. Og það verður sannarlega frétt hvernig hann mun gera það. Því allt sem hann segist ætla að gera, gerir hann, með rettidig omhu. Þetta verður skemmtilegt, mjög. Sossaveiturnar munu ýlfra og gagga, en svo þagna með öllu um það mál og missa atkvæði kjósenda. Í bunkum

Sprett úr spori: Jón Leifs gengur í Sjálfstæðisflokkinn

Fyrri færsla

Viðskiptaráðuneyti Bandaríkjanna hefur sent bíla-skýrslu til Trumps

Bandarísk ríki í mál við Trump

Viðskiptaráðuneyti Bandaríkjanna hefur sent bíla-skýrslu til Trumps

Angela Merkel sagði á öryggisráðstefnunni í München að henni fyndist að NATO ætti ekki bara að vera hernaðarbandalag, heldur ætti það að vera "samfélag" --ha ha ha og hristist-- um "sameiginleg gildi" --sem hún er ekki tilbúin að verja, heldur bara neyta-- ha ha ha og hrekk af stólnum

Viðhorf hennar til viðskiptajöfnuður Þýskalands við umheiminn, sérstaklega Bandaríkjanna, innihalda engar slíkar óskir um að deila með Bandaríkjunum viðskiptahagnaði þeim sem hún hefur komist yfir með því að aðrir sitji uppi með viðskiptahalla. Þar gilda allt önnur viðhorf. Viðskiptahagnaður Þýskalands er á stærsti í heiminum og hann er illa til kominn

Það var aldrei meiningin með endurreisn Bandaríkjanna á Þýskalandi, að það land þyrftu Bandaríkin að fóðra á eftirspurn um aldur og ævi. Og sérstaklega ekki þar sem Þýskaland felur sig með reglugerða-síkisfljóti ESB umhverfis sig og þykist ekki geta gert neina samninga við neinn, en er svo sá aðili sem er sjálfur kastalinn sem síkinu er ætlað að verja. Trump hefur séð í gegnum trix Þjóðverja, gengisfölsun þess með evru, og kúgun þeirra á þeim löndum sem eru handjárnuð við það með föstu gengisfyrirkomulagi evru. Eftirspurn er verðmætasti hlutur jarðar í dag og í þeim efnum er Þýskaland svarthol. Það sogar til sín eftirspurn annarra landa, en skapar sjálft enga

Og þar sem það er ekki hægt að ná til Þýskalands, hvorki í gegnum ESB né WTO, þá er það nú þannig að fjölþjóðaisminn sem sprengdi heiminn í loft upp anno 2008, er að deyja. Í stað hans er komin gagnkvæmnisstefna í viðskiptum og pólitískri samvinnu og líka á sviði öryggismála. Ef þú hótar mér þá hóta ég þér, og mitt prik er stærra en þitt og það virkar. Það er ekki eins og að þú og þitt loftprik virki til neins í samvinnu með neinum, Angela, og sem þú áttir fyrir langa lögnu að hafa gert að fullgildu priki meðal þjóðanna, í stað þess að níðast á þeim eins og krónískur betlari

Frumforsenda fjölþjóðaismans var að viðskiptajöfnuður á milli landanna væri í jafnvægi. Þetta er reyndar sjálf frumforsenda alþjóðlegra viðskipta. Þessu nauðgaði Þýskaland í spað, og sérstaklega eftir að það fékk evruna sem dulbúning. Landið hefur tröllriðið alþjóðlegum viðskiptum. Það hefur Kína líka gert, ásamt Asíulöndum, en Þýskaland er verst í þessum efnum

Viðskiptaráðuneyti Bandaríkjanna hefur nú lokið við skýrslu um bílaútflutning Evrópusambandslanda til Bandaríkjanna. Hún segir í niðurstöðum að hann sé ógn við öryggi Bandaríkjanna. Donald Trump hefur nú 90 daga til að melta skýrsluna og gera eitthvað í málinu. Þetta er pólitísk aðgerð, því það er hvorki hægt að ná til Þýskaland í gegnum viðskiptasamninga við ESB né með því að nota regluverk Alþjóðaviðskiptastofnunarinnar WTO. Þýskaland hefur vísvitandi gert sig að torgreinanlegum Stealth-gengisfalsara og það uppfyllir öll þau fjögur skilyrði sem liggja að baki skilgreiningu Baracks Obama á gengisfalsara, og sem bandaríska þingið er með á tandurhreinu

Nú fer Trump í tankeboks með skýrsluna, hlæjandi að kaldastríðsrústum öryggisráðstefnunnar í Munchen, þar sem hárkollusafni Merkels var stillt fram á kústsköftum þýska hersins, sem er ekki til, og öðrum ESB-löndum boðið að máta þær á niðurbrenndan skalla sinn í evrum. Rettidig omhu er mottó Trumps. Þar er allt byggt og afhent á réttum tíma, betra en var lofað, og á betri kjörum en var samið um. Þetta verður spennandi

Þýskir eru hættir að vera leiðir yfir því sem þeir gerðu saman með Hitler. Sá leiði hefur nú breyst í leiða yfir því að hafa tapað stríðinu. Ísrael er jafnvel komið sem endurprentað skrímsli á gömul sossa-plaköt og hvergi mælist andúð á Bandaríkjunum meiri í Evrópu en í Þýskalandi. Þannig virkar Þýskaland. Það er frekar misheppnað ríki að stjórnarfarslegu leyti. Næsta syrpa Evrópu er því í smíðum sökum þess að stærsta og öflugasta ríki álfunnar afneitaði veruleikanum. Það hefur bara tvo takka; mikilmennskubrjálæði eða sjálfsmorð, on eða off

Það er bara ein leið út; og hún er sú að flytja verksmiðjurnar fyrir bílana sem Bandaríkjamenn eiga að kaupa af þýskum, til Bandaríkjanna, lækka verðið, og auka framleiðnina, því annars étur GM hinn þýska verndaða bílaiðnað lifandi með sína 44 bíla á ári á hvern starfsmann, á meðan þýskir geta aðeins framleitt 20

Fyrri færsla

Heimsókn Pompeo: Íslandi sett nýtt hlutverk og mikilvægi