Vladimír Pútin segir viðskiptin við Þýskaland ganga vel

Mynd: Þegar flotinn sigldi í höfn undir vinstristjórn, sumarið 2012. Fjögurra ára styrjöld og skuldafangelsunartilraunum hennar á þjóðina lauk með kosningum vorið 2013

Vladimír Pútín forseti segir að viðskipti á milli Rússlands og Þýskalands hafi aukist um 25 prósent á þessu ári. Fjárfestingar hafa einnig aukist, sagði hann. Hvað er að gerast hér? Ég hélt að viðskiptabann væri á Rússland

Þetta eru tölur sem Pútín hefur frá tollþjónustu sambandsríkis Rússlands. Þar kemur fram að viðskipti Þýskalands og Rússlands hafi aukist um 16 prósent á milli ára á öðrum fjórðungi þessa árs, og nam hann 11,3 milljörðum dala núna. Hluta aukningarinnar má rekja til aukinnar sölu á gasi og betri afkomu í rússneska hagkerfinu. Í heild eru viðskiptin milli Rússlands og Þýskalands ívið minni en þau voru árið 2013. Þá voru þau 37 milljarðar dala. Útflutningur Þýskalands til Rússlands jóskt um 32 prósent á fyrsta fjórðungi þessa árs á meðan útflutningur frá Rússlandi til Þýskalans jókst 35 prósent

Að því er ég best veit, var útflutningur okkar til Rússlands 30 milljarðar króna árið 2014, þ.e. áður en Rússland setti okkur á bannlista vegna viðskiptaþvingana okkar og bandamanna á Rússland. Í dag er útflutningur okkar til Rússlands aðeins 2,5 milljarðar króna, það sem af er ársins og hann var 2,6 milljarðar króna allt árið í fyrra. Við erum þurrkuð út, en Þýskaland og ESB ekki

Þetta er nú varla samstaða. Þetta er ósanngjörn efnahagsleg fórn sem ekki er hægt að klístra samstöðumerki á. Jú. Við viljum umfram allt sýna fremsta bandamanni okkar í vestri samstöðu. Það viljum við. En ég er hæddur um að hér sé á ferðinni mál sem kominn er tími til að vinda ofan af með því að útskýra stöðu Íslands fyrir bandamanni okkar í vestri. Við eigum ekkert undir Evrópusambandinu komið, en við eigum hins vegar óendanlega mikið undir Bandaríkjunum og þeim að þakka. Þjóðaröryggisleg strategísk dýpt Íslands er í Washingtonborg, en ekki í Berlín. Bandaríkin voru fyrst til að viðurkenna sjálfstæði okkar. Undir þeim eigum við mest komið. En ég hef trú á að núna sé hægt að útskýra þetta mál fyrir vinum okkar í Washington. Ég held að það sé auðveldara núna en á meðan Obama var forseti. Hér er tillaga sem útskýrir mál mitt:

Senda þarf Bjarna Benedkitsson, Guðlaug Þór utanríkisráðherra og Davíð Oddsson til Donalds Trump til að útskýra málið. Davíð gæti haft tölvuna með og skrifað bréfin hans góðu heim svo ekki verði verkfall í leiðurum né Reykjavíkurbréfum, því það tvennt er það eina sem heldur uppi föstum skrifum og skotum íslensku þjóðinni til framdráttar og varnar hér heima, allar götur frá september mánuði 2009. Davíð gæti einnig haft Hannes Hólmstein Gissurarson með sér því Hannes hefur reynslu og rökfestu í að berjast gegn níðskrifum vinstrimanna um Ísland og Íslendinga í erlendum fjölmiðlum. Þar hefur Hannes verið ákaflega duglegur, svo aðdáunarvert er

Donald J. Trump

Donald Trump berst fyrir þjóðernislegri efnahagsstefnu og gegn stjórnlausum innflutningi fólks, löglegum og sérstaklega ólöglegum. Hann var kosinn til að hífa bandarísk fyrirtæki heim, en þau skildu bandarísku þjóðina eina eftir á fjóshaug líberalismans (óþjóðlega kratavinstrið). Þessu vinnur Trump að dag og nótt. Bara einn fundur hans með IBM þýðir sennilega 30 þúsund ný IBM-störf í Bandaríkjunum. Svo hörmulega var komið að starfsfólki IBM í Bandaríkjunum hafði verið fækkað um 130 þúsund manns, sem er þriðjungur allra starfa hjá fyrirtækinu. Störfin voru flutt til Indlands, vegna lágra launa. Nú er Trump búinn að taka Ginni Rometty forstjóra IBM á teppið og tala hana á sitt band. Það er það sem Trump gerir. Hann talar fólk til með því að útskýra málin

Nýr sannleikur hefur myndast og honum er ekki erfitt að kyngja þegar horft er á bandarísku millistéttina á fjóshaug líberalismans. Allir sjá núna að þetta var skelfilega illa gert og rangt. Þetta er stéttin sem fjármagnar allt í Bandaríkjunum. Og eins og sumir vita kostar þar eitt stykki af öllu strategíkst mikilvægu fyrir Bandaríkin, að minnsta kosti einn milljarð dala, sem millistéttin borgar

Hér heima þarf þessi stétt líka að standa undir flestu. Og ef við erum eins og til dæmis Danmörk þá erum við sennilega þannig að ríkasta eitt prósentið af Íslendingum borgar tíu prósent af öllu. Trúað gæti ég samt að þetta eina ríkasta prósent þjóðarinnar haldi enn fleirum uppi hér heima en í Danmörku, þar sem jöfnuður hér heima er enn meiri en þar

Þegar Donald Trump ávarpaði þjóðirnar í byggingu Sameinuðu þjóðanna í Nýju Jórvík um daginn þá sagði hann;

"Allar þjóðir verða að setja sjálfar sig í fyrsta sætið. Hugsa um sitt eigið fólk fyrst. Það er skylda allra og til þess eru menn kjörnir"

Og óþarft er víst að taka það fram að enginn hjálpar öðrum með því að eyðileggja sjálfan sig fyrst. Trump sagði einnig þetta hér í ræðu sinni:

Við sjálf erum að endurnýja og endurvekja fyrstu skyldur hverrar ríkisstjórnar, og þær eru þessar: að hugsa um sitt eigið fólk fyrst

Skyldur hverrar ríkisstjórnar eru fyrst og fremst að hugsa um og tryggja sitt eigið fólk. Aðeins sjálfstæður styrkur hverrar þjóðar getur haldið þessari stofnun við efnið og borið hana uppi

Aðeins með því að gera það geta Sameinuðu þjóðirnar sinnt hlutverki sínu sem stofnun fullvalda ríkja. Styrkur fullveldis þjóðanna myndar þessa stofnun

Ekkert getur komið í stað sterkra fullvalda og sjálfstæðra þjóða sem standa á rótum sögu þeirra. Þjóða sem eru heimili föðurlandsvina, viljugir að vinna þjóð sinni gagn og fórna sér fyrir þjóðarheimili sitt

Við ættum að ráðast í þetta. Það þýðir ekkert að tala við Evrópusambandið. Þar er fyrir það fyrsta engan ábyrgan við að tala, því sambandið er algerlega óábyrgt gagnvart kjósendum. Og í Evrópusambandinu eru heldur engin vandamál leyst, þeim er bara sópað undir teppið og þar safnast þau upp og liggja óleyst. Sambandið leysir ekki vandamál, það safnar þeim bara. Enda er það að springa

Enginn ESB-flokkur á Íslandi mynd þora að styggja svefnfrið neinna í ESB. Enginn. Þeir gungast bara með straumnum og blekkja áfram íslenska kjósendur með lygasögum um "viðræður" sem voru umboðslaus aðlögun, fullkomið fals og blekkingar frá a til ö. Þeir eru ESB-líberalisma-bruggarar sem níða okkur íslensku þjóðina niður erlendis, hvar sem tækifæri gefst

Við ættum ekki að þurfa að líða efnahagslega mest fyrir samstöðuna sem við erum skuldbundin að sýna bandamönnum okkar. En einu sinni voru Rússar bandamenn okkar, Bandaríkjanna og Bretlands. Ég væri alveg til í að að halda þessu áfram ef Þýskaland og ESB gerðu eitthvað að gagni líka, en það gera þau ekki. Til dæmis hættu að kaupa gas af Rússum og hættu að flytja svona gerræðislega mikið út til þeirra - í endalausum bunum. Járnbrautarlestir, vélar og þess háttar í endalausum bunum. Fyrir okkur er íslenskur sjávarútvegur mörgum sinnum mikilvægari en allur iðnaður er fyrir Þýskaland. Og ekki skulum við gleyma vanda íslensks landbúnaðar í þessu máli. En nei. Þess í stað er fyrrverandi krata-kanslari Þýskaland bara kominn í stjórn Rosneft með sjálfum Pútín!

Að lokum sagði Trump þetta:

Við getum ekki beðið eftir fjarlægum skrifstofuveldum. Enginn annar getur unnið vinnuna fyrir okkur, þjóðina. Við verðum að vera fyrst til að bjarga okkur sjálf. Til þess þurfum við föðurlandsvini, sem taka höndum saman um að búa þjóð sinni framtíð. Sem slá eignarhaldi á framtíð fyrir þjóð sína

Við köllum eftir endurvakningu á þjóðunum (hugtakinu sjálfu og þjóðinni sem stofnun)

Guð blessi þjóðirnar og mína þjóð

Sendum okkar fólk til Washington til að útskýra málið. Það er vel hægt. Það er að minnsta kosti hægt að reyna það og tala svo við Rússa. Blessum nú þjóð okkar, en níðum hana ekki niður

Horfa á:

Donald Trump ávarpar þjóðirnar í stofnun Sameinuðu þjóðanna

Fyrri færslur:

Öskrandi þögn á undan stormi?

Einn dagur í heimsstyrjöld Samfylkingarflokka

Fundur með Bjarna Benediktssyni framfaramanni á Hvanneyri

Athugasemdir

[Helga Kristjánsdóttir, 15.10.2017 kl. 09:10]

Er ekki kominn tími til að þagga í ljúflingum góða fólksins;sem hafa kokgleypt áróður ESB,meðan við hin ósvífnu finnum ekki til neinnar sektarkenndar;Svona með sterkum áhrifum lesturs pistla dagsins.

[Borgþór Jónsson, 15.10.2017 kl. 13:36]

"Senda þarf Bjarna Benedkitsson, Guðlaug Þór utanríkisráðherra og Davíð Oddsson til Donalds Trump til að útskýra málið"

.

Ég hugsa að það gæti reynst erfitt að fá þessa menn til að fara þessa för.

Þessi hugmynd byggir á þeirri líseigu tálsýn að Bandaríkin séu einhverskonar vinir okkar.

Það er aðsjálfsögðu bara tálsýn ,Bandaríkjamenn starfa alltaf samkvæmt ýtrustu eigin hagsmunum. Þeim er einfaldlega nákvæmlega sama hvort við förum vel eða illa út úr þessu.

Svo er annað rangt í greiningunni hjá þér. Þessar efnahagsþvinganir eiga ekki rót sína í Evrópu, þær eiga rót sína að rekja til Bandaríkjanna ,og Bandaríkjforseti fór sérstaka för um Evrópu til að knýja þær fram meðall þjóða sem höfðu efasemdir.

.

Meðan Sovétríkjanna naut við þurftu Bandaríkjamenn alltaf að gæta hófs í samskiftum við önnur ríki ,af ótta við að þau mundu ella leita skjóls hjá Sovétvaldinu. Allavega þurftu þeir meira og mina að leyna ofbeldinu.

.

Eftir að Sovétríkin liðu undir lok er engu slíku til að dreifa. Nú er ofbeldið skjefjalaust og oft á tíðum engin tilraun til að leyna því. Það er ekkert skjól fyrir minni ríkin lengur. Þetta er ágætlega þekkt á Íslandi,af því við beittum stundum þessu vopni.

.

Evrópuríki hafa ekki haft utanríkisstefnu síðan um stríð.

Í Austur Evrópu var stefnan ákveðin í Moskvu ,en í Vestur Evrópu var hún ákveðin í Bandaríkjunum.

Í báðum tilfellum er ríkjum harðlega refsað ef þau reyna að bregða út af þeirri stefnu. 

Það er afar sjaldgæft að ríki V Evrópu reyni að amla á moti stefnu Bandaríkjanna ,en það kemur fyrir.

Tvö nýleg dæmi um þetta er Nordstream 2 og sala Frakka á tveimur herskipum til Rússlands.

Frakkar reyndu að malda í móinn ,af því að trúverðugleiki Franska vopnaiðnaðarins var í húfi.

Þeir gáfust ekki upp fyrr en einn Franski stórbankinn hafði verið sektaður um óheyrilegar upphæðir af Bandaríkjastjórn.

Þetta var viðvörun sem sýndi hvað mundi gerast ef Frakkar þráuðust við. Salan á þessum skipum var að sjálfsögðu smá mál sem var blásið upp. En í þessu máli var sýnt svo ekki er um að villast að það er engin óhlýðni liðin. Engin.

.

 Í Nordstream dæmnu reyndu Þjóðverjar að þrást við,enda óhemju hagsmunir í húfi.

Þetta er svo stórt mál fyrir Evrópu að Bandaríkjamönnum tókst ekki að sveigja Þýskaland og Frakkland.

Næsta skref voru efnahagslegar þvingunaraðgerðir eins og við þekkjum. Hótun um að leggja efnahag andófsríkjanna í rúst ef þau hlýddu ekki.

.

Þetta ferðalag til Washington er því í besta falli gagnslaust og í versta falli skaðlegt.

Bandaríkjamenn munu ekki taka því vel ef við förum að verja hagsmuni okkar, ef það brýtur á bága við heimsveldisstefnu þeirra

 

.

[Gunnar Rögnvaldsson, 15.10.2017 kl. 17:32]

Þakka þér Borgþór.

Obama var frekar gagnslaus, já það er rétt hjá þér.

En Donald J. Trump er með nýja stefnu og hann er ekki gagnslaus, enda hræðast hann allir vegna þess að hann vill stinga undan kratismanum og hann sækist ekki eftir að gera sérstakan óvin úr Rússlandi bara vegna þess að Rússland hugsar um sína hagsmuni.

Hann vill þó  að þeir virði fullveldi annarra þjóða. Hann sagði: "Okkur er sama hvernig önnur ríki stjórna sér, búa, lifa, anda og trúa, svo lengi sem þau gera þetta hér tvennt:

1) gæta hagsmuna eigin þjóðar og borgara sinna, og

2) virða rétt og réttindi annarra fullvalda þjóða

Þarna var slæm hugmynd líberalista (vinstrimanna) um frelsun heimsins með úniversal reglustrikuverki John Locke á stöng, jörðuð, grafin og steindrepin, sýnist mér. 

Held að Donald J. Trump hafi fullan skilning á því að við sjálf eigum að hugsa um okkar hagsmuni.

Sennilega ertu bara ESB-krati og villt því ekki styggja brennsluofnafólk fullveldisins í Evrópusambandinu. Það heyrist mér.

En samt takk fyrir að sýna þessu áhuga Borgþór.

Kveðjur

[Gunnar Rögnvaldsson, 15.10.2017 kl. 17:43]

Og þakka þér ævinlega Helga

Kveðjur

[Borgþór Jónsson, 15.10.2017 kl. 22:10]

Það er nú eiginlega svolítið móðgandi að kalla mig Krata hvað þá Evrópukrata.

En ég er viss um að þú meinar ekkert með þessu.

.

Þú virðist misskilja aðeins það sem ég var að segja.

'Eg var einmitt að mæla með því að Evrópuríkin endurreisi sjálfstæði sitt og fari að haga sínum málum í samræmi við hagsmuni íbúanna,en ekki í samræmi við hagsmuni Bandarísku elítunnar.

Nú geri ég mér grein fyrir að það eru einungis fá ríki í Evrópu sem hafa raunverulega burði til að fylgja sjálfstæðri stefnu.

En þau eru samt nokkur ,svo sem Þýskaland ,Frakkland og jafnvel Ítalía og Spánn.

Það væri samt til mikilla bóta fyrir önnur Evrópuríki ef þessi ríki hristu af sér slenið og endurreistu sitt sjálfstæði.

Ekki eingöngu gagnvart ESB heldur líka gagnvart US.

Það eru þó ýmis vandkvæði í þessu sambandi,einkum og sér í lagi að Evrópa er hersetin af Bandaríkjamönnum.

Annað vandamál er að flest ríki Evropu standa á algerum brauðfótum að undanskildum Danmörk ,Þýskalandi. Sviss og Noregi. Kannski gleymi ég einhverju ríki.

Það þarf ekki nema örlítinn selbita til að velta þeim um koll.

.

Enn annar flötur á þessu ,er að stjórnvöld á vesturlöndum hafa fyrir löngu afhent utanaðkomandi ókjörnum aðilum af ýmsu tagi ,lungann af völdum sínum. Þetta gerðu menn af því stjórnvöld á vesturlöndum eru afar veik. Með þessu móti hafa stjórnmálamenn losnað við að taka á erfiðum vandamálum.

 Völdn eru meira og minna í höndum fólks sem stjórnar ,en hefur enga ábyrgð. Þetta fer aldrei vel.

.

Þegar ég horfi á Bandaríska pólitík skifti ég henni í tvennt.

Annarsvegar innanríkis og hinsvegar utanríkispólitík.

Mér er alveg nákvæmlega sama hvernig innanríkispólitík þar er háttað. Þeir geta haft Obamacare,stundað mannát og gifst ömmu sinni eða járnbrautarstöð mín vegna. Mér er alveg sama.

.

Utanríkisstefna Bandaríkjanna skiftir okkur á hinn bóginn heilmiklu máli.

Gallinn við heimsyfirráðstefnu Bandaríkjanna er, að í ljósi yfirburða sinna geta þau lagt ríki í rúst ,án nokkurra afleiðinga,og gera það ítrekað og í vaxandi mæli.

Þetta er system sem þarf einhvernveginn að breyta.

Það er eitt að gæta hagsmuna sinna en annað að drepa íbúa annarra landa af handahófi, eyðileggja ríkið og jafnvel landið sjálf ,eins og til dæmis í Írak þar sem hluti landsins er orðinn óbyggilegur til langrar framtíðar.

.

Enn hefur engin skinsamleg skýring fengist á,hvers vegna það var ráðist á Írak.

Eins og þú veist ,byrjaði þessi hernaður með gríðarlegri áróðurs og lygaherferð ,sem nú hefur verið flett ofanaf.

Það virðist vera að það hafi bara verið ráðist á Írak af því að þeir gátu það.

.

Það hefur alltaf verið og verður þannig áfram að stór og meðalstór ríki beita minni ríki einhverskonar misrétti,en þetta er alveg farið úr böndunum.

.

Siðleysið er orðið svo algert í bandarísku elítunni ,að þau ítrekað drepa fólk í öðrum löndum til að kaupa sér frið innanlands.

Nýjasta dæmið um þetta er eldflaugaárás Trumps á Sýrland.

Fyrir henni voru engar ástæður. 

Eina ástæðan fyrir henni var að Trump þurfti að kaupa sér frið innanlands þegar fjölmiðlar voru í þann veginn að ganga frá honum. Það gekk eftir,hann fékk smá andrými áður en árásirnar gegn honum héldu áfram

.

Trump er enginn stjórnspekingur og mun ekki koma neinu góðu til leiðar ,en kosturinn við hann er að hann er ekki eins ofbeldisfullur og Hillary. Hann var þess vegna betri kostur í mínum augum.

Ef við horfum á aðgerðir hans í embætti ,einkennast þær mest af því að hann hrekst stefnulaust eftir því sem vindar blása.

Þess á milli sendir hann frá sér innihaldslausar upphrópanir á twitter

Eina sem hann er einbeittur í er stefna hans gegnvart Írak.

Gallinn er sá að þessi stefna hans er heimskuleg í alla staði.

.

Það er alveg sama hversu oft Trump segir að hann vilji virða sjálfstæði annarra þjóða. Hann gerir það ekki.Verkin tala.

Kannski er ástæðan sú að hann ræður einfaldlega ekki utanríkismálum Bandaríkjanna.

Þeim ráða allt aðrir aðilar,enda breytist hún aldrei þó skift sé um forseta.

.

Þú minnist á Putin. Mér er alltaf sérstakt ánægjuefni að tala um þann mann,enda ber hann af öðrum alþjóðastjórnmálamönnum ,eins og ljón af geitum.

Hann hefur lag á að stjórna ,án þes að kúga aðrar þjóðir eða beita þær ofbeldi.

Þetta kunna þjóðarleiðtogar að meta í vaxandi mæli.

Hann hefur þó sínar rauðu línur sem er ekki liðið að farið sé yfir.

Sú helsta er ,að NATO kemur ekki frekar en orðið er upp að Rússnesku landamærunum. Þetta er honum mikið alvörumál ,og þannig verður það. Punktur.

.

Nú er sérstakt afmælisár ,af því að á þessu ári eru 10 ár liðin frá því að Putin sagði Bandaríska heimsveldinu stríði á hendur í frægri Munchenarræðu sinni.

Þarna var um vatnasskil að ræða sem vert er að taka eftir.

Daginn eftir fór fjölmiðlaklíkan af stað í hefðbundna ófrægingarherferð gegn honum, sem hefur staðið óslitið síðan.

Fyrstu árin var Putin svo eitraður að enginn þorði að koma nálægt honum. 

Smá saman óx mönnum kjarkur og menn fóru að hafa samskifti við hann. Nú hefur hann við hlið sér ,öflugasta ríki heims og fjöldann allan af minni spámönnum.

Það er enginn vafi að miklu fleiri styðja hann í einkasamtölum ,en þora ekki að koma út úr skápnum.

Það leynir sér ekki ,enda liggur strollan af þjóðarleiðtogum til Moskvu. Meira segja reif Saudaprinsinn sig upp af rassgatinu og heimsótti Moskvu,í fyrsta skifti í sögunni. Það er töluvert minni traffík í Whasington þessa dagana.

Það er enginn vafi ,að vegna stefnufestu og stjórnvisku Putins er Bandaríska heimsveldið á undanhaldi.

Bandaríkjamenn eru í dag ,bara einhverskonar Neanderthalsmenn með stóra  kylfu. 'Ohæfir og ofbeldisfullir stjórnendur.

Á tímum Homo Sapiens dugar það ekki til. Neanderthalsmaðurinn er dæmdur til að deyja út.

 

.