Ekki-kommúnisti, er svoleiðis til ?

VG Prinsipp-Polo

Mynd: ekki-doktor Zhivago Vinstri grænna í Brussel

Flestir vita hvað kommúnisti er. En myndi einhver venjulegur maður vita hvað ekki-kommúnisti er? Nei, það hugsa ég ekki að neinn venjulegur maður geti vitað. Reyndar er ekki-kommúnisti ekki til

En hvað þá með liberalista (vinstrimenn). Eru þeir til? Já þeir eru til. En eru þá þeir til sem kalla má ekki-vinstrimenn? Og ef þeir eru til, myndu þeir þá heita illiberals?

Það er nú það. En það er þessi stimpill sem liberlas (vinstrimenn) eru að reyna að klína á alla þá sem eru ekki vinstrimenn. Í þeirra augum eru allir sem eru ekki liberal (ekki-vinstrimenn), einfaldalega illiberals

Þeir sem eru að reyna að nota þennan stimpil á þá sem eru ekki vinstrimenn, gleyma því að mörgum mörgum öldum áður en hreyfing þeirra sjálfra varð til (vinstrið), voru það Íhaldsmenn (Conservatives) sem byggðu upp það góða sem líf flestra hvílir á í dag; þingræði, þingræðislegt lýðræði og bestu stjórnarskrár veraldar frá fæðingu Krists

En burðarstólpinn undir þessu öllu var af Íhaldsmönnum samt sóttur langt aftur fyrir fæðingu Krists, þ.e alla leið til Ísraelsríkis hins forna, þ.e. til Gamla testamentisins, sem er stór hluti heilagrar Biblíu Vesturlanda. Nefna má hér sérstaklega skiptingu valds og til dæmis þjóðríkið, þjóðkirkjur og landamærin, sem ríki áttu að halda sér innan

En svo komu Vinstrimenn (þ.e. liberals undir fána sósíalistans John Locke) fram á sögusviðið og mynduðu ásamt Abolutistum (einræði án stjórnarandstöðu) þá andstæðu póla sem uxu til höfuðs Íhaldsmönnum, sem byggt höfðu upp þingræði og lýðræði í Englandi og voru að byggja það upp í Bandaríkjunum. Stór hluti stjórnarskrár Bandaríkjanna kemur frá íhaldsmönnum Englands

Við fyrsta góða múgsefjandi skrílsláta-tækifæðið sem bauðst, sprautuðu vinstrimenn (liberals) kenningum sínum beint inn í Frönsku byltinguna og árangur þeirrar innspýtingar varð hundrað ára blóðbað um stóran hluta Evrópu, og svo sjálfur uber keisaralegur imperíalistinn Napóleon, og svo það sem við höfum í dag: þ.e. heilt og marg-misheppnað Frakkland á sinni fimmtándu stjórnarskrá og sínu fimmta, en þó enn og aftur, misheppnaða lýðveldi, samkvæmt Frökkum sjálfum. Frakkar vilja því núna fá enn eina nýju stjórnarskrá sína, sem stýra á sjötta Franska lýðveldinu. Já þið heyrðuð rétt; því sjötta! Hvað er að í Frakklandi? Jú það sem er að, er ekki-íhaldsmenn, þ.e.a.s. vinstrimenn!

Í millitíðinni hafa Bandaríkin haft aðeins eina stjórnarskrá sem þolað hefur tuttugu þúsund áhlaup vinstrisins á hana, og Bandaríkin því orðið stórveldi á meðan Frakkland varð næstum ekki neitt, nema með aðstoð stofnunar ESB, sem er neyðarbjörgun þess frá núlli, miðað við það sem landið áður var

Og enn eru Bretar í betri holdum en franskur almenningur sem leið svo lengi undir absalútveldi konungs. Og þannig hefur sláandi munurinn á milli þessara tveggja ríkja verið frá því að Íhaldsmenn komu með pólitískar kenningar sínar fram á völlinn í Englandi, frá og með ca. 1300. Oftast verið feitari en Frakkar, og hafa því mun síður drepist úr hor og sjúkdómum sem grassera best í hor - öldum saman

Það er ekki til neitt sem heitir ekki-vinstrimaður (illiberal) og það er ekki til neitt sem heitir ekki-vinstrimennska (illiberalism). Rétta nafnið er: Íhaldsmaður. Ég er til dæmis Íhaldsmaður

Björt framtíð og Viðreisn og Vinstri grænir segjast ekki geta unnið með okkur Sjálfstæðismönnum. En hugsið út í þetta; Íhaldsmaðurinn Winston Churchill gat unnið með kommúnistum! Einnig Dranklin D. Roosevelt. Vaú

Íhaldsmaðurinn Donald Trump hefur aðeins setið í forsetaembættinu í átta mánuði núna. En á þeim tíma og í kosningabaráttu sinni hefur honum þó tekist að gerbreyta sýn margra á margt það sem á undan er gengið og sem gert var í veröldinni frá og með falli Sovétríkjanna. En þá hvarf samvinnugrundvöllur íhaldsmanna og líberalista með því að sameiginlegur óvinur þeirra hvarf úr veröldinni; Sovétríkin. Samvinna þessara tveggja grunnleggjandi andstæðu pólitísku afla, hófst í síðari heimstyrjöldinni, og gengu kommúnistar þá einnig í lið með þeim í baráttunni við alræðisstefnur meginlands Evrópu (alræðismennin). Og í kalda stríðinu börðust íhaldsmenn og líberalistar einnig saman, en þá gegn kommúnismanum (alræðismenni líka)

En nú skilja leiðir þeirra á ný, því pólitísk hugmyndfræði líberalista hefur reynst ónothæf og útópía við lausn á þeim málum sem leysa þarf úr í veröld manna í dag

Rekja má sem sagt íhaldsmannahefðina aftur til ca 1300, og kallast hún Anglo-American Conservatism Tradition

Vegna langrar og sögulegrar samvinnu þessara tveggja andstæðu pólitísku afla, íhaldsmanna og líberalista, voru margir farnir að halda að um eina og sömu skepnuna væri að ræða. En svo er auðvitað ekki. Slíkt hald manna var aðeins ávanamyndandi skynvilla og blindlestur

Og það sem við sjáum í dag er skilnaður þessara afla. Hann er svona. Og rykið frá skilnaðinum er mikið og þykkt. Þeir sem sjá í gegnum mökkinn þann, munu lifa af, en hinir deyja út eins og kommúnistar. Eða eru þeir kannski ekki alveg örugglega útdauðir í dag. Er það kannski ekki svo?

Tímabilið frá 1941 til 1991 var undantekningarástand og tímabilið frá 1991 til 2008 var útópía líberalista sem klesstu veröldinni það ár. Því tímabili er nú lokið. Íhaldsmenn eru mættir til leiks á ný og sagan líka

Ef þú skyldir mæta Vinstrimanni með stjórnarskrá á heilanum, þá skaltu forðast hann, því hann er oft afar hættulegur maður. Hættulegur lífi þínu, eins og þú þekkir það best. Og svo er það ESB, sem einnig þýðir hor. Endalaust vinstra hor, öldum saman

Lesið Yoram Hazony og Ofir Haivry:

What Is Conservatism? (American Affairs Journal)

Fyrri færsla

Píratar fagna meintum nauðgara og þjóf - meðmælendur Viðreisnar

Athugasemdir

[Sigþór Hrafnsson (IP-tala skráð) 19.9.2017 kl. 03:41]

Sæll Gunnar

Merkimiðarnir fljúgi fram og til baka, af miklum eldmóð.

Þetta er bráðskemmtilegt allt saman, sérstaklega fyrir mann sem hallar sér ekki til vinstri, hægri, upp, niður og allt hitt. Þannig get ég hnoðað skítabomburnar úr báðum áttum saman og fengið út alveg nýja tegund af drullumalli, minnir dálítil á sjónvarpsþættina Löður sem voru á Rúv um 1976.

Brandarinn í þessu öllu saman er náttúrulega sú staðreynd að hægri menn þurfa vinsti menn og vinstri menn hægri menn, annars hefðu þeir engan til að rífast við! :)

[Gunnar Rögnvaldsson, 19.9.2017 kl. 06:28]

Þakka þér Sigþór.

Tja, samkvæmt vinstri-mönnum erum við hægri-menn ekki til. Við erum nefnilega ekki-vinstrimenn, þ.e. illiberals.

Vinstrið vill því að við eigum engan fulltrúa á þingi af því að við erum ekki-vinstrimenn. Þeir vilja taka stjórnarskrá okkar og breyta henni svo hægt verði að banna hægrimenn (ekki-vinstrimenn). Já, banna hægrimenn á þingi. Hvorki meira né minna, eins og til dæmis Píratar sögðu öllu Íslandi frá í gær.

Og þess vegna er ríkisstjórnin sprungin. Af því að vinstrimenn segja að meira en helmingur þjóðarinnar eigi ekki fá neina fulltrúa á þing.

Þetta er á vinstra máli kallaður "trúnaðarbrestur" og sem líklega er mest vegna misheppnaðrar nauðgunar-aðfarar vinstrimanna að bændum, sem Sjálfstæðimenn vilja ekki ganga með til.

Af þessu hlýtur þú Sigþór að sjá, að þó þú hallir þér ekki sjálfur, þá mun þér verða hallað, af þeim sem þér halla með þínu þegjandi samþykki. Þér verður hallað vegna þess að þú ert hallanlegur.

Þing, þingræði og stjórnarskrá er ekki neinn brandari. Þetta er mörg hundruð ára vinna. Sennilega fimm þúsund ára starf. 

Kveðjur

[Bjarne Örn Hansen (IP-tala skráð) 19.9.2017 kl. 06:33]

Bíddu nú við Gunnar, er orðið "illiberal" til? Heitir það ekki að vera un-liberal :-)

[Bjarne Örn Hansen (IP-tala skráð) 19.9.2017 kl. 06:33]

Eða réttara sagt non-liberal.

[Gunnar Rögnvaldsson, 19.9.2017 kl. 07:00]

Þakka þér Bjarne

Nei það er: There is No Such Thing as an "Illiberal" (WSJ)

Kveðjur

[Sigþór Hrafnsson (IP-tala skráð) 19.9.2017 kl. 14:45]

Þakka þér fyrir svarið Gunnar.

Jú ég hef að sjálfsögðu prufað að halla mér að pólitík. Tekið stöðu með og á móti og allt það. Eftir þá skoðum hef ég komist að því að allt kerfið er ónýtt. Að mæta á 4 ára frest og velja hugmyndafræði sem maður veit ekki hvort maður fær í bakið eða ekki finnst mér ekki spennandi.

Svo þegar maður hugsar þessa hluti grúndígt að þá fattar maður, já kjósa einu sinni á 4 ára frest. Kjósa bara rétta flokkin þá mun hann setja þau lög sem eru mér hagfeld og stuðli að atvinnuöryggi, það gerist fyrir þá sem eru rétt tengdir pólitískt. Þetta fyrirkomulag er líkara Lottóúrdrætti en lýðræði.

Þú þarft ekki að hafa neinar áhyggjur Gunnar að ég verði gabbaður til vinsti, hægri, upp eða niður. Ég hef verið þar, það er ekkert að gerast!

[Gunnar Rögnvaldsson, 19.9.2017 kl. 14:57]

Þakka Sigþór

Já, "ekkert að gerast" væru mjög góðar fréttir.

Kveðjur

[Brynjar (IP-tala skráð) 19.9.2017 kl. 16:50]

Sæll Gunnar.  Þetta er mikið af gildishlöðnum settningum hjá þér, mis gáfulegar fynnst mér.  Eitt af mörgu sem ég hnaut um er  "  Þeir vilja taka stjórnarskrá okkar og breyta henni svo hægt verði að banna hægrimenn (ekki-vinstrimenn). Já, banna hægrimenn á þingi. Hvorki meira né minna, "

Þetta sem þú skrifar þarna er óttalegt bull.  Eigið þið hægri menn stjórnarskránna ???.  Er eitthvað í þeirri nýju sem bannar hægri menn.  Ert þú Gunnar farinn að herma eftir Trump, þar að segja að henda bara einhverju fram.

Hægri/vinstri þurfa á hvort öðru að halda.  Ég meina yfir hverju ætti ég að smjatta ef engir væru hægri mennirnir og um hvað ættir þú að skrifa Gunnar ef engir væru til vinstri.

Þessir tveir pólar veita hvor öðrum aðhald og svo grillum við á kvöldin.

[Gunnar Rögnvaldsson, 19.9.2017 kl. 18:24]

Sæll Brynjar

Já við hægrimenn eigum stjórnaskrá okkar eins mikið og allir Íslendingar eiga hana. Það skaltu vita. Ertu nokkuð fimm ára?

Það sem fer svona fyrir brjóstið á þér er líklega þetta sem kom frá flokksmanni öfgaflokksins Pírata, sem kallar sig Birgittu:

Birgitta bend­ir jafn­framt á að „þeir sem halda að Sjálf­stæðis­flokk­ur­inn veikist mikið til lang­tíma verði fyr­ir all­mikl­um von­brigðum. Mér finnst það reynd­ar absúrd hve stjórn­mál hér­lend­is snú­ast mikið um að koma Sjálf­stæðis­flokkn­um frá völd­um með sömu aðferðinni ára­tug­um sam­an“. Eina leiðin til að koma þeim flokki frá sé að breyta stjórn­skip­an og reglu­verki. | Frétt

Þetta viðrini og gerpitrýni brjálæðisflokks þessa sem er með stjórnarskrá mína á heilanum, opinberar hér hvers vegna hún er einmitt með stjórnarskrá mína á heilanum.

Fjandinn hirði þetta pakk. Út af mínu þingi með þetta geggjunarlið! Ég vona svo sannarlega að kjósendur geri sér grein fyrir hvernig í þessum málum liggur.

Kveðjur

[Helga Kristjánsdóttir, 19.9.2017 kl. 21:57]

Kjósendur hafa um árabil beðið eftir þvílíkum framínumanni í musteri Íslands,sem bregst við eins og sá sem hér heldur á penna.
   

[Jón Steinar Ragnarsson, 19.9.2017 kl. 22:03]

Hér er upprifjun frá febrúar 2009 fyrir Brynjar um upphaf stjórnarskrársirkusinn. Svona byrjaði þetta nú þótt vinstrilömbin hafi gleymt því eða ákveðið að halda í valkvætt minni sitt. Höfuðástæðan fyrir hysteríunni er kannski aðalega til að vera á móti Framsókn og Sjálfstðisflokknum af óskráðri skyldu. Vera á móti til að vera á móti.

Peistaðu urlinu í leitarvélina þína og Sesam mun opnast. Ekkert að  borga bara þakka.

Vessgú:

http://www.visir.is/g/200938564492

[Gunnar Rögnvaldsson, 19.9.2017 kl. 23:45]

Þakka þér góðar kveðjur Helga

- og ég sendi þér mínar bestu.

[Gunnar Rögnvaldsson, 19.9.2017 kl. 23:46]

Þakka þér kærlega fyrir Jón Steinar.

Góðar kveðjur

[Jónas Ómar Snorrason, 20.9.2017 kl. 07:52]

Sæll Gunnar, ertu ekki enn búinn að átta þig á, að hægri/vinstri er dautt, fyrir þó nokkru síðan, útförin hefur farið fram. Þetta sníst allt um innrætti hvers og eins, síðan safnast saman fólk svipað innrættað. Eða, er það að vera "vinstri" að vilja t.d. að almenningur hafi "ókeypis" aðgang að læknisþjónustu frá A-Ö, reyndar gegn um skatta. Eða að það sé "hægri" að svo eigi ekki að vera, og öll læknisþjónusta eigi að vera einfaldlega einka einka(EN greidd af almenningi). Nú máttu ekki misskilja, það mega vera eins margar einkaklínikar og fólk vill, bara að fólk taki ábyrgð á því sjálfir sem það vilja reka, ekki ósvipað og með RUV vs aðra miðla. Og trúðu mér, það eru nánast óteljandi önnur dæmi sem hægt væri að taka. En þessi pæling hjá þér er vissulega áhugaverð.  

[Brynjar (IP-tala skráð) 20.9.2017 kl. 10:06]

 Jón Steinar.  Ég er engin sérstakur áhugamaður um nýja stjórnarskrá.  Mér fannst bara " sérstakt" að Gunnar talaði um stjórnasdkrána líkt og hún væri sérstök stjórnarskrá hægri manna.  Hann avaraði þessu svo ásamt smá skætingi um aldur minn.

[Jónas Ómar Snorrason, 20.9.2017 kl. 10:33]

Brynjar, Gunnar er að skrifa grein um sjálfan sig, svokallaðan Ekki Kommúnisma, hver er sá aðili? Jú, það er sá aðili sem engar breytingar vill, vill ekki heyra á þær minnst. Telur að bestu tekjur séu í gegn un ríkissjóð, svona eiginlegur "Pilsfaldarkapitalisti" og virðist ekkert skammast sín fyrir, stendur bara keikur og rífur kjaft. Kominn í heilan hring, vill algera sérhagsmuni umfram almannahagsmuni að hætti N-Kóreu syndromið. Þetta er hann Gunnar sem ritar þessa grein, og örugglega bara hlær ha ha ha.

[Gunnar Rögnvaldsson, 21.9.2017 kl. 00:59]

Þakka þér Jónas

Þar sem þjóðin er hornsteinn hins pólitíska veruleka, en ekki einstaklingurinn, þá gengur dæmi þitt ekki upp, nema undir stjórnleysi (Píratar?) eða það sem á fagmáli heitir villimennska.

Ríkið (þjóðin) bjó til kapítalisma með því að búa til lög um einkafyrirtæki. Þjóðþing semja og setja lögin sem gilda fyrir þjóðina.

Þeir sem vilja afskaffa þetta allt eru mismunandi mikið til vinstri. Þeir sem vilja varðveita þetta eru til hægri.

Það kostar ekkert að auglýsa jarðarför hvers sem vera mætti. Fólk getur jafnvel kosið að stimpla sig úr úr veruleikanum. En hægri er samt til hægri og vinstri er til vinstri. Og þannig verðu það svo lengi sem villimennska verður ekki stjórnarfar.

Kveðjur