Leita í fréttum mbl.is

Hörðustu evrusinnar í Evrópusambandinu missa móðinn, en bara ekki á Íslandi

Skafrenningur á síðustu vikum, spáð er fárviðri í bönkum ESB 

Nú er svo komið að það er jafnvel fokið í öll evru-skjól í sjálfri Evrópu. Einn helsti aðdáunarmaður evrunnar, herr Wolfgang Münchau, sem er einn af ritstjórum FT Deutschland, lýsir því nú opinberlega yfir að jafnvel hann sé að missa trúna á myntbandalagið. (Why you should complain about lack of coordination, not protectionism). Sama dag notar hann svo tækifærið til að kalla seðlabankastjóra Póllands fyrir hálfvita (hefur maður heyrt þetta einhvers staðar áður?) vegna þess að þessi seðlabankastjóri vill ekki mæla með því að Pólland hefji ERM þrautargönguna.

Írskir stjórnmálamenn eru einnig farnir að kalla seðlabankastjórn Írlands illum nöfnum og krefjast afsagnar. En áberandi er þó hvítan í handabakabeinagrind írskra stjórnmálamanna því þeir eru búnir að borða ketrið af báðum handabökum vegna eigin mistaka, - þeir fluttu nefnilega fjármálaeftirlit Írlands frá seðlabanka Írlands (sem er símsvari) og yfir í einhverja aðra stofnum sem er hálfgerð hola niður í jörðina. Því blasir beinhvítan við öllum núna. Þessu hafa írskir skattgreiðendur tekið eftir fóru því í tonnatali út á götur og stræti til að mótmæla. 

Hvað varðar ERM Póllands: Wolfgangur ætti þó að muna að ekkert af stóru löndunum hafa sjálf prófað alvöru ERM II ferli - því allar hinar þjóðirnar nálguðust þær og ekki öfugt. Þær eru því clueless um hvað ERM í raun þýðir miklar hörmungar og takmarkanir á alla hagi þjóðar og lands. ERM þýðir einfaldlega varanlega örkumlun sjálfstæðs og heilbrigðs efnahags þjóða. Eins og að fá varanlega lömunarveiki. Þú verður aldrei frískur aftur.

The European Debt Union - EDU 

Eitt stykki pólitísk hrossakaup a la 1989, sem nú gætu farið að breytast í Evrópska Skulda Sambandið, The European Debt Union. "Kæri Helmut kanslari, ef þú vilt fá leyfi til að sameina Þýskalandið þitt aftur, austur og vestur, þá verður þú að samþykkja að við fáum að vera með sömu mynt og þú. Við krefjumst því myntbandalags". Þetta voru hrossakaup herra Mitterrand & herra Kohl þegar Múrinn féll. Svona varð myntbandalagið til. Nú er það að niðurlotum komið. Búið er að handjárna flestar þjóðir þess í armæðu sem þær komast ekki út úr aftur. Þetta eru mjög sterk handjárn og virka afskaplega vel. Útflutningur er því full stopp, ekki hægt að fella gengið til að gera hann samkeppnishæfan aftur, ekki hægt að prenta peninga til að koma þenslu í gang. Ekkert hægt nema að bíða, - bíða eftir mömmu. Vöðvar frelsisins eru vanmáttugir og visnaðir í spennitreyju Evrópusambandsins.   

Innan næstu tveggja ára munu flestar evruríkisstjórnir skulda allt að eða meira en 100% af þjóðarframleiðslu sinni vegna galla í hönnun myntbandalagsins. Það tókst nefnilega að smygla skuldum bankana yfir á ríkissjóðina í reglugerðarfrumskógi ESB, Skógurinn virkaði ekki, þegar á reyndi.

Eilífðarverkefnið

En Brussel mun farnast vel 

En það er engin hætta á að kreppan komi til Brussel. Starfsmönum verður ekki fækkað í Brussel. Þeim mun örugglega fjölga. Þeir skrifa og skrifa, setja fleiri reglur fyrir okkur, fleiri reglur, klippa og klístra fyrir okkur, prenta og prenta fyrir okkur. Pappírsmennirnir vinna og vinna, sigra og sigra, allt fyrir okkur. 

Evrópusambandið fær ekki inngöngu í Evrópusambandið

Evrópusambandið fengi ekki inngöngu í Evrópusambandið, enga inngöngu, einmitt. Það er nefnilega ekkert lýðræði í þessu Evrópusambandi. Sambandið uppfyllir ekki eigin skilyrði

Meanwhile, in an interview with German daily Handelsblatt, the President of the German liberal party FDP in the European Parliament, Silvana Koch-Mehrin, said: "if the EU itself applied for membership of the EU, it would be refused. The reason would be: no democracy". She added: "Meanwhile more and more competences have been transferred to the EU level, without the EU structures having become more democratic". 

 Handelsblatt

Allir mótmæla nema Bandaríkjamenn

Er þetta ekki undarlegt. Undanfarið höfum við séð skipulögð mótmæli á Íslandi, Írlandi, Lettlandi, Eistlandi, Litháen, Ungverjalandi, Þýskalandi, Frakklandi og í fleiri löndum. En það eru engin mótmæli í Bandaríkjunum! Þó voru það Bandaríkjamenn sem fóru fyrst inn í kreppuna. Þeir hafa þurft að horfa uppá húsnæði sitt falla hrikalega í verði, þurft að flýja hús og heimili í massavís, misst vinnuna svo miljónum skiptir og verið sviptir hefðbundnum lánsfjármöguleikum sínum að verulegu leyti. En þeir mótmæla ekki.

Hvernig stendur á því að það eru einungis Bandaríkjamenn sem virðast geta tekið neikvæðu hliðum kapitalismans eins og uppréttir menn? Er það vegna þess að þeir svo innilega vissir um að það er ekkert betra til en frjáls kapitalistísk þjóðfélög að þeir eru tilbúnir að leggja mikið á sig til að varðveita þetta þjóðfélagslega kerfi sem hefur gert Bandaríkin að ríkasta landi heimsins á allan máta? Þeir virðast gera sér grein fyrir að það er enginn valkostur.

En þessu virðist ekki svona farið með okkar blessuðu Evrópubúa. Þeir mótmæla, krefjast og krefjast - og reyna svo eina ferðina enn að finna hina auðveldu leið út úr eign ógöngum. Þetta er heimsálfan sem fann upp og innleiddi kommúnismann, sem er það versta sem nokkurntíma hefur gengið yfir mannkynið. Evrópumenn fundu einnig upp og innleiddu fasisma og svo nazisma. Þar á eftir kom svo "þriðja sænska leiðin", en sem einnig hrundi. Seinasta uppfinningin er svo Evrópusambandið. Er Evrópa ennþá hið stóra meginland vesalinganna? (LARS HEDEGAARD: "Interview: A Continent of Losers")


« Síðasta færsla | Næsta færsla »

Athugasemdir

1 Smámynd: Hólmfríður Bjarnadóttir

Það var held ég aldri búist við því að kreppan sigldi framhjá Evpópusambandinu. Þar hriktir í eins og vestra og ekki er ég hissa. Það kemur samt ekki í veg fyrir að ég við sækja um aðild að ESB og tel næsta víst að okkur muni vegna betur þar inni, en utan þess.

Til að fyrirbyggja misskilning, þá er ég ekki að tala um Himnaríku, heldur bandalag þjóða sem takast sameiginlega á við vanda dagsins, hver sem hann er. Andstæðingar ESB leita með logandi ljósi að agnúum á ESB og vissulega eru þeir til, en ekki hvað.

Hólmfríður Bjarnadóttir, 23.2.2009 kl. 14:48

2 Smámynd: Hólmfríður Bjarnadóttir

Var að lesa "ævisöguna" þína hér á síðunni. Þú varst í sveit í Miðfirði, á hvaða bæ?. Ég bý á Laugarbakka og hef búið á svæðinu frá 1948.

Hólmfríður Bjarnadóttir, 23.2.2009 kl. 14:55

3 Smámynd: Ragnhildur Kolka

Evans-Pritchard telur að þýska fjármálaráðherranum, Peer Steinbruck, sé um það bil að snúast hugur og ætli nú að láta af andstöðu sinni við evruzone-björgunarbeltið. Skuldsetja Þjóðverja fyrir öllum skrilljónunum sem hin evruríkin standa ekki undir, þrátt fyrir ítrekuð loforð um annað.

E-P spáir PS ekki langlífi í embætti, því ólíklegt sé að þjóðverjar sem fengu ekki einu sinni að greiða atkvæði um aðild að EMU fyrirgefi þessi svik svo glatt.

Það er ekki alveg rétt hjá þér að engin mótmæli fari fram í Bandaríkjunum. En þar eru mótmælin á nokkuð öðrum nótum en í Evrópu, þar sem mótmælendur krefjast niðurfellingar húsnæðisskulda. Hið svokallaða Chicago Tea Party hefur náð nokkurri áthygli í vefmiðlum. Þar er átt við uppreisn sem átti sér stað meðal miðlara í Chicago kauphöllinni, sem taka ekki í mál að samþykkja þann hluta björgunarpakka þingsins sem gerir ráð fyrir að skattborgarar greiði niður lán þeirra sem fóru full glæfralega í veðsetningum sínum.

Ragnhildur Kolka, 23.2.2009 kl. 18:24

4 identicon

Þegar maður les pistillinn þinn getur maður ekki annað en velt fyrir sér hvort ekki þú sért að fleygja perlum fyrir svín. Það undrar mig allavega að þú eyðir svo mikilli orku í að fræða okkur blásaklausann og óvitandi almenning á Íslandi um innviði ESB. Væri ekki betra að þú skráðir þig openberlega á öfgakantinn í evrópskum stjórnmálum og fengir þannig lesendahóp sem væri betur við hæfi?

Thor Svensson (IP-tala skráð) 23.2.2009 kl. 18:42

5 identicon

Sæll Gunnar. Þó svo að ég sé nú í bland vinstri og hægri þá finnst mér sýn þín á ESB alltaf fjandi upplýsandi.

Þetta apparat og Kómmízararnir þeirra í Brussel minna mig altaf meir og meir á helvítis feitu og sveittu svínin sem stjórnuðu ANIMAL FARM !

Þetta eru nefnilega alveg nákvæmlega sömu svínin !

Áfram Gunnar !

Gunnlaugur Ingvarsson (IP-tala skráð) 23.2.2009 kl. 19:50

6 Smámynd: Júlíus Björnsson

Sæll Gunnar ! La Commmision með sínar Samloðunar og Hlið-skipanir  og fjármála lénskerfið undir Central Bank of United Europe. Það þarf ekki að innlima Ísland. ESS [upptaka stjórnarkrárbundinnar samfélagsgerðar]og fjárfestingarinnar lánin hafa skilað Frökkum og Þjóðverjum því sem þeir stefndu að fyrir 30 árum: óbeinu eignarhaldi á öllum vergum tekjum af eysvæðisins handan hafsins hinni fornu mörlanda Nýlendu Danska heimsveldisins.  Fyrst voru það Landbúnaðar-Lorda lénskerfið svo kom kaupmanna Nýaðalslénskerfið nú síðast Banka-lénskerfi með sýndar samkeppni og gervi-einkafyrirtækjum.  Þetta er vel skilgreint í Frönsku útgáfu Lissabonsamningsins um Sameiningu Evrópu.  Franska yfirstéttin skrifar ekki stjórnskipunar skrá til að hafa skoðanir á þeim. Þar er hvert einast orð opinberlega skilgreint. Lög eru reglur eins eins og í stærðfræði skrifuð á Frönsku með vel skilgreindu röksamsamsetningakerfi. Það er ekki nema tvö ríki sem þeirra hafa raunverlega áhuga á og það eru milljónaþjóðirnar Noregur og Svissland. Það er einungis af því að það eyðileggur fullkomnun heildar svæðisins sem Sameining Evrópu [SE] þekur. Parlamentið  má taka við 50 fulltrúum með tillögurétt í viðbót. Union des République Socialistes Soviétiques [U.R.S.S]. Það er austurstefnan Hlið-skipun upplýsingafalsanir og mötun á lýðum [98% á öllum tímum óháð menntun]. Hjá kommum voru risavaxin fyrirtæki í ríkiseigu. Nú eru þau hins sögð í Einkaeigu [hálfvita] ofurskuldsett undir hæl seðlabanka sem allir þjóna Seðlabanka Evrópu sem er hægri höndin á Kommission : Úrvali ráðherra fulltrúanna sem á að fækka úr 15 í 11, til að byrja með. 

Stórumálin eru þau að Asía un forystu Kína stefnir á fyrst eða annað sæti heimsálfanna og Bandríkja menn geta ekki neitað henni um annað sætið. Eina sem ný-aðallinn í Evrópu Sameiningunni hugsar um er að tryggja sér sem flesta skuldaþræla. Pólitískt séð eru vaxtaskattar mikið sniðugari vegna þess þeir eru heimskum þrælum sjálfum að kenna, að þeirra mati því enginn telur sig heimskan.  

Júlíus Björnsson, 24.2.2009 kl. 00:46

7 identicon

Mér hefur orðið á mistök. Það er mér nú ljóst eftir að hafa lesið athugasemdir að þessum pistli að þú Gunnar hefur reyndar fastan lesendahóp sem er ágætlega við hæfi. Aðrir hafa séð í gegnum orðagjálfrið og eyða ekki púðri í að koma með mótrök við mörgum staðhæfingum þínum.

Þar með ætti ég kannski að draga mig tilbaka þar sem ástæðan fyrir athugasemdum mínum hér fyrir ofan ekki heldur meira og þú ert greinilega með skrifum þínum fullfær um að sortera frá fólk með málefnalega efasemdir um Evrópusambandið. En þar sem þú nú greinilega ert einn af áhugasömustu mönnum um ESB, þá þykir mér það leiðinlegt að sjá ákafa þinn og hugsjónafyllt skrif þín um ESB gjörsamlega missa marks og aðeins fá hljómgrunn í þeim þrönga hópi jábræðra þinna sem eins og flugur hafa fyrir löngu fyllt öll möguleg pláss á þínu röklega smáskorna og þunna flugnaspjaldi.

Rökfélagi þinn Júlíus fellur í sömu gryfju. En í stað tilvitnanna í nazisma og fasisma notar ofurnegatíf tilfinningarík áhersluorð sem "lénskerfi", "upplýsingafalsanir" og "heimskra skuldaþræla" til að mála skrif sín með í von um betri virkni á lesandann en hefur í raun þveröfug áhrif. Venjulegur lesandi hoppar nefnilega yfir þessi tilfinningaþrungnu orð. Því miður stendur þá ekki sérlega mikið eftir af skrifum þínum Júlíus.

Evrópusambandið er samband þjóða í Evrópu og er ætlað að styrkja bæði innviði þess sem og slagkraft þjóðanna útávið. Svo einfallt er það. En sem og í öllu samstarfi eru ágreiningar og skiftar skoðanir. Það eru teknar bæði rangar og réttar ákvarðanir og framkvæmdir ákvarðanna heppnast og misheppnast. Þjóðirnar, oft ólíkar og með ólíkar áherslur eru þó allar á því að einbeita sér að því sem sameinar þær en að einblína þrjóskulega á það sem skilur þær að. En á sama tíma virða þjóðirnar eftir bestu getu sérstöðu hverrar þjóðar svo lengi sem það kemur ekki óeðlilega niður á heildinni. Með sinni lýðræðislegu stjórnskipun, stjórnskipun sem nútíminn hefur kosið sem bestu möguleg lausninni er reynt að fá bestu mögulegu niðurstöðu í hvert skifti. Gallinn er að það getur oft tekið langan tíma. Ferillinn getur verið þungur. En kosturinn er, sem í öllu eðlilegu og góðu samstarfi að grunnur er lagður að bestu hugsanlegu niðurstöðu.

Maður getur verið í grundvallaratriðum á móti samstarfi eða að einstaklingshyggjan, einangrunarhyggjan eða þjóðernissininn vigtar meir heldur en samstarf og samvinna. Það er ekkert við því að segja. Hugsjónamenn, hvar í flokki þeir standa eiga alla virðingu skilið. Svo lengi sem þeir málefnalega undirstrika sína skoðanir og reyna ekki að þvinga eigin hugsjónum yfir aðra með villandi áherslum, stórum lýsingaorðum og einblínnri neikvæðri umfjöllun um allt sem ekki passar sannfæringu þeirra.

Ég viðurkenni mig fúslega sem samstarfssinna. En vantar töluvert upp á að geta kallað mig Evrópusambandssinna þegar um Ísland er að ræða. En það eru nokkrir augljósir kostir fyrir Ísland að taka þátt í bandalagi Evrópuþjóða. Lítilmagninn (ekki niðurlægjandi meint) hefur alltaf haft það betur í samstarfi en að standa einn og sér. Og við megum viðurkenna að Ísland er ekki neinn stórspilari á alþjóðavettvangi. Annað er að fámenni þjóðarinnar er inviðum þess oft skemmandi þar sem okkur vantar oft nægjanlegt að hæfu fólki í ábyrgðar- og eftirlitsstöður. Slík vöntun getur haft afleiðingar sem nú ættu að vera flestum velþekktar. Hér getur nánara samstarf við aðrar þjóðir haft fyribyggjandi áhrif. það þriðja er að ystu svæði Evrópusambandsins hafa alltaf haft sérstöðu innan sambandsins. Meiri sveigjanleiki er þegar kemur að sérstöðu þessara svæða við ákvarðannatöku mála. Þau njóta einnig góðs að menningar-, mennta-, samfélagslegum sem og efnahagslegum styrkjum í meira mæli en önnur svæði. Og ekki minnst er vægi minni meðlimsþjóða ekki lítið í Evrópusambandinu. Gallarnir, fyrir utan þá sem augljóslega fylgja samstarfi margra ólíkra aðila er hinsvegar erfitt að koma auga á. Það vantar því sárlega fólk sem er hæft til eða hefur vilja til að finna fram til þeirra og draga upp mögulega annmarka á að Ísland sækti um inngöngu.

Gunnar og Júlíus, ég er ekki í nokkrum vafa að þið eruð skarpir karlar og eruð þar að auki með eindæmum áhugasamir um ESB almennt sem og um innviði þess, ágreiningsmál og miður heppnaðar ákvarðannatökur. Ég skora því á ykkur að nota krafta ykkar og áhuga til að sannfæra fólk um GALLA þess að ganga í ESB!

Thor Svensson (IP-tala skráð) 24.2.2009 kl. 17:13

8 Smámynd: Júlíus Björnsson

Rökfélagi þinn Júlíus fellur í sömu gryfju. En í stað tilvitnanna í nazisma og fasisma notar ofurnegatíf tilfinningarík áhersluorð sem "lénskerfi", "upplýsingafalsanir" og "heimskra skuldaþræla" til að mála skrif sín með í von um betri virkni á lesandann en hefur í raun þveröfug áhrif. Venjulegur lesandi hoppar nefnilega yfir þessi tilfinningaþrungnu orð. Því miður stendur þá ekki sérlega mikið eftir af skrifum þínum Júlíus.

Thor! þetta lýsir þínum tilfinninga skoðanastíl vel. Þú hefur hvorki lesið samningin um Evrópskt efnahagsvæði eða Lissabonsamningin í samræmi við þínar skoðanir.

Aðal gallarnir við að ganga inn í Evrópu Sameininguna eru öllum kunnir  sem hafa upplifað þá síðan 1994 þegar við gengumst undir að taka þátt í framtíðarplani Evrópu Sameiningarinnar um útvíkkun. Það er öðru nafni samningnum um Efvrópsk Efnahagsvæði. Taka upp þá þjóðfélagsgerð sem við þurfum að sætta okkur við í dag.

Svo með virðingu fyrir frændum mínum á meginlandinu þá vil ég árrétta að hugtakið Efnahagabandalag Evrópu [EEC] var viðmiðunin 1958 Róm - 1967 Bruselles. Þá Evrópu Bandalögin [EC] merkir líka í eyrum Frakka [lögtexa fræðinganna]  Evrópu Samfélagið.  1997 Maastricht markar svo upphafa Evrópu Sameiningarinnar [EU]. Sem 2007 var fullkomuð með Stjórnarskrá Heimsveldisins eða Evrópu Sameiningarinnar. Sem skilst líka í eyrum Frakka sem Evrópu Sambandið. Bundið er sameinað. 

Upptaka Regluverksins 1994 er nánast sama og að ganga inn í efnahagbandalag Evrópu [EES] því það er þá einn þáttur þriggja af Evrópu Bandalögunum [EU].

Ég hef fullan skilning á sameiningardraumum Evrópu er sáttur við hann eins og draum Íslenskra forfeðra minna um fullræði Íslands í sínum málum.  Ég er ósáttur við regluverkið eða efnahagsbandlagshluta Evrópu-Sameiningarinnar sem gengumst inn á 1994.

Ef þú ert venjulegur íslenskur lesandi þá ert þú ekki hluti að mínum lesendum.

Þar að ég dreg ályktanir mínar af löggiltum samningu Evrópu Sameiningarinnar á Frönsku sem fela í sér skyldur og markmið. Þeirra skilningur vegur þyngst samkvæmt alþjóðlegum hefðum frá 1715.

Júlíus Björnsson, 25.2.2009 kl. 19:25

9 identicon

Júlíus. Annaðhvort sérðu viljandi framhjá markmiði mínu í athugasemd minni eða einfaldlega hefur ekki áttað þig á hvað ég var að fara!

Mér dettur ekki í hug að setja mig á háann hest þegar kemur að vitneskju um Evrópusambandið. Það kemur greinilega fram í texta mínum. Ég hef þó nægjanlegan áhuga til að hafa lesið mig til um hlutina og fylgist með helstu málum til að geta rætt þessi mál á þokkalegum nótum. Jafnvel niður í smáatriði ef því ber við. En það er algert aukaatriði hér og væri að bera í bakkafullann lækinn. Nóg er af ykkur kumpánum frá báðum hliðum til að ræða þá hluti fram í rauðan dauðann. Svo skot þitt um "tilfinninga skoðannastíl" minn er hreint púðurskot Júlíus.

Ég hélt ég hefði einnig gefið skýrt til kynna að ég virði skoðun/hugsjón þíns og Gunnars um þess mál sem öllum er ljóst að ekki alveg er laus við tilfinningar kæri Júlíus. Þú dregur ályktanir með þínum formerkjum og það er bara fínt. Ég er bara ekki sammála og hef ekki ætlað mér að kýta um þau mál hvorki á þessum vettvangi né öðrum.

Það er hægt að velta sér upp úr milljónum skýrslna og greina sem finnast um Evrópusambandsmál. Það krefst ekki stórra klókinda að fletta í gegnum hundruði tímarita og blaða á Vefnum til að finna djúpar greiningar á vandamálum innan sambandsins eða neikvæðar framtíðaspár. Það er ekki erfitt að taka að láni eða vitna í ummæli þúsunda manna frá öllum löndum sambandsins. Nóg er af þessu. Sjálfsagt í ferkílómetra tali. Jú, þið félagar hafið efniðvið í þúsund ár og getið virkilega haldið áfram á sömu braut og látið sól ykkar skína yfir sauðsvartann almúgann svo lengi sem haf kyssir strönd.

Það eina sem ég vildi koma á framfæri við þig og Gunnar og rökbræður ykkar var að skora á ykkur að taka svolítið annan pól í hæðina. Því ég held virkilega að það sé þörf fyrir að takast á við að greina raunverulega galla þess að Ísland gangi í sambandið. Ef Ísland gengur í Evrópusambandið verður það nefnilega með ykkur innanborðs hvað sem þið tautið og raulið. Allavega svo lengi sem það er á sömu nótum og hingað til.

Fyrir almenning er ESB pakki sem við tökum þátt í eða ekki. Við höfum engin áhrifa á þennan pakka (allavega ekki á meðan við stöndum fyrir utan). Hann er óbreytanlegur. Sumir eru á móti pakkanum eins og hann er aðrir eru með. Þar hafa endalaus skrif ykkar um pakkann sáralítil ef nokkur áhrif yfir höfuð. Það hlýtur því að vera meir áríðandi að finna fram til hvað er gott fyrir OKKUR í pakkanum og hvað er síður gott.

Og það var einmitt markmið mit með mínni fyrri athugasemd. Það hélt ég virkilega að hefði komið skýrt fram og verið auðskiljanlegt. Nefnilega að skora á ykkur að taka málefnalega á, finna og greina, (í ykkar tilfelli) göllunum við mögulega fullar inngöngu Íslands í ESB. Því þessir gallar eru ekki kunnir nema að mjög litlu leyti.

Thor Svensson (IP-tala skráð) 25.2.2009 kl. 22:52

10 Smámynd: Júlíus Björnsson

Því þessir gallar eru ekki kunnir nema að mjög litlu leyti.

Þú talar fyrir þig.  Takk fyrir. 

ESB Efnahagsbandalag/samfélag Evrópu: European Economic Community EECsameinaðist tveimur öðrum bandalögum 1967 og Kallaðist síðan European Communities EC: Evrópubandalögin?

Þessi 3 bandalög vor svo sameinuð 1993 í Maastricht: Og Nefndust þá The Europian Union EU: Evrópska Sameiningin. ES

1994 gengust Íslendingar inn á að vera með í útvíkkunar plani EU og samþykktum Europian Econommic Aera [EEA] Evrópska Efnahagsvæðið. [EE]. Sem er nánast það sama og ganga í EEC [Evrópska efahagsbandalagið] 1966. Breytingar á Íslenskri þjóðfélagsgerð síðan 1994 eru lunginn af göllunum við að í vera í EU. Eina breytingin við að ganga í Evrópusameininguna er þá getum við ekki breytt neinu hér heldur fáum nýtt stjórnsýslustig ofan á allt hitt.  Einn ráðherra fulltrúa sem fer með þjóðar umboð í Nefndina [Kommission] og 6 tillögu fulltrúa á Evrópu þingið. 

Svörin við spurningu Íslendinga við hverjir eru gallarnir við að ganga í EEC liggja í reynslu þeirra sjálfra á þjóðfélagsgerðarbreytingunum síðan 1994.

Þeir sem lesa ekki samninga sem þeir skrifa undir geta sjálfum sér um kennt.

Ef að þú ert svona sáttur við gallanna sem eru nú þegar komnir fram í dag á Íslandi þá til heyrir þú ekki meiri hluta þjóðarinnar sem finnst nóg komið.    

Nú eru EU sérfræðingarnir með öll trompinn í hendinni með óbeint eignarhald á þjóðinni og eftir tíu ár þá taka þeir þá sem ekki eru farnir til Kanada inn og þykir þá örugglega flestum sem eftir eru á Íslandi það kostur, enda hæf til að njóta styrkja eins og önnur sérstök svæði handan hafsins.

Að leita langt yfir skammt og skilja ekki merkingu hugtaka eða orða virðist almennt vandamál á Íslandi.

Þessi svo kallaði pakki hann er löngu búið að afhenda hann og EU vill fá eitthvað fyrir snúð sinn ef ég þekki mitt fólk rétt.

Það gerist margt bak við tjöldin sem sauðsvartur almúginn fær aldrei að vita.

Júlíus Björnsson, 26.2.2009 kl. 03:10

11 identicon

Júlíus sagði: "Einn ráðherra fulltrúa sem fer með þjóðar umboð í Nefndina [Kommission] og 6 tillögu fulltrúa á Evrópu þingið."

Myndum við ekki fá fulltrúa í The Council of Minister, en ekki the Commission?

Annað, getur þú útskýrt betur hvaða þjóðfélagsbreytingar þú ert að vísa til? Fellur þú fall bankanna undir þessa skilgreiningu?

Tryggvi (IP-tala skráð) 26.2.2009 kl. 13:36

12 identicon

Mér þykir vægast sagt ekki mikið til svars þíns koma Júlíus.

Þú segir að svörin við spurningunni um gallana liggja í reynslu íslendinga á þjóðfélagsgerðarbreytingunum síðan 1994"! Svo rúsínan í pylsuendanum: "Eina breytingin við að ganga í Evrópusameininguna er þá getum við ekki breytt neinu"!

Fyrir utan fáeinar endurtekningar frá fyrri athugasemdum, einskinsnýtar staðreyndir, samsæris- og tilfinningakenndar staðhæfingar er ekki eftir miklu að koma hér.

Eftir þínum skrifum að dæma geta Íslendingar nú rólegir lagt sig undir hlýja og sauðsvarta lambagæruna velvitandi að við erum í raun í ESB (EU ef þú vilt) og höfum verið það lengi. - Við vissum það bara ekki! Skil bara ekki hvað þú ert að kvarta og kveina þá. Gæti það orðið verra? Gætum við kannski endað eins og Finnland, Danmörk og önnur lönd sem eru í ESB? Úfff... ég fæ hroll við tilhugsunina!

Ég segi bara tak fyrir kaffið Júlíus. Það var bæði þunnt og sykurlaust.

Thor Svensson (IP-tala skráð) 26.2.2009 kl. 18:46

13 Smámynd: Guðmundur Björn

Ég vil Jón Frímann á þing! 

Guðmundur Björn, 26.2.2009 kl. 22:32

14 Smámynd: Júlíus Björnsson

Tryggvi!

 

Samkvæmt Maastricht eða stjórnarskrá Sameiningarinnar.

I-23. 1.m.gr.

[ Ráðherra] Ráðið samanstendur af einum fulltrúa frá hverju Meðlima-Ríki á ráðherrastigi, sem er heimilt að skuldbinda stjórn Meðlima-Ríkisins sem  hann er í forsvari fyrir, og til að beita atkvæðisréttinum.

 

[Framkvæmda]stjórnnefndin > Nefndin eða „The Commission“

 

I-26.6.m.gr.

Eftir að umboði fyrstu Nefndarinnar lýkur í samræmi við málsgrein 5, stendur Nefndin saman af tölu meðlima, hér meðtalinn Forseti hennar og Sameiningarinnar-utanríkisráðherrann, sem svarar til tveggja þriðju hluta tölu Meðlima-Ríkjanna, nema Evrópu Ráðið með einróma úrskurði ákveði að breyta þessara tölu.

 

Far með eitthvað í einhvern er Íslenska, hvers merking má fletta upp í orðabók.

 

Nefndin höfðar til þeirra sem telja yfir fjármálavaldið yfir peningavaldið og yfirframkvæmdavalið skipta mestu máli. Samsvarar ráðherra valdinu Íslenska. [ráðgefandi og lagaveitandi fulltrúar: Ráðherra og þingfulltrúar eru nú víst fyrir valþörf lýðsins á hverjum tíma]  

 

Um þjóðfélagsbreytingar er það að segja, þeir sem eru að koma út úr mentakerfinu íslenska eftir 1990 hafa víst engan reynslu samanburð af því. Þá var þjófélagið sniðið að þörfum auðlinda ríks almennar jafnaðar hátekju, einangraðar fámennis efnahagseiningar.

 

400000000 íbúa efnahagskerfi svo sem auðlinda lítið, og að jafnaði almennt tekjulágt svæði hefur að sjálfsögðu önnur arðbærismarkmið og kröfur til velferðar lýðsins. Það sem er lítið að kallast þorp eða sveit í Sameiningunni, köllum við 320.000 efnahagssvæðið okkar. Upptaka kerfis sem er hannað 99% fyrir 98% af íbúum sínum með tilliti til  lítilla náttúruauðlinda í heildina, þörf á hagræðingu og aðhaldssemi, og á í bullandi samkeppni  við önnur af sambærilegri af ofurstærð er ekki það sem hentar litlu kerfi, auðlinda miklu í heildina sem aldrei hefur alþjóðlega verið rannsakað með tilliti til arðbærissjónarmiða og engin sérfræðingur í heiminum hefur því þekkingu á.

 

Stjórnarskrá Sameiningar lætur ríkisstjórnum Meðlima-Ríkjanna um aðhald að kostnaðinum við sína yfirbyggingu, halda honum í lámarki en skiptir sér ekki af tekjuskiptingu innan hvers ríkis.

 

Kerfi Sameiningar hentar best einingum 5.000.000 eða stærri, þegar smámunalega hagræðing til t.d.Hliðskipun fer að borga sig og loða landfræðilega saman.  

 

Tvær undantekningar eru í Sameiningunni:

 

a)Lúxemborg: Um 1983 svipaður íbúafjöldi og á Íslandi, fyrrverandi sveitahérað í Belgíu, fátækt smábænda samfélag, á Sameiningarinnar mælikvarða og Íslenskan, þá. Í anda hliðskipunar ákvæða Stjórnarskrá Sameiningarinnar fékk hún Fjárfestingabanka Evrópu[1995] og stóran fjármálageira. Íbúatala nú um 500.000: helmingurinn innflytjendur.

 

b) Malta 10.000 bláfátækar fiskimanna fjölskyldur 1957. Kerfi Seðlabanka Evrópu greiddi fyrir uppbyggingu Lúxus forréttinda heilbrigðisgeira. Nú er íbúatala um 450.000 þjónar mest frá Afríku og litlu-Asíu, en Ríkistekjur með tilliti til heildarinnar, deilt á einstakling þriðjungur þess sem GILDIR á Íslandi.

 

Aðal þjóðfélagsbreytingarinnar felast í að almennar tekjur hafa hætt að vera með þeim hæstu á mælikvarða Sameiningarinnar og eru nú sennilega viðunnandi að hennar mati. Upptaka samræmda vístalna er eina af kröfum EES og krafa til allra ríkja væntanlegra Kandídata sem eru í miðju heilaþvottar ferli til að fá lýðræðislegan stuðning til að flokkast sem Kandídatar. Blanda af efnahagsþvingunum í krafti sífelldar endurkosningar er áhrifaríkasta aðferðin í reynd að  áliti þeirra sem þykjast ráða.

 

Verðbréfahöll, skiptimiðill Evrópu fjármögnunarkerfisins undir Seðlabanka Evrópu kom líka með ESS eða árið eftir 1995. Forfeður mínir sem vissu að þetta er ekki fyrir lýðinn bjuggust ekki við tilvist hennar hér á landi fyrr enn íbúatalan væri milljón þar sem var lámarksgrunnurinn fyrir slíka væri um 10.000 manna auðmannastétt. Óskar Magnússon sagði í sjónvarpinu í gær ein ástaða þess hve almenningur væri leikin grátt væri verðbréfa hrunið.

 

Ég lít þannig á að þegar stjórnvöld upp úr 1994 [ESS] fóru að vinna að því að komast inn í sameininguna við því að laga eysvæðið Ísland að Stjórnarskrá Sameiningarinnar, einkavina væddu þau flest passlega stór Ríkisþjónustu-fyrirtæki á Íslenskan mælikvarða, skiptu þeim oft upp í þrjú, íslenska fákeppni-hefðin sem er í reynd ábyrgðarlaus einokun með auknum kostnaði fyrir neytendur. [Til að sýnast]  Þetta minnkar skuldir Ríkissjóðs og hleypir þeim inn í Kauphöllina til lánsumsókna eða verðbréfasölu sem byggjast á áætluðum tekjum frá neytendum og ríkissjóði Ríkjandi stjórnvalda.  Samruni varð svo líka hvað varðar almenn einkafyrirtæki, fjölkeppni í átt að fákeppni, til að gera þau kauphallar markaðshæf á Sameiningarmælikvarða.

 

Seðlabanki Evrópu helsti sjálfstæði „þjónn“ Nefndarinnar og stjórnarskrár Sameiningarinnar í samvinnuskyni mun hafa opnað lánalínur fyrir brautryðjenda áhættufjárfestingum samfara útvíkkunar áætlun aysturr eins og í alla aðra samræmingu til dæmis útibú þriggja stærstu alþjóðaþjóða fyrirtækja endurskoðenda og ráðgefandi rekenda.  

 Ísland er eina ríkið [svæðið] í heimum þar sem erlendir fjárfestar [Fjármálstofnanir Sameiningarinnar] lánuðu jafngildi 9 faldar landsframleiðslu. Slík góðsemi verður ekki réttlætt nema í ljósi fjárfestingarinnar til langframa segjum 30 ár. 

Samfara þessu tilhugalífi:

Stjórnmálmennirnir takandi upp kerfi eða lög Sameiningarinnar:regluverkið í stórveldisdraumum t.d. um utanríkis, fjármál og umhverfisvernd með tilhlökkun til himnaríkis allra atvinnu stjórnmálamanna,  gleymdu þeir að gera sér grein fyrir hvað kom lýðnum á Íslandi best, svo sem hækkun lámarkslauna eftir skatta og vaxtaskatta  en það tyggir almennar hátekjur 66% þjóðarinnar með laun í lægri kantinum best. Stöðug partý hér og á meginlandinu gáfum þeim heldur ekki tíma til að lesa eða láta lesa fyrir sig samningana sem þeir höfðu undirritað.

 

Gírugar, vafasamar, tækifærisinnaðar, illamenntaðar Íslenskar kennitölur sáu sér leika á borði í skjóli forheimskunar og eftirlitsleysisins og komust upp með að mata krókinn.

 

Stjórnvöld Meðlima-Ríkjanna þurfa líka að setja rammalög til að tryggja að óhentugt risalagakerfi Evrópu Sameiningarinnar skaði sem minnst hag þegnanna: riðli ekki sýndar fjölsamkeppni á flestum sviðum t.d.

 

Ég álít Sameininguna hafa Hliðskipað Íslendingu forréttinda aðganga að lágvöru sjávarfangsmörkuðum hennar og orkuneti. Hvað meðal vergar[nettó:gróða] landframleiðslutekjur 6.000.000 per nýkominn Íslending þegar best lét varðar, í ljósi Möltu um 2.000.000  þá mun Sameiningin á hliðskipaða jafnréttisgrunni sínum álíta 3.000.000 nóg í framtíðinni. Fjárfestingarnar kosta sitt.    

 

Ég trúi heldur ekki að Kerfi Evrópu Seðlabanka hafi  áhuga á því að hliðskipa Íslenska fjármálageiranum stórsneið af þeim á meginlandinu. 6 atkvæði skipta ekki eins miklu máli í ljósi útvíkkunarinnar til austurs þar sem þau seljast vafalaust á lægra verði.  

Júlíus Björnsson, 27.2.2009 kl. 17:57

15 identicon

Júlíus:

Þakka þér fyrir þetta. Ég skil hvað þú ert að fara með þetta (þó þú megir nú bæta málfarið hjá þér).

Þú náðir þó ekki að sannfæra mig. Mér finnst það mjög einfeldningslegt að kenna EES algjörlega um þetta. Þú hunsar algjörlega aðra áhrifa þætti, s.s. alþjóðavæðingu auk þess sem þú fyrnir íslenska stjórnmálamenn nánast af þeirri ábyrgð sem þeir bera, s.s. regluverkið í kringum bankanna.

Ég er nú samt sem áður ekki að halda því fram að við eigum að ganga í ESB, ég hafði það ágætt án ESB (já, eða með EES) áður en þetta bankaævintýri fór í gang.

Hvað ESB varðar og þær stofnanir þá skildi ég þig ekki alveg en minn skilningur er sá að ráðherraráðið er í forsvari fyrir ríkisstjórnir aðildarríkja ESB, hittast tvisvar á ári. Nefndin er hinsvegar fastráðinn en þar eru ekki ráðherrar heldur fastafulltrúar. Svo er auðvitað kosið til þingsins. Þá er ráðherraráðið valdamesta stofnun ESB. Þetta er minn skilningur á þessu flókna apatóli.

Kv. Tryggvi

Tryggvi (IP-tala skráð) 27.2.2009 kl. 21:36

16 Smámynd: Júlíus Björnsson

Tryggvi ? Fyrna?

Í mínum huga  hafa ráðherrarnir [Íslensku] umboð hæfilegs meirihluta þjóðarinnar til að verja skattinum þóknanalega í þágu meirihluta þjóðarinnar frá kjörtímabil til kjörtímabils og hafa sér til aðstoðar hæf Ráðuneyti ásamt öðrum ráðgefandi stjórnatækjum .

Til þess að tryggja þetta eru settir 63 lagasmiðir þeim til höfuðs og smíða lagaramma í samræmi við stjórnarskrá og með þágu íslenska lýðsins í huga.

Svo hugsaði ég hingað til ekki meira um þetta þó ég hafi alltaf mínar efasendir, þá hef ég leyft þeim að njóta vafans.

Ég kenni Íslenskum stjórnmálmönnum um allt íslenska ábyrgðarleysið samber að að þeir voru ekki að forgangsraða rétt eins og ég hélt að væri hægt að skilja af máli mínu. Og hleyptu öllum þessum óæskilegu tækifærum og risa kerfi inn í landið gagnrýnilaust. Þetta eru þeir aðilar sem láta kjósa sig á hverjum tíma til að bera íslenska ábyrgð á hverjum tíma.  

Ef ég væri forstjóri yfir 300.000 manna fyrirtæki þá þarf ég engan Seðlabanka til að segja mér, að eitthvað sé að, þegar ég hef aðgang að öllum lykil upplýsingum að hverjum tíma.  

Ekki allt sem sýnist. 30 ára plön eru ekki á færi venjulegs fólks.

Sá veldur sem á heldur sama sem fastanefndir og stofnanir Sameiningarinnar. Kóngar eru teknir af lífi  þegar illa fer, en rauður ráðgjafi lifir bak við tjöldin í afkomendum sínum. Hvenær breytist þetta mannkynssögu lögmál? Eins dauði er annars brauð. Hver græðir þegar upp er staðið? Svarið er oftast sá sem olli til að byrja með.

Ég er að lesa mér til fróðleiks flest alla löggjerninga Sameiningarinnar á Frönsku. Það góða við hana er að lögmerkingar allra orða hennar eru vel skildgreinar framsett eins og stærðfræði sér í lagi  hvað stjórnarskrá. Þar er er að finna heilu kaflanna um peningavaldið í framkvæmd.  Danska þýðing mjög loðin og illa þýdd rökfræðilega sér í lagi.

Val er ágætt út af fyrir sig og er fyrst raunverulegt ef þrír kostir eru til boða. Vald hins er best tryggt með peningum sem eru beinn mælikvarði á allt vald  til að velja.  Kjósendur  sem hafa ekki efni á að spara hafa ekki mikið val þó þeir fengju að kjósa einu sinni ári. 

Stjórn í mörgum stöðugum fyrirtækjum kemur oft ekki saman nema einu sinn á ári og fulltrúi hennar kallast forstjóri. Þetta er æðsta vald að undan skyldum hlutahafafundi einu sinni á ári, í orðnu hveðnu, að áliti flestra, samt sem áður eru fastráðnir framkvæmdastjórar á ársgrundvelli sem valda flestu frá degi til dags.

Íslenska hefðin voru og eru einstaklings fyrirtæki: Eigendur,Stjórn og yfirframkvæmdastjóri sami einstaklingur. Hlutfélagsformið á sínum tíma merkti frestun skatta og því breyttust mörg Íslensk einkafyrirtæki í hlutafélög, þótt ekkert annað breyttist fyrir utan að nokkrir vinir og ættingjar voru skrifuð sem stjórnarmenn og hluthafar.  

Evrópu Sameiningin mun vera sá hluti alþjóðavæðingarinnar sem snertir Íslending mest þökk sé  samningnum um Evrópskt efnahagssvæði.

Áður en banka ævintýrið fór í gang. Fór það ekki í gang vegna þess að það vantaði meira fjármagn til að greiða gjaldfallna reikninga og halda áframhaldandi stigvaxandi fjárfestingum græðginnar?

Júlíus Björnsson, 28.2.2009 kl. 00:43

17 identicon

Já fyrna, ertu að setja útá þetta þú með allar þínar villur?

Þetta er nú smá bókhaldsmál og þýðir að afskrifa. Ég hefði hugsanlega getað sagt firra ábyrgð, sem hugsanlega hefði verið betra í þessari merkinu svo allir myndu ná merkingunni.

Fyrir það fyrsta þá var það aldrei nauðsynlegt að einkavæða bankanna. Í öðru lagi þá hefði hæglega verið hægt að gera það með öðrum hætti, bæta regluverkið með einhverjum hætti. Það var nú varað við því að hafa enginn höft og þeim afleiðingum sem það kynni að hafa í för með sér. Afskaplega þægilegt að kenna EES um þetta þegar íslenskum stjórnmálamönnum er um að kenna. Við getum alveg eins rakið þetta ferli aftur í fullveldi 1918 ef við ætlum að fara að leita að sökudólgum. Óþarfi að leita langt yfir skammt.

Tryggvi (IP-tala skráð) 28.2.2009 kl. 02:14

18 Smámynd: Júlíus Björnsson

Tryggvi ég var ekki að setja út á orðið fyrna heldur hvað þér fannst.

EES er ekki hægt að kenna óförum eða inningum eða gerðum eða aðgerðarleysi fyrirsvara Íslendinga ef þeir teljast sem í forustu eru vera í eða yfir meðalagi hvað  greind varðar. Íslendingar án tilliti til tekjuskiptingar hér voru með fyrir hrun 26% hærri kaupmátt en þeir í Sameiningunni. Það er fínt mál hjá frændum mínum þar að vilja bæta hjá sér stöðuna. Enda kunna þeir viðskipti út í fingurgoma eins og kokkur fer best að veið fisk að flestra mati í ljósi reynslunnar. ´

Ef ég hefði verið einvaldur á Íslandi síðan 1918 væri hér bara einn Ríkis banki viðskipti algerlega gagnsæ. Strangar veðkröfur og 2-5% ávöxtunarkrafa. Væri eitt fjarskiptafyrirtæki, eitt raforkufyrirtæki. Eitt olíu innflutningsfyrirtæki og eitt tryggingarfélag. Flest öllum öðrum rekstri væri helst skipt upp í litlar einingar það að Forstjórinn og framkvæmdastjóri væri  sami aðilinn og á vaktinni í rekstrinum allan sólarhringinn.  Allir samkeppnismarkaðir hefðu sínar sérstöku reglur hvað varðaði leyfisgjöld og lámark þátttakenda. Þjónusta og gæði væru aðal-samkeppnismarkmiðin.  Leggja áherslu á hátekjumarkaði sem eru ekki eins háðir tollum og kreppum. Skila mikið meiri virðisauka innan lands og og fjölga sölutengdum störfum á sjávarfangi.  Í 20.000 manna kommúnu á  Jótlandi þar sem frændsystkini mín búa eru 6 búðir sem kallast víst á nútímamáli lágvörumarkaðir [Þær voru allar jafn ódýrar í gamladaga lögboðin álagning]  En þetta  eru 1 búð frá hverri keðju í samkeppni. Á sömu samanburðar forsendum. Hamborgarinn hverfur ekki á pönnunni þegar þú ferð að steikja hann. Í ESB eru líka góð lögum upp upprunavottorð og flokkun á grænmeti og á vöxtum, líka innfluttum.

ekki Fölsk samkeppi segir Franska útgáfa stjórnarskrárinnar ES meðan aðrar þjóðir þýða og tala um jafna eða heiðarlega. 

Júlíus Björnsson, 28.2.2009 kl. 03:01

19 Smámynd: Gunnar Ásgeir Gunnarsson

Svona leggur ESB Atvinnulífið í Dróma skriffinsku

Lítið Dæmi

Tilskipun EES til bænda sem blanda fóður

(sbr. 5.d) í D kafla 14. viðauka reglugerðar nr. 340/2001 um eftirlit með fóðri).





?? Skipurit – skipting ábyrgðar stjórnenda. (5.d) 2., 3. 1.mgr. og 4. 1.mgr.)

?? Upplýsingar um menntun og hæfni ábyrgðarmanns vinnslu. (5.d) 3. 1.mgr. og , 4. 1.mgr.)

?? Yfirlit yfir starfsmenn, þekkingu og hæfni þeirra. (5.d) 2.)

?? Lýsing á verkefnum hvers starfsmanns, ábyrgð hans og valdsviði. (5.d) 3. 2.mgr.)

?? Grunnmynd vinnslustöðvar sem sýnir uppröðun véla og tækja og hvernig vöruflæðið er, þ.á.m. mörk

hráefnasvæðis og svæðis fullunninnar vöru, geymslu hráefna og afurða. (5.d) 1. og 5. 1.mgr.)

?? Grunnmynd sem sýnir aksturssvæði lyftara og umferð starfmanna um vinnslusvæðið. (5.d) 1.)

?? Flæðirit sem sýnir öll þrep framleiðsluferils. (5.d) 4. 2.mgr.)

?? Lýsing á vinnslu- og verkunarferli (stutt lýsing á hvað fer fram á hverju framleiðsluþrepi). (5.d) 4.

2.mgr.)

?? Sýnatökuáætlun, aðferð við sýnatöku, tíðni og frágangur ásamt geymslutíma. (5.d) 4. 3.mgr.)

?? Áætlun um efnagreiningu lokaafurða. (5.d) 4. 2.mgr.)

?? Lýsing á lokaafurðum og merkingu þeirra. (5.d) 3. 2.mgr. og 5. 2.mgr.)

?? Greining áhættuþátta (líf-, eðlis- og efnafræðilegra þátta) á hverju þrepi framleiðslunnar. (5.d) 3.

2.mgr. og 4. 2.mgr.)

?? Ákvörðun fyrirbyggjandi aðgerða og viðmiðunarmarka við eftirlit í ferlinum. (5.d) 3. 2.mgr. og 4. 2.mgr.)

?? Vöktunaráætlun með framleiðsluferlinu. (5.d) 3. 2.mgr. og 4. 2.mgr.)

?? Reglur um úrbætur og úrbótaáætlun. (5.d) 3. 2.mgr. og 4. 2.mgr.)

?? Reglur um prófun mælitækja (hitamæla, voga, sýrumæla, rakamæla o.s.fr.). (5.d) 3. 2.mgr. og 4. 2.mgr.)

?? Reglur um sannprófun gæðakerfis. (5.d) 3. 2.mgr. og 4. 2.mgr.)

?? Reglur um eigin úttektir á byggingum og búnaði. (5.d) 1.)





Skráningareyðublöð fyrir eftirfarandi:

?? Eftirlit með móttöku hráefna (ferskleikamat, skynmat, hitastig, síðasti söludagur, lotunúmer)

?? Þjálfunarskrá starfsmanna

?? Eftirlit með mikilvægum stöðum í framleiðslu (t.d. hitastigi, sýrustigi o.s.fr.)

?? Annað framleiðslueftirlit

?? Sannprófun innra eftirlits

?? Meindýraeftirlit ásamt viðbragðaskráningu

?? Þrifaeftirlit ásamt viðbragðaskráningu

?? Eigin úttektir á byggingum og búnaði

?? Úrbótaáætlun vegna bygginga og búnaðar





Skjalahald: (5.d) 6.c))

?? Skrá yfir nöfn og heimilisföng birgja.

?? Fylgiseðlar hráefna og vottorð

?? Skrá yfir seldar framleiðsluvörur, kaupendur, framleiðsludagsetningu og/eða lotunúmer vörunnar.

?? Önnur þau skjöl sem tryggja rekjanleika framleiðslunnar





Hérna er bara verið að tala um fóðrið

Gunnar Ásgeir Gunnarsson, 2.3.2009 kl. 11:47

20 Smámynd: Gunnar Ásgeir Gunnarsson

Þetta eru allt atrið sem eru gerð nema skráningin bætist við og allt þarf að vera sett upp eftir kúnstarinnar reglum svo eftirlitið geti sett stimpil fremst möppuna um þeir hafi mætt til mín og svo kemur eftirlitið sem hefur eftirlit með eftirlitinu En þeir koma frá Brussel en eftirlitið hér heima óttast það eftirlit mjög mikið og því passa þeir mjög vel upp á mig að ég geri enga vitleysu

Gunnar Ásgeir Gunnarsson, 2.3.2009 kl. 11:53

21 Smámynd: Júlíus Björnsson

Enda vita gamlir Evrópuíbúar hvað svona þjóðfélagsgerð stendur fyrir og eru löngu hættir að fjölga sér. Austurlanda lifnaðarhættir eru lífshættulegir hinu fornu Evrópukynstofnum eins og dæmin sanna. Þetta er í samræmi við hegðun margra dýrategunda. Húsamúsin og Hagamúsin.  Rottur, læmingja og Hvalir. Sá sem hefur búið við einstaklingsfrelsi getur hann af sér afkvæmi þegar hann veit um örlög þeirra. Samkvæmt vinnutilskipun Evrópu Sameiningarinnar mun vera hámark tímum vinnu viku. Hvernig væri nú ef Íslenskir ESB sinnar séu nú ekki draga það innleiða það litla sem eftir er af regluverkinu svo sem flokkun innlends og erlends grænmetis.

Vinnuvikutímahámark jók afköst þegar það var reynt á Íslandi 1970-80. Núna skapar það störf.

Forgangsröð baktjaldatækifærisinnanna er með eindæmum. 

Júlíus Björnsson, 2.3.2009 kl. 15:52

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband