Evrópusambandið verður að tryggja að Bretland skaddist

Evrópusambandið verður að tryggja að Bretland sé verr sett þegar það yfirgefur sambandið, allt annað er uppgjafaryfirlýsing að hálfu Evrópusambandsins

"EU må sikre, at Storbritannien er i en dårligere situation, når landet forlader unionen, ellers ville det være en falliterklæring, siger Østrigs kansler"

Þetta sagði kanslari Austurríkis, Christian Kern, við blaðamenn í Brussel í gær. Meðlimir í klúbb eiga að hafa það betra en þeir sem eru ekki meðlimir í honum. Bretland verður að gera sér grein fyrir því að ekkert annað en þetta getur komið út úr brottför landsins úr Evrópusambandinu, sagði kanslarinn

Þá vitum við það. Þá vitum við hver hinn sameiginlegi nefnari er sem skilgreinir Evrópusambandið. Sá lægsti. Þeir sem yfirgefa fangabúðirnar lifandi, þá verður að limlesta. ESB er sem sagt gúlag

Krækjur: Berlingske - Independent - Bloomberg, þar má einnig horfa á Dombrovskis trúð ESB-gúlagsins blaðra á gúlögsku. Að þetta ESB stóð skuli líðast enn, er til marks um það sem í vændum er fyrir Evrópu. Óveðursskýin hrannast upp yfir meginlandi álfunnar

- Berlingske 14. febrúar 2017 -

Østrigs kansler: EU må sikre, at Storbritannien bliver dårligere stillet af Brexit:
EU må sikre, at Storbritannien er i en dårligere situation, når landet forlader unionen, ellers ville det være en "falliterklæring", siger Østrigs kansler. Medlemmer af en klub skal have bedre vilkår end dem, der ikke er medlem af klubben - vores britiske venner skal være opmærksomme på, at der ikke kan komme andet udfald af disse forhandlinger, sagde Christian Kern til reportere i Bruxelles mandag. "Alt andet ville være en falliterklæring af Europa."

Fyrri færsla

Eitt-Kína - eða hvað?

Eitt-Kína - eða hvað?

Donald Trump forseti Bandaríkjanna og Xi Jinping aðalritari kínverska kommúnistaflokksins og forseti alþýðulýðveldis Kína, ræddu saman í síma að kvöldi fimmtudags. Í fréttatilkynningu frá Hvíta húsinu segir að Trump hafi að beiðni kínverska forsetans samþykkt að viðurkenna hans Kína sem hið eina rétta Kína. En Taívan er ef til vill lýðræðislega séð enn hið eina rétta Kína. Það fer eftir því hvernig menn líta á það mál (með "alternative facts") að rétt niðurstaða fengist fyrir kviðdómi. Ákefð kínverska einræðisherrans var því mikil að fá diplómatískt rétta staðfestingu á að Kínastefna Nixons stæði enn

En hvað um það. Donald J. Trump minntist hins vegar ekkert á það við kínverska aðalritarann að í fyrsta skiptið í sögunni eru hergagnamál og varnarmál Taívan komin á fjárlög í bandaríska þinginu, þ.e. á þau fjárlög sem ákveða fjármál bandaríska varnarmálaráðuneytisins 2017

Í Hvíta húsinu eru menn ekki sammála um stefnuna gagnvart Kína. Forsetinn Trump, þjóðaröryggismálaráðgjafi hans Michael T. Flynn og varnarmálaráðherrann James Mattis, hafa þrjár skoðanir á málinu og hafa sennilega talið best að hafa það svo, fyrst um sinn. Á meðan er Eitt-Kína stefnan látin standa en Mattis látinn um að vinna sitt þögla bolverk við að byggja upp gerræðislega yfirþyrmandi hernaðarmátt og bandalög í túnfæti Kína, og slíkt tekur sinn tíma. Sá máttur verður svo látinn tala sínu þögla máli gagnvart Kína, Norður-Kóreu og öðrum hvorum valdapól sterks íslam, ásamt til hughreystingar áhyggjufullum bandamönnum Bandaríkjanna í Asíu, þegar ein rétt skoðun Hvíta hússins á Kína og íslam undir Donald J. Trump, kemur til framkvæmda

Látið er líta svo út að símtal Trumps við forsætisráðherra Ástralíu hafi farið í vaskinn. En það er alls ekki víst að svo sé, því ástralski forsætisráðherrann var stuðningsmaður Trumps í kosningabaráttunni og fékk bágt fyrir það heima. Ekki er því útilokað að um heimabrúksendir símtals hafi verið að ræða. Eitt símtal mun ekki breyta tryggu bandalagi þessara ríkja

Donald J. Trump hefur nú ort sitt frumkvæði og kveðskapur hans endurómar um alla veröld. Frumkvæðið orti hann frá 16. júní 2015 til og með 9. nóvember 2016. Þetta frumkvæði er nú allt í hans höndum og engra annarra um alla veröld. Og það verður ekki kveðið aftur. Kosturinn við frumkvæði er að það getur bara verið á einum stað í einu, af því að það er bara til í einu eintaki. Handhafi þess hefur því frumkvæðið. Allir aðrir í heiminum, já, þeir hafa ekki frumkvæðið, eins og sést á uppnámi þeirra

Fyrri færsla

Merkilegt hve allt þýðir ekki neitt

Merkilegt hve allt þýðir ekki neitt

Merkilegt að síðustu 25 ár hafi allt í einu ekkert flutt sig frá Vesturlöndum -fyrst með viðkomu í Suður-Evrópu og síðan Austur-Evrópu- til Kína og slíkra ríkja

Þegar maður segir frá því að til dæmis Bandaríkin hafi misst 1/3 af iðnaðargrunni sínum úr landi síðan 1997, þá er manni bara sagt að aldrei hafi framleiðslan verið meiri í þeim löndum sem misstu frá sér það sem flutti burt. Þessi fyrirtæki voru sem sagt ekkert að gera neins staðar nema ekkert. Þau fóru bara svona sér til skemmtunar. Ekkert sem skiptir máli

Merkilegt hvað manni er líka sagt að innflytjendur í dag séu eitthvað annað en þrælar nútímans

Merkilegt hve margir í sínu landi álíta að það sé gott fyrir önnur lönd að missa fólkið sitt úr landi. Að það sé bara gott að því sé rænt frá sínum löndum með yfirboðum eða undirboðum. Alveg furðulegt

Merkilegt hversu afrískir þrælar sem fluttir voru frá heimalöndum sínum hafa aðlagast svo ofboðslega vel að þeir eru ennþá svartir. Og að margt sé því enn þann dag í dag á öðrum endanum útaf því. Það innflytjendamál gekk nú ekki sérstaklega vel, er það. Halda menn að þetta gangi eitthvað betur í dag. Það mun það svo sannarlega ekki gera. Af hverju skyldi ganga eitthvað betur með það fólk sem er þrælar nútímans

Hvenær ætlar fólk að hætta að stinga hausnum í 300 ára gamlan sand fullan af slæmri reynslu

Ef þjóðir nenna ekki að eignast sín eigin börn, þá ættu þær bara að segja það strax og kála sér í stað þess að heimta þræla til að hugsa um sig á meðan þær eru að deyja út

Einu sinni fóru menn sjálfir til tunglsins. Í dag komast þeir í mesta lagi á klósettið. Þetta eru kallaðar framfarir. Það er búið að úthýsa þessu. Aðrir munu sjá um þetta

Sears var stærsta smásöluverslun veraldar árið 1920 og hafði fyrirtækið þó enga verslun. Og svo kalla menn Amazon fyrir nýsköpun! Ekkert nýtt er þar skapað - þvert á móti, það var hægt að skoða gömlu katalógana við kertaljós og póstþjónustan var betri. Hér má ef til vill tala um þróun eða jafnvel vanþróun, en ekki um nýsköpun

Já á meðan ég man: heil 92 prósent af vinstrisinnuðum "aðgerðarsinnum" fram að þrítugu, búa heima hjá pabba og mömmu. Þá vantar meiningu með lífinu og grípa því til þessara "aðgerða"

Mikið er nú þetta gott og miklar framfarir. Fáum því fleiri þræla!

Doanld Trump og Co eru farnir að minna mig óþyrmilega á það sem einu sinni var kallað "abolitionism" - út með þrælaveldið!

Hvað skyldi Abe segja við þessu?

Fyrri færsla

Donald J. Trump gengur vel og samkvæmt áætlun

Donald J. Trump gengur vel og samkvæmt áætlun

Kosningabarátta hans snérist að miklu leyti um að alþjóða-(universal-imperíalista)-kerfið væri orðið rammskakkt, öfugsnúið, illa meinandi og illa þjónandi fyrir þjóðríki á borð við Bandaríkin, og það sett þannig upp, að það ynni gegn hagsmunum kjósenda bandaríska þjóðríkisins. Punktur

Donald Trump er greinilega að ná miklum árangri hér með því að setja þetta kerfi allt í uppnám. En uppnám er forsenda þess að breytingar geti orðið. Hann setur alla alþjóða-(universal-imperíalista)-elítuna algerlega úr jafnvægi með því að gera einmitt það sem hann sagðist ætla að gera. En það má ekki samkvæmt kokkabókum alþjóðavitringa. Elítan stendur og skelfur og getur bara alls ekki ímyndað sér hvað Donald J. Trump muni gera næst, því hún kann hvorki að lesa né hlusta

Kína skelfur á brauðfótum Kommúnistaflokksins, sem flokkurinn hélt að væru komnir til að vera. Flokkurinn skelfur af ótta við að verða lokaður inni í eigin búri með útflutningsfíklinum sjálfum sér. Alveg hroðaleg staða að þurfa kannski að fara framleiða eitthvað ofna í 1,3 milljarða fátæklingaveldi landsins. Það gæti endað með velmegun sem kollvarpar kúgunarkerfi flokksins. Alveg skelfilega tilhugsun. Og svo eru þeir logandi hræddir við að lenda í því að þurfa að beita einu beinagrindinni að eina flugmóðurskipi landsins áður en það verður sjóklárt og bardagahæft árið 2023, og jafnvel að beita einnig hluta af sjálfum kínverska hernum sem flokkurinn má ekki missa úr hlutverki sínu sem innvortis einkalífvarðarherafli flokksins gegn fólkinu. Tíu bandarísk flugmóðurskip með ótakmarkaða drægni og sem þurfa ekki að leita hafnar nema á 25 ára fresti og þeirra ellefu ballett-dansandi hersveitir á heimshöfunum (carrier strike groups) standa andspænis hinni einu beinagrind kommúnistaflokksins, í höndum fávita, ásamt strategískum sprengjuflugsveitum Bandaríkjanna á Diego Garcia og Guam, svo ég tali nú ekki um flotastöð þeirra í Japan. Þessu getur Trump siglt af stað og lokað Kína inni í sjálfu sér án þess að þeir fái neitt við ráðið

Þýskaland er einnig í einu allsherjar uppnámi og heldur skjálfandi um peningapoka landsins sem fylltur hefur verið upp með gengisfölsun. Stærsti poki í heimunum. Stærri en svindlpoki Kína. Fallbyssurnar hans Péturs Navarro, viðskiptavaktstjóra Trumps, eru nefnilega að undirbúa ósamhverft 360 gráðu fallbyssuskot á poka Þýskalands, því landið uppfyllir með 100 prósent öryggi þrjú af þeim fjórum skilyrðum sem ríkisstjórn Óbama setti, en þorði ekki að gera neitt í, til að hægt sé að finna og stimpla heil ríki sem gengisfalsara. Fjórða skilyrðið mun Trump sjá um að opinbera sem fúpp og fídus Þýskalands (þ,e. dagsgengi evru eða raungengið).

Þegar Þýskaland brasar saman og þarf að fara í útflutningsafvötnun og búa til innlenda neytendur, sem á fagmáli kallast börn eða afkvæmi, þá detta þýsku og kínversku gengisfalsararnir í gagnkvæma depurð, ESB lognast útaf og verksmiðjur beggja landa í Mexíkó fara á hausinn, samtímis

Andspænis alþjóða-(universal-imperíalista)-kerfinu stendur Donald Trump, tundurspillirinn sjálfur, sem enginn veit hvað gerir næst. Þetta er strategísk staða sem enginn annar forseti Bandaríkjanna hefur getað skapað til að nýta sér, síðan að Richard Nixon sat í Hvíta húsinu. Og eins og það sé ekki nóg, þá nýtur Donald Trump einnig gæfu sama fávitastimpils og Ronald Reagan naut næstum öll sín átta ár í sama embætti. Að hann hefði ekki vit til setu í þessu Hvíta húsi kjósenda Bandaríkjanna

Donald J. Trump gengur sem sagt vel og samkvæmt áætlun

Fyrri færsla

"Kostir" fjölmenningar: Sýrland brennur

"Kostir" fjölmenningar: Sýrland brennur

Mynd: Sýrland og Líbanon 1935; trúarlegt þjóðarbrota-yfirlit á fjölmenningarkorti

Að ekki skuli settur réttur stimpill á það sem er að gerast þarna, er alveg furðulegt. Þarna er fjölmenningarsamfélagið á hátindi sínum án þess að nokkur hirði um að nefna að þetta er hin stóra lokaútgáfa hennar; tortíming

Í Evrópu hefur Evrópusambandið í óþökk þjóðanna unnið hörðum höndum að því að leysa ríki Evrópu sem mest upp svo að þar geti myndast tómarúm (vakúm) fyrir áætlanir sambandsins til að flæða inn í og taka yfir sem flest og byggja þar nýtt imperíal-ríki. Þetta hefur hins vegar farið á annan veg eins og alltaf gerist þegar leysa á þjóðir passlega upp til að auka varnarleysi þeirra gegn því sem að ofan og utan kemur og á að troða upp í þær

Stóra ESB-planið er farið í vaskinn og inn í hið stóra vakúm varnar- og stjórnlítilla og laskaðra þjóða Evrópusambandsins, hefur kanslari Þýskalands nú hleypt inn hesti sem tekur á sig ömurlegan lit þess sem gefið afhent var ólögmætt vald yfir fjórða hluta jarðarinnar. Fimmtán milljón manns eru því á leið einmitt þangað sem girðingin hennar er lægst. Og svo er Evrópa orðin svo veikburða vegna Evrópusambandsins, að hún getur ekki lyft litla fingri til að koma á lögum og reglu í Sýrland, frekar en hún gat það er suð-austurhluti hennar logaði. Þetta mun því allt brenna til ösku. Evrópa er á síðasta snúningi, vegna þeirra sem sóttust eftir "valdi yfir fjórða hluta jarðarinnar"

Þegar lambið lauk upp fjórða innsiglinu, heyrði ég rödd fjórðu verunnar, er sagði: "Kom!" Og ég sá, og sjá: Bleikur hestur, og sá er á honum sat, hann hét Dauði, og Hel var í för með honum. Þeim var gefið vald yfir fjórða hluta jarðarinnar, til þess að deyða með sverði, með hungri og drepsótt og láta menn farast fyrir villidýrum jarðarinnar.

Þetta er líklega það sem koma skal í Evrópu. En Evrópuútgáfan verður að sjálfsögðu önnur, því sagan endurtekur sig aldrei eins. En koma skal hún, fjölmenningin

Fyrri færsla

Brjéf til: Hæstvirtrar Janet L. Yellen formanns seðlabanka

Aftökur í leynifangelsum

Brjéf til: Hæstvirtrar Janet L. Yellen formanns seðlabanka

Mynd; Brjéfið

31. janúar 2017

Kæri stjórnarformaður Yellen:

Ég skrifa þér vegna ítrekaðrar þátttöku seðlabanka Bandaríkjanna, Federal Reserve, í alþjóðlegum samkundum um reglugerðir fyrir fjármálastarfsemi. Þrátt fyrir að Donald Trump forseti hafi sent skýr skilaboð um að hagsmunir Bandaríkjanna í alþjóðlegum samningaviðræðum hafi forgang, þá virðist seðlabankinn halda áfram að semja um reglur fyrir fjármálastarfsemi við alþjóðlega skriffinna í fjarlægum löndum, án gagnsæis, ábyrgðarskyldu og heimildar til að gera svo.

Þetta er óásættanlegt.

Áframhaldandi þátttaka í alþjóðlegum samkundum eins og Ráðgjafarnefndar um fjármálastöðugleika (FSB), Baselnefndinnni um bankastarfsemi og eftirlits þess (BCBS) og svo í Alþjóðasamtökum vátryggingaeftirlita (IAIS) grundavallast á því að ná fram markmiðum hinnar nýju ríkisstjórnar. Hún mun líklega krefjast yfirgripsmikillar endurskoðunar á þegar gerðum samkomulögum sem á ósanngjarnan hátt refsa bandaríska fjármálakerfinu á sviðum eins og kröfum til eiginfjár, tryggingum, afleiðum, kerfislegri áhættu og eignastýringu.

Hina leynilegu skipan þessara alþjóðlegu samkunda verður einnig að endurmeta. Samkomulag eins og Basel III samkomulagið um fjármagn var gert og samþykkt af seðlabanka Bandaríkjanna með lítilli vitneskju bandarísks almennings og þær voru niðurstöður ógagnsæs ákvarðanatökuferlis. Alþjóðlegu stöðlunum var síðan snúið yfir í innlenda reglugerð sem þvingaði bandarísk fyrirtæki af ýmsum stærðum til að hækka verulega eiginfjárþarfir sem leiddi til lakari hagvaxtar hér í Bandaríkjunum.

Það er skylda og ábyrgð allra eftirlitsstofnana að styðja við bandaríska hagkerfið, og að gegnumlýsa og rannsaka alþjóðleg samkomulög sem eru að drepa bandarísk störf. Þar af leiðandi verður bandaríski seðlabankinn að stöðva allar tilraunir til að semja um bindandi staðla sem íþyngja bandarísku atvinnulífi þar til að Trump forseti hefur haft tækifæri til að útnefna embættismenn sem veita bestu hagsmunum Bandaríkjanna forgang.

Einlæglega
Patrick McHenry
Varaformaður
Fjármálaþjónustunefndar bandaríska þingsins

****

Já það er nú það. Er þetta kannski upphafið á endinum fyrir svo kallað "sjálfstæði seðlabanka"? Þetta er að minnsta kosti ekki upphafið á "sjálfstæði herafla", þar sem hershöfðingjar eru algerlega látnir einir um herinn með þeim rökum að fulltrúum fólksins sé ekki treystandi til að hafa vit á hermálum og að þeir skaði "trúverðugleika" hersins. Ef að menn eru hræddir um svo kallaðan "trúverðugleika seðlabanka" í höndum fulltrúa fólksins, þá er hægt að leysa það mál með því að skipa tölvu sem seðlabankastjóra, því eins og allir vita, þá hafa tölvur óendanlegan trúverðugleika, ekki satt. Náttúrlega algerlega galið

Verður "sjálfstæði seðlabanka" átlitin samskonar firra eftir 20 ár? Já það getur bara vel verið. Það getur bara vel hugsast

Seðlabanki Bandaríkjanna er peningakerfis- og greiðslustofnun sem þingið bjó til og sem á sig sjálf án þessa að eiga sig sjálf og hún skal skila rekstrarhagnaði, en ekki rekstrartapi. Seðlabanki Bandaríkjanna starfar í umboði bandarísku þjóðarinnar. Enginn á seðlabanka bandaríkjanna en þjóðin á umboð og hlutverk hans og hann starfar í þágu hennar

Fyrri færsla

Trump kominn í Obama-stöðu

Trump kominn í Obama-stöðu

Árið 2015 stöðvaði alríkisdómari á vegum 26 fylkja bandaríkjanna tilskipun Obama forseta um að veita milljónum ólöglegra innflytjenda lagalega stöðu í Bandaríkjunum

DDRÚV, góða fólkið og þvagræstimennin sem þá stefndu á þing hér á landi, ásamt stjórnlaga-óráðsmönnum, kúrðu sig þá sætt og hefðu eflaust dásamað lögleysuna ef þeir hefðu yfirhöfuð tekið eftir henni. En þar sem um vonda fólkið var að ræða árið 2015, þá var haldið aftur af sér á þingi og uppsafnaður vökvinn í  góðra manna blöðrunni í staðinn látinn gossa yfir æðstu stofnun lýðveldis okkar í þessari viku

Málið fór að sjálfsögðu fyrir hæstarétt og þar endaði það, því sá réttur komst ekki að annarri niðurstöðu en jafnteflis, og var því dómur alríkisdómarans látinn standa og stendur hann enn. Obama reyndi að brjóta lögin en komst ekki upp með það, því Bandaríkin eru réttarríki. Það verða þau svo lengi sem menn komast ekki upp með að reyna að fylla þau upp af milljónum lögleysu-eininga á borð við þá sem Obama reyndi að dæla inn í landið. Öllum ber að fara eftir lögum landsins. Ólöglegir innflytjendur eru tímasprengja undir réttarríkinu og bandarískri menningu. Takast þarf á við þessa sprengju og er það stefna hins nýkjörna forseta að gera einmitt það. Kjósi menn að drekkja sínu eigin landi í vandamálum annarra, þá hafa þeir á endanum ekkert gott að bjóða umheiminum, þegar upp er staðið

Ég tel hins vegar að Trump forseti muni vinna þetta mál núna, komi það fyrir hæstarétt, sem er sú eina stofnun bandaríska lýðveldisins sem getur ógilt tilskipanir forsetaembættisins

Fyrri færsla

Ísland herðir hengingarólina um háls lýðveldis síns

Ísland herðir hengingarólina um háls lýðveldis síns

Hvert eitt skref til viðbótar í þá röngu óvestlægu átt sem leitt hefur heiminn inn í þá stöðu sem hann er að verða kominn í, er nú um daga tekið án þess að hugsa sig um. Síðustu tvö þeirra skrefa hér á landi voru tekin með allt bundið fyrir augun inn í AIIB fjárfestingabanka fyrir Asíu, og með þvagláti þingmanna á Alþingi Íslendinga, svo fátt eitt vont sé nefnt

Í fimm þúsund ár var litli maðurinn lokaður inni í búri elíta. Í 300 ár hefur hann verið nokkuð frjáls og óhlekkjaður, þökk sé Gamla testamentinu, kristnum þjóðkirkjum og bresku iðnbyltignunni

Það var sturlun að stofna Evrópusambandið. Það var sannarlega sturlun. Og það var sturlun að stofna til alþjóðavæðingar sem vann ekki fyrir litla manninn, heldur sem vann gegn honum. Alþjóðavæðingin er öfug bresk iðnbylting og Tóma testamentið. Hún er gerræðislega skaðleg litla manninum. Hún er steypustöð ömurleikans eins og hún er

Og það var svo sannarlega sturlun að standa í ræðustól lýðveldisins og kasta þar af sér þvagi yfir "the last best hope of earth"

Ég hef ekki rjúkandi sönnunargögnin enn. En þetta hefur alla burði til að fara afar illa. Já, afar illa

Fyrri færsla

Sáttmálaörkinni frá 1941 svarinn eiður í Hvíta húsinu

Sáttmálaörkinni frá 1941 svarinn eiður í Hvíta húsinu

Rétt í þessu: Sjálfsákvörðunarrétti þjóða svarinn eiður í Hvíta húsinu - bein krækja

Tilvitnun: Donald J. Trump 1. febrúar 2017; .."It is time to bring a clear-eyed focus to foreign affairs, to take a fresh look at the world around us, and to seek new solutions grounded in very ancient truths. These truths include the fact that nations have a right to protect their interests, that all people have a right to freely pursue their own destiny, and that all of us are better off when we act in concert and not in conflict".. - tilvitnun lýkur, og Andrew Jackson, frá mynd á vegg, horfir á

Beint fyrir framan augu okkar eru sögulegir atburðir að gerast. Donald J. Trump er að marka kaflaskipti í sögu mannkyns. Hann er að dusta rykið af og taka aftur í notkun gömlu Atlantshafssáttmálaörk (e. Atlantic Charter) Roosevelts og Churchills, frá árinu 1941, sem um borð í skipi á flóa við Nýfundnaland, meitluð var þar í þeirra daga steintöflur, sem staðfesting á Gamla testamentinu um þjóðfrelsið. Hófst þar með samstillt barátta bandalags frjálsra fullvalda þjóðríkja gegn heimsveldi (imperíal-ríkis-hönnun) Adolfs Hitlers kanslara Þýskalands, sem var uber-imperíalisti og ætlaði sér að ráða yfir mörgum öðrum ríkum, leysa útflæðandi upp sín eigin landamæri og þeirra, flæða út yfir heiminn og vera konungur yfir mörgum þjóðum, og hneppa þær í þrældóm með ofbeldi og 1942-áætlun um sameiginlega mynt, og allsherjar ráðuneyti yfir þeim öllum í Mittelpunkt Europas

.."the right of all peoples to choose the form of government under which they will live" - sáttmálaörkin frá 1941

Rétt í þessu var Rex Tillerson svarinn í embætti utanríkisráðherra Bandaríkjanna eftir að Öldungadeildin samþykkti tilnefningu Trumps á honum í embættið. Donald J. Trump vatt sér immed í innsetninguna eins og hans er venja, þ.e. að framkvæma og framkvæma og framkvæma strax, og hélt stutta en afar merkilega ræðu sem hlýða má á í myndskeiðinu. Hún segir það sem hér fyrir ofan stendur og að neðan:

Donald J. Trump er að taka steintöflurnar aftur í notkun, eftir áratuga rykfellingar, og hann er að endurreisa 1648 niðurstöður og forsendur Vestfalíu friðarins. Sjálfsákvörðunarrétti þjóða úr Gamla testamentinu var þarna svarinn eiður á ný. Já Gamla testamentið er heilög ritning Vesturlanda. Bara og einungis Vesturlönd hafa og höfðu Gamla testamentið og þess vegna eru þau einmitt Vesturlönd; það er ekkert Rómarríki í því og engin Aþena. En í þeim eru hins vegar landamærin, til að halda sér á mottunni innan þeirra, þjóðin og þjóðríkið, aðskilnaður valds og að maður má bara vera konungur yfir sínu eigin fólki, en ekki yfir öðru fólki, og sjálfsákvörðunarréttur þjóða og þjóðfrelsið. Þegar Bretar lásu þetta fyrst á sínu eigin tungumáli í Hinum heilögu ritningum, undir þeirra daga svartnætti, þá vonuðu þeir að Bretland gæti orðið nýtt Ísrael: þ.e. fengið þjóðfrelsi þjóðríkisins sem vörn fyrir litla manninn gegn þeirra daga alþjóðavæðingu al-alsins sem belgdi sig út fyrir landamæri sín og inn í þeirra land

Ég vona að DDRÚV framhalds-trompist eins og vera ber og fari með kommúnistaávarpið af einkatalnabandi sínu, einu sinni enn,- og aftur einu sinni, enn og aftur

**********

Það sem ég hef séð til og lært hingað til um þessa nýju stjórn í Hvíta húsinu, já það er farið að minna mig ansi mikið á þegar að berfættur og brútalt hnífskarpur Steve Jobs kom aftur inn í Apple og framkvæmdi einn stærsta viðsnúning í fyrirtækjasögu mannkyns. Þetta hjá Trump gæti orðið einn stærsti þjóðríkis-viðsnúningur í sögu Vesturlanda. En þetta verður auðvitað mögrum mögrum sinnum erfiðara verk. Og það verður mikið vol og væl hjá mörgum í kringum þetta og fólk mun koma fljúgandi út um gluggana, enda er það eðli breytinga á borð við þessa: að um þær standi gífurlegur styr, gluggaopnanir og hurðaskellir og andstaða allan daginn í langan tíma

Svo virðist sem að viðurkennt samþykki (e. consensus) um "núllvaxtar stöðnun" (e. secular stagnation) í markaðshagkerfi Bandaríkjanna og víðar sé að byrja að leysast upp meðal aðila hins kapítalistíska markaðar. Margir eru farnir að hugsa dæmið upp á nýtt, eftir bara eina viku Donalds J. Trump í embætti. Farnir að sjá hlutina í nýju ljósi

Þetta voru mínir fimm aurar, takk

Fyrri færsla

Flóttaleið úr Evrópusambandinu opnast

Flóttaleið úr Evrópusambandinu opnast

Fyrst er það hið leiðinlega og skammarlega; Það er runnið upp fyrir mér að utanríkisráðherra Íslands er bara fésbókhaldari. Og að forsætisráðherrann okkar hefur ekki stjórn á því sem hann á að hafa stjórn á. Þetta er leiðinlegt og skammarlegt. Ég skammast mín fyrir hönd Íslands og ríkisstjórnarinnar. Til hvers var ég að kjósa ykkur? Það skil ég lítið í þessa dagana. Út vellur ruglið og inn veltur dópið og lögleysan um hafnir landsins, og hver veit hvað vellur inn um EES-svartholið frá Evrópu. Traust mitt til ykkar hefur minnkað. Það versta er að þetta virðist ekki vera undantekningarástand eins og það sem varir enn í Frakklandi, heldur bara venjuleg skrílslæti á æðstu stöðum lýðveldis okkar, sem Bandaríkjamenn viðurkenndu fyrstir allra. Takið ykkur vinsamlegast á ef við eigum að þola og halda ykkur uppi

En svo er það hið góða; Á minna en viku hefur forseta Bandaríkjanna tekist að reka fleyg niður um kokið og til botns Evrópusambandsins. Á botni þess voru illvirkjar að semja áætlanir fyrir útgöngustyrjöld ESB gegn Stóra Bretlandi. Donald J. Trump hefur á minna en viku séð til þess að Evrópusambandið þorir ekki að snerta hár á höfði Bretlands. Og hann hefur í leiðinni rekið fleyginn svo rækilega niður í elítusvað Evrópusambandsins, að þau lönd sem eru komin með krónískt ofnæmi fyrir þýskri Evrópu, eins og frú Thatcher varaði við, já þau eygja nú von sem þau höfðu ekki áður. Að mögulegt sé ef til vill með vernd Bandaríkjanna að losna úr ESB-hryllingnum. Að gamall vinur sé þrátt fyrir allt ennþá til

Þetta var ein vika. Haldið þið þarna á þingi að þið getið ef til vill hagað ykkur sæmilega í eina viku? Og látið nú dómarann í friði

Fyrri færsla

Gengur Donald J. Trump í skrokk á Þýskalandi?