MAF; retorískur svikahrappurinn Barosso

Societe Génerale (PAR)‎

Þann fimmta febrúar 2009; Manuel Barosso aðalforingi Evrópusambandsins í viðtali við þýska blaðið Die Zeit;

 

"Evran er í engri hættu. Ástandið er miklu verra fyrir utan evrusvæðið en innan þess. Evran er mikilvægt varnarkerfi. Berið bara saman Ísland og Írland. 

Eftir aðeins 20 mánuði er evrubárujárnið dottið ofan í plakatdreng seðlabanka Evrópusambandsins, Írland. Bankana vantar þar 50 miljarða evrur í viðbót. Þeir hafa verið ryksugaðir innan frá. Allt er þar ónýtt. Fjárlaghalli Írlands er 32 prósent af landsframleiðslu. Brussel stingur evrusprautunni djúpt í æð Írlands. Þrýstir á og dælir inn svo sjúklinginn fari nú ekki í fráhvarf og ógni "stöðugleikanum" á öllu dópsvæði myntbandalagsins. Alls ekki er óhætt að láta renna af sjúklingnum, þó svo að það sé honum fyrir bestu. Hann má ekki fara í fráhvörf.

Trojkan Brussel, AGS og ECB tekur völdin á Írlandi. Heimtar hrikalegan niðurskurð ríkisins, snarhækkar skatta, og lækkar laun.

Írland var fyrirmyndin fallega sem Brussel veifaði í mörg ár sem "tígrisdýri" og stillti því út sem glansmyndagínu í útstillingargluggum seðlabanka Evrópusambandsins. 

Og þegar þarna er komið var Grikklandi algerlega þrotið gjaldið. Og svo kom Portúgal. Þrjú evruríki á skallanum. Mölvuð og mulin undir myntinni frægu. 

Og svo er það Ítalía, Kýpur og Spánn. Og Frakkland kannski líka. Allt þetta á 20 mánuðum. Geri aðrir betur.

 

"Evran er í engri hættu. Ástandið er miklu verra fyrir utan evrusvæðið en innan þess. Evran er mikilvægt varnarkerfi. Berið bara saman Ísland og Írland." 

 

Allt er hugmyndafræðilega hrunið í myntbandalagi Evrópusambandsins. Fimm lönd myntsvæðisins hafa ekkert aðgengi að peningamörkuðum heimsins. Ekkert. Þetta er öryggi evrunnar.

 

Á meðan hefur íslenska krónuhagkerfið sótt sér fé á alþjólegum fjármálamörkuðum á vöxtum sem þessum löndum getur bara dreymt um að fá.  

 

Krækja: José Manuel Barosso - en retorisk svindlare

 

Tengt

Simon Johnson: Should We Expect Another Round Of Bailouts? 

PDF: Europe on the Brink

Video: Peterson Institute 

 

Fyrri færsla

 

MAF - Mjög alvarlegt fólk 

MAF - Mjög alvarlegt fólk

"Hér hefði ekkert hrun orðið ef við hefðum haft evru"

Eftir Össur Skarphéðinson

 

Þá var Grikkland orðið ríkisgjaldþrota í evrum

Þá var Írland hrunið í evrum

Þá var Ísland á leið í Icesave_1 ísöldina

Svo kom "landið tekur að rísa" sem könguló á Steingríms lygavefnum, daginn áður en Hagstofan bræddi úr honum.

Svo var Ísland á leið í Icesave_2 geimstöðina í Andrómeduþokunni. Steingrímur MAFast á skerminum og Jóhanna lætur sem hún hafi einhvers staðar MAF heilabú þar sem mest er ræktað vitfirrt grænmeti. Ögmundur M. Teresa læðist málefnalega með veggjum. Liljan er visnuð vegna skammar. Bjarni B. gufar upp. 

Svo hrundi Portúgal

Svo reis Spánn upp og inn í evrufallöxina í evrum

Svo er það Ítalía heillin mín í evrum. 

Og svo er það Frakkland í öllum evrunum sínum.

Svo var evrulandið Kýpur vængstýft í dag, í evrum

Og svo hóf ECB sjálfan sig upp á loft og yfir öll lögin og allar reglunar til að bjarga því sem honum var bannað að bjarga.

Þetta átti ekki að geta gerst í evrum. Ekki í evrum.

Og svo var það verðbólgan sem átti að vera á leiðinni og hefur verið á leiðinni í samfellt þrjú ár en sést samt hvergi nema þá sem burtflogin önd á niðurskurðarhnífapörum vanvita stjórnmálamanna, sem hegða sér eins og hundar í bandi fjármálamarkaða. Wall Street þingmenn.

 

Allir að missa vinnuna um allan heim, allir á leið á hausinn um allan heim, gjaldþort, gjaldþrot, gjaldþrot, eignir á leið á nauðungaruppboð sem aldrei fyrr, flest allt að hrynja á mörkuðum um allan heim, vextir núll í þrjú ár; og svo halda menn  áfram að hafa mestar áhyggjur af verðbólgu! Hha ha ha hha hah hah hah hah ha. Landið er að rísa.

Já, haldið áfram að hlusta á MAF-ið 

PS; og svo var það auðvitað "Kúba norðursins", hans Gylfa ráðherra MAF.

 

PS2; Þetta er auðvitað mjög málefnalegt allt saman. Málvænt. Svartsnakk. Ambiguity, aimlessness. Passa að tala MAF svo ekki neinn skilji. Þá held ég jobbinu áfram og verð málefnaður.

 

Merkel sparkað úr baðinu

WSJ; Bring Back the D-Mark 

 

 

 

Þetta átti ekki að verða svona. En varð það samt. Og ástæðurnar fyrir því eru flestum sem þekkja Evrópu, orðnar nokkuð ljósar. Jólasveinar Evrópu eru og verða alltaf áfram þar sem þeir sjaldnast þurfa að sinna strompum sínum. 

Hér er lausnin á vandamálum þeim sem fengu markaði heimsins til sjá rautt í byrjun vikunnar: en þau sýndu loksins hið sanna andlit sitt sem verandi gríðarleg kerfisleg áhætta (e. systemic risk) í Evrópu. Þessi áhætta er skyndilega að opinberast þeim sem farnir voru að trúa því að myntbandalagið sem hinn suðrænni stofn lúðrasveita evrópskra jólasveina var að leika, væri hin rétta útgáfa úr nótnabókum Þýkslands. 

Til að bjarga málunum hefur seðlabankastjóri hinnar kerfislega hættulegu myntar Evrópu, verið að sparka, ekki dósum, heldur baðkeri Angelu Merkel niður eftir hraðbrautinni. Í átt að aðalstöðvum jólahóla sunnan hárra fjalla. Einhverra dulra hluta vegna vilja sunnanmenn endilega ná tangarhaldi á baðkari frú Merkel.

Hér er lausn á þessu vandamáli. Kanslarinn hoppar úr baðkarinu og ýtir á hnappinn sem gangsetur vélar þýska seðlabankans á ný. Þá geta hinir, sem er svo annt um evruna sína, gert hvað sem þeim dettur í hug með einmitt hana. Bjargað hvor öðrum, drekkt hvor örðum, gefið gjafir, sinnt ósýnilegum strompum og þar fram eftir götum. Forseti þeirra, Jean Claude Triceht, myndi taka sig vel út í jólasveinabúningi peningamála suðursins. En þau mál eru órjúfanlega tengd tómatsósu og makkarónum, að sögn norðanmanna. Þá getur Triceht sýnt öllum styrkinn sinn. 

Þegar ýtt verður á hnappinn í steinsteyptum aðalstöðvum þýska seðlabnaknas á ný — sem hetir Deutsche Bundesbank — mun hljómur peningastefnunnar verða þessi. Enginn þarf þá að efast um neitt lengur. Og frú Merkel getur aftur farið að sinna störfum sínum sem kanslari kjósenda sinna og ekki annarra.

 

Ordnung

Krækja: Wall Street Journal: Bring Back the D-Mark

 

Fyrri færsla

 

Í Badedas hjá Angelu Merkel 

Í Badedas hjá Angelu Merkel [u]

 

 

Baðvatnið hjá kanslara Þýskalands ætti að vera friðsæll staður um þessar mundir. Eftir 66 ára samviskubit ætti að vera óhætt að taka sér svona eins og eitt bað. En hvað sjáum við þá? Jú í baðvatninu hjá Angelu Merkel liggur heilt þorp af suðrænum sæluhúsum. Þorparar þess eru allir að drekka af AAA lánshæfnismati því sem Þýskaland hefur unnið fyrir með hörðum höndum og stanslausri þýskri nægjusemi áratugum saman. Í Þýskalandi þýðir orðið ábyrgð það sama og sparnaður.

Hvernig haldið þið að þetta evrópska bað endi? 

Jú, keðjuverkun Poor standards verður sú að lánshæfnismat Frakklands og annarra baðdýra evrusvæðisins verður örugglega lækkað. Þetta er einkar heppilegt því um leið verða bankar baðdýranna lækkaðir í einkunn. Og þeir þurfa einmitt að fjármagna smá smotterís fimm þúsund og fjögur hundruð miljarða evrur af fjárskuldbindingum á næstu 24 mánuðum. 

Hvernig haldið þið að þetta evrópska bað endi? Sem sparnaðarorgía í baðkarinu hjá frú Merkel?

 

Ágústbréfið úr svitabaði herra Niels C. Jensen hjá Absolute Return Partners í Stóra Bretlandi er spennandi lesning - í gufubaðinu; Latest Absolute Return Letter

 

Ha? Hlutabréf að falla? Hvar?

 

Uppfært; Skuldatryggingaálagið á Þýskaland hækkaði í morgun upp fyrir Bretland í fyrsta skiptið í sögunni; FT

 

Tengt

 

Meet The Two Most Dangerous Economists In The World Right Now; Ken Rogoff + Carmen Reinhart 

 

Fyrri færsla

 

Ég hljóp á mig 

Ég hljóp á mig

Í umræðum hér sagði ég að Standard & Poor's hefði með réttu lækkað lánshæfnismat Bandaríkjanna vegna hins "slæma pólitíska ástands" eða ferlis í Washington (the political process).

Þarna hljóp ég á mig. Þó svo að flestir séu sammála um að S&P hafi lækkað lánshæfnismat Bandaríkjanna á langtímaskuldbindingum vegna einmitt rifrildis demókrata og repúblikana og læstrar stöðu í bandarískum stjórnmálum, þá er það mat einmitt og enn frekar fullkomlega út úr kú, því meira sem ég hugsa um málið.

Rifrildi demókrata og repúblikana eru heilbrigðisvottorð fyrir hinn pólitíska prósess. Lýðræðið er virkt, stjórnmálin eru sterk. Þau eru megnug um að frysta, skapa eða leysa vandamál. Þetta hefði aldrei getað gerst í ESB. Þetta er ástæðan fyrir því að Bandaríkin eru leiðandi afl í heiminum. Leiðandi lýðveldi þóknast og friðþægjast ekki.    

Óli Björn Kárason hefur rétt fyrir sér. Hófsemd er ekki alltaf dyggð. Takk fyrir áminninguna.

 

Og já, - hlutabréfamarkaðir féllu mikið austan- og vestanhafs í dag. Ekki vegna aðgerða Standard & Poor's, heldur vegna þess að of margir á Vesturlöndum stunda friðþægingar stjórnmál og eru í miðju vaði að skera niður og í steik efnahag heimsins til þess eins að geðjast fjármálamörkuðum, sem þó eru aðeins geltandi hundar að kalla á hrædda húsbændur sína. 

 

Kjánastjórnmál, sem hafa gleymt því sem afar okkar og ömmur lærðu af stóru kreppunni 1929. Þau lærðu að Keynes virkar þegar við á. En eitt og sama farartækið kemur þér aldrei alla leið upp fjallið. 

 

Krugman: The Downgrade Doom Loop

Fyrri færsla

 

Prófsessor Jesper Jespersen; Evran er dauðadæmd - sjö lygar um evru 

Prófsessor Jesper Jespersen; Evran er dauðadæmd - sjö lygar um evru

Innan skamms munu þýskir skattgreiðendur fá nóg af því að halda uppi ríkisgjaldþrota evrulöndum og fara í pólitískt greiðsluverkfall (hint; sjá grein þýska Handelsblatt í dag; "sjö lygar um líf evrunnar" - Die sieben Lebenslügen des Euro - Google þýðing - Currency Crisis: The Seven Lies of life €). Myntbandalag Evrópusambandsins mun, eins og öll önnur myntbandalög hafa gert, leysast upp. Þetta segir prófsessor Jesper Jespersen við háskólamiðstöðina í Hróarskeldu. 

 

Ifølge Jesper Jespersen er Tyskland i dag der, hvor USA var for 40 år siden – garanten for at valutasystemet fungerer.

 

Þýskt útflutningsfyrirtæki hika við að taka á móti greiðslum í evrum sem gefnar eru út af ítölskum, spænskum og svo framvegis vandræðaevrulanda bönkum. Þessi mismunun á sér þegar stað og mun bara aukast, segir Jesper.

 

ØMU-chokket realiseres ifølge Jesper Jespersen den dag ECB’s direktør meddeler, at en række ØMU-landes banker ikke længere kan låne i ECB, fordi centralbankens egen troværdighed er blevet udfordret, eksempelvis af en nedgradering af kreditværdigheden.  

Um helgina sagði danski prófessorinn Torben M. Andersen, sem er einn virtasti þjóðhagfræðingur Norðurlanda, að Evrópu bíði langvarandi kreppa og kollegar hans sögðu enn fremur búið sé að rústa efnahag þeirra ríkja sem mynda það sem kallað er Evrópusambandið; draumalandi Samfylkingarinnar og Vinstri grænna. Landi hinna pólitísku gasklefameistara Alþingis Íslendinga.

 

Ítalska lögreglan leitar í bílum 

 

Írski hagfræðingurinn David McWilliams segir í bloggfræslu sinni í dag að þessa dagana leiti ítalska lögreglan í fólksbílum og vörubílum sem aka frá Ítalíu yfir til Sviss. Þeir eru að leita að evrum. Svo mikil er örvænting ítalskra yfirvalda orðin. Massífur fjármagnsflótti er þar í gangi.

Hard currencies, soft heads

Maðurinn sem sagðist ekki hafa hundsvit á peningamálum þjóðarinnar hefur talað. Að þetta skuli vera stjórnmálamaður gerir meðferð hans enn erfiðari. Gleði þeirra evruríkja sem nú eru læst í 60 prósent of háu gengi evrunnar munu þau deila óskiptri með Össuri skarpa. Össur Skarphéðinsson ráðherra á Íslandi hefur í dag sagt að hann auki við trúarlegar evruathafnir sínar við ESB-altarðið á degi hverjum. Evran muni því styrkist. 

 

Krækjur

 

Professor: Euroen er dødsdømt

Europas økonomi tæt på afgrunden

What happens if Germany says enough?

Telur að evran eigi eftir að verða sterkari

 

Tengt frá janúar 2009

 

Jesper Jespersen; Dönsk peningamálastefna hin síðustu 10 ár í ljósi efnahagsmála Evrópusambandsins og EMU 

 

Fyrri færsla

 

Legsteinn ECB rís. Evrópa leggst á bæn. ESB elítan hefur rústað Evrópu. 

Legsteinn ECB rís. Evrópa leggst á bæn. ESB elítan hefur rústað Evrópu.

Taka þarf seðlabanka Evrópusambandsins úr umferð og loka honum, er ég viss um að flestir Þjóðverjar hugsi nú. 

Nýafstaðin stýrivaxtahækkun bankans ofaní hrynjandi efnahag evrulanda sýnir hversu veruleikafirrt þetta E-merki er. Það sama gerðist korteri fyrir síðasta hrun sumarið 2008. Veruleikafirrt vaxtahækkun þann og hinn daginn einnig núna.  

Enginn einn annar aðili en seðlabanki Evrópusambandsins hefur stuðalað eins mikið að eyðileggingu efnahags evrulanda. Hann stóð í fararbroddinum fyrir gengdarlausu ponzy lánabraski með ríkisskuldabréf evrulanda, sem hvatti banka- embættis- og stjórnmálamenn til að skuldsetja sig inn í anddyri allsherjar gjaldþrots í spilavítisorgíu myntbandalagsins.

Sannleikurinn er sá að gengisfyrirkomulagi evrulanda var læst, lyklinum hent í burtu og augunum lokað. Inni í þessum gasklefa ganga evruríkin nú hvort frá öðru. Samkeppnis og kostnaðar kapphlaupið niður á botn Þýskalands er án enda. Því sá botn verður bara lækkaður enn neðar um leið og einhver annar en Þýskaland lendir á honum. Það eina sem land eins og Þýskaland skilur og ber virðingu fyrir er swift gengisfelling.

 

Sláturhúsið Evrópa er orðin staðreynd. Ný Weimar eru þar í bígerð út um allt. Og nú á að fara að prenta peninga hverra sem enginn veit, og nota þá til að reyna að bjarga lánasvalli ECB með því að kaupa upp ríkisskuldabréf Ítalíu og Spánar. Regluverk myntbandalagsins sem þegnunum var lofað við upphaf þess, er þar með orðið þynnra en loftið blátt. Hvað næst?

 

Útskipun á skattgreiðslum borgara evruríkja er hafin á meðan niðurskurðar að beiðni þeirra sem rústuðu efnahag þeirra, er krafist. Skattgreiðendur horfa á eftir fé sínu siglt úr höfn. Heima fyrir bíður þeirra lækkun á lífskjörum m.a. vegna þeirra horfnu peninga sem skipað er út. 

 

Fólk farið þið frá, við þurfum að bjarga myntinni sem þið báðuð aldrei um. Framlengt er 28 ára massífu atvinnuleysi evrulanda upp í 100 ár. Heilu kynslóðirnar glatast hver af annarri á evraltari ESB elítunnar. Hér heima krefjast menn svo svara við því hvað íslenska krónan geti gert fyrir þá. Í Evrópu er þessa svars ekki krafist. Þar krefjast menn einfaldlega þess að þú fórnir þér fyrir myntina, sem sannarlega rústaði Evrópu. Fyrsta flokks og gagnlegum myntum þjóðríkja var hent fyrir róða. Í notkun var síðan tekinn elítu pólitískur tundurspillir. 

Það er ekki að furða að danski prófessorinn Torben M. Andersen, sem er einn virtasti þjóðhagfræðingur Norðurlanda, hafi um helgina sagt að Evrópu bíði langvarandi kreppa og að kollegar hans segi enn fremur búið sé að rústa efnahag þeirra ríkja sem mynda það sem kallað er Evrópusambandið; draumalandi Samfylkingarinnar og Vinstri grænna. Landi hinna pólitísku gasklefameistara Alþingis Íslendinga.

 

Krækja; Europas økonomi tæt på afgrunden

 

Fyrri færsla

 

Gengið á neyðarfundi á götum Þorsteins Pálssonar

Gengið á neyðarfundi á götum Þorsteins Pálssonar

PDF

 

Euro-Area Central Banks to Hold Crisis Call

 

Til neyðarfundar var boðað hjá seðlabankastjórum evrulanda kl. 18 í dag, sunnudag til sólar.

Til fundarins var gengið á snjóþrúgum ofan á eggjaskurn myntbandalags Evrópusambandsins. Einn eftir annan reyndu seðlabankastjórar evrulanda að feta sig áfram eftir næfurþunnu peningagólfi evrunnar. En skyndilega var snúið við og ákveðið var að halda símafund í staðinn. Til þessa fundar var boðað vegna þess að Þorsteins króna Pálssonar er í þann mund að brjótast úr höftum og hefja áhlaup á varnargarða Brussels. Krónunni stýra röksemdir Þorsteins Pálssonar sem rofið hafa hraðamúr ljóssins og breytt sér í pólitískt hlátursgas. 

Í alvöru talað. Þessi neyðarfundur er til marks um að málefni myntbandalags Evrópusambandsins eru komin í slíka hættu að samráð á milli seðlabanka er nauðsynlegt. Þar verða þeir að sýna á sér andlitin, taka myndir, svo menn muni betur hvernig það andlit lítur úr sem á örlagastundu lokar og skrúfar fyrir TARGET2 greiðslukerfi evrusvæðis. Sú aðgerð myndi stöðva sogflóttaflæði fjármagnsins til miðjunnar og leysa evrusvæðið upp á sama hátt og rúblusvæði Sovétríkjanna var leyst upp, með eftirfarandi ríkisgjaldþroti Rússlands sem afleiðingu. 

Í kjöllurum seðlabanka Þýskalands liggja nú um 350 miljarða evru kröfur á seðlabanka Grikklands, Írlands, Spánar, Portúgals, og þær halda áfram að hrannast upp. Ef fjármagnsflóttinn frá Ítalíu bætist við þennan TARGET2 flótta frá hinum evruvandalöndunum, munu engir stríðsvagnar geta náð að innheimta þá aftur. Svo lengi sem evrusvæðið virkar dag frá degi mun ECB við núverandi aðstæður taka sig af þessum kröfum á einhvern óskiljanlegan hátt, en þó líklegast með peningaprentun. En skyldi bara einn seðlabanki evrusvæðisins klippa á TARGET2 þá vita menn líklega ekki hvernig verður með kröfurnar.

Sem sagt; hver og einn seðlabanki evrusvæðis situr með valdið til að loka á TARGET2 til og frá landinu og frá því sekúndubroti glatar evra viðkomandi lands því að vera frjálst færanleg og mun þannig öðlast sitt eigið innra gengi. Frá þeirri stundu er evran orðin rústuð rauðspretta, zap; ekki lengur sameiginelg mynt með eitt gengi. Aflandsevrur frá miðjunni séð. 

 

Ég mæli með því að menn horfi á og reyni að skilja fyrirlesturinn "Europe on the Brink" í fyrri færslu. Skyldu menn eigi skilja TARGET2 greiðslukerfi myntbandlagsins þá ættu þeir að biðja þessa 33 já þingmenn um nánari útskýringar. Þeir vissu að minnsta kosti allt um það mál þann 16. júlí 2009. Eða hvað? Þeir áttu að minnsta kosti að vita hvað þeir voru að gera. Nema að Þorsteinsgasið hafi þá þegar verið komið yfir hættumörkin í þingsalnum. Það myndi að minnsta kosti útskýra óútreiknanlega hegðun og ákvörðun vissra þingmanna í pólitískum SVG gasklefa Alþings, þann daginn. Hæ Ögmundur Liljubrók Steingríms og Árna.

 

Bloomberg; Euro-Area Central Banks to Hold Crisis Call

 

Eftirmáli SVG

 

The European Central Bank calls its approach one of “constructive ambiguity”; other central banks no doubt wish they had thought of the label first. But nothing is less constructive than ambiguity at a time of disorientation and growing nervousness. However, ambiguity – or indeed aimlessness – has been a sin committed more by elected politicians than by technocrats — Financial Times; The unbearable lightness of leaders 

 

Fyrri færsla

 

Standard & Poor’s lækkar lánshæfnismat ríkissjóðs Bandaríkjanna 

Standard & Poor’s lækkar lánshæfnismat ríkissjóðs Bandaríkjanna

 

PDF 

 

Var þetta nokkuð svona?

 

Við húsleit ítölsku lögreglunnar í aðalstöðvum matsfyrirtækjanna á Ítalíu fannst lækkað lánshæfnismat í fórum eins fyrirtækisins. Var það strax afhent Silvio Berlusconi sem sendi það svo áfram með flugmóðuloftskipum Ítalíu til forseta Bandaríkjanna í Washington, sem er bær þar í landi. Ein helsta ástæða S&P fyrir lækkuninni er pólitísk áhætta. Nei nei, ekki á Ítalíu, heldur í Bandaríkjunum!

 

Nei, þetta var ekki svona.  

Nú þurfa alþjóðlegir fjárfestar að heyja og þreyja hið erfiða val við að velja á milli ríkisskuldabréfa Ítalíu, Bandaríkjanna og Japans. Þetta eru þrír stærstu og umsvifamestu ríkiskuldabréframarkaðir heimsins. Þar sem léttast er að koma inn og fara út á mettíma (most liquid). Þetta var að minnsta kosti þannig þar til í síðustu viku, en þá komu því miður og skyndilega upp viss vandamál á Ítalíu.

JAPAN - BANDARÍKI NORÐUR AMERKÍKU - ÍTALÍA

Valið er þitt

Hér með er lánshæfnismat Bandaríkjanna orðið blandað. Tvö þreföld AAA hjá Fitch og Moody’s og eitt AA+ hjá Standard & Poors. En mat S&P á hæfni Bandaríkjanna til að þjónusta og standa undir skammtímaskuldbindingum Bandaríkjanna er þó óbreytt. Segja má að þetta sé lækkun á trausti til stjórnmálamanna þeirra sem nú sitja þar við völd og mikill skellur fyrir forsetann.  

 

Because S&P left the U.S. short-term credit rating unchanged, the downgrade is unlikely to have a big impact on money market funds that own U.S. Treasury bills. Some investors believe Treasurys will remain a safe place in a volatile world, even without a solid triple-A credit-rating. Others believe the U.S. will be forced to pay higher interest rates, say about 0.5 percentage point higher, simply because they are seen as being slightly riskier than before; WSJ 

 

Rauðnefja repúblikanar munu ekki geta bent á rautt nef og eyru forsetans nú. Svoleiðis er ekki í boði lengur. Churchill drakk alltaf bara hinn ódýrari red label. Skyldi Obama fá sér einn black lable í tilefni dagsins? Eða swing? Seðlabanki Bandaríkjanna hefur þegar bent S&P á smávægilega út- og innsláttarvillu útreikninga sinna (2 trillion USD). Það verður fróðlegt að fylgjast með eftirleik þessa - m.a. í Evrópu og víðar. Nú fer þetta að verða spennandi!

 

Danmörku í morgun - "Europas økonomi tæt på afgrunden"

"Man kan ikke skabe vækst, fordi både finans-, penge- og valutapolitikken er sat ud af spillet" 

Bíddu, það er aðeins meira hér; Hvernig getur staðið á því að aðeins 6 af 100 banka- og fjármálastofnunum Danmerkur geti sótt sér fjármögnungar- og lánsfé á alþjóðlegum fjármálamörkuðum? Hvað er að? Af hverju er allt lok, lok og læs á 94 danska banka af 100? Og hvernig skyldi standa á því að S&P segi allt í einu nú —eftir allar og margendurteknar bankaríkisábyrgðir dönsku ríkisstjórnarinnar— að 15 danskir bankar í viðbót við þá 11 sem þegar eru þar orðnir gjaldþrota, eigi á hættu að fara í þrot á næstunni? Danmörk "nýtur" jú "verndar" seðlabanka Evrópusambandsins í beinni ERM II tenginu dönsku krónunnar við kartaverkið í Brussel. Og landið er þar að auki margfaldur Evrópumeistari í ESB-aðild. Hvað er að? Eða er það kannski þannig að þessi beintenging dönsku krónunnar við krataverkið í Brussel sé einmitt það sem allt er að drepa í Danmörku?

 

Man kan kun lindre smerterne, og med den økonomiske politik forsøge at undgå, at det hele falder sammen. Man kan ikke skabe vækst, fordi både finans-, penge- og valutapolitikken er sat ud af spillet, vurderer Jeppe Christiansen 

 

Senda þarf greinilega pezkarlana Össur og Árna til aðstoðar Danmörku. Þeir gætu bent dönsku ríkisstjórninni á að sækja um inngöngu í sérútgáfu þeirra af Evrópusambandinu; PEZesb.

 

Tvær krækjur;

 

Financial Times

Europas økonomi tæt på afgrunden 

 

 

 

Endursýnt (non rúv) - "Evrópa á bjargbrúninni"

Ég leyfi mér að pósta hér aftur nokkur orð og heilan fyrirlestur Simon Johnson og Peter Boone um smásmotterís TARGET2 málið (lesa glærur) og myntbandalag Evrópusambandsins, þ.e.a.s löndin sem eru þar og nú um borð "í pakkanum" góða. 

 

Þú ert stjórnandi fjárfestinga.

Í höndum þínum er lifeyrissparnaður nokkurra hundruð þúsunda manna. Sérsvið þitt er að ávaxta þessa peninga Jóns og Gunnu — eða — að minnsta kosti sjá til þess að þessir fjármunir almennings tapist ekki. Þetta eru þeir peningar sem þau leggja fyrir af launum sínum og sem eiga að halda þeim uppi í ellinni. Sérsvið þitt er ríkisskuldabréfamarkaður. Yfirmenn þínir anda þig í hnakkann á hverjum degi og þeir eru strangir.   

Nú ber svo við að þér og sjóði þínum var sagt hér fyrir 10 árum að engin áhætta væri fólgin í því að festa þetta fé almennings í ríkisskuldabréfum evrulanda. Þá var ákveðið að enginn grundvallarmunur væri á ríkisskuldabréfum neinna evruríkja. Ef illa færi þá myndu ríkjunum verða bjargað. Já bjargað, því með því að taka upp sameiginlega mynt þá létu löndin frá sér fara hornsteina fullveldis þróaðra ríkja; þ.e. þau ákváðu að láta af hendi þratuavarnavopnið og allt fullveldi sitt í peningamálum.

 

En nú eru ríkin í djúpum skít. Galdarpappír Evrópusambandsins var gallaður frá byrjun og aðeins færður fram til markaðar sem dulbúið pólitískt fyrirbæri valdasjúkrar elítustéttar Evrópu. Þega á reyndi var engin raunveruleg innistæða var fyrir þeirri fjármálastarfsemi sem stunduð hefur verið í evrulandi frá upphafi undir evru.

 

Úkoma vandamálanna í dag er háð regluverkinu um rússneska rúlletu. Þetta hefðu íslenskir þingmenn átt að vita þegar þeir köstuðu sér á kaf í elítupakkann. Ekkert getur komið í stað fullvalda þjóðríki, - nema óútreiknanlegt evrusvæði sem mun annað hvort enda sem einræðisríki - ef það á að lifa af - eða öngþveiti og upplausn á broð við upplausn Sovétríkjanna.

Eftirfarandi fyrirlestur varpar ljósi alvörunnar á hlutina; - og komið nú ekki kæru íslenksu stjórnmálamenn og segið mér að þið höfðuð minnstu hugmynd um hvað þið voruð að gera á Alþingi Íslendinga þann 16. júlí 2009. Þið voruð nógu mörg algerlega og hættulega clueless þá og eruð það enn í dag. Merihluti ykkar brást frumskyldum sínum sem Alþingismenn og mörg ykkar frömdu vísvitandi hin grófustu kosningasvik í pólitísku rússnesku rúlletuspili með framtíð íslenska lýðveldis, sem stofnað var til árið 1944 á Þingvöllum með samþykki næstum allra Íslendinga.

 

PS; Gera má ráð fyrir að forsætisráðherra Íslands skilji ekki hvað hér er sagt. Já, forsætisráðherrann sjálfur! Ég leyfi mér þó að halda í vonina. 

  

Fyrirlestur; Evrusvæðið á bjargbrúninni

Peter Boone, Simon Johnson 

 Fyrirlestur í þrem hlutum

 

Glærur; Europe on the Brink 

 

 

1) Peter Boone

 

2) Simon Johnson 

 

3) Jacob Kirkegaard og spurningar 

 

Glærur; Europe on the Brink

Heimasíða; Peterson Institute

 

Blóðbað - ECB rifnar í tvennt - dollar enn örugg höfn [u]

 

Algert hrun varð alls staðar í dag. Þetta hefst upp úr því að skrúfa fyrir eldsneytið til hreyfla samfélagsins í flugtaki, eins og stjórnmálamenn hafa verið að gera begga megin Atlantsála og einnig hér á Íslandi. Fábjánar & Wall_Street_þingmenn.   

Hlutabréfamarkaðir vestanhafs áttu enn verri dag en þegar Lehman bræðrabankinn féll. 

Svo mikil ásókn varð í ríkisskuldabréf Bandaríkjanna að fjárfestar þurftu að borga ríkinu fyrir að geyma vinsamlegast peninga þeirra í þrjá mánuði. Bank Mellon í New York tekur nú peninga fyrir að varðveita innlán viðskiptavina. Svo mikil er ásóknin í öryggið. 

Hlutabréfamarkaðir í Evrópu hafa þurrkað sjálfa sig út meira en 8 mánuði aftur í tímann. 

Seðlabankalingur Evrópusambandsins er nú þverklofinn rekaviður á hornströndum peningaheimsins. Traustið er farið. Rifist er í brúnni og liggur við að Þýskaland loki bankanum. Svo mikil er óánægja þeirra með tilviljanakenda peningastjórn og peningaprentun þessa seðlabanka, sem í örvæntinu reynir að halda saman myntvafningnum evru og sífjölgandi gjalþrota evruríkjum, sem einmitt eru gjaldþrota vegna þess að ESB embættis- og stjórnmálamenn Evrópu hafa fundið upp myntfyrirbæri sem er enn verra en gullfóturinn var.   

Seinni part dags hefur evran hrunið um tvö prósent gagnvart Bandaríkjadal. Það þarf mikið til að hreyfa svona stórar myntir svo hratt á parti úr degi.

Olían hrundi um meira en 10 dali í dag.

Allt er hrunið, en þó þiggja þing- embættis- og stjórnmálamenn ennþá launin sín. 

Fróðlegt verður að vita hvort þetta sé allsherjar-hrunið sem ég hef verið að bíða eftir. Því fyrr sem það kemur því betra. Von mín er sú að nýtt gott og vandað hrun veki stjórnmálamenn til vitundar um að þeir eru að endurtaka allt það sem ömmur okkar og afar gerðu rangt í stóru 1929 kreppunni miklu, vegna þáverandi reynsluleysis. Afsökun okkar er hins vegar engin.

 

Ef stjórnmálamenn vakna getur heimurinn loksins farið í gömlu vinnufötin á ný og sturtað hagfræði fíflagangs síðustu áratuga niður í skólpið, þar sem hún á heima, og tekið í notkun þann lærdóm sem komst inn í kennslubækur hagfræðinnar í kringum 1950. Lærdóm afa og ömmu okkar.

 

Asnar!

 

Krugman; Rates of Wrath | Why People Say “Eeh!” When They Learn About the ECB

 

Uppfært:

Europe on the Brink 

 

Þú ert stjórnandi fjárfestinga.

Í höndum þínum er lifeyrissparnaður nokkurra hundruð þúsunda manna. Sérsvið þitt er að ávaxta þessa peninga Jóns og Gunnu — eða — að minnsta kosti sjá til þess að þessir fjármunir almennings tapist ekki. Þetta eru þeir peningar sem þau leggja fyrir af launum sínum og sem eiga að halda þeim uppi í ellinni. Sérsvið þitt er ríkisskuldabréfamarkaður. Yfirmenn þínir anda þig í hnakkann á hverjum degi og þeir eru strangir.   

Nú ber svo við að þér og sjóði þínum var sagt hér fyrir 10 árum að engin áhætta væri fólgin í því að festa þetta fé almennings í ríkisskuldabréfum evrulanda. Þá var ákveðið að enginn grundvallarmunur væri á ríkisskuldabréfum neinna evruríkja. Ef illa færi þá myndu ríkjunum verða bjargað. Já bjargað, því með því að taka upp sameiginlega mynt þá létu löndin frá sér fara hornsteina fullveldis þróaðra ríkja; þ.e. þau ákváðu að láta af hendi þratuavarnavopnið og allt fullveldi sitt í peningamálum.

 

En nú eru ríkin í djúpum skít. Galdarpappír Evrópusambandsins var gallaður frá byrjun og aðeins færður fram til markaðar sem dulbúið pólitískt fyrirbæri valdasjúkrar elítustéttar Evrópu. Þega á reyndi var engin raunveruleg innistæða var fyrir þeirri fjármálastarfsemi sem stunduð hefur verið í evrulandi frá upphafi undir evru.

 

Úkoma vandamálanna í dag er háð regluverkinu um rússneska rúlletu. Þetta hefðu íslenskir þingmenn átt að vita þegar þeir köstuðu sér á kaf í elítupakkann. Ekkert getur komið í stað fullvalda þjóðríki, - nema óútreiknanlegt evrusvæði sem mun annað hvort enda sem einræðisríki - ef það á að lifa af - eða öngþveiti og upplausn á broð við upplausn Sovétríkjanna.

Eftirfarandi fyrirlestur varpar ljósi alvörunnar á hlutina; - og komið nú ekki kæru íslenksu stjórnmálamenn og segið mér að þið höfðuð minnstu hugmynd um hvað þið voruð að gera á Alþingi Íslendinga þann 16. júlí 2009. Þið voruð nógu mörg algerlega og hættulega clueless þá og eruð það enn í dag. Merihluti ykkar brást frumskyldum sínum sem Alþingismenn og mörg ykkar frömdu vísvitandi hin grófustu kosningasvik í pólitísku rússnesku rúlletuspili með framtíð íslenska lýðveldis, sem stofnað var til árið 1944 á Þingvöllum með samþykki næstum allra Íslendinga.

 

PS; Gera má ráð fyrir að forsætisráðherra Íslands skilji ekki hvað hér er sagt. Já, forsætisráðherrann sjálfur! Ég leyfi mér þó að halda í vonina. 

  

Fyrirlestur; Evrusvæðið á bjargbrúninni

Fyrirlesturinn er í þrem hlutum

Glærur; Europe on the Brink 

 

 

1) Peter Boone

 

2) Simon Johnson 

 

3) Jacob Kirkegaard og spurningar 

 

Glærur; Europe on the Brink

Heimasíða; Peterson Institute

 

Fyrri færsla

 

Hamhlaup Jóhönnu