Leita í fréttum mbl.is

Ný (tækifæris) viðhorf í öryggismálum Evrópu

Hljóðvarp: Victor Davis Hanson sagnfræðingur um framtíð Evrópu, þann fyrsta október 2015. Bein krækja á þennan þátt The Classicist á Hoover stofnuninni er hér

****

Vandamál NATO er Þýskaland, en ekki Bandaríkin

Verndar NATO ennþá Vesturlönd? Kemur það ennþá í veg fyrir ófrið í Evrópu? Tyggir það enn tilvist þess heims Vesturlanda sem settur var upp árið 1945, það er eftirstríðsfyrirkomulagsins (e. post war world order). Og er það Bandaríkjaleitt- og Bandaríkjafjármagnað NATO sem tryggt hefur friðinn og komið í veg fyrir þriðju heimsstyrjöldina?

29 þjóðir hafa nú fylkt og flýtt sér inn í hervarnarbandalagið NATO til þess að njóta þess, en ekki til að bera varnarmátt bandalagsins uppi. Stærsta vandamál NATO í dag er ekki Bandaríkin sem halda því uppi, heldur fjölmennasta ríki Evrópu sem heldur því niðri. Þýska landið sem allar götur frá fæðingu þess 1871 hefur leitast við að drottna yfir Evrópu, heldur NATO niðri og eins veiku og mögulegt er, til þess að halda sér og völdum sínum uppi. Þetta hefur Þýskaland stundað síðastliðin 40 ár.

Styrmir Gunnarsson veltir hér vöngum yfir hinum hefðbundnu rassaköstum Þýskalands, sem ávallt verða um leið og ósköp venjulegar og ofureðlilegar kröfur eru gerðar til þess um að haga sér nú loksins eins og venjulegt ríki sem skrifað hefur undir og tekið á sig skuldbindingar hervarnarbandalagsins NATO. Um leið og Þýskaland er innt eftir efndum í fjölþjóðlegum málum á borð við NATO, þá rís rass þess upp og hristir úr sér í ræðu og riti hugmyndum um sín eigin kjarnorkuvopn, og nú síðast nágranna síns, sem ekki einu sinni er fær um að verja sjálfan sig, þ.e. Frakklands

Eða ber að skoða Maximilian Terhalle-kjarnorkuvopnaþvælu Þýskalands í írönsku ljósi? Þýskaland gæti þannig notið góðs af því að Íran kjarnorkuvopnavæðist, því að Íran með bombuna myndi kalla á Japan, Taívan, Ástralíu, Saudi Arabíu og Tyrkland og þar með Þýskaland líka sem kjarnorkuveldi og svo koll af kolli inn í stjórnlaust helvítið, eins og síðast þegar Þýskaland kveikti í heiminum í þriðja skiptið á innan við 100 árum

En þetta eru alls ekki ný viðhorf: Charles de Gaulle var með sömu grillur um Bandaríkin í Evrópu og það kostaði þau ómældar fórnir í Víetnam, á sama tíma og þau tróðu tappanum í musteri mannvonskunnar í Moskvu, sem að Þýskaland nú að hálfu leyti í vösum fast er í. Það er ekkert nýtt þessu rassakasti Þýskalands

Þessi rassaköst í Þjóðverjum sem á þennan hátt reyna að koma sér hjá því að standa við sáttmálaskuldbindingar sínar í NATO, er því þekkt stærð þýska rassakastaríkisins. Það eina sem krafist er af Þýskalandi er að það hagi sér eins og ábyrgt land í bandalagi við þá sem það á allt að þakka. Það er nóg

- Ég þakka lesendum kærlega fyrir árið sem er að enda og óska ykkur gleðilegs nýs árs, sem verður hið fyrsta í útjarði nýs kafla í sögu okkar 

Fyrri færsla

Dauðir erlendir ferðamenn lausnin fyrir Árneshrepp?


Dauðir erlendir ferðamenn lausnin fyrir Árneshrepp?

Það var ámátlegt að fylgjast með tvöföldu gjaldfalli formanns Framsóknarflokksins í sjónvarpinu í gær. Þar kom útópískur hann, fram fyrir hönd útópískrar ríkisstjórnar Íslands og gjaldféll tvisvar á sömu mínútunni á eyðsluskyldum háskatta-ríkisstjórnar Íslands, sem hrifsar til sín um það bil 40 prósent af öllu því sem framleitt er í landinu

Tvisvar á sömu mínútunni sagði hann Árneshreppi á Ströndum að hoppa upp í afturendann á sjálfum sér, vegna þess að hann þyrfti að laga svo margar brýr fyrir sunnan sem erlendir ferðamenn sem kunna ekki að keyra, kála sér á. Þannig væri ekki einu sinni hægt að moka snjó í Árneshreppi né hvað þá að lagfæra veginn fyrr en eftir mörg ár og áratuga vansæmd. Málið er að sjálfsögðu það að ekki má halda veginum til og í Árneshreppi opnum svo að erlendir grasasnar álpist ekki þar um og káli sér á núll komma fimm, því það kostar instant nýjan veg. Skítt með þá Íslendinga sem ævilangt hafa mátt bæði fjármagna og lifa með það sem erlendir ferðamenn geta ekki. Það eina sem máli skiptir eru erlendir ferðamenn ferðamanna-bræðslunnar og yfirstéttar-erlendir jarðabraskarar. En kjósendur og skattgreiðendur fari til fjandans og útgerðin líka

Samkvæmt þessu geta Reykvíkingar bara hunskast út á land þoli þeir ekki geggjunarglundroða borgarstjórnarinnar úr austri og Stalín-sprengt sjúkrahús DDR-Svandísar í mýri. Engin þörf er heldur á að moka út á Bessastaði því þar er enga mjólk að sækja, né neitt annað en tóma þvælu. Hvað með að eyðileggja veginn þangað, fyrst að enginn erlendur drepur sig þar í heimsku sinni? Þar býr jú bara einn maður

Svo er fólki bara sagt að ekkert sé hægt að gera í vegamálum nema með enn meiri skattheimtu ofan í fullt sovét. Gengur þar gjaldfallinn formaður Framsóknar sem forystuhrútur með sósíalistahjörð ríkisstjórnarinnar í bandi. Þvílíkt kommabæli!

Og svo kom rúsínan í útópíuenda ríkisstjórnar sósíalismans: Netsambandið er svo lélegt í Mjóafirði að þar er ekki einu sinni hægt að vera með fjarkennslu fyrir skólabörn. Fullkomið gjaldfall!

Á hvaða plánetu býr ríkisstjórnin sem lofar öllu fögru fyrir kosningar. Jú hún er lokuð inni í apabúri á apaplánetu umhverfisráðherrans. Ekkert var að marka Hvanneyrarfundinn með Bjarna Ben og kó fyrir kosningar. Ekkert! Sá maður virðist vera orðinn útópískt viðundur sem gengur fyrir hvellsprunginni kommalofttegund úr austri

Fyrri færsla

Heimsendir: hringdi í sex bankastjóra


Heimsendir: hringdi í sex bankastjóra

Myndskeið: Allar 135 ferðir STS geimskutla NASA á 30 árum. Lítið nema húmbúkk hefur gerst á þeim fronti síðan þá. Fátt merkilegt gerist nema að Bandaríkin geri það. Og svo mun verða um aldir enn. STS = Space Transportation System

****

Á Þorláksmessu voru það sex síma hringingar Steven Mnuchin viðskiptaráðherra Trumps, til sex bankastjóra, sem hringdu heimsendi inn, því þann daginn voru markaðir önnum kafnandi á settinu við að gera stórt. Helgina þar á undan varð einnig heimsendir er varnarmálaráðherra Bandaríkjanna sagði af sér vegna þess að hann sjálfur passaði ekki inn í stjórnmálaprógramm forsetans og kosningaloforð hans

Í dag voru markaðir hins vegar í hysterísku sólskinsskapi og hráolíuverð steig upp úr heimsendinum um 9,6 prósent vestanhafs og 8,8 austan atlantsála. Naz-bykkjan fór upp um tæplega sex prósentur, SPX um það sama og Dow um tæplega fimm. Allt saman methækkanir á einum degi. Reyndar er þetta í fyrsta skiptið í mannkynssögunni sem að Dow-vísitalan hækkaði um þúsund stig á einum degi

Þetta og margt fleira úr sömu skúffum er til marks um þá miklu ringulreið sem ríkir í heiminum. Síðustu 30 árin hafa hamrar stjórnmálahreyfingar glóbalista barið svo á heiminum sem settur var upp árið 1945, að hann er að enda. Jacob Riis á að hafa sagt:

"When nothing seems to help, I go look at a stonecutter hammering away at his rock perhaps a hundred times without as much as a crack showing in it. Yet at the hundred and first blow it will split in two, and I know it was not that blow that did it, but all that had gone before."

Það er ekki síðasta hamarshöggið sem klýfur steininn. Það eru öll hin höggin sem dundu á honum þar á undan. Ergo: það voru hvorki Brexit né Trump sem klufu heiminn í uppnámum glóbalista. Síðustu krampaköst stjórnmálahreyfinga glóbalista spila sig um þessar mundir út sem örvæntingarfull marxísk lofthita-hystería á rauðu torgi. Þeir eru hræddir við að missa vinnuna - og æruna

Já. Heimurinn er að enda, því nýr er í smíðum. Mikli ólga er framundan og ófriður. Framtíðin er hins vegar alltaf fjárfestanleg, þrátt fyrir 50 milljarða dala ryksugun bandaríska seðlabankans á mánuði. Kína er búið að vera. Það á aðeins eftir að falla saman. Og ESB er að verða hættulegasti viðskiptafélagi Vesturlanda. Nýr heimur er að myndast. Enginn veit þó enn hvernig hann mun líta út. En þegar hann er kominn, þá segja allir: "að sjálfsögðu, þetta vissi ég allan tímann"

Á meðan lítið er enn ljóst og skýrt um hinn komandi heim, verðum við að láta okkur nægja herra heimsendi annan hvern dag og konu hans frú hysteríuna, ríðandi ver-öldinni sundur og saman, en þó mest á miðilsfundum í fjölmiðlum

Fyrri færsla

Heimsendir: varnarmálaráðherra segir af sér


Heimsendir: varnarmálaráðherra segir af sér

Vesturlöndum: Olivia Newton John í hvítu og meira í hvítu með henni hér. Þetta hófst allt saman með útgöngunni af Egyptalandi. Annars værum við ekki Vesturlönd í dag. Jólin nálgast..

****

22.12: Gáttaþefur   

Nú er komið í ljós að James Mattis sem sagt hefur af sér sem varnarmálaráðherra Tumps (sjá: Mattis hættir hjá Trump), lagðist gegn flestum þeim mikilvægu málum sem leiddu til kjörs Donalds Trump sem forseta Bandaríkjanna. Mattis var á móti því að bakkað væri út úr svo kölluðu Parísarsamkomulagi og hann var á móti flutningi sendiráðsins í Ísrael til Jerúsalem. Hann var einnig á móti því að senda Íran-samkomulag Obama í tætarann

Obama hafði fjóra varnarmálaráðherra í sinni stjórnartíð og ég minnist þess ekki að nýgeggjunardeildir fjölmiðla og "sérfræðinga" hafi lagt lesendur sína i einelti með geðklofnum fréttum um brottför þeirra úr ríkisstjórn hans. Harry Truman hafði einnig fjóra varnarmálaráðherra í sinni stjórnatíð. Þess utan þá rak Barack Obama James Mattis án svo mikið sem eins símtals á sínum tíma. Donald Rumsfeld sagði af sér hjá Bush yngri, sem þannig hafði tvo varnarmálaráðherra í stjórnartíð sinni

Trump ákvað að senda bandaríska hermenn inn í Sýrland í sex mánuði, hann hafði jú lofað kjósendum því að leggja ISIS í rúst. Nú er 99 prósent af kalífati þeirra horfið af yfirborði jarðar, landsvæðinu, en sjálft ISIS mun þó aldrei hverfa alveg, því það liggur ætíð latent/sem óspírað fræ meðal íslömsku þjóðanna og bíður næsta tækifæris. Útilokað er annað en að það reyni einhvern tíma að rísa upp á ný. Enginn veit hvenær það gerist næst

Mattis skilaði góðu verki og beittari her, en hann fékk samt ekki, þrátt fyrir það, að standa í vegi fyrir áframhaldandi útfærslu MAGA-stefnu Trumps (Make America Great Again). Já, kannski var Mattis eins konar krati (of mikill?) eins og Trump orðaði það - "a sort of a Democrat"

Í dag bakaði ég laufabrauð og parta. Fallegt hrím var úti  

Fyrri færsla

Myndir sem passa fordómum blaðamanna


Myndir sem passa fordómum blaðamanna

Ég sé að blaðamaður sá sem framleiddi þessa frétt, sem krækt er á hér neðst, hefur fundið mynd sem passar fordómum hans. Til hamingju með það. Nú bíðum við spennt eftir næstu skrímslamyndum í öllum málum sem blaðamaðurinn skrifar um

En hér skal það uppýst sem ekki kemur fram í skrímslamynda-skreyttri fréttinni um hvað Trump sé vondur, að hæstiréttur Bandaríkjanna hafnaði ekki því banni sem ríkisstjórn forsetans hefur gefið út. Hann neitaði aðeins að stöðva þær tafir sem lægri réttur er að viðhafa í málinu. Hann tók ekki afstöðu til sjálfs bannsins, heldur einungis til þess hvort að hann myndi stöðva málstöfina sem hinn lægri réttur viðhefur. Þegar sú töf í málsmeðferð endar með dómi í hinum lægri rétti, og sem væntanlega mun ganga gegn Hvíta húsinu, þá verður því máli áfrýjað til hæstaréttar, sem þá mun dæma í málinu og bannið væntanlega taka gildi. Já Bandaríkin eru réttarríki

Svo óska ég öllum blaðamönnum áframhaldandi góðs sósíal-stríðsmanna-réttlætis-dansi á aðventunni. Sérstaklega þessum hér (Þýska Aftökublaðið Der Spiegel baðar sig sjálft í blaðamanna speglinum)

Meira kaffi?

Fyrri færsla

Mattis hættir hjá Trump


mbl.is Hæstiréttur hafnaði tilskipun Trump
Tilkynna um óviðeigandi tengingu við frétt

Mattis hættir hjá Trump

James Mattis varnarmálaráðherra er á förum úr ríkisstjórn Donalds Trump. James Mattis semur greinilega ekki við Trump, eða öfugt, og skoðanir þeirra í varnarmálum fara ekki saman. Ástæðan að sögn dagblaða á borð við til dæmis Wall Street Journal, er sögð vera brottför Bandaríkjahers frá Sýrlandi, sem Trump fyrirskipaði í fyrradag. Þar eru tvö þúsund bandarískir sérsveitarmenn með stuðningi frá lofther og sjóher. Mattis var búinn að segja að hann myndi ekki hætta sjálfur og að forysta hersins mætti aldrei setja sig upp á móti kjörnum fulltrúum fólksins, þ.e. fólkinu sem herstjórnin á að vernda. Mattis hinn fyrrverandi hershöfðingi, er þó ekki æðsti yfirmaður hersins, heldur er hann settur varnarmálaráðherra Bandaríkjanna

Trump forseti lýsir því nú yfir að með Bandaríkin í forystuhlutverki hafi Ríki íslams verið sigrað. Hann hafði lofað bandarískum kjósendum þessum sigri og honum sé náð. Markmiðinu hafi verið náð. Bandaríkin dragi sit því hér með út. Pólitískir andstæðingar Donalds Trump (vinstrihreyfing glóbalista => imperíalistar) með lyklaboð, síma og tístforrit í hönd, skrifa að fjarlæga verði forsetann úr embættinu fyrir að draga Bandaríkin út úr hernaðarátökum í Sýrlandi, hvorki meira né minna. Hvers krafist verður er Trump á næstunni dregur Bandaríkin út úr Afganistan, eftir 17 ára viðurvist, getur varla orðið annað en krafa um umsvifalausa opinbera aftöku hans

En þó svo að borgarastyrjöldin í Sýrlandi og upprisa Ríkis íslam hafi grasserað á dyraþrepum Tyrklands, en ekki á dyraþrepum Bandaríkjanna, þá hefur Tyrkland ekki viljað -né heldur pólitískt séð getað- blanda sér of mikið í málið, fyrr en nú. Og það er sennilega það sem fær Bandaríkin til að segja bless við helsta bandamann sinn í þessari baráttu; Verndarherlið Kúrda. Segja sumir að hér séu Kúrdar hengdir út á snúru, sem skotmark fyrir Tyrkland, því að tyrkneska ríkisstjórnin hefur stimplað Verndarherlið Kúrda sem hryðjuverkasamtök er starfi þvers yfir landamæri Tyrklands, Sýrlands og Íraks. Á því landsvæði ásamt í vesturhluta Írans, líta Kúrdar á sig sem 30 til 45 milljón manna þjóð. Stærsta landsvæði þess sem Kúrdar segja að sé Kúrdistan, liggur þó í Tyrklandi, þar sem 20 milljónir Kúrda búa

Líklegt má telja að Trump hafi gert samning við Tyrklandsforseta um að hann fái að vissu marki að berjast gegn Kúrdum, en þó bara að vissu marki. Fari hann yfir þann þröskuld þá falli Bandaríski hamarinn og verndarhönd Bandaríkjanna yfir Tyrkjum sem NATO-landi, sé þá ekki í sambandi við símalínu til hvíts húss

Bandaríkin geta ekki stöðvað ris Tyrklands lengur, því að það og Íran eru einu löndin sem koma til greina sem heimshlutaáhrifavald í Austurlöndum nær og þar með upp Balkanskaga. Borið saman við Íran, þá er nýtt Tyrkjaveldi skárri kosturinn. Betra sé að hafa Tyrkland sem bandamann, en sem andstæðing. Þarna geta þá Tyrkir, ásamt Ísrael og Sádi-Arabíu, haldið Íran í skák með baktryggingu Bandaríkjanna. Og Tyrkland er hér með látið um að halda þeim herskáum öflum sem stóðu að upprisu Ríkis íslam niðri. Bandaríkin hafa hér sennilega gert taktískt úrlausnarsamkomulag við Tyrkland um áframhaldið, þar sem baráttunni við liðsafla Ríkis íslam er að mestu lokið. Tyrkland verður vörður. Kúrdar tapa hér að vissu marki, en gangi Tyrkir of langt gegn Kúrdum, þá taki Bandaríkin á ný upp sitt tímabundna bandalag við þá. Fulltrúi Bandaríkjanna í Sýrlandi sagði í ræðu sinni í Atlantic Council á mánudaginn, að Bandaríkin hafi ekki og geti ekki haft varanlegt samstarf við ekki-ríkis einingar

Mér finnst þó ólíklegt að Sýrland sé aðalástæðan fyrir afsögn bandaríska varnarmálaráðherrans. Mig grunar að um stærra mál sé hér að ræða og það sé Evrópa og NATO-aðild ESB-ríkja sem sinna ekki umsömdum skyldum sínum í varnarbandalaginu. Trump, að ég held, er staðráðinn í að taka það mál lengra, því Rússland er á tröppunum og gæti farið að hugsa sig til frekari hreyfinga. Ég spái því að á næsta ári muni Trump ganga harðar að ESB-ríkjunum vegna NATO og sérstaklega Þýskalandi vegna viðskiptamála. Þýskaland er með stærsta viðskiptahagnað nokkurs ríkis í heiminum og hann er tvöfalt hærri en sáttmálar ESB leyfa. Og svo er það WTO. Munu Bandaríkin yfirgefa þá stofnun? Það voru Bandaríkin sem stofnuðu til GATT 1947 (Alhliða samkomulag um tolla og viðskipti), sem síðar leiddi til WTO 1995 (Alþjóða viðskiptastofnunin)

Hlutabréfin í fjármálaflaggskipi Þýskalands, Deutsche Bank, héldu áfram að hrynja í gær og féllu um meira en sjö prósent. Þau kosta aðeins 6,94 evrur í dag, en kostuðu tæplega 90 evrur í janúar 2007. Þetta er 92 prósent hrun á þvi  tímabili, og 60 prósent hrun á þessu ári. Og ekki lagast verðið á olíu fyrir Rússland, frá þeirra bæjardyrum séð

Og svo er það staðan varðandi Kína og Norður-Kóreu. Sýrlands-ákvörðun Trumps skilar sér umsvifalaust sem fyrirvaralausum hreyfingum á pólitískum jarðskjálftamælum þar. Ef Trump getur gert þetta, þá getur hann líka gert (okkur) hitt, fyrirvaralaust, hugsa þeir. Þarna er engin bandarísk hersveit fyrirsjáanlegrar friðþægingar á ferð.. ..stimplast inn í bakhöfuð þeirra. Sjáið bara tollamálin miðað við sama tíma fyrir aðeins ári síðan

Fyrri færsla

Trúverðugleiki Trumps og Fed-seðlabankans


Trúverðugleiki Trumps og Fed-seðlabankans

Bandaríski seðlabankinn útskýrði stýrivaxtaákvörðun sína í gær og svaraði spurningum. Histeríukast braust út á mörkuðum

****

MUNKAMÁL

Tungumál seðlabanka er eins konar sérgrein munka sem búa utan við hagkerfið í klaustrum. Þegar þeir tala eins og til dæmis Fed-seðlabankastjórinn Powell gerði í gær, þá leggja allir við hyldjúpar hlustir og reyna að afþýða, þýða og túlka það sem tunga seðlabankans segir - venjulega án nokkurrar ábyrgðar. Enginn myndi þó kjósa þessa munkana til neins. Þeir eru allir skipaðir af stjórnmálamönnum og sækja umboð sitt til fólksins sem heldur þeim uppi. Seðlabanki Bandaríkjanna er í vösum fólksins og hann á að vera það, eins og hershöfðingjar landsins eru það. Stofnanalegt sjálfstæðisgagg um seðlabanka er flott á pappír, en þeir verða að kunna að hlusta. Aldrei hefur komið til greina að færa hershöfðingjum í lýðræðisríkjum stofnanalegt sjálfstæði frá fólkinu sem þeir eiga að vernda. Svo kallað sjálfstæði seðlabanka þarf að skoðast í því ljósi. Það er flott á pappír

TUNGUMÁL

Þegar Trump tók saman stýrivaxtaákvörðun sína í kosningabaráttunni um það sem er að gerast með heiminn sem Bandaríkin byggðu frá og með 1945; þá sá hann Þýskaland enn vaðandi í peningum Bandaríkjamanna með hæsta viðskiptahagnað nokkurs lands í heiminum og í vösum Rússlands sem Bandaríkin eiga að verja það gegn. Fall Sovétríkjanna hrærðist ekki saman í nýtt rússneskt Harward, blómlegt býli né gott ríki fyrir borgara þess. Það varð að svartri steypu, þrátt fyrir aðstoð Bandaríkjanna áraum saman og Rússneski herinn æfir ekki lengur saman með þeim bandaríska, heldur réðst hann inn í Georgíu, Úkraínu og Krím. Trump sá nýtt Evrópusamband sem framlengdan og nýjan umboðslausan arm heimsvaldasinna meginlandsins með þjóðir þess sem plokk-nýlendur. Hann sá flest NATO-löndin í ESB níðast á Bandaríkjunum, neitandi að standa við sáttmála-skuldbindarar sínar. Hann sá að Kína myndi bara alls ekki verða neitt annað en nýtt Sovétríki fyrir alla peningana sem Bandaríkin hafa ausið í það. Hann sá að 60 þúsund verksmiðjur Bandaríkjanna hafa verið fluttar þangað og til fjarlægra landa og að Bandaríska þjóðin -nema glóbalistarnir sem græddu á þessu- hafði verið skilin ein eftir á fjóshaug alþjóðavæðingar glóbalismans. Hann sá að hin pólitíska valdastétt í Washington var komin með hærri laun en þeir í Kísildalnum -þ.e. bandaríska atvinnulífið- í fyrsta skiptið í sögu landsins. Og hann sá að friðurinn sem Bandaríkin hafa haldið í heiminum frá og með 1945, leiddi til þess að hin pólitíska stétt var komin með ákvörðunarlömunarveiki og þorði engu því hún hafði veitt sjálfri sé risavaxin réttindi og fríðindi sem leitt hefur til þess að hún var orðin huglaus, getulaus, hugsjónalaus, og sljó sem langtímadópisti á róandi lyfjum. Vitið þið hvað summan af þessu öllu heitir í huga Trumps? Jú hún heitir "a bad deal" sem fóðrar rakettumenn. Vesalingar!

"A mess"

Febrúar 2017

"A BAD DEAL"

Þetta var niðurstaða byggingameistarans Tumps. "A bad deal" og "a mess!" Fólkið kann þetta tungumál. En munkarnir í seðlabankanum skilja hins vegar ekkert. Auðvitað hefur kjafturinn á Trump áhrif á þá, því þeir eru jú bara menn. Þjóðkjörinn forseti sem heldur ekki seðlabanka landsins við efnið og á tánum er bara vesalingur af embættismannaætt sem aldrei hefur byggt neitt

- Glóbalismi er útópísk stjórnmálahreyfing af sósíalismakyni imperíalista. Hún inniheldur lofthitaisma og alþjóðaisma

Fyrri færsla

Macron kominn niður í Sjálfstæðisflokk


Macron kominn niður í Sjálfstæðisflokk

2018-12-07 vinsældir Trumps

Mynd: Burðarstólpi fullveldis vestrænna ríkja, Donald J. Trump

****

Vinsældir Emmanuels Macron forseta Frakklands mælast nú á pari við vinsældir Sjálfstæðisflokksins, eða 23 prósent. Í Morgunblaðinu í dag er frétt um að formaður Sjálfstæðisflokksins sé að hugsa um hvað hann ætti að hugsa í sambandi við rafmagn. Vinsælasti leiðtoginn á Vesturlöndum í dag er líklega Donald J. Trump, forseti Bandaríkjanna, með 50 prósentur. Hann virðist vera einna best tengdur við þjóð sína og land

Bandaríski flotinn mun að líkindum hætta að koma í höfn í Haifa í Ísrael vegna þess að kínverska Shanghai International Port Group (SIPG) fyrirtækið í meirihlutaeigu kommúnistaflokks Kína, keypti meiri hlutann í höfninni árið 2015

Hafnareigandinn mun geta fylgst náið með bandarískum skipaferðum. Hann mun einnig geta fylgst náið með bilana- og viðgerðaferlum og því hvað fer um borð og frá borði skipa, og líka því sem fer til og kemur frá viðgerðarstöðum inn í landi. Hafnareigandinn mun einnig geta fylgst með, haft samskipti við og aðgang að áhöfnum okkar til langs tíma, sagði Gary Roughead hershöfðingi og fyrrverandi yfirmaður aðgerða Bandaríkjaflota á ráðstefnu í háskólanum í Haifa

Flotaforinginn fyrrverandi sagði einnig að upplýsinga- og innviðakerfi hafnarinnar með þar af leiðandi möguleikum á njósnakerfum og netverkshættum geti skaðað öryggi bandaríska flotans. Þjóðaröryggisráði Ísraels er mjög svo brugðið og er það að taka málið fyrir, en kaupsamningurinn gerir ráð fyrir að kínverski kommúnistaflokkurinn taki við hafnarrekstrinum árið 2021, í gegnum SIPG

Bjarni Benediktsson fjármálaráðherra sagði þann 1. júlí 2015: „Það gerðist bara á nokkrum sólarhringum, þegar átti að fara að loka stofnskránni og mikill fjöldi annarra bandamanna okkar en Bandaríkjamenn ákvað að vera með, að við ákváðum að vera með,“ sagði fjármálaráðherra í samtali við Morgunblaðið í gær"

Segja má að sjálfstæðisþætti formanns Sjálfstæðisflokksins hafi þarna verið komið fyrir á kínverskri örflögu með grúppupressu. Hann átti að vita betur. Bandaríkin lögðust eindregið gegn því að NATO-ríkin létu leiða sig í þessa gildru. En þrátt fyrir það, ákvað Bjarni Benediktsson formaður Sjálfstæðisflokksins að Ísland skyldi verða stofnaðili að AIIB fjárfestingabanka kínverska kommúnistaflokksins. Skaðinn hér af fyrir þjóðarhagsmuni okkar Íslendinga gæti orðið mikill. Þann 4. mars 2016 var það svo staðfest að Ísland er aðili að fjárfestingabanka kínverska kommúnistaflokksins

Nord-stream-2 gasleiðslan frá Rússlandi til Þýskalands tifar nú eins og tímasprengja undir þýskum stjórnvöldum og hefðbundnum stjórnmálaflokkum landsins. Og einræðistilburðir kanslara Þýskalands með Evrópusambandið í vasanum, hafa í sumum löndum sambandsins í austri, haft þau áhrif, að þau horfa til Rússlands með ferskari augum en áður. Það var aldrei meining þeirra með inngöngu í Evrópusambandið, að aðild að því þýddi nýjar árásir á nýfengið fullveldi þeirra. Þannig var það líka með EES og Ísland. Allt sem tengist Evrópusambandinu tærist og rotnar

Bandarískar hagvaxtarhorfur hafa verið skrifaðar upp vegna aukins styrks einkaneyslu í landinu. Líkan bandaríska seðlabankans í Atlanta bendir því eins og er á 3 prósent hagvöxt. Í gangverandi veðmáli fjárfesta (kallaðir svo þegar hið opinbera vill fá fé þeirra að láni, en spákaupmenn þegar ríkið vill helst ekki borga það til baka) á að kreppa (e. recession) sé yfirvofandi í Bandaríkjunum, er þrýst lengra inn í framtíðina. Efnahagsuppsveifla Donalds J. Trump virðist ekki vera að enda, þvert á móti

Þær fréttir heyrast nú, að það samkomulag elíta Sameinuðu þjóðanna um flótta- og farandfólk sem Ísland gekkst undir að því er virðist (samkvæmt "skiptir-ekki-máli, þýðingarlaust og bara-sí-svona, ekkert mál") að óþörfu í síðustu viku, sé lagalega bindandi og vitnað er til orða þýska kanslarans yfir ESB í þeim efnum. Því hefur verið haldið fram að samkomulagið væri ekki bindandi. Því er hér með haldið fram að logið hafi verið til um það. Ekki ætla ég að leggja dóm minn á það, en S.þ elítan er hins vegar að verða plága alþjóðaelíta sem herjar á það fullveldi ríkja sem haldið hefur uppi bærilegum þjóðfélagsfriði á Vesturlöndum og á milli þeirra

- Gunnar er Íhaldsmaður í Sjálfstæðisflokknum 

Fyrri færsla

"Going Full Yellow Jacket . ." - gulu vestin


"Going Full Yellow Jacket . ." - gulu vestin

Einu sinni féll stóri biti úr höndum imperíalista vegna einnar setningar sem sögð var á ensku: "no taxation without representation" -eða- ekki skal skattleggja neinn án umboðs. Ríkisfangslaus hreyfing esb- og glóbalista og lofthitasinna hefur ekkert umboð. Ekkert. Þeir munu aldrei fá að komast upp með að skattleggja okkur og senda peningana til annarra ríkja. Er það skilið?

Frá aldamótum hefur "Ile de France" svæðið í Frakklandi, það er að segja Parísarsvæðið, með sína 12 milljónir íbúa, haft 20 prósent hagvöxt, samanlagt, á meðan restin af landinu hefur haft minna en 5 prósent samanlagðan hagvöxt á sama tímabili. Það er að segja 55 milljónir Frakka hafa varla séð hagvöxt í 18 ár

Í fyrri umferð frönsku forsetakosninganna í fyrra náðu Macron og hinir tveir hefðbundnu flokkar þeirra sem ornað hafa sér á niðurrifi þjóðríkisins með esb- og hnattvæðingu (glóbalistar) á kostnað þeirra sem töpuðu á þessu, ekki nema samtals 50,4 prósentum af atkvæðunum. Þessir þrír eru: flokkur Repúblikana (20 prósent) og flokkur Sósíaldemókrata (6,3 prósent = algert hrun!) og flokkur Macrons 24 prósent. Þetta eru þeir sem eru inni í varmanum

Andspyrnuflokkar þeirra sem esb- og hnattvæðingin hefur bitnað á, það er að segja þeirra sem eru úti í kuldanum, ef svo má að orði komast, fengu samtals 45,6 prósent atkvæðanna. Þetta eru: flokkur Le Pen (21,3 prósent) og LI-flokkur Mélenchon (19,6 prósent) og DLF-flokkur Gaullista (4,7 prósent)

Þeir sem líklega tilheyra einnig andspyrnuhreyfingunni er stór hluti þeirra sem mættu ekki á kjörstað, sem voru óvenjulega margir eða 22,23 prósent kjósenda, því margir vinstrimenn gátu ekki hugsað sér að kjósa frú Le Pen. En þeir voru samt enn fleiri í seinni umferðinni eða 25,5 prósent

Gulu vestin eru þeir sem kusu andspyrnuflokkana plús meira en helmingur þeirra sem valdi að kjósa ekki í fyrri umferðinni. Næstum meiri hluti kjósenda. Þess vegna njóta gulu vestin svona mikils stuðnings meðal þjóðarinnar. Stór hluti 55 milljón Frakka hafa fengið nóg og vilja fá landið sitt til baka. Meira um þetta mál í Frakklandi í grein Henry Olsen á American Greatness sem ber yfirskriftina Les Macronables?. Og hér er önnur grein á sama stað um sama efni og hún heitir Going Full Yellow Jacket...and Saving the West og er eftir Robert Miller

Fólk er ekki heimskt þó svo að Hillary Clinton hafi sagt það um pólitíska andstæðinga sína og þó svo að það sé sagt um þá sem voru ekki sannfræðir um að allt væri í góðu lagi í landi þeirra ef bara bankanrnir hefðu það gott og það tækist að halda þeim opnum, og kusu því Brexit. Því þar sem London endar, þar hefst England

Ekkert mál þótti að rífa allt að helming atvinnufyrirtækja framleiðslu-greinanna upp með rótum og skipa þeim út til fjarlægra landa. En svo þegar flytja á framleiðsluna heim og nútímavæða hana, þá er allt í einu ekkert hægt. Þá sitja fyrirtækin allt í einu svo föst í útlöndum að ekkert er hægt að gera án þess að heimurinn farist, eins og lofthitasinnar segja líka, sé pólitísku þvaðri þeirra ekki trúað eins og nýju ponzy-neti nytsamra bjána af síðustu (sovét) sort. Þá koma allt í einu fram virðulegur menn og segja háðungalsega að forsetinn (Trump) er svo vitlaus að hann skilur ekki "glóbal afhendingarkeðjur". Hafið þið heyrt svona þvaður áður? Já oft og mörgum sinnum

Enginn skildi heldur hvernig fara átti til tunglsins. En það var gert og alveg án þess að leita til ódýrari landa með allt sem til þurfti. Eigi þessi röksemdafærsla virðulegra manna með tóma hausa að standa, þá styttist heldur betur í næstu steinöldina fyrir Vesturlönd, með gluggatjöld hins nýja marxisma dregin fyrir, í öllum hellum hins nýfrelsaða heims nytsamra bjána (já, til dæmis í xD líka)

Í finnska þinginu í evru-grafreit Finnlands í ESB, rataðist þó sumum réttu orðin á munn: Evrópusambandið verður eins og Sovétríkin eða Þýskaland nasista, þróun þess er þannig, var þar sagt

Fyrri færsla

Utanríkisráðherra Trumps: Frelsishlutverk þjóðríkja sé endurreist


Utanríkisráðherra Trumps: Frelsishlutverk þjóðríkja sé endurreist

Myndskeið: Michael R. Pompeo utanríkisráðherra Bandaríkjanna flytur 22-mínútna ræðu í þýsku Marshall-stofnun Bandaríkjanna í Brussel 4. desember 2018 | beinar krækjur: GMF | YouTube

****

ENDURREISN Á FRELSIS-HLUTVERKI ÞJÓÐRÍKJA

Það er afar fróðlegt fyrir alla, en þó sérstaklega fyrir óvildarmenn Bandaríkjanna og hins nýlega kjörna forseta þeirra, að hlýða á ræðu Michael R. Pompeo utanríkisráðherra Bandaríkjanna í þýsku Marshall-stofnuninni í Brussel þann 4. desember 2018. En sú stofnun er bandarísk hugveita sem bandarískt verndað Vestur-Þýskaland færði Bandaríkjunum að gjöf árið 1972, til að fremja samvinnu og skilning milli Bandaríkjanna og Evrópu - á 25 ára afmæli Marshall-aðstoðarinnar. Sú aðstoð reisti þann hluta Vesturlanda sem lenti ekki undir alþjóðahyggju kommúnismans, sem byggði á vísindum sósíalista -eins og til dæmis þeirra sem eru forsætis-, umhverfis- og heilbrigðismálaráðherrar Íslands núna- úr rústum síðustu vopnuðu tilraunar veruleikafirrtra glóbalista til að sameina Evrópu og gera heiminn flatan fyrir fótum þeirra sem þóttust vita allt best fyrir alla aðra. Öfl sem hötuðu sjálfstæð og fullvalda þjóðríki og þjóðfrelsi þeirra

Hér fer lausleg og á köflum efnisleg þýðing á sumu af því sem bandaríski utanríkisráðherrann sagði og hér er hægt ná í ræðu hans, orð fyrir orð. Einnig er hér krækja á þýsku Marshall-stofnun Bandaríkjanna í Brussel

ÞÝÐING

Þýðing hefst: Sjálfstæð og fullvalda þjóðríki eru hornsteinar hins frjálsa heims, sagði Pompeo. Og án forystu Bandaríkjanna sem fremsta varðstöðumanns heimsins um að þjóðríkin verði áfram sjálfstæðir og fullvalda hornsteinar hins frjálsa heims, þá fellur hinn frjálsi heimur saman. Frá lokum Kalda stríðsins höfum við látið viðgangast að þetta skipulag sé komið með eyðni og hafi orðið fyrir eyðni. Okkar stefna og markmið er að staðfesta og endurheimta fullveldi Bandaríkjanna, endurbæta fyrirkomulag hins frjálsa heims og við viljum hjálp vina okkar og að þeir staðfesti og endurbæti fullveldi ríkja sinna líka. Við viljum sýna fordæmi í umbótavinnu fyrir því að alþjóðlegar stofnanir þjóni en stjórni ekki borgurum landa okkar. Hér ætla Bandaríkin að vera í leiðtogahlutverki, núna og alltaf

Brexit var pólitísk verkjaraklukka sem hringdi í þessum efnum. Er Evrópusambandið að tryggja það að hagsmunir landanna og borgara þeirra séu settir ofar hagsmunum skriffinna þess, spyr Pompeo. Slæmar einingar og gerendur í heiminum hafa nýtt sér skort á bandarískri forystu í þessum efnum. Donald J. Trump Bandaríkjaforseti er staðráðinn í að snúna þessari eyðni-þróun við. Efnahagsleg þróun Kína hefur leitt til þess að það ríki aðhyllist ekki að sjálfstæð og fullvalda þjóðríki séu áfram hornsteinar hins frjálsa heims. Við buðum Kína velkomið, en ekkert var gert til að hafa eftirlit með því að það virti hinn frjálsa heim ríkja. Trump forseti er því byrjaður að lögga Kína. Svo er það Íran og Rússland, heldur Pompeo utanríkisráðherra áfram. Hvorug ríkin urðu bara sæmilega húsum frjálsra ríkja hæf. Svo kom SWIFT-peningayfirfærslukerfis-sneið til Þýskalands og Frakklands vegna Írans. Þá henti hann NATO-skuldbindingasvikum flestra ESB-landa á borðið og bað þau um að borga og standa við sáttmálaskuldbindingar sínar við kassa númer eitt, strax, því NATO væri mikilvægasta stofnun hins frjálsa heims. Borgið! sagði hann, en fór frekar fínt í það

Listinn er langur sagði Pompeo. Við verðum að horfa á heiminn eins og hann er, en ekki eins og við viljum að hann sé - og taka mið af því. Hin nýja þjóðaröryggisstefna Bandaríkjanna byggir því á stefnu sem heitir prinsippfast raunsæi (e. principled realism) og Pompeo segist hugsa um hana sem heilbrigða skynsemi

Hann heldur áfram: Í dag hefur "friðargæsla" Sameinuðu þjóðanna verið að störfum áratugum saman án þess að árangurinn friður sé neitt nándar nálægari. Loftslagssáttmálar Sameinuðu þjóðanna eru af mörgum álitnir sem aðeins enn ein leiðin til að taka þjóðarauð ríkja og skipa honum út til annarra landa. Ísraels-andúð hefur verið stofnanavædd (vel á minnst: Angela Merkel frá Austur-Þýskalandi gaf í vikunni út diktat um að ekkert ESB-ríki flytji sendiráð sitt í Ísrael til Jerúsalem, gr). Heimshlutaöfl sameinast um að kjósa ríki eins og Venesúela og Kúbu inn í Mannréttindaráð Sameinuðu þjóðanna. Er stofnunin enn trú stofnmarkmiðum sínum? Stofnanir Alþjóðabankans og Alþjóða gjaldeyrissjóðsins voru settar á laggirnar til að endurreisa stríðshrjáð lönd og til að stuðla að fjárfestingum einstaklingsframtaks og hagvexti. Í dag leiðbeina þessar stofnanir oft löndum sem mishöndlað hafa hagkerfi sín, við að innleiða þvinganir, niðurskurð og sultarólar (e. austerity) sem hindra vöxt og þrýstidæla einkaframtaki í landinu út

Svo segir Pompeo; Stundum er ekki vinsælt að vera sá sem ruggar bátnum og rýfur kyrrstöðu-þöggunina með því að segja það sem allir sjá en enginn þorir að segja. Í hreinskilni sagt þá er of mikið hér í húfi fyrir okkur öll til að gera það ekki. Þetta er sú staða sem Donald J. Trump forseti Bandaríkjanna skilur til fulls og skynjar ákaflega vel

En fyrst byrjaði Pompeo að sjálfsögðu ræðu sína á því að minnast George Bush eldri - og svo George Marshall sem sagði er verið var að stofna og forma stofnun Sameinuðu þjóðanna sem vettvang sjálfstæðra og fullvalda þjóðríkja árið 1948: Marshall sagði þá, "Alþjóðlegar stofnanir geta ekki komið í stað viðleitni þjóða né persónulegrar viðleitni fólks á hverjum stað og hugkvæmni þess; Alþjóðlegar aðgerðir geta aldrei komið í stað sjálfshjálpar" (íslenskir ráðamenn vakni: hvar er framlag Íslands til NATO?, við erum ekki fátæk þjóð lengur. Hvar eru orrustuþotur Íslands til loftrýmisgæslu?)

Að lokum sagði utanríkisráðherrann þetta: Trump forseti hefur djúpan skilning á því að þegar Bandaríkin eru í leiðtogi, þá fylgir friður og hagsæld næstum allaf í kjölfarið. Hann veit að þegar Bandaríkin og bandamenn þeirra sinna ekki leiðtogahlutverkinu, þá eru það aðrir sem ákveða að gera það. Þýðing endar. (WSJ: Trump Defends the International Order)

RÚSSA-RANNSÓKNARSKÝRSLA UM DONALD J. TRUMP

Ástandið er slæmt meðal Trump-atvinnuhatara í Bandaríkjunum og í fjölmiðlum þeirra núna. Nú er komið í ljós að ekkert var hæft í því að Trump og Rússland væru að brugga eitthvað saman í sambandi við kjör Trumps, kosningabaráttu hans og þar af síður sem sitjandi forseti Bandaríkjanna. Vonbrigðin hjá vinstri Trump-atvinnuhöturum Demókrataflokksins eru svo mikil, að þau er einungis hægt að bera saman við þau vonbrigði sem þeir urðu fyrir þegar Stalín nýja-vinstriglýju-hetjan þeirra gerði griðasamningana við Adolf Hitler í ágúst 1939. Þvílík vonbrigði. Ólýsanleg vonbrigði. Svik! Meira um þetta mál síðar - og um það hvernig allt varð svart fyrir samsærishóp Barack Obama og Hillary Clintons gegn Donald Trump, sem frambjóðenda og þegar hann vann kosningarnar og líka eftir að hann vann þær. Frá og með því augnabliki sáu mörg þeirra hurðina að framtíðarheimili sínu í fangaklefa opnast. Engin umbun kom til hinna nytsömu kjána sem unnu fyrir þau, því leiðtogi þeirra tapaði, þrátt fyrir svæsnar og áhættusamar samsærisaðgerðir þeirra henni til handa. Ekkert klapp kom á öxlina frá Hillary Clinton forseta. Bara steinninn að opnast

Fyrri færsla

Evrópusamband í lokuðu öngstræti


Næsta síða »

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband