Leita í fréttum mbl.is

Þýsku kosningarnar: Merkel mun sitja sem stirðnuð önd á stóli og hið undirliggjandi mjakast fram [u]

- bloggfærslan er uppfærð með nýjustu tölum og betri frásögn

Þingkosningar Þýskalandi 2017 - breytingar á fylgi flokka v2

Mynd (ARD kl. 06:06 þt.): Breytingar á fylgi flokka

Kosningarnar í Þýskalandi eru að birtast sem opin gröf fyrir Angelu Merkel og flokk hennar. Í Bæjaralandi er flokkurinn að fá sína verstu útreið í 68 ár, eða allar götur frá 1949, nú þegar úrslitin eru komin inn

Angela Merkel er tapari kosninganna. Flokkur hennar missti mest og endar á aðeins 33 prósentum atkvæða og missir 8,5 prósent fylgi. Þýskalandið hennar er grundig upplausn. Fyrir kosningar sat Merkel-ríkisstjórnin á 80 prósent þingsæta. Það hlutfall er hér með klippt og skorið niður í rétt rúmlega 50 prósentur

Krónísk lömunarveiki Angelu Merkels, vinstra daður og innflytjenda- og innri öngþveitisstefna hennar með fálmurum, er það sem upp gaus úr kjörkössunum. Fólkið vill fá landið sitt og sjálfsákvörðunarréttindi aftur. En fólkið mun ekki fá neitt slíkt

Í kjörkössunum voru neyðarbremsuklossar á þrennt:

Í fyrsta lagi kom AfD-flokkurinn upp úr þeim sem sigurvegari kosninganna. Stjórnmálaflokkur sem talað hefur gegn upplausnar- og öngþveitis-innflytjendastefnu Merkels. Í austri fær hann 20,5 prósent atkvæða og 12,6 prósent á landsvísu. Öll kjördæmi Saxlands fékk hann, nema Dresden, en þar munaði aðeins einu prósenti á honum og CDU. Hann er þar með orðinn þriðji stærsti flokkur Þýskalands, stofnaður fyrir aðeins fjórum árum og tæplega þrefaldar fylgi sitt núna. Hann mun leiða stjórnarandstöðuna, ef ég giska rétt á komandi stjórnarmyndun

Í öðru lagi er fimm strokka brembo-bremsuklossi FDP-flokksins á evru- og evrópusambandið og þar með á fyrirhugaða ESB-skáldsagnagerð Emmanuel Macron forseta Frakklands um Evrópu, sem koma mun honum illa út. FDP tvöfaldaði næstum fylgi sitt og fær 10,7 prósent. Ef ég giska ekki rétt á stjórnarmyndun Merkels með SPD, þá mun FDP krefjast lyklanna að fjármálaráðuneytinu og loka niður ESM (E2012-rotvarnarefni í evru) og þar með í framhaldinu hugsanlega velt evrusvæðinu um koll. Ef ekki tekst að mynda stjórn með FDP, þá gætu nýjar kosningar verið boðaðar síðar í haust eða í vetur. Þýskaland gæti orðið stjórnlaust land

Og í þriðja lagi eru úrlistin verstu afhroð þýskra sósíaldemókrata nokkru sinni (SPD). Sá flokkur fær aðeins 20,5 prósent og missir 5,2 prósent. Rauðan reykinn leggur út um eyrun á þessum skrjóði Schröders. Hann bræddi úr flokknum með grundig allsherjarsvikum; Þýskalandið hans er nú láglaunaland

Undirliggjandi og óhjákvæmilegt

- Schröder sósíaldemókrati og fyrrum kanslari situr nú í Rússastjórn Rosnefts, hjá Vladimir keisara Pútín, til að undirbúa bandalagsuppbyggingu Þýskalands og Rússlands, vegna þess að Þýskaland veit að Evrópusambandið sem það notar til að drottna yfir Evrópu, er að leysast upp. Skrjóðurinn Schröder er því sendur út af sökkvandi örk Evrópusambandsins með samþykki Merkels, til að sannfæra Pútín um að Þýskaland sé háð honum og til að koma í veg fyrir vinskap Rússa og Frakka. Heima fyrir þaggar Merkel á meðan eins og hún getur niður NATO-getuna og dælir pólitísku grumsi þar inn. Pólland, klemmt á milli þessara tveggja gömlu djöfla, veit þetta vel og hamast því við að byggja upp bolverkið gegn þessu, saman með strategíska stórvininum Donaldi Trump og gengur sú bygging mjög vel, án aðkomu NATO. Hún heitir Intermarium. Pólland verður næsta nýja stórveldið innan Evrópu. Allt mikilvægt sem er að gerast í Evrópu er að gerast í austri og er Pólland helsta miðstöð þeirrar þróunar ásamt Rúmeníu. Ungverjaland gekk úr Pútín í þessum mánuði og í lið með Póllandi. Það andaði því köldu á Pútín í heimsókn hans til Búdapest í ágúst. Þýskaland misnotar því ESB til að ofsækja Pólland og Intermarium-bandamenn þess, svo lengi sem það er í standi til að drottna yfir Evrópu með Evrópusambandinu sem verkfæri. Þýskaland er óverjandi landsvæði á norðursléttum Evrópu, ef verja þarf báða flanka þess samtímis (austur-vestur innrásarhraðbrautin). Alpar loka suðrinu að mestu og einn sjór í norðri kaupir því vissan tíma. Svipað gildir um Frakkland. Og án Bandaríkjanna er Pólland farið. Og án Póllands og Bandríkjanna er Evrópa farin

Áratuga viðskiptum með fullveldi ESB-ríkja á pólitískum kauphallargólfum meginlandsins fer nú að ljúka. Fyrst kom árið 2009 með sitt sudden-stop í fjármálum ESB-landa og þau mál standa óleyst enn. Og næst er það hið pólitíska makró Evrópu sem gengur ekki lengur upp. Fólk álfunnar er búið að fá nóg. Allir vita að "heilbrigð skynsemi" manna sá ekki neitt árið 2008/9. Hún mun heldur ekki sjá þetta koma, vegna þess að hún er eitt lélegasta verkfæri sem til er

Restin og niðurlag

Kommar og grænir fá hvor um sig í kringum 9 prósent og eru frosnir fastir þar. Engin breyting þar. Búist er við að kosningaþátttakan hafi verið 75,9 prósent

Þýska þjóðin hafnaði Angelu Merkel, en sitja mun hún samt, því að þýskt stjórnmálalíf er notbremsenresistent. Ekkert gerist þegar togað er í hemlana. Nema í Bretlandi sem hoppað hefur af ESB-lestinni á leið hennar með meginlandið til heljar. Sósíaldemókratar hugsa í límósínum og kavíar, þeir munu því hoppa í stjórn sameinaðra tapara á sjálfu meginlandi taparanna

Fyrri færsla

Madríd sendir fleiri löggur


« Síðasta færsla | Næsta færsla »

Athugasemdir

1 Smámynd: Jón Steinar Ragnarsson

On nú eru þjóðernissinnar, málaðir (m.a. a RUV) sem ígildi nazista. Vantar bara heimsyfirráðastefnuna og gasklefana. "Lýðræðissinnaðir" demókratar æða út á göturnar hrækjandi fjöðrum til að mótmæla lýðræðinu.

Þetta er ótrúlegur málflutningur að sjá. Heimóttaleg ættjarðarást og umhyggja fyrir heilsteyptu samfélagi og öryggi er nú túlkað sem gæsagangur heimsvaldasinna og fjöldamorðingja þegar raunin er sú að demókratarnir sjálfir komast næst þeirri lýsingu. Rökunum snúið á hvolf.

Margur heldur mig sig, má segja. Nationalismi, verður national sósíalismi. Skynsemisstefna að fasisma.

Jón Steinar Ragnarsson, 24.9.2017 kl. 21:58

2 identicon

Það sem verst er í þessu öllu, er að "skríllinn" hefur engan skilning á því að þeir eru fasistar.

Í hvað eyddi heimurinn miljörðum til að mennta fólk, bara til að gera þá að enn meir ösnum?

Mér er spurn ... þó sjálfur sé ég asni.

Bjarne Örn Hansen (IP-tala skráð) 24.9.2017 kl. 22:14

3 Smámynd: Gunnar Rögnvaldsson

Þakka ykkur fyrir.

Engu sem gerðist á kjörtímabilinu var að minnsta kosti fagnað í þessum kosningum. Einungis bremsuklossar komu upp úr kjörkössunum.

Næsta ríkisstjórn Þýskalands mun halda áfram því sem mótmælt var. Ekkert mun breytast, en þegar það loksins breytist, mun það gerast svo hratt að fólk stendur á öndinni, - sem er frú Merkel.

Séð frá Vestanhafs, þá skilja Bandaríkjamenn ekki hvernig sama persónan getur verið 16 samfelld ár kanslarasætinu. Þeir skilja það bara ekki.

Kvðejur

Gunnar Rögnvaldsson, 24.9.2017 kl. 23:45

4 identicon

Skítt með það, að hún sé 16 ár ... en þetta er svikari.  Sveik Evrópu, þó hún hafi haft "heila hirð" með sér, á Íslandi og annars staðar.  Þá sveik hún Evrópu og situr samt ...

Þetta á eftir að leiða dylk á eftir sér ...

Bjarne Örn Hansen (IP-tala skráð) 25.9.2017 kl. 06:30

5 Smámynd: Gunnar Rögnvaldsson

Þakka þér Bjarne.

Skyndilega er Brexit ekki helsta vandamál Evrópusambandsins. Heldur kosningar í Þýskalandi!

Plastfréttir DDRÚV með plastfréttamönnum DDRÚV segja að allt hafi gengið svo vel fyrir kanslaraínuna í kosningunum. Smá rispa í lakkinu, þar er allt og sumt, er þar sagt. En það er nú einmitt ekki þannig, heldur frekar það sem þú segir hér.

Kveðjur

Gunnar Rögnvaldsson, 25.9.2017 kl. 08:11

6 Smámynd: Jón Steinar Ragnarsson

Á RUV eru allir flokkar sem ekki samræmast þeirra vinstrablæti kallaðir "Öfgaflokkar". Öll stefna sem ekki samræmist pólitískri rétthugsun þeirra "Öfgastefna."

Jón Steinar Ragnarsson, 25.9.2017 kl. 13:17

7 identicon

Þetta er allt hið skítugasta mál ... ef við förum aftur til flottamannastraumsins. Hverjum var Merkel að hleypa in í skjóli þeirra? Núna kemur í ljós að Bandaríkjamenn geta gengið öruggir meðal ISIS, sem segir mikið. Rússar spila 'devils advocate' og ljóstra upp um allt.

við erum með skít í pokahorninu, glæpi gegn mannkyninu og ég hef enga trú á öðru en hlutirnir eigi eftir að draga stóran Fylkir á eftir sér. Þó svo maður eigi að taka upplýsingum Rússa með stórri matskeið af salti ... þá segir allt málið að lönd Evrópu er sek um storglæpi.

Hef enga trú á því að þetta fari vel, þó svo að það muni kannski lita vel út á næsta ári ... ef allt fer eins og menn halda. Þá er ég samt sannfærður um að þetta séu dyr sem ber að forðast.

Bjarne Örn Hansen (IP-tala skráð) 25.9.2017 kl. 21:14

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband