Þjóðin sagði þvert nei: en þá kom Samfylkingin Vinstri grænir og braut bök íslensku þjóðarinnar

Þjóðin sagði þvert nei

En þá kom ríkisstjórn Samfylkingar Vinstri grænna og þingmenn hennar og brutu bök þjóðarinnar. Þau framkvæmdu í sameiningu eins og verstu fasistar og kommúnistar í Evrópu. Þetta er hrikalega ömurlegt og grátlegt. Smánarleg niðurlægjandi örlög fyrir þegna Íslands. Slæm örlög fyrir alla nema nokkra menn og konur sem fyrir vikið fá að halda valdastólum sínum eitthvað áfram - svo og fyrir þá fjárglæframenn sem komu okkur Íslendingum í þessa aðstöðu. Ríkisstjórn Samfylkingar Vinstri grænna er nú orðin verndari og fulltrúi fyrir þessa fjárglæframenn, gegn þjóðinni. Já, ríkisstjórnin gegn þjóðinni. Þvílíkt fordæmi sem hún sýnir!

Já kæru Íslendingar, Fjárglæfravernd Íslands er ennþá í höndum Samfylkingarinnar og vinnur nú enn betur en áður gegn þjóðinni. Þökk sé fjósameisturum Vinstri grænna sem lugu sig svo glæsilega til valda í nýafstöðnum kosningum til Alþingis Íslendinga. VG er nú stærsti pólitíski sjálfsali Íslands. Stingið túkalli þar inn og út kemur svört tungan til að éta hann sjálfan

Aumingjar

Þessi ríkisstjórn samanstendur af þjóðsvikaöflum og kosningasvikurum sem lugu sig til valda. Aumingjar og valdagráðug lítilmenni sem lugu sig til valda. Megi þau rotna og þúsund níðstangir verða reistar þeim til höfuðs

Mynd: Skjaldborg Evrópusambandsins gegn Íslandi og Sjálfsalinn hennar 

Athugasemdir

[Ragnhildur Kolka, 28.8.2009 kl. 18:49]

Tek undir hvert orð, Gunnar. En staðan var töpuð þegar Ögmundur var kallaður á teppið. Eftir það var þetta bara sýndarmennska þar sem allir fengu að halda einhverjum hluta andlitsins. Þú veist hvað það þýðir.

[Kalikles, 28.8.2009 kl. 19:20]

Ég skulda þessu pakki ekki neitt, og borga í samræmi við það! ekki skattar né annað frá mér. vilji eitthver reyna að ræna úr mínum vasa, fær sá víkinga meðferð(blý&stál).  Ég verð aðeins sveigður undir evrópuauðvaldið sem liðið lík! baskagenin í mér krauma í takt við þau íslensku, SELJA MIG............OG MÍNA ÞJÓÐ..........það lýð ég ykkur ekki! to every action ther is a reaction!

Kalikles.

[Kalikles, 29.8.2009 kl. 03:38]

Þjóðaratkvæðagreiðslu, og þá fara þeir kannski að skilja íslensku.

[Eggert Guðmundsson, 29.8.2009 kl. 20:30]

Það er ekki öll nótt úti enn.

Forseti vor þarf að finna réttlætingu á samþykki sínu gagnvart þessu frumvarpi.  Það verður fróðlegt að sjá hans réttlætingu!!!! í ljósi fyrri aðgerða. 

Ca. 70% þjóðarinnar er á móti þessari kúgun sem er beitt á íslendinga. Alþingi er beitt ofbeldi af Evrópuþjóðum, og þeir hafa kyngt ofbeldinu (aumingar og ræflar).  Alþingi Íslands hafði 70 % af þjóðinni á bak við si, en samt létu þeir kúga sig. Hvað veldur???? Hvað er Gimillinn frá Gunnarsstöðum að hugsa"sumum" alþingismönnum?  Hvað hangir á spýtunni?

Þeir sem samþykktu þennan samning vita að þeim verður ekki vært í íslensku samfélagi- voru þeir að hugsa um þjóðahag? Vantar svör. Voru þeir að hugsa um sjálfan sig og einhverjar sporslur til sín? Vantar svar.

Hvað voru þeir að hugsa þessir 34 Alþingismenn? Vantar svar.

Annað bjargræði gæti verið fólgið í því að Bretar og Hollendingar hafni þessum samningi. Ég vona það svo innilega.  Nýir samningar munu felast í því að sannfæraBreta og Hollendigar um að fara eftir lögum og reglum allra samfélaga og taka á móti eignum þrotabús Landsbankans. 

Það á ekki að lenda á íslenskri þjóð einhverjar geðþóttaákvarðanir Breta og Hollendinga.  Okkur kemur ekkert við þetta  gjaldþrot Landsbankans.  Okkur kemur ekkert við aulagangur fyrrri ríkisstjórnar, sem sagði niðurbeygð , við skulum borga.  ÞAð má ekki gleymaað þetta voru menn framkvæmdavalds sem voru að kaupa sér frið vegna álags.

Alþingi var með úrskurðarvald um þetta mál og þeir klúðruðu því.  Aular og aumingar sem gátu ekki nýtt sér bakland Íslenskrar þjóða, sem vildi ekki þennan samning.

[Haraldur Baldursson, 29.8.2009 kl. 21:21]

Ég vildi óska að ég gæti tekið undir vonir þínar Eggert.
Ólafur mun setja á svið mikið leikrit, em samt endar með því að hann "beygður af aðstæðum" mun skrifa undir.
ESB handrukkararnir Samfylkingin og Vinstri Grænir eru búin að innsigla örlög okkar. Þau eru búin að vinna dag og nótt í því að selja þjóð sína í hendur ESB. Icesave var síðasta hálmstráið sem hélt og nú er búið að rífa það upp líka, svo ekkert virðist í sjónmáli til að halda aftur af þessari helreið þjóðarinnar undir Brussel valdið.
Og meira bíður okkar á matseðli landráðaflokkanna.

• Hvað á að hindra þetta fólk frá því að leika sama leik og leikinn var með EES samningin, sem fræðimenn telja brjóta gegn stjórnarskránni ?
• Hvað á að hindra að ESB aðildarsamningur fari í gegnum þingið, án þjóðaratkvæðis ?
• Hvað á að hindra að þetta klárist á þessu kjörtímabili ?
• Hvað á að hindra að mótbárur okkar verði meiri fyrirstaða en sandkorn í straumharðri á ?

[Eggert Guðmundsson, 29.8.2009 kl. 21:55]

Ég hef engar áhyggjur af ESB.  ESB er að byrja stríð innbyrðis og mun sundra sér innanfrá. Mögulega mun það gerast innan 3 ára og þá er það innan þess tíma sem við stjórnvöld hafa sett sér.

Áhyggjur mínar hallast frekar að þeim aulum sem nú sitja við völd.  Ég get ekki skilið þær ákvarðanir að hlusta á IMF um að ekki megi lækka stýrivexti.  Þeir aðilar sem eiga Krónubréf og Jöklabréf hérna fagna í hvert sinn sem vaxtaTILKYNNING  kemur frá Seðlabanka Ísland. 

Er einhver búinn að taka saman þær upphæðir sem þeir hafa flutt út í formi VAXTA sl. 10 mánuði.  Þessar greiðslu eru á KOSTNAÐ gjaldeyrisforða okkar. Ég er sannfærður um að búið sé að greiða til þessarra aðila vaxtagreiðslur sem nema öllum heimilislánum íslendinga.

Þessi stefna er ekkert annað en landráð við þjóðina.

Það er verið að ræða um hjáp til heimila og fyrirtækja og i sömu orðum er verið að segja að  íslenskt þjóðfélagi hafi ekki efni á því, vegna skulda.   En hverjar eru tillögurnar?  Þeir greiða fjármagnseigendum sem gerðu atlögu að íslensku samfélagi og verðlauna þá, en þegnarnir fá engar bætur, aðrar en ölmusu og niðurlægingu með  lögbundnum boðuðum aðgerðum.  Skömm er á þessari stjórn.

Það er sagt að dropinn holar steininn, ogég held að ef sandkornin í straumharðri á, safnist saman þá verði að nýju steinn sem hægt verið að slá með og nota sem barefli á þessa aula.

Ég hef áhyggjur af allri þeirri lýgi sem stjórnvöld hafa viðhafið síðastliðna mánuði. 

[Loftur Altice Þorsteinsson, 29.8.2009 kl. 23:39]

Það er ekki skemmtileg upplifum að átta sig á að dugleysingjar ráða för í þjóðfélaginu. Almenningur hefur látið ginna sig til að velja fólk til forustu, sem setur eigin hag öllu öðru framar. Lítum bara til forustu launþega, þar sem leiðtogarnir ganga fremstir í svikum við þjóðleg gildi. Allt hjal um hátt menntunarstig þjóðarinnar er blekking ein, því að siðferðisþroskann skortir.

Ég tek undir orð Haraldar um stöðu mála. Við eigum á hættu, að Búsáhalda-byltingin éti börnin sín og við verðum komin inn fyrir dyr ESB fyrir lok þessa kjörtímabils. Þótt þjóðin hafi þá lært lexíu sína og kjósi nýtt fólk til Alþingis, verður það einfaldlega of seint. Við getum auðvitað vonast eftir kraftaverki eins og mér virðist Eggert gera, en hvenær hafa vonir um kraftaverk rætst ?

Fullveldissinna skortir öfluga liðsmenn, sem hafa aðstöðu til að beita fyrir sig stofnunum og fyrirtækjum landsins. Frétta-mafían vinnur skipulega að því að grafa undan vitund þjóðarinnar um getu hennar til að standa sem uppréttir og sjálfstæðir einstaklingar. Icesave-stjórnin er kerfisbundið að brjóta niður efnahagslega stöðu fólks og kærir sig kollótta um landflóttann sem er rétt að hefjast.

Hvers vegna kusu flestir þingmenn Sjálfstæðisflokks, að sitja hjá við atkvæðagreiðsluna um ábyrgð á Icesave-samningnum ? Mig grunar að það hafi verið til að vekja ekki upp baráttuhug fólks gegn samþykktinni. Hefði öll stjórnarandstaðan staðið sameinuð gegn samþykkt, hefði það gefið viðspyrnu þeim 75% almennings sem andvíg eru undanlátsemi við Evrópsku nýlenduveldin.

Við sjáum svo formann Sjálfstæðisflokks koma fram daginn eftir atkvæðagreiðsluna í Alþingi og mæla gegn þjóðaratkvæði um málið. Hann vísar til þingræðisins sem röksemdar, en segir ekki orð um vilja þjóðarinnar. Ég sé ekkert nema blekkingar í spilunum.

[Haraldur Baldursson, 30.8.2009 kl. 09:40]

Ég tek undir með þér Loftur xD er komið út á bæði hálan og þunnan ís. Flokkurinn átti í miklum vanda fyrir kosningar, því flökkufylgi yfirgaf hann með öllu. Og nú...nú yfirgefa tryggir kjósendur flokksins hann í hrönnum. Kjarkleysi, ESB-þægð, ósamstíga yfirlýsingar og rangar áherslur eru að drepa xD. Ég sé mér ekki fært að kjósa hann lengur. Þörfin á nýjum íslenskum flokki, flokki sem hefur raunverulegt sjálstæði þjóðarinnar á dagskrá sinni hefur aldrei verið brýnna.

[Haraldur Baldursson, 30.8.2009 kl. 09:44]

Svo er önnur vá fyrir dyrum í samhengi ESB aðildar. Það er unnið að því að sameina Héraðsdóm í eitt umdæmi fyrir landið. Hvað merkir það ?

Jú það á að hreinsa til í dómarastéttinni, sem verður gert undir nafni hagræðingar. Markmiðið er að tefja kæru gegn stjórnvöldum, þegar þau samþykkja aðildarsamning að ESB, án undangenginnar kosningar. Það mun nægja að tefja málið nógu lengi til þess að við verðum komin nógu langt inn í ESB til þess að bakk-gírinn finnist ekki lengur. Loks þegar málið nær upp í Hæstarétt, ef það kemst þá alla leið, mun það engu skipta, því að þá erum við föst í köngulóarvefnum.

[Gunnar Rögnvaldsson, 30.8.2009 kl. 12:29]

Ég þakka ykkur fyrir innleggin

Ég sé heldur ekkert nema blekkingar í spilunum eins og Loftur kemst að orði. Haraldur lýsir þeirri hryllingsmynd sem varla er hægt að hugsa um án þess að öskra - og Ragnhildur kemst vel að orði pistli sínum: Vinir Steingríms!

Þetta er ömurlegt ástand, kolsvart og fótum troðið. Aumingjaöld ríkir 

[Þorvaldur Þórsson (IP-tala skráð) 30.8.2009 kl. 22:13]

Ég bara spyr Í hvaða heimi lifi þig sum ykkar hér að ofan sem vilja ekki borga? Nú tók ég ekki þátt í 2007 sukkinu að neinu leiti og kaus ekki núverandi ríkisstjórn.

Hvaða möguleika eigum við í þessari stöðu???

IMF var búinn að loka á okkur, Norðurlandaþjóðirnar og nánast allar aðrar þjóðir voru búnar að segja að við fengjum ekki einn einasta eyri fyrr en við værum búnir að gera hreint fyrir okkar dyrum. Þ.e. að moka út skítnum eftir sukk síðustu ára. Ég ætla ekki að rekja hver ber ábyrgð því allir heilvita menn vita það ósköp vel.

Ástæða þess að sjálfstæðismenn sátu hjá í atkvæðagreiðslu um ICESAVE var sú að þeir kunna að hugsa og taka rökum flestir þeirra. Ég veit það frá manni sem var á þinginu að menn(og konur) voru leidd inn í afherbergi ein af öðrum og það var farið yfir það í stórum dráttum hvaða kosti við Íslendingar ættum. Þ.e. hvaða atburðarrás færi af stað ef við myndum ekki samþykkja þessa samninga sem mér persónulega finnst vera algerlega út í hött. Okkar möguleikar voru raunverulega tveir þ.e. að hengja okkur eða skjóta okkur. Það var ekkert annað í stöðunni. Ég hef ekki séð neinn einasta andstæðing ICESAVE rekja það hvað mundi gerast hér á landi ef við neituðum að samþykkja. Bara neita og vona það besta!!!!! Þetta er raunveruleikafyrring og sama og að troða hausnum ofan í sandinn þegar hætta steðjar af.

Mig langar ekkert að borga en ég veit að við Íslendingar bara verðum að gera það. Alþjóðasamfélagið krefst þess og því lengur sem við þráumst við því verra verður það fyrir okkur. Þetta er raunveruleikinn sem blasir við okkur Íslendingar góðir. Sættið ykkur við það. Þið getið flúið land ef þið sættið ykkur ekki við það. Ég ætla að halda áfram að berjast meðan ég get og sætti mig við að þurfa að borga þetta. Það þýðir ekki að ég geri það með bros á vör.

[Gunnar Rögnvaldsson, 30.8.2009 kl. 22:58]

"Ég veit það frá manni sem var á þinginu að menn(og konur) voru leidd inn í afherbergi ein af öðrum og það var farið yfir það í stórum dráttum hvaða kosti við Íslendingar ættum"

Takk Þorvaldur fyrir innlegg þitt og kærar þakkir fyrir þessar upplýsingar um miðilsfundi í húsakynnum Alþingis Íslendinga.

Var það Steingrímur sem sá um andaglasið þarna inni í hryllingsherbergi Alþingishússins? Eða var það heilög Jóhanna sem bitrist og talaði erlendum tungum? Þá er von að þingmenn hafi orðið hræddir og skriðið hratt í hand- og fótajárnunum upp að já-hnappnum

Eg mun bráðum senda þér reikning fyrir því sem ég tel að þú skuldir mér. Þú borgar bara við næsta kassa og þá erum við kvitt. Annars er fjandinn laus. Ég skal lána þér fyrir þessum skuldum á 4% vöxtum yfir stýrivöxtum skyldir þú ekki geta greitt þetta strax. Þetta verða þá öll árslaun þín fyrir skatta og gjöld. Þú borgar í Sterlingspundum 

[Loftur Altice Þorsteinsson, 30.8.2009 kl. 23:54]

Þetta eru ótrúlegar myndir sem þú dregur upp Þorvaldur, eða á ég að tala um miðilsfundi eins og Gunnar ? Ef þessir atburðir í Alþingishúsinu voru jafn dramatískir og þú lýsir, hvers vegna varð niðurstaða atkvæða-greiðslunnar ekki 63:0 ??

Þegar talið hafði verið, kom í ljós að einungis stjórnar-þingmennirnir 34 veittu samþykki fyrir Icesave-ábyrgðinni. Hjásetu völdu 14 og 14 voru á móti ! Hvers vegna heldur þú að niðurstaðan skiptist nær hreint eftir flokkum ? Ber það vitni um mismunandi skyggnigáfu í hvaða flokki menn eru ?

Hvað hefði skeð ef Alþingi hefði ekki samþykkt ábyrgðina ? Ég fullyrði að við hefðum losnað úr þeirri klemmu sem við erum einmitt komin í vegna dugleysis þeirra sem farið hafa með framkvæmdavaldið, í umboði forseta Íslands vel að merkja.

Við hefum verið í miklu betri stöðu með að hafna ábyrgðinni, en við lendum í núna. Núna eru miklar líkur til að ábyrgðin verði virk, en eftirvararnir verði dæmdir vanefndir samningsins af Bretskum dómstólum. Það þýðir gjaldfellingu á öllu láninu strax og innheimtu-aðgerðir.

Gera verður ráð fyrir að Íslendsk stjórnvöld hafi gert ráðstafanir til að við lendum ekki aftur í þeim aðstæðum sem við þekkjum frá í haust. Þá var lokað fyrir öll fjármálaviðskipti okkar við útlönd. Þá var nær komið á innflutningsbanni á nauðsynjar eins og lyf og bensín. Hljóta stjórnvöld ekki að hafa undirbúið þjóðina á þessum 10 mánuðum ?

Eigum við ekki að láta reyna á hvort "vinir og bandamenn" ætla að beita okkur efnahags-þvingunum, í boði Breta og Hollendinga. Eigum við ekki rétt á að vita hvort meintum þvingunum verður hrundið í framkvæmd. Eigum við ekki rétt á að vita hverjir eru vinir og hverjir óvinir, svo að við vitum með hverjum við ætlum að deila örlögum nærstu aldirnar ? Ég fyrir minn hlut, krefst þess að sjá framan í þá sem sagðir eru vera með hótanir.

Staðreyndin er sú að Evrópu-skaginn er aðeins lítill hluti heimsins. Einhver hefur nefnt að mannfjöldi þar sé um 8% Jarðarbúa. Hvílík firra að gera sér miklar grillur af hótunum deyjandi nýlenduvelda í Evrópu. Við þurfum ekkert á þessum vitleysingum að halda. Vitleysingum sem setja samkeppnisreglur, sem þeir neita svo að standa við þegar á reynir. Þess í stað reyna þeir að kúga einu minnstu þjóð Evrópu. Hvílík skítseiði og mannleysur.

[Sigurjón, 31.8.2009 kl. 02:54]

Komið þið sælir Gunnar, Haraldur og Loftur.  Mælið manna heilastir!

Ekkert ESB, engin evra og til fjandans með þessa fjárans Iceslave-samninga!

[ElleE (IP-tala skráð) 31.8.2009 kl. 21:00]

Nú bara spyr ég þig, Þorvaldur, í hvaða heimi lifið þið sem viljið sætta ykkur við kúgun og nauðung og þræla-samning?  Og hví niðurlægja fólk sem kærir sig EKKI um og mun EKKI sætta sig við að vera haft að aumingjum og fíflum og þrælum af völdum óþokka?  Fyrr flytja ýmsir úr landi þræla en borga eyri í nauðungar-skatt fyrir glæpamenn vegna hótana óþokka og aumingjaskapar yfirvalda.  Við höfum oft sagt við ykkur hin, sem endilega viljið vera dregin um í niðurlægingu og skít og svaði og vera rukkuð um þræla-peninga: Þið megið vel borga Ice-slave.  Í guðanna bænum endilega borgið ófétið úr því þið endilega viljið sætta ykkur við það.  Haldið okkur hin utan við ykkar þræla-líf og þræla-skuldir þó.  Við neitum og sættum okkur EKKI við það.  

ICESAVE: FJÁRKÚGUN: Gunnar Tómasson, hagfræðingur, hollenskur háskólakennari, Dirk Bezemer, og bandarískur prófessor, Michael Hudson:

http://mbl.is/mm/frettir/innlent/2009/08/31/segja_islendinga_beitta_fjarkugun/

http://extra.volkskrant.nl/opinie/artikel/show/id/4009/EU_moet_geen_deurwaarder_spelen

http://mbl.is/media/81/1681.pdf

http://www.tilveraniesb.net/veitur/erlent-efni/erinnheimtahlutverkesb

[Þorvaldur Víðir Þórsson, 31.8.2009 kl. 21:51]

Ellen E. Þú getur talað eins og þú vilt. EKKI HALDA AÐ ÉG SÉ SÁTTUR VIÐ ÞENNAN FJANDA! Ég vildi óska að það væri leið út úr þessu. Ég vil bara minna þig á vina mín að bæði Hollendinar og Bretar eru fyrrverandi nýlendukúgarar og missa ekki eina mínúttu í svefni yfir því að kúga okkur og ræna af okkur peningum. Þeir hafa gert það svo oft áður. Það sem ég vona er að eignir Landsbankans dugi til að greiða mest af þessu. Það eina rétta í stöðunni var að semja strax og ég vil minna þig á einn fyrirvarann sem settur var varðandi málsóknir þar er sóknarfæri. Við hefðum ekki getað gert neitt án þess að semja fyrst. Ekki vera svona veruleikafyrrt. Ég veit að þetta eru þrælapeningar. Nú kaus ég ekki núverandi ríkisstjórn né fyrri ríkisstjórn sem kom þessum ósköpum yfir okkur. Ég keyri um á bíl frá siðustu öld þannig að ég hef ekkert sukkað. Samt verð ég að borga þennan fjanda. Ekki einu sinni reyna að segja að mér sé vel við það!!!

[ElleE (IP-tala skráð) 31.8.2009 kl. 22:40]

Þorvaldur, fólk verður reitt þegar það er spurt eins og þú að ofan:  Í hvaða heimi lifið þið?  Og núna segirðu: Ekki vera svona veruleikafyrrt.  Við erum það ekki Þorvaldur og sættum okkur ekkert við slíkt niðrandi tal bara fyrir að sætta okkur ekki við kúgun.  Ekki eyddi ég heldur og ók mest allt lífið um í eld-gömlum bílum.  Eða labbaði, hjólaði, tók strætó.  Og trúi þér vel að þú hafið ekki verið með í eyðslunni.   En þú getur ekki krafið okkur um að þola kúgun, ofbeldi, niðurlæginu.  Hvað er veruleikafyrring, Þorvaldur?  Veruleikafyrring að mínum dómi er að sætta sig við kúgun og ofbeldi af völdum óþokka.  Og svikul yfirvöld.