Varðandi bindiskyldu og Davíð seðla- og bindibana, hinn vonda

Bankarekstur upp á von og ótta - en þó mest uppá ótta 

Vonarrekstur banka á Íslandi hefur endað með stórgjaldþroti sem virðist eiga að lenda á herðum almennings. Sagt er að einhver einn aðili (varla kona eða ríki) hafi - jafnvel uppá von og óvon, en þó sennilega mest uppá ótta - fengið sem svarar andvirði 4-5 (jafnvel 8) Kárahnjúkavirkjana að láni úr þessum vonar- og óttabönkum á Íslandi. Þeir sem halda og vona kanski að Evrópusambandið sé best til að stýra öllum mögulegum og ómögulegum hlutum fyrir þá, þeir halda greinilega ennþá, og vona jafnvel ennþá, að sú von rætist. En þeir sem vona þetta eru annaðhvort vitskertir eða blindir. 

Davíð seðla- og bindibani, hinn vondi

Núna er það bindiskyldan. Já töfraorðið er bindi-skyldan og Seðlabankinn hinn vondi. En þessir vonarmenn ættu einnig að spyrja samfylkingarbankana af hverju bindiskyldan var lækkuð. Af hverju haldið þið að það hafi verið gert? Sjálfgefið svar (default) er náttúrlega: af því að Davíð Oddsson er vondur! Það vita jú allir því það er búið að segja það svo oft.  Ef eitthvað er sagt nógu oft þá hlýtur það að vera rétt, er það ekki?

En þeir sem geta hugsað aðeins lengra, geta valið um heila þrjá nýja möguleika

a) vegna þess að Seðlabanki Íslands er svona góður?

b) vegna þess að Seðlabanki Ísland er svona vondur?

c) af því að samfylkingarbankarnir kröfðust þess?

Þeir sem geta svarað rétt fá að koma fram og sýna sig í evruþáttum íslenska ríkisútvarpsins (RÚV). Aukaverðlaun verða einnig veitt. Sigurvegarinn fær að velja sér gratís eitt lag af plötunni Evra Lererinnen Euroklang und Wünderland, en öll lögin eru eins á þeirri plötu svo valið verður mjög auðvelt. Það þarf bara að ýta á takkann og út munu streyma fagrir hljómar 

|_________________EURO KLANG______________|. í físmoll

| ___________así___ruv______sam_fylkz____._a,__|  Und einen evra

| _______a_._______a_______aj#0s_____aWY!400._ | EU faðmi við öll

| __ad#7!!*P____a.d#0a____#!-_#0i___.#!__W#0#___ | und Heidi Boroso

| _j#'_.00#,___4#dP_"#,__j#,__0#Wi___*00P!_"#L,___ | in Euro himmel

| _"#ga#9!01___"#01__40,_"4Lj#!_4#g_________"01_ | Brussel wunderland

| ________"#,___*@`__-N#____`___-!^___________ | kommen sie morgen

 91356 | _________#1____sviða kjammar?__nein____| und bifröst voila

tralla tralla la la: 

: : Viðlagið er úr Wiðlagazjóð ESB. Textahöfundur er vel þekktur fræðimaður

 

En eftir að laginu Euro Klang lýkur þá mun stigagjöf og verðlaun birtast á ljósatöflu Fjármálaeftirlitsins. En ljósataflan er staðsett í geymslunni innaf kjallarahurðinni, rétt norðan, neðan og vestan við skýrslurnar um álagsprófin á Íslenska fjármálakerfinu, stundum nefnd Íslandsálagið. En sem kunnugt er þá stóðst íslenska fjármálakerfið með glans þetta álagspróf, þ.e. kerfið stóðst sig sjálft. Það stóðst Íslandsálagið.

 

Á árinu 2003 lækkaði Seðlabanki Íslands bindiskyldu sína frá 4% niður í 2%. Þessi breyting var gerð að kröfu íslenska fjármálakerfisins sem æskir þess að fá samskonar starfsskilyrði og þekkist á meginlandi Evrópu þar sem bindiskyldan er einnig 2%. Áhrif breytinga á þessum reglum má sjá af neðangreindri mynd

 

Ofangreint er frá bankanum Kaupþing (núna á hausnum í EEA h/f) 

Þessi fjármálakreppa sem er í gangi er að hluta til hægt að skrifa á reikning Evrópusambandsins því þeir hafa markvisst unnið að því að veikja magrar þrær sterku undirstöður sem þjóðirnar hafa byggt undir bankastarfsemi landa sinna í árhundruðir.

Evrópusambandið þvingaði svoleiðis Danmörku (2005) til að afnema það sem Danir kölluðu “hensættelser til tab” í fjármálastofnunum. Þetta var gamalt fyrirkomulag sem komið var á í Danmörku í kjölfarið á bankakreppum fyrri tíma og sem tryggði það að bankar settu til hliðar fjármagn til að mæta tapi sem KANSKI gæti komið fyrir í rekstrinum. Þetta tryggði einnig að bankar voru passasamir í lánveitingum til viðskiptavina og áttu alltaf stórar fúlgur á kistubotninum.

En þetta var dæmt sem "ólöglegur ríkisstuðningur" af Evrópusambandinu því bankarnir fengu skattafrádrátt út á það fjármagn sem þeir voru skyldaðir til að leggja fyrir til að mæta tapi. En þetta tryggði einnig varkárni í útlánum og hindraði þar með bólumyndun í fjármálageiranum. Þetta hefði til dæmis komið í veg fyrir gjaldþrot Roskilde Bank.

Evrópusambandið heldur eins og Sovétríkin héldu að þau vissu allt best og gætu allt best. Alveg eins og Sósíal-Demó-Kratar halda alltaf að allt fólk sé fífl.

Alveg eins og Ingibjörg Sólrún sagði: Skilaboðin frá Evrópusambandinu voru skýr. Ingibjörg Sólrún Gísladóttir er hér fyrirsæta, lufsa og dyramotta Evrópusambandsins á Íslandi. Auðvitað fara menn eftir skilaboðum að hand. . afsakið . . skilaboðum frá Brussel. Það er jú þar sem allt í heiminum "er bara að gera sig" 

Kæru Íslendingar. Langar ykkur í fleiri skýr skilaboð frá Evrópusambandinu?

Þeir sem svara aftur rétt fá stór verðlaun sem eru shoppingtúr á gjaldmiðlamarkaði í boði Samfylkingarinnar! Gratís!  

Athugasemdir

[Predikarinn - Cacoethes scribendi , 19.11.2008 kl. 23:30]

Sæll kæri Gunnar. Það er skemmtileg grein hjá honum Ágústi H Bjarnason verkfræðingi úr orkugeiranum um Kárahnjúkasamlíkinguna á þessari slóð :

Einn maður fær lánað andvirði 8 Kárahnjúkavirkjana !!!

[Gunnar Rögnvaldsson, 19.11.2008 kl. 23:41]

Þakka Scribendi,

- þetta er hér með leiðrétt með tilvísun á þessa athyglisverðu grein sem ég hafði séð - en er enn svo lamaður af vantrú að mig svimar.

Kveðjur

[Predikarinn - Cacoethes scribendi , 19.11.2008 kl. 23:56]

Þakka sömuleiðis þennan góða pistil þinn. Góðar ábendingar og þarfar inn í þessar ótrúlegu umræður sem hér viðgangast.

[Haraldur Hansson, 20.11.2008 kl. 01:37]

Sæll Gunnar.
Þú verður að fara að hætta að blogga, annars verður maður farinn að berjast gegn ESB með kjafti og klóm áður en maður veit af. Þú bloggar af eldmóði predikarans.

Við erum að ganga í gegnum eitt af þessum nýyrðaskeiðum. Þá læra allir Íslendingar ný orð. Á tímum einkavæðingar var það "kjölfestufjárfestir" og bráðum þekkja allir "greiðslujöfnunarvísitölu". Hún var sett í lög á mánudaginn. Í sjúkdómavæðingunni lærðum við t.d. að segja "athyglisbrestur" og "vélindabakflæði".

Núna erum við að ganga í gegnum eitt slíkt skeið. Það heitir kreppa. Hún færir okkur ekki bara ný orð heldur vita allir hvað þau þýða. Og sum orð sem við könnuðumst við af afspurn skiljum við nú til hlítar: Bindiskylda, stýrivextir, gengsivísitala og álagspróf.

Í svo stóru máli, sem hugsanleg innganga í ESB er, hljóta upplýsingar að vera lykilatriði. Að menn geti treyst á eigin dómgreind en ekki pólitískar upphrópanir. Ég setti fram ósk um Maastricht á mannamáli um daginn og vona að hún rætist einhvern daginn. Það væri sorglegt ef menn ættu að treysta alfarið á dómgreind pólitíkusa. Svo ... ekki hætta að blogga um tilveruna í ESB.

[Ásmundur Einarsson (IP-tala skráð) 20.11.2008 kl. 08:45]

Það þurfti ekki að láta undan bönkunum og lækka binisskylduna.

Og hvað með Spán. Eiga bankar þar ekki að standa betur vegna hærri bindisskyldu?

[JGG (IP-tala skráð) 20.11.2008 kl. 10:01]

Sæll !

Hefur verið gerð könnun í ESB ríki eða ríkjunum um hve mikils stuðnings ESB nýtur innan ríkjanna ? Þ.e. vilja íbúarnir sem þar eru núna vera áfram í ESB eða hverfa til fyrra ástands og taka upp sína gömlu "góðu" gjaldmiðla ?? 

[Bjarni Kjartansson, 20.11.2008 kl. 14:20]

Takk fyrir þetta og vil ég benda þa´, að þetta hefur ekkert að segja í Samfylkinguna gegn Íslandi

Fylginautur þeirra er LYGIN

Kennimark þeirra eru svik

undirlægjuháttur er þeirra höfuðból.

Miðbæjaríhaldið

Ann LJÓSINU

[Lúðvík Júlíusson, 20.11.2008 kl. 15:03]

Árið 2003 voru Sjálfstæðisflokkur og Framsóknarflokkur í ríkisstjórn.

Átti ekki að hafa verið rekin sjálfstæð peningastefna á Íslandi?  Breyttu Davíð og Halldór gegn betri vitund?

[Loftur Altice Þorsteinsson, 20.11.2008 kl. 21:03]

Þeir sem eru múlbundnir í ESB-halarófunni, söngla jafnan að ESB sé að verða stærsta myntsvæði heims. Að auki bíði okkar þar stórmennið Gordon Bulldog Brown með sitt blíða bros og náðarfaðm.

Auðvitað er þetta jafnmikið fals og lygar og önnur trúarbrögð. Gordon Bulldog Brown er hinn mesti fantur og fúúúlmenni. Jafnframt mega menn vita, að Evran er ekki á leiðinni að verða alþjóðlegur gjaldmiðill, fremur en Krónan okkar. Af eftirfarandi línuriti sjáum við nokkurn veginn hvernig hin raunverulega staða er.

Hlutfallslegt vægi gjaldmiðla í gjaldeyrissjóðum heimsins.

Þegar Evran var tekin í notkun 01.janúar 2002, kom hún í stað gengiskörfunnar (ECU), sem líklega hafði verið við lýði frá 1999. Við sjáum því að þann tíma sem Evran hefur verið til sem gjaldmiðill, hefur hún ekki aukið hlut sinn svo að neinu nemi. Við sjáum að vægi Yens hefur verið lengi fallandi og sama gilti um Markið þar til það rann inn í Evruna.

Það má sjá að Dollar hefur verið mjög stöðugur á 65% línunni árin 2002 - 2006. Jafnframt hefur Evran legið á 25% línunni sama tímabil. Hvað skeði 2007 - 2008 hef ég ekki upplýsingar um, en þykir ólíklegt að veruleg breyting hafi orðið.

Er ekki ljóst, að verulegur munur er á notkun Dollars og Evru ? Dollarinn er alþjóðlegur gjaldmiðill, en Evran er bara staðbunin mynt á Evrópu-skaganum, sem þar að auki stendur á brauðfótum.

Niðurstaðan getur bara verið ein: Dollar Strax !

[Loftur Altice Þorsteinsson, 20.11.2008 kl. 21:47]

Ef þú Jón Frímann ætlar að taka afstöðu til gjaldmiðils eftir fjölmenni innan myntsvæðis, munt þú væntanlega leggja til að við tökum upp myntir Kína eða Indlands.

Ég sé að þú hefur alls ekki séð línuritið hér fyrir ofan og líklega ekki skilið útskýringar mínar. Ef þú vilt að einhver taki mið af viðhorfum þínum, verður þú að gera miklu betur.

Í alþjóða-viðskiptum dettur varla nokkrum í hug að nota Evruna.

[Loftur Altice Þorsteinsson, 20.11.2008 kl. 21:58]

Nýjustu tölur um gjaldeyrisforða heimsins sýna yfirburði Dollars yfir alla aðra gjaldmiðla, þar á meðal Evruna. Í árslok 2007 voru 63,9% alls gjaldeyrisforðans í Dollar og aðeins 26,5% í Evru.

Dollar Strax !

[Sigur!, 20.11.2008 kl. 23:03]

Loftur, má ég spyrja hvaðan þú færð þínar upplýsingar, ekki að ég sé að rengja þær, síður en svo! Ég get bara eðlilega ekki tekið sem gefnu að allt sem maður les á netinu sé satt.

[Gunnar Rögnvaldsson, 20.11.2008 kl. 23:19]

Eða pantaru þér eitthvað reglulega af internetinu og þarft ekki að borga toll af því (eins og Íslendingar gera í dag) ? Right, right.... þú talar ekki um það.

Æi Jón, ææji. Síðast þegar ég fór til Þýskalands var held ég þegar ég flaug yfir það með flugfélaginu Sterling á leið til París. Engum virtist hafa dottið í hug að fljúga frá Billund til París áður. En dóttir mín býr þar ásamt tengdasyni okkar. Hann vann kauplaust í Frakklandi í sumar. Hann er nefnilega að reyna að skapa sér aðgöngumiða að atvinnumarkaði Frakklands, en þar er atvinnuleysi 20% í hans aldursflokki. Hann er verkfræðingur á síðasta námsári og faðir hans borgar skólagönguna. Dóttir mín er nýútskrifaður þjóðhagfræðingur og er að skrifa lokaritgerð og vinnur á veitingahúsi sem þjónustustúlka og greiðir yfir 50% í skatt eftir að atvinnurekandinn er búinn að greiða annað eins. Þau ætla ekki að setjast að þarna.

En já reyndar Jón, konan mín pantaði stóra sendingu af lopa frá Íslandi í gengum internetið. Verðið var afskaplega gott og því pantaði hún mjög mikið magn. Hún er núna búin að prjóna 6 lopapeysur því það er ekki svo mikið að gera hjá okkur í augnablikinu vegna samdráttar í þjóðfélaginu hér og einnig á Íslandi. Hún er búin að gefa foreldrum tengdasonar okkar tvær lopapeysur og ungu hjónunum einnig tvær. En franska amma tengdasonar okkar gaf honum svo Íslendingasögurnar á frönsku því hún hafði farið til Íslands í ferðalag fyrir nokkrum árum og sagt honum að þetta væri það stórkostlegasta land sem hún hefur komið til. Hún keypti því Íslendingasögurnar á frönsku.

En konan mín er kona af þeirri tegund sem þolir ekki að sitja aðgerðalaus og því prjónar hún eins og verksmiðja á meðan hún horfir á sjónvarpið á kvöldin. Hún fær útrás á þennan hátt hérna í kreppunni. Þær eru ansi smart peysurnar. Sonur okkar er einnig í þeim þegar hann hjólar í skólann.

Annars finnst mér þýskar pylsur mjög góðar. En bensínið er þó dýrt. En þó finnst mér SS pylsur betri. Ég sakna einnig mjög að fá aldrei slátur. Við hjónin tókum alltaf slátur á meðan við vorum í háskólanum hérna frá 1985-1990. Við fengum blóðið, vambir og mör sent frosið með góðum skipum Íslands sem komu hingað með vöruútflutning frá Íslandi. Í skjóli nætur laumuðumst við um á reiðhjólunum okkar þarna inn á milli ýlfrandi löndunarkrana í gámahöfninni í Árósum og tókum þakklát við sendingunum frá skipverjum. Krökkunum okkar þótti slátur svo gott þangað þau týndu heilanum um stundarsakir sem táningar. En svo bannaði ESB þetta smygl okkar og við hættum að fá slátur. ESB sér fyrir öllu Jón.

Verst er með sviðin, en stundum var hægt að kaupa íslensk svið í sérverslun hans Anker Kød í Árósum. Þetta var delikatess verslun. En svo bannaði ESB þetta einnig. Grískir veitingastaðir hérna misstu einnig íslenska lambakjötið, sem þeim þótti best, vegna þess að ESB setti úr á íslensk sláturhús.

Svona getur þetta farið Jón.

En já í austri roðinn skín á ný, það glampar á hann eins og gamlan kattaskít í tunglsljósi á ny

Kveðjur úr himnaríki

Allir syngja með - Evra Lererinnen Euroklang und Wünderland

tralla tralla la la

[Loftur Altice Þorsteinsson, 20.11.2008 kl. 23:46]

Sigur, þú getur fundið upplýsingar um gjaldeyris-sjóðina hér:

 http://en.wikipedia.org/wiki/Reserve_currency

Skoðaðu töfluna til að sjá stöðuna í árslok 2007.

[Gunnar Rögnvaldsson, 20.11.2008 kl. 23:58]

Ég hélt að öllum væri það ljóst að evra er mynt í útrýmingarhættu

[Gunnar Rögnvaldsson, 21.11.2008 kl. 00:38]

Kæri Jón. ég sé að þetta var of erfitt að skilja. En ég sagði jú að maðurinn væri franskur svo ekki þarf hann leyfi til að fara á atvinnumarkað í sínu eigin heimalandi, er það?

En það er hefð og venja, sökum mikils (núna 20%) atvinnuleysis ungmenna undir 25 ára aldri í Frakklandi að ungmenni vinni sér inn "reynslu" áður en nokkur vill ráða þau í vinnu og áður en þessi ungmenni fá laun fyrir vinnu sína. Þetta er kallað að skaffa sér aðgöngumiða að atvinnumarkaðinum. En hér er í raun verið að níðast á ungmennum til að greiða niður verð á vörum og þjónustu. Þú vinnur t.d. kauplaust í ca 1,5 - 2 ár áður en þú færð laun. Þú færð samt smá vasapeninga. En þetta er svona Jón vegna þess að það er offramboð af vinnuafli í Frakklandi og ef þú ert ungur eins og þú ert, þá er atvinnuleysi sem sagt 20% núna. Það er búið að vera stanslaust massíft hátt atvinnuleysi í Frakklandi á samt ESB í meira en 30 ár. Geturðu ímyndað þér félagslegu eymdina Jón?  

[Gunnar Ásgeir Gunnarsson, 21.11.2008 kl. 01:07]

Ég mæli með myndinni Hard rock and water en þar er Ísland borið saman við Nýfundnaland sem missti sjálfstæði eftir kreppu en þar 30%,atvinnuleysi í landi sem er mjög ríkt af auðlindum

Hérna er fróðlegt video viðtal við Höfundinn að myndinni

[Gunnar Rögnvaldsson, 21.11.2008 kl. 06:40]

Ég þakka þér kærlega fyrir þetta Gunnar Ásgeir.

Maður er hreinlega orðlaus. Þvílík sorg. Ég þarf að horfa á þetta betur og melta þetta.

Kær kveðja

[Loftur Altice Þorsteinsson, 21.11.2008 kl. 10:23]

Þessi mynd Gunnar og Gunnar var sýnd í RUV fyrir tveimur árum eða svo. Hún er augljóslega mikilvæg fyrir Nýfundnalendinga, en hún er það einnig fyrir okkur og ætti að vera árleg skyldusýning hér 17.júní.

Hvers vegna hefjum við ekki landnám á Nýfundnlandi ? Umsvif okkar í óvinalandinu Bretlandi voru ekki mjög skynsamleg, eða hvað ? Lærum við eitthvað af viðskiptum við Gordon Bulldog Brown ?

Jón Frímann er merkilegt fyrirbæri, líkist dálítið óværu sem ekki er hægt að hrista af sér. Gildir það um alla ESB-sinna að þeir séu undirmáls-fólk með skerta sjálfsvirðingu ? Mér finnst afsal sjálfstæðis svo alvarlegt mál, að réttlæti vopnaða andstöðu.

Ég hef veitt því athygli að sumar þjóðir eru með tvo gjaldmiðla í gangi samtímis. Veit nokkur hvernig slíkt fyrirkomulag gengur ?

Dollar Strax !

[Gunnar Rögnvaldsson, 22.11.2008 kl. 10:13]

Takk fyrir Loftur. Já þetta er sorgleg saga Nýfundnalendinga. Þetta er mjög óhugnanlegt. Þróun mála á Íslandi núna líkist meira og meira því ástandi sem ríkti þegar Nýfundnaland missti sjálfstæði sitt.

Hérna er pési frá tölfræðistofu Nýfundnalands yfir þróun mannfjölda og þjóðar. Þeir eru hættir að eingast börn og þjóðinni fækkar: Demographic change

Newfoundland & Labrador Statistics Agency

Ég verð að komast yfir þessa heimildarmynd einhversstaðar. Ég mun koma inná þetta meira seinna.

Kveðjur