Leita í fréttum mbl.is

Tölvunarbransinn kominn í dauðastríð

US Exports of Crude Oil - Thousand Barrels per Day - October 2017

Mynd: hráolíuútflutningur Bandaríkjanna í október 2017

Eitt öruggt merki um að eitt tímabil sé að líða undir lok og að annað sem enginn veit enn hvað er, er að hefjast, er þegar örvænting verður helsta söluvaran. Þá hefst sá tími er örvænting nær tökum á þeim sem þykjast vinna við smíði nýrrar framtíðar, en sem þeir vita samt ekki hver né hvar er

Segja má að allur tölvunargeirinn sé að líða undir lok sem sú þekkta stærð sem hann áður var. Hann var hnífseggin sem skar okkur leið inn í framtíðina sem einungis tækifyrirtæki sáu, vegna þess að þau voru einmitt tæknifyrirtæki

En nú er sú framtíð sem sá geiri sá, fyrir langa löngu hingað komin og alla leið niður í maga neytenda og jafnvel enn lengra. Enginn í bransanum veit hvað gerist næst og örvæntingin grípur um sig, vegna þess að það er hlutverk tækifyrirtækja að vita hver framtíðin er og hvar hún er

Bransinn er því byrjaður að tryllast vegna þess að hann hefur ekki minnstu hugmynd um hvað gerist næst né hvaða nýja tímabil er að hefjast á meðan því gamla sem hann kunni svo vel, er að ljúka. Bransinn er því að tryllast. Hann reynir að troða tækni sinni inn í til dæmis ísskápa og hrærivélar og tengja þau við veraldarvef, sem jafnframt einnig er að komast í þrot. Og hann reynir líka að troða sér inn í ökutæki. Þetta er merki um mikla örvæntingu. Að láta þakrennur vökva stofublóm, er nú eins og það er

En svæsnasta merkið um örvæntingu bransans eru svo kallaðar rafmyntir. Þegar þær takast á loft þá veit maður að bransinn er við það að byrja að falla saman undan eigin þunga. Hann veit í reynd ekki hvað hann á að taka sér fyrir hendur næst, því hann veit ekki enn að tímabili tölvunarbransans í núverandi mynd er lokið - og hann veit ekki hvað kemur næst. Það veit ég ekki heldur. En það verður ekkert af því sem nú glymur hæst í tómri tunnu

Tölvunartæknibransinn mun ekki bylta ökutækjabransanum, heldur mun tölvunartæknibransanum verða umbylt af hinum óþekktu. Bransinn stendur ekki lengur undir nafni. Hann er ekki lengur tæknibransi, nema að litlu leyti. En það verða sem sagt ekki bifreiðar, ótengdar hrærivélar né fáránlegar starfrænar rafmyntir sem leysa tilvistarvanda tölvunarbransans

En hitt veit ég, að hráolíuútflutningur Bandaríkjanna sló öll met í október. Hann var 1,73 milljón tunnur á dag. Take that Mr. Putín. Take that

Það styttist í rússnesku ragnarökin. Þau kínversku eru hins vegar þegar mætt á staðinn. Þau heita stórhert einræði og ekki að ástæðulausu. Kína er að falla saman. Tekst honum herranum að soppa það? Það veit ég ekki. Eitt er að segja en annað er að gera. Að gera, er alltaf það erfiða

Fyrri færsla

Ég óska öllum gleðilegra jóla


Ég óska öllum gleðilegra jóla

Miðnæturmessa Francis páfa í Róm, jólin 2017. Smellið á myndina til að horfa og ef til vill einnig á ferhyrninginn í neðra hægra horni til að fá myndina í fullri skjástærð

****

Uppfært 17:17: Þar sem engin miðnæturmessa var í ríkisfjölmiðli okkar þá set ég hér inn sjónvarpsstrauminn frá miðnæturmessu Kaþólsku kirkjunnar í Róm. Hana horfði ég á í nótt og naut þess, þar sem ég komst ekki frá í mína venjulegu aðfangadagskvöldmessu íslensku þjóðkirkjunnar í Reykholti

Ég óska öllum gleðilegra jóla

Fyrri færsla

Kína veikist og Rússland veslast upp


Kína veikist og Rússland veslast upp

Það er til marks um furðumikla firru hve margir eru áttavilltir þegar að málefnum Kína og Rússlands kemur

Staða Kína sem ríkis er sú, að gripið hefur verið til þess gamla og vonlausa ráðs að gera forsetann að full-hertum einræðisherra. Hann var hertur, en almennur borgarinn var hins vegar skertur, vegna þess að nú á að reyna, eina ferðina enn, að halda landinu saman með stórhertum terror, hrikalegum úthreinsunum og eignarnámi. Þetta er svo stórt og blikkandi veikleikamerki að engum nema hámenntuðum mönnum í gömlum sovétfræðum, alþjóðakukli eða slíku dettur í hug að túlka slíkt sem merki um styrkleika. Staða Kína er sú að það þarf á harðasta einræðisherra að halda til að halda sér saman sem ríki, því þar gengur flest hroðalega illa. Svo illa að hertur einræðisherra er settur fólkinu til höfuðs og hersýningar settar á svið suður í höfum og norður á hjörum, til þess eins að slá ryki í brostin augu borgaranna. Einræðisherrann og flokksklíkan í kringum hann veit auðvitað vel hvaða hörmungar eru í vændum. Þess vegna þarf að hella stórauknu einræði út í steypuna svo að hún hafi séns á að halda hinu kínverska misfósturs-klístri flokksins saman. Engin járnabinding er í þeirri steypu. Hún er bara einn gamaldags bunker í kringum komma með fjögur þúsund ára steypuklossa í bakpoka

Rússland er núna á sínum síðustu árum sem eitthvað er líkist því ríki sem varð til á meðan olíuverð var yfir 80 dalir tunnan. Þrír fjórðu hlutar ríkisfármala Rússlands koma frá orkusölu og varasjóðir þess frá henni eru nú að tæmast. Rússland getur ekki lengur sent peninga út í jaðrana sem halda ríkinu saman og verja það. Það hefur ekki efni á því. Almenningur er að missa þolinmæðina og ríkisstjórnin getur ekki lengur fóðrað hann á hersýningum í Austurlöndum nær. Förin þangað hafði engan annan tilgang en að reyna að blekkja kjósendur heima fyrir. Lágt olíuverð tók tappann úr Sovétríkjunum sálugu

Kína og sérstaklega Rússland eru að veikjast stórlega. Því veikari sem þau verða, því hættulegri eru þau sem ríki. Stórhættuleg öðrum ríkjum, en þó sérstaklega hættuleg sínum eigin borgurum. Þessi tvö ríki eru að komast í steik. Þau eru að veslast upp og mikil hætta mun stafa frá einmitt því ferli

Ef það eru einhver tvö stórríki sem þola ekki návist hvors annars þá eru það Rússland og Kína

Aldir Bandaríkja Norður-Ameríku eru að renna upp. Þær næstu aldir mun pólitískan stöðugleika að mestu aðeins vera að finna einmitt þar. Allur landmassi Evrópu-Asíu (EurAsia) og Austurlanda nær er að þykkna upp. Og hann mun aðeins halda áfram að þykkna- og brotna upp. Í ótal spóna

Aðeins vesturhvel jarðar verður pólitískt stöðugt. Þar á Ísland sem betur fer heima, en ekki Evrópa. Línan milli austur- og vesturhvels jarðar liggur í gegnum Greenwichþorp Bretlandseyja. Og Stóra-Bretlandið það, haggast bara ekki

Fyrri færsla

Smíði nýs NATO heldur áfram. Theresa May flaug til Varsjár


Smíði nýs NATO heldur áfram. Theresa May flaug til Varsjár

Jólagjöfin frá Vestur-Þýskalandi til Póllands desember 1981

Mynd: jólagjöf Vestur-Þýskalands til Póllands 1981; herlög

****

Það var mikið að hún fékk að fljúga til Póllands í NSU

Evrópusambandið er að reyna að einangra Pólland inni í hinu nýja sovétríki sambandsins. Ef að þróun þess ömurlega sambands --sem flestu góðu reynir að rústa í Evrópu-- hefði verið nokkuð lengra á veg komin, þá hefði forsætrisráðherra Stóra-Bretlands sennilega ekki fengið að fljúga yfir einræðissvæði Nýju Sovétríkja ESB-sambandsins (NSU) og að lenda þar til að tala beint við Pólland; það væri þá algerlega einangrað land inni í NSU og öll samtöl við það færu fram í gegnum Miðstjórn. Og þannig stöðu þekkja Pólverjar allt of vel og ætla sér því alls ekki að lenda í henni á ný. Bara alls ekki

Og ef að NSU væri lengra á veg komið eftir hraðbraut ESB-ömurleikans, þá væri Póllandi bannað að gera varnarsamning við önnur ríki. Þannig er staðan með utanríkisviðskiptin í öllum löndum NSU. Þar og á ótalmörgum öðrum sviðum hafa ESB-löndin misst fullveldið, algerlega

En í gær sammæltust Pólland og Stóra-Bretland um að gera með sér, en ekki öðrum, varnarsamning sem breski forsætisráðherrann segir að sé öflugt merki um samvinnu þessara tveggja landa. En í reynd er samkomulagið fyrst og fremst öflugt merki um ormétna valdamiðju NSU sem er að detta í sundur eins og ostur, sem gráðug stétt ormamiðju hefur étið út að innan

Theresa May forsætisráðherra skrifar undir úrsögn Bretlands úr Evrópusambandinu 28. mars 2017

Mynd; Theresa May forsætisráðherra Stóra-Bretlands undirritar úrsögn þess úr Evrópusambandinu 28. mars 2017

Nú styðja bæði Bandaríkin og Stóra-Bretland við Pólland og þar með alla Austur-Evrópu, en sem NSU hefur hins vegar ráðist gegn. Þýskalandi langar í nýtt hjónaband með Rússlandi (er að verða búið að þurrausa stuðaralönd sín í NSU) og vill alls ekki að leið þess austur sé lokað á þennan hátt. Það vill fórna Póllandi, en Pólland ætlar ekki að láta fórna sér fyrir útflutningsfíkn hins ósjálfbjarga Þýskalands

Í Kalda stríðinu kom þessi varaleið Þýskaland austur fram sem Ostpolitik undir Willy Brandt, Helmut Schmidt og Hans-Dietrich Genscher og hún malbikaði braut Jaruzelskis til valdbeitingar og setningu herlaga yfir Pólverjum í desember 1981. Herlögin voru jólagjöfin frá Vestur-Þýskalandi til Póllands það ár. Og Ostpólitíkusinn Egon Bahr, hægri hönd Brandts, skrifaði náttúrlega með penna til veraldarinnar að heimsfriðurinn væri mun mikilvægari en Pólland, einu sinni enn

Duda og Trump júlí 2017 - undir hamrinum

Mynd; Donald J. Trump og Andrzej Duda forseti Póllands í Varsjá í júlí 2017

Þetta er víglínan í dag. Hún liggur beggja megin við Pólland. Úr austri er þrýstingur vegna Rússlands og úr vestri er þrýstingur vegna Þýskalands. Þessa stöðu hatar Pólland og mun ekki láta bjóða sér neitt slíkt á ný. Eftir nokkur ár í viðbót verður Pólland orðið eitt áhrifamesta land Evrópu. Það er undir sérvernd Bandaríkjanna og mun þannig eflast eins og öll ríki sem Bandaríkin álíta sérstaklega mikilvæg. Áður fyrr var Þýskaland í einmitt þeirri stöðu

En nú er NATO ónýtt þar sem ESB (NSU) er ónýtt. Og þarna sjáum við enn einn múrsteininn falla á réttan stað í nýju varnarbandalagi sem hægt verður að kalla Norður-varnar-bandalagið. Þetta var einn stór steinn frá Stóra-Bretlandi í þá nýsköpun, eina herveldinu í Evrópu (fyrir utan Frakkland sem býr bara alls ekki á sömu plánetu og Austur-Evrópa). Engin mun fórna lífi sínu fyrir NSU. Enginn

Fyrri færsla

Ógeðfellt samsæri gegn Ísrael


Ógeðfellt samsæri gegn Ísrael

Ef Ísraelsmenn leggðu niður vopn, þá yrðu þeir drepnir og þeim útrýmt. Ef Palestínumenn og bandamenn þeirra leggðu hins vegar niður vopn, þá yrði friður

Þessar tvær algerlega andstæðar niðurstöður þannig gjörða, útskýra í hnotskurn þá stöðu sem búið er að koma Ísraelsríki í. Sú staða hefur meðal annars orðið til fyrir tilstuðlan svo kallaðra "alþjóðlegra stofnana". Og það er virkilega ógeðfellt að aðildarríki stofnunar Sameinuðu þjóðanna skuli voga sér að fjalla um málefni Ísraelsríkis án beinnar aðkomu þess að því sem verið er véla um. Já þetta er ekkert annan en vélabrögð sem viðhöfð eru í þeirri samkundu sem hér er að verða sér algerlega til skammar. Hún á ekki langt eftir sú stofnun, skal ég segja ykkur

Það hefur fyrir löngu verið ákveðið að engin alþjóðleg stofnun eða samkunda skuli nokkru sinni blanda sér í málefni Ísraelsríkis án beinnar aðkomu þess að málum. Það er sú lágmarkssiðmenning sem hægt er að fara fram á þegar staðan fyrir það ríki er sú, að ef það leggur niður vopn, þá mun þjóð þess verða útrýmt; þ.e. henni slátrað

Ég skil því vel að Bandaríkin ætli sér að taka niður nöfn og heimilisföng á þeim ríkjum sem vinna að því að grafa undan tilvist þjóðar Gyðinga í sínu eigin landi. Það eru lágmarksviðbrögð. Og að skúfa fyrir þróunaraðstoð til þeirra er algerlega sjálfgefið, því þau sanna þar með að þeir peningar fara einungis í vanþróunaraðstoð þeim til handa. Það var aldrei tilgangurinn með að rétta öðrum hjálparhönd, að þeir vanþróuðust fyrir þær sakir

Fari þau ríki norður og niður sem haga sér þannig, því þannig hegðun átti að vera algerlega liðin tíð. Ég skil vel að Gyðingar flýi til Ísraelsríkis. Þar er einu vörnina gegn hatrinu á þeim að finna. Og þeir flýja í tugum þúsundum frá Evrópu núna, meira að segja á hverju einasta ári! Stór hluti Evrópu er hér gera sig að heimsskömm, einu sinni enn

Fyrri færsla

Talar ekki eins og þið og efnir kosningaloforð


Talar ekki eins og þið og efnir kosningaloforð

Donald Trump að snæðingi 500 px

Mynd: Hin ógnvekjandi kvöldmáltíð. Þetta allt þyrfti að banna strax. Immed!

Svandís Svavarsdóttir segir að það sé "Ógn­vekj­andi hvað Trump er ófyr­ir­sjá­an­leg­ur"

Já það er ógnvekjandi þegar menn efna kosningaloforð. Þá fjarar harkalega undan þeim sem gera og gerðu það bara alls ekki. Það er ógnvekjandi já. Svandís sótti um í ESB, þvert á gefin loforð

Donald J. Trump hefur ekki enn ráðist að Kína, en þess þyrfti samt. Það kemur vonandi síðar. Hann lofaði því

En hann er þó byrjaður að sprengja Alþjóðaviðskiptastofnunina í loft upp og er svo sannarlega kominn tími til þess. Næst mun hann vonandi sópa subbuskapnum út úr Sameinuðu þjóðunum eða bara hætta í þeim vesælu samtökum

Hann hefur ekki enn þurrkað gengi Norður-Kóreu út, heldur sýnt varfærni. En það þýðir samt ekki að það verði ekki gert. Hann lofaði að taka sig af þessu máli og er að gera það

Hann hefur ekki enn dregið sig út úr NATO. En hins vegar hafið innheimtuaðgerðir sem enginn hingað til hefur þorað. Því hafi hann lofað. Maðurinn Trump lúllar þig því áfram í rólegan svefn, Svandís. Þú og börn þín geta sofið rótt. Bandaríkjamenn borga 75 prósent af reikningnum, en Ísland næstum ekkert

Hann hefur ekki enn leyst upp NAFTA. En mun líklega breyta því. Hann lofaði því

Hann hefur ekki dregið sig út úr Austurlöndum nær. En endurhugsar 40 ára vonlausa stefnu varðandi þau. Hann lofaði því. Og ISIS í núverandi mynd er næstum dautt. Því lofaði hann líka

Hann hefur dregið sig úr úr þeim kjaftaklúbbi sem settur er saman til höfuðs Bandaríkjunum og kallast Parísarsótthitinn. Allir menn með fullu viti og snefil af kjark hefðu gert það. Svo það gerði Donald J. Trump. Hann lofaði átaki í þeim efnum

Hvað hefur Trump gert sem kemur þér svona á óvart Svandís?

Jú sett í framkvæmd áratugagamla innanríkisákvörðun Bandaríkjaþings um flutning á einu sendiráði. En sendiráð er ekki það sama og óráð, þó svo að oft sé lítinn mun hægt að sjá á þeim tveim. Hann var búinn að lofa kjósendum þessu. Hvað er að?

Og nú er Evrópa að springa í loft upp án aðkomu Bandaríkjanna og Donalds J. Trump. Hvernig skyldi standa á því?

Hvað er það sem er svona ógnvekjandi að þú þarft að móðga besta, mesta og eina bandamann lýðveldis okkar Íslendinga? Ertu nokkuð með sótthitann þann Svandís? Ekki ertu með fullu viti, svo mikið er víst

Utanríkispólitík Bandaríkja Norður-Ameríku hefur ekki breyst. En þjóðaröryggisstefna þeirra er hins vegar að breytast því heimurinn er að breytast, þó svo að landafræði heimsins breytist ekkert

Ábyrgðarlaust Ísland hefur ekkert slíkt, því við höfum jú hina ógn­vekj­andi, þið vitið hverja, til að hræða líftóruna úr þeim sem reyna. Það vita allir

...ZZZZZZZzzzzzzzzz...

Fyrri færsla

Evrópusullið bobblar og sýður


mbl.is Trump ógnvekjandi ófyrirsjáanlegur
Tilkynna um óviðeigandi tengingu við frétt

Evrópusullið bobblar og sýður

Það er að skilja sig og skilvindan er sjálfsákvörðunarréttur þjóða

Ríkisstjórn Danmerkur er kannski að leysast upp fyrir jól. Flóttamenn og skattar. Ég neita að styðja skattalækkun nema að lokað verði enn meira á keðjuvirkni flóttamannafaraldurs, sem er að sprengja Danmörku í tætlur, segir næst stærsti flokkurinn í landinu, Dansk Folkeparti, sem heldur og hefur haldið ríkisstjórn uppi áratugum saman

Afbrigðilegasta land Evrópu, Þýskaland, sem reynt hefur að reka Evrópu sem sértrúarsöfnuð í eigin mynd, er að detta í sundur. Þar verða endalausar kosningar, stjórnarkreppur, sjónarskrárkreppur, flokkskreppur, fullveldiskreppur og ýmislegt annað gotterí á boðstólum næstu ár, ef ekki byltíng

Spánn er að molna upp. Grikkland er farið

Afbrigðilegasta land Evrópu hefur ýtt vestasta hluta álfunnar burt. Hann er farinn

Afbrigðilegasta land Evrópu er líka að sparka Austur-Evrópu burt. Hún er að fara

Afbrigðilegasta land Evrópu hefur lagt Suður-Evrópu í rúst. Hún er gjaldþrota

Eftir mun afbrigðilegasta land Evrópu standa eitt, án safnaðar, vegna einmitt þess að það er afbrigðilegasta land Evrópu

Það hlaut að koma að þessu, því þetta var alger firra og þvæla frá upphafi til enda. Og snérist um peninga og völd á kostnað annarra, eins og alltaf áður

En ýmislegt stórt getur þó gerst í millitíðinni, til hins helvítis verra, eins og oftast áður

Sull, sull og sull. Það bobblar og sýður

Mun Þýskaland loksins finna sér þann afbrigðilega maka sem það leitar að? Skipulagt hjónaband, ja?

Fyrri færsla

Bandaríkin eru að hefja feril sem stórveldi heimsins


Bandaríkin eru að hefja feril sem stórveldi heimsins

Ávarp Donalds J. Trump til bandarísku þjóðarinnar 12. desember 2017. Þjóðin og þjóðríkið er það sem mestu máli skiptir, segir forsetinn hér óbeint. Það er þjóðin og þjóðríkið sem er pólitíska frumstærðin í heiminum, en ekki alþjóða- "hitt eða þetta" fyrirbærið

****

Undrabarnið

Nýlega tilkynnti Xi Jinping einræðisherra Kína að landið ætli sér að vera orðið stórveldi eftir tæplega 50 ár. Þetta sagði hann á allsherjandi ráðstefnu kínverska kommúnistaflokksins á Kína í október. Loftið seig hljóðlaust úr flestum Kínadellumönnum Vesturlanda, er einræðisherrann upplýsti þá algerlega fyrirvaralaust um að Kína væri ekki enn orðið stórveldi. Þeir héldu nefnilega það. Ganga þeir menn nú í hugsunum sínum um á múrnum langa og brosa mjótt. Einræðisherrann sagði líka að Kína yrði heldur ekki herveldi fyrir en eftir 35 til 40 ár. Og hann sagði jafnframt að efnahags- og hagvaxtarlíkan landsins væri búið að vera. En hann sagðist samt ætla að reyna að bjarga landinu með því að búa til eitthvað annað en endalaust framboð af ódýru vinnuafli, með nýju einræði. Flytja þarf nú flesta fjármuni til í ríkinu til að komast hjá uppreisn tæplega þúsund milljón fátæklinga. Og að sjálfsögðu lét hann samtímis alla vita að hann einn -já hann einn- gæti komið þessum "áætlunum" um kring, en þyrfti til þess algert einræðisvald. Þetta mun reynast landinu mjög erfitt -svo ekki sé meira sagt- og að sjálfsögðu mistakast eins og flest það sem kommúnistar taka sér fyrir hendur. Tímabundið héraðslegt herveldi verður Kína því líklega orðið eftir 40 ár, næst á eftir Japan, eða rétt áður en það rennur sömu leið og öll önnur sovétríki renna; út í sandinn

Gamalt nýtt

Rússland er nú að syngja sína síðustu nýju daga. Ástandið þar er að verða sama eðlis og skömmu fyrir upplausn Sovétríkjanna. Efnahagurinn er slæmur og rússneska fólkið er byrjað að missa þolinmæðina. Það er að verða þreytt á því að þurfa að láta sér nægja að lifa á hersýningum Kremlverja í Austurlöndum nær. Fólkið vill fá gömlu góðu dagana til baka, er hátt olíuverð byggði upp nýtt hagkerfi undir stjórn hins elskaða Vladímírs Pútín forseta. En það verð mun ekki koma aftur. Sá mikli maður vann þá kraftaverk mikið, en nú blæs að honum flest mjög á móti. Rússland er því komið í þraukum-þorrann-gírinn aftur og erfiðir tímar eru framundan. Efnahagslegar refsiaðgerðir Vesturlanda eru ábyrgðarlaus hlutur sem naga mun göt á handarbök þeirra landa er fram líður. Þau skilja þá ekki af hverju þau voru svona heimsk, því aðþrengt Rússland er stórhættulegt land fyrir heiminn allan. En svona er mannkynssagan, full af misviturlegum gjörðum - og öfugt

Sértrúarsöfnuðurinn

Evru-hrópið í Evrópu er nú að þagna. Ekki er lengur kallað til bæna fimm sinnum á sólarhring við altari evrunnar, því sviðið hefur hún flest hár af höfðum sáttmálaríkjanna sem mynda Evrópusambandið, nema Þýskalands. En þar er samt síðasti skórinn við það að falla af efnahagnum. Þýskaland er nú statt á sama vegakafla og Japan rétt fyrir hrunið 1989. Þá voru hagtölurnar fallegar mjög, nema þær sem lutu að arðsemi og þar með bankakerfinu. Það var þá þegar í steiktum molum og á barmi gjaldþrots, þó svo að hagvöxtur væri ágætur, en hann var bara allur tapsgefandi. Já, stórfenglegur taprekstur kemur líka fram sem flottur hagvöxtur, þar til talið er upp úr sparibauknum. Þýskaland er þar, að telja núllin og bankarnir vobbla. Það er verið að opna niður í gjánna sem áratugaviss kreppa í Bandaríkjunum á næsta ári er að búa til fyrir landið. Evrópusambandið er í rusli og getur ekki lengur haldið Þýskalandi uppi. Bretland er að lokast. Og Kína er búið að vera um aldir. Rússland hangir á oddhvössum nöglunum og Tyrkland lítur ekki vel út. Hver á að kaupa útflutninginn af Þýskalandi, sem nemur helming landsframleiðslu þess? Að minnsta kosti ekki Sádí-Arabía. Helmingur landsframleiðslu er súrrealistísk hlutfallsleg stærð hjá einu meiri háttar hagkerfi veraldar, miðað við allt áður þekkt í þessum heimi. Heimurinn er að læsa klónum um þýskan efnahag. Útflutningsháða Þýskalandið er algerlega hjálparvana og ósjálfbært í alla staði. Það getur ekkert og krónísk vanneysla er þar orðin stofnanavædd, þökk sé skipulagsbreytingum kratans Gerhards Schröder sem breyttu Þýskalandi í láglaunaland og fluttu sparnað heimilanna yfir til fyrirtækja landsins sem síðan kveiktu í Suður-Evrópu með honum - og þar á undan vegna sameiningar-blindu Helmuts Kohl. Og nú eru þýsku stjórnmálin að leysast upp. Þýskaland á ekki nema nokkur ár eftir undir bara rétt svo tæplega þolanlegum stjórnarháttum. Þar er allt pólitískt kolsvart framundan. Algerlega kolsvart. Og já, fjármálakerfi landsins lifa í hinum pólitíska heimi, hvort sem þeim líkar það líf betur eða verr - og enginn þjóðríkislegur eldveggur mun halda þeim bruna á einum stað, því sá veggur liggur á evru-altarinu, steindauður. Þar mun loga glatt og Þýskaland breytast í nýtt framköllunarherbergi stórkostlegra geopólitískra breytinga, til hins verra, einu sinni enn

Hráolíuútflutningur Bandaríkjanna í september 2017 - þúsundir tunna á dag

Mynd: Hráolíuútflutningur Bandaríkjanna í september, þúsundir tunna á dag

Réttingaverkstæðið

Nú hefur Donald J. Trump verið forseti Bandaríkjanna í næstum ellefu mánuði. Hann var kjörinn vegna þess að hann var ekki stjórnmálamaður og vegna þess að hann talar ekki eins og pólitísk öndunarvél. Í ellefu mánuði hefur honum tekist að móðga Sjibbóletta veraldar svo gróft, að þeir dyraverðir viðtekinnar rétthugsunar vita ekki enn hvaðan á þá stendur veðrið úr hinni gömlu Bilblíu Trumps, þó aðallega úr Gamla testamentinu: þ.e.a.s. að þjóðin og þjóðríkið er mikilvægasta stofnun mannkyns. Örvæntingarfullt túmúltast Sjibbólettarnir því hoppandi og skoppandi um á þeim öldum sem forsetinn veldur, og reyna að halda sér á pólítísku floti með því að hlusta á ný og gömul samkomulög úr Sjibbóletta-turnspírum kenndum við hina eða þessa borgina, helst staðsettri á meginlandi tapranna. Trump sparkar nú út hverja útópísku Sjibbóletbeygluna af annarri af Lýðveldi Bandaríkjanna. Þær urðu til þegar menn héldu að heimurinn væri frelsaður að eilífu eftir fall Sovétríkjanna og tilurð Evrópusambandsins, frá 1991 fram til 2008. Og þær beyglur eru margar og djúpar. Ískra mun réttingaverkstæði Trumps því hátt í henni veröld. Sjibbóletta-gengi veraldar mun varla þekkja sig í heiminum eftir átta ár með Trump sem verkstæðisformann. Þagna því þeir, eða farast

Aldir Bandaríkja Norður-Ameríku eru að renna upp - og fimm hundruð ára valdatímabili Evrópu er hér með lokið. Þar er ekkert sem á heimsvísu skiptir máli lengur. Lýðveldi Bandaríkja Norður-Ameríku mun fara hroðalega og ómjúkt í taugarnar á mjög mörgum á næstu árum. Sumum mun finnast veldi þeirra hart. Já, eftir útópíutímabilið mikla mun það koma mörgum fyrir sjónir sem verandi einmitt hart. Rétta orðið er hins vegar, raunsætt. Hitt var afbrigðilegt

 

Ávarp Donalds J. Trump til þjóðanna í byggingu Sameinuðu þjóðanna, september 2017. Einn mikilvægasti boðskapur sem þar hefur verið fluttur

(Ræðutextinn)

****

Fyrri færsla

Ríkið hefur ekki vit á þessu


Ríkið hefur ekki vit á þessu

Bara svo það sé á hreinu: hið opinbera hefur ekki hundsvit á rannsóknum, þróun og nýsköpun. Og ríkið og hið opinbera veit ekkert um það í hverju fólk á að mennta sig. Það veit heldur ekkert um hvað á að rannsaka og það veit ekkert um hvað og hvernig á að skapa nýtt

Hvað eru stjórnmálamenn að blanda sér í þetta mál? Geta þeir ekki bara látið sér nægja að mæta í vinnuna, hafa hljótt um sig, hætta að birtast eins og spámenn í fjölmiðlum og reynt í staðinn að sinna þjónustustarfi sínu við að greiða götur fyrirtækja og hætt að ofsækja stjórnarskrá hins almenna borgara, svo að fyrirtækin, þau sem fólkið vinnur í, en ekki þeir, stundi þær rannsóknir og þá þróun sem þau álíta að gróðavænlegt sé að stunda og gera. Og einnig látið fólk almennt um að skapa það nýja sem er því að skapi, en ekki ykkur. Og látið þar með það sjálft um taka ábyrgð á að verpa þeim eggjum sem í níu af hverjum tíu tilfellum eru fúlegg sem fara á hausinn innan næstu fimm ára. Það er þannig sem nýsköpun fer fram

"Stjórnkerfið" stjórnar engu. Síst af öllu sjálfu sér. Það er stjórnlaust og hefur alltaf verið stjórnlaust og sést það best á Reykjavíkurborgarstórslysinu í dag, næstu ár og áratugi. Það er gott slæmt dæmi um glórulaust stjórnkerfisgrjót. Steinninn er ekki lengur við Skólavörðustíg. Hann er orðinn hjartað í borginni. Þar sitja íbúarnir inni og afplána. Þeir sem komast burt, þeir flýja!

Hið opinbera hefur ekkert vit á loftslagsmálum, vegna þess að hið opinbera er gamalt hárlakk. Það er gat í ósónlaginu, hárlakksbrúsi fyrir punthár stjórnkerfisins og heimsfræga alþjóðlega fjármálamiðstöð. Það er líka bla bla erfðagreining sem vinnur við að afla fjár til að að afla fjár til að afla fjár og fara á hausinn og fara á hausinn og lítið annað en það. Riskí bíssness sem horfið getur algerlega á einum degi. Lyf og lækningar er áhætturekstur

Nýsköpun stjórnmálamanna og svo kallaðs stjórnkerfis þeirra, ætti fyrst og fremst að snúa að þeim sjálfum. Því við borgararnir getum allt sjálfir nema rekið lögreglu -sem þið getið því miður greinilega ekki heldur- dómskerfi og landvarnir. Og þær varnir getið þið ekki rekið heldur. Þið getið lítið það sem máli skiptir og sinnið ekki því sem þið eigið að sinna

Allir fjármunir lýðveldisins Íslands verða til í fyrirtækjum þess. Engir aðrir fjármunir eru til. Öngvir! Þjónið því þeim. Þau eiga ekki að þjóna ykkur. Hættið öllum rannsóknum. Hættið allri nýsköpun og hættið að leggja atvinnugreinar í rúst. Lokið nokkrum blöff háskólum. Lokið landamærunum og viðurkennið Kópavog, Garðabæ, Hafnarfjörð og Mosfellsbæ sem höfuðborg Íslands

Og munið: Bandaríkin eru rík af því að þar stundar hið opinbera engar rannsóknir; nema í hernum. Og okkur vantar her. Íslenskan her sem getur gætt lofrýmis okkar og hafsins í kringum landið. Okkur vantar ekki meira "stjórnkerfi" sem getur ekki einu sinni stjórnað sjálfu sér. Upp með herinn og niður með brækurnar. Íslenska herstöð í hverjum landsfjórðungi, þaaað er nýsköpun!

Fyrri færsla

Evrópa er orðin ólæknandi og óferjandi, þökk sé ESB


Evrópa er orðin ólæknandi og óferjandi, þökk sé ESB

Gamla hatrið sem sýnir ásýnd sína við útgöngutilraun Bretlands úr Evrópusambandinu, er nú orðið svo opinbert og augljóst að allir sem vilja, geta séð það. Hið umboðslausa Evrópusamband sem stjórnað er að mestu leyti úr einhverskonar pólitískum neðanjarðarbyrgjum sem enginn nema viss elíta veit hvar staðsett eru, er nú svo baðað í réttu og ömurlegu eigin ljósi sem það lýsir á sig sjálft, að engum fullvita manni dylst að sambandið hefur orðið getuna og burðina til að tortíma Evrópu

Sambandið er að taka alla sæmilega og bærilega framtíð frá öllum sem þar fæðast og alast upp við einræði og kúgun þess. Kúgunar til undirgefni allt þeirra vesæla líf án raunverulegs áhrifavalds á nokkurn hlut sem máli skiptir

Evrópusambandið er búið að þjóðnýta öll stjórnmál í aðildarlöndunum. Stjórnmálunum leyfist aðeins að snúast um ákveðinn málstað sem umboðslaust sambandið hefur skammtað. Þau mega bara snúast um samruna, samþættingu og samhæfingu. Ef stjórnmálin hins vegar stangast á við þetta, þá eru þau bönnuð. Í Sovétríkjunum var það einungis kommúnismi sem stjórnmálin og lífið máttu snúast um. Í ESB er stjórnmálunum og lífi fólksins aðeins heimilt að snúast um samruna, samþættingu og samhæfingu. Sambandið er ný uppskrift að gömlu einræði. Það er pólitískt samsæri allra gegn öllum. Nýtt lögverndað samsæri til að níðast á þjóðum og löndum þeirra

Firrta Evrópusambandið sem fékk friðarverðlaun Nóbels, er að rústa friði í Evrópu. Það er það sem sambandið er að gera. Við verðum að segja okkur frá EES-tengingu Íslands inn í ESB-helvíti. Þetta gengur ekki lengur

Fyrri færsla

Alþjóðaveldið missir andann vegna Jerúsalem


Næsta síða »

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband