Framleitt í Norður-Kóreu

Norður-kóreanska V15 talnakóðastöðin á stuttbylgju um allan heim

Næst stærsta útflutningsgrein þrælaríkis Norður-Kóreu, á eftir kolum, er fatnaður. Hann er næstum allur fluttur út til Kína, eða 80 prósent, samkvæmt fréttastofu Reuters. Kína flytur fatnaðinn síðan út til annarra landa. Ísland er með svo kallaðan "fríverslunarsamning" við kommúnistaríkið Kína og var sá samningur gerður á milli tveggja komma: íslenskra og kínverskra komma. Og þar með einnig við hina stóru lyklakippu Kína inn í Norður-Kóreu. Hver veit til dæmis hvar vinkonur dómgreindarskertrar umhverfisráðherraínu Bjartrar framtíðar fengu efnið í duluna, sem flögrandi-hún hélt fram að væri kjóll. Ég vona að þær refsiaðgerðir sem Donald Trump forseti Bandaríkjanna er að brugga handa þessu liði, verði eins þungar og hugsast getur

Kæra fólk, þetta eru sem sagt hin svo kölluðu "frjálsu viðskipti". "Þrælaveldið fyrst" er að verða helsta slagorð hinna svo kölluðu "frjálslyndu afla" í dag, en sem í reynd eru alger andstæða og þverstæða við þjóðernissinnana sem börðust fyrir sjálfsákvörðunarrétti þjóða á 19. og 20. öld - og þar á meðal hér á Íslandi. Það voru þeir sem voru hinir frjálslyndu, en ekki nýlenduliðið sem þeir börðust gegn. Hitler var ekki þjóðernissinni. Hann var heimsvaldasinni. Hann bakkaði Þýskalandi úr úr leið þess inn í þjóðríkið (Weimar) og aftur út í heimsveldið. Hann hataði þjóðríkin og tortímdi þeim. Það eina sem hann hafði áhuga á var heimsveldið og kynþáttaaðals-þvaður. Sem sagt: bara ósköp venjulegur imperíalisti sem hataði þjóðríkið og þjóðir þeirra

Helstu andstæðingar Hitlers voru þjóðernissinnar andspyrnuhreyfinga hinna hernumdu landa og eru norskir þjóðernissinnar þar afar minnisstæðir ásamt heimilislausu þjóðinni Gyðingum. Afi norska heimilislæknisins míns á Blátannarbökkum, á meðan ég bjó í Danmörku, var gjaldkeri norsku andspyrnuhreyfingarinnar og við ræddum fyrst um hann og hernámið í öllum viðtalstímum áður en við ræddum allt annað. Og okkur var báðum jafn illa við Evrópusambandið. Það var gaman að koma til hans. Andspyrnuhreyfing norskra þjóðernissinna olli herafla þýsku heimsvaldasinnanna hreint ótrúlegum hernaðarskaða

Og ekki nóg það þá hafa íslensk stjórnvöld lagt það á okkur Íslendinga að styðja með aðild! við bakið á svo kölluðum Fjárfestingabanka Asíu (AIIB), en hann er fyrst og fremst stofnaður til styrktar einræði í Kína. Þessi banki hefur ekkert með nein efnahagsmál að gera og mun aldrei hafa. Hann er eingöngu stórpólitískt farartæki kommúnistaflokks Kína til að halda völdum og víkka þau út. Vænghaf vesalingaveldis kjólasettanna hér heima er orðið svo stórt að það veldi flögrar bókstaflega um loftin blá og dreymir um öld "upplýsts einræðis". "Við ein vitum hvað kjóll er" - "fáðu mér Alþingishúsið til minna einkaafnota". Það veldi getur ekki hugsað sér "Ísland fyrst" og í Bandaríkjunum er samskonar veldi farið að hegða sé eins og þegar Lincoln var að taka af því þrælana, með því einfaldlega að afnema þrælaveldi þeirra. Þetta eru hinir svokölluðu "frjálslyndu" í dag. Þetta er ákaflega sorgleg vanþróun

Það sprenghlægilegasta við þetta öfugt "frjálslynda" lið er stuðningur þess við Evrópusambandið, þar sem útkomur allra ófara og áfalla eru háðar þjóðerni. Öllum byrðum vegna áfalla er velt yfir á þær þjóðir sem heita ákveðnum nöfnum. Enginn í sambandinu vill til dæmis heita Grikkland. Og enginn þjóð vill heita Portúgal, nema þegar fossríkt Ísland, sem enginn vildi heldur heita, lætur það ríki á barmi gjaldþrots um að "gæta loftrýmis" okkar. Á meðan flögrar kjólasettið um Hörpuna sína í pezkalla-veldi Reykjavíkur, sem kostaði jafn mikið og sú fljúgandi landhelgisgæsla sem okkur svo bráðvantar í þrjá landsfjórðunga. Vesalingaveldið lætur ekki að sér hæða. Það flögrar um loftin blá þar til þau verða rauð og lokast, eins og síðast. Adolf Hitler hefði elskað Evrópusambandið í dag. Og það hefði Stalín svo sannarlega gert líka

Ættu Bandaríkin að skipta sér af þessu ?

Heima á þröskuldi Bandaríkjanna við Karabíska hafið, er ríkið Venesúela. Þar er eiturlyfjahringur að yfirtaka landið með því að leggja hald á stjórnlagakerfi þess. Tilgangurinn er að innleiða einsflokks stjórnarfar í öllu ríkinu. Landið yrði þar með alfarið undir stjórn eiturlyfjahrings. Þangað eru öll hryðjuverkasamtök Mið-Austurlanda komin og þau eru í nánu samstarfi við Norður-Kóreu, þaðan sem stærstur grundvallarhluti þeirrar eldflauga- og kjarnorkutækni sem verið er að byggja upp í Íran, kemur frá. Kúveit upplýsti til dæmis í síðustu viku að 6000 verkamenn frá Norður-Kóreu væru að störfum í landinu. En stjórnvöld voru fljót að stroka þá tölu út af talnabandinu um leið og refsiaðgerðir Bandaríkjanna komust í tíufréttir. Þá varð talan skyndilega stórt núll. Ættu Bandaríkin að skipta sér af þessari ófreskju á dyraþrepum þess, eða ekki?

Fyrri færsla

Hverjir eru hagsmunir Kína á Kóreuskaga ? 

Athugasemdir

[Bjarne Örn Hansen (IP-tala skráð) 15.8.2017 kl. 09:45]

Alveg sammála, Hitler var heimsvaldasinni og vildi endurreisa Rómarveldi ... hann var enginn þjóðernissinni. MIIB er einnig afl sem menn ættu að forðast.

[Gunnar Rögnvaldsson, 15.8.2017 kl. 16:52]

Þakka þér Bjarne.

Fjárfestingabanki Asíu (AIIB) sem Kína stendur að 3/4 hluta fyrir, er hundrað prósent pólitískt blekkingar ökutæki Kommúnistaflokksins, sem ætlað er með blaðri er höfðar til einfeldninga með peninga og völd á heilanum, að breiða yfir veikleika Kína sem ríkis.

Þessi banki er fyrst og fremst sjúkdómseinkenni fyrir Kína því landið hefur læst sig inni í búri sem það kemst aldrei út úr, þar sem efnahagsleg velgegni þýðir minnkandi völd flokksins og óstöðugleika í einræðisherraríkinu - og hins vegar áframhaldandi fátækt, sem þýðir stöðugleika fyrir kommúnistaflokkinn, sem andar og lifir á áframhaldandi fátækt landsins.

Þetta þvaður um þennan banka á að breiða yfir þessa mótsögn. Hann er þvæla frá upphafi til enda sem beiða á yfir það sem fram fer í Kína: erfðafræðileg stöðnun vegna stjórnarfars sem ávallt er og verður ósamrýmanlegt með framförum. Það ríkir því fullt stopp í Kína og svo mun verða á meðan það er kommúnistaríki.

Það ber vott um heimsku, sveitamennsku og slæmt hugarfar að Ísland skuli styðja þennan slæma pólitíska gjörning sem þarna er um að ræða. Þetta á eftir að koma okkur í koll.

Kveðjur

[Bjarne Örn Hansen (IP-tala skráð) 15.8.2017 kl. 21:10]

Kína, á engan gullforða til að standa að baki "heimsbanka".  Bandaríkin eru enn stærsti eigandi gullforða, síðan koma þjóðverjar.  Rússar eru þeir einu sem eiga eitthvað sem máli skiptir.  Að Kína sé í fjórða eða fimmta sæti, hefur littla þýðingu þar sem miðað við manfjölda eru "eignir" þeirra langt frá því að vera nægjanlegar til að geta staðið undir heimsbanka.

Eins og þú segir, er þetta hættulegt blekkingarspil sem menn ættu að forðast sem heitan eldin.

[Ómar Ragnarsson, 15.8.2017 kl. 21:15]

Fyrstu þrjú atkvæðin í nafni Nasistaflokksins og orðmyndin "naz" eru þýdd "þjóðernis.." á íslensku.

Ég hef ekki enn heyrt eða lesið ræður neins manns enn, sem ekki hefur stagast jafn mikið á þjóðernisrembingi landsmanna sinna og Hitler, allt frá fyrstu ræðum sínum til hinna allra síðustu. 

Heimsvelda- og nýlendustefna Hitlers var afleiðing af þessu, ekki orsök. Kjarninn var sá að þýska þjóðin hefði verið svo gersamlega svikin og niðurlægð bæði af Vesturveldunum í Versalasamningunum og innlendum svikurum, að "1918 mætti aldrei gerast aftur."

Þjóðverjar ættu kröfu á því að endurheimta allt fyrra land sitt og nýlendur, og vegna "yfirburða aríska kynstofnsins" að ráða lögum og lofum í að minnsta kosti allri Evrópu austur til Úralfjalla.  

[Gunnar Rögnvaldsson, 15.8.2017 kl. 21:29]

Bjarne. Hér er átt við Fjárfestingabanka Asíulanda (Asian Infrastructure Investment Bank eða AIIB) sem ætlað er að þjóna sem farartæki fyrir "eitt belti einn vegur" (e. One Belt and One Road eða OBOR) stórpólitískt hugmyndafræðilegt yfirbreiðslu-þvaður kínverskra stjórnvalda.

Hér er fréttatilkynning um heilablæðingu ríkisstjórar Íslands í þessu máli:

31. mars 2015, Fjármála- og efnahagsráðuneytið - Ísland óskar eftir stofnaðild að nýjum fjárfestingarbanka fyrir Asíu.

[Gunnar Rögnvaldsson, 15.8.2017 kl. 21:54]

Þakka þér Ómar

Eins og þú veist er allt sem hefur með þjóð/land að gera á mörgum erlendum tungumálum með formerkinu "national". Til dæmis væri Landsspítalinn á ensku The National Hospital og Landsfundur yrði "national convention". Þetta hefur ekkert að gera með það gildi sem lagt er í þjóðerni.

Þjóðernisstefna er það sem lýtur að hinni grunnpólitísku einingu sem býr til veröldina eins og hún er. Þjóð þarf þjóðernissinna til að geta verið til. Eins og til dæmis kapítalismi þarf kapítalista til að geta verið til.

Jón Sigurðsson var þjóðernissinni af því að hann vann að málum íslensku þjóðarinnar. Þeir menn fengu það heiti að vera kallaðir "hin frjálslyndu öfl". Þeir voru andsnúnir nýlendustefnu og vildu að þjóð fengi rétt til að stjórna sér sjálf. Það er: sjálfsákvörðunarrétt. Þeirra barátta snérist um þjóð sína.

Þýski Nasistaflokkurinn var Sósíalistíski þjóðarflokkurinn. Hann snérist um sósíalisma, en ekki um þjóðernisstefnu, eins og Jón Sigurðsson tileinkaði líf sitt. Það verður að passa að kalla hlutina réttum nöfnum. 

Við erum með margar ómögulegar þýðingar á mögrum hlutum. Til dæmis þýðir íslenska orðið "myntbandalag" Evrópusambandsins ekki það sem það fyrirbæri sannarlega er. "Currency Union" er ekki það sama og "Monetary Union". Þar er grundvallarmunur á. Samt notum við sama heitið yfir þessi tvö ólíku fyrirbæri.

Adolf Hitler var kynþáttadýrkandi. Hann og menn hans bjuggu til heila fræðigrein sem var hugmyndafræðilegt þvaður um ekkert nema eitt: að þeir væru yfirmenni og sumir aðrir undirmenni. Stefna þeirra var ekki bundin við neina eina þjóð. Hún fór eins og eldur í sinu um mörg lönd. Þetta fólk þóttist vera kynþáttaaðall. En þeir gátu náttúrlega ekki hafið sig á loft nema í sínu eigin ríki fyrst. Það varð stökkpallur þeirra.

Kveðjur

[Gunnar Rögnvaldsson, 15.8.2017 kl. 22:21]

Það er kannski hægt að bæta því við hér Ómar, að það er ekki til nein fræðileg pólitísk kenning um eða skilgreining á þjóðernissinna eða þjóðernisstefnu. Það er vegna þess að hún hefur frá upphafi mannsins verið til og hluti af honum. Eins er með móðurástina. Það er ekki til nein kenning um móðurástina. Hún bara er, meðfædd og lífsnauðsynleg. Þjóðernistilfinningin eða þjóðernisstefna er það sem næst kemur móðurástinni, þ.e. ást eða væntumþykja um sitt eigið fólk og sína nánustu.

Þjóð getur ekki verið til án þjóðernissinna. 

[Bjarne Örn Hansen (IP-tala skráð) 16.8.2017 kl. 05:52]

Síðan er annar þáttur sem Ómari ferst með, og það er sú staðreynð að Hitler lét myrða þjóðernissinnana í Nasista flokknum á nótt hinna löngu hnífa.  Hið svokallaða SA var það sem tíðkast að kalla "nasista", en SS var þjálfaður her undir Hindenburg.  Í liði SA voru hommar, og annað "frjálslynt" lið sem Hitler líkaði ekki við.

Síðan virðist Ómar, eins og margir aðrir sem ekki hafa fyrir að fræða sig, ekki skoðað hvaðan "hakakrossinn" er kominn. Hann tilheyrir Rómarveldi og Róm var og er "fjölþjóða" eða "fjölmenning". Hilter vildi skapa hið "fjórða" Rómarríki.

Síðan er ég ötull aðdáandi Winston Churchills. Þessi maður sagði "The fasicst of the future, will be called anti-fascists". Það eru vinstri öflin, sem eru nasistar og fasistar nútímans ... þeir sem boða bönn, banna þér að hafa skoðanir ... halda uppi hugarfari miðalda "ekki fitla, þú getur orðið blindur" ... sem koma og "berja" þá sem kalla sig orðinu "Nasistar" ... Ég ætla mér að leifa mér að benda á þetta atriði ... "a rose, by any other name, is still a rose".  Því það er ekki nafnið, sem skapar málið ... að nokkrir unglingar ganga um götur og mótmæla samfélaginu, og nota till þess þjóðfélags-andstæð hugtök eins og nasisti hefur ekkert með nasisma að gera. Að fólk kalli sig "frjálslynt" en á sama tíma gengur um og brýtur rúður, brennir bíla, hótar og myrða og útrýma fólki ... vegna skoðana, útlits eða bara vegna þess að það er "andstætt" þeim ... ÞETTA ER NASISMINN.  Og þeir verða ekkert minni nasistar, af því að kalla sig "gott" fólk.

Þýskaland á milli stríðsáranna, átti við mörg vandamál að stríða ... efnahagsleg og þjóðfélagsleg.  Hitler, kenndi "bankamönnum" um öll vandræðinn.  Heimskur almenningurinn, sem ekki hafði vit á að skoða málin nánar ... gerði það sama þá, og það gerir á íslandi, í evrópu og bandaríkjunum í dag. Gengur um götur, brýtur rúður, setur eld á bíla, lemur fólk á götunni ... birtir myndir af sér "með blóðugan haus" í höndunum ... þetta er sama "aðfarirnar" og Nasistar þýskalands höfðu í frammi.

Þessi "skríll" nútímans, telur sig vera að andmæla "því illa". En herra Ómar Ragnarsson ... ertu svo vitgrann, að þú heldur að þjóðverjar hafi haft eitthvað annað hugarfar í sínum littla heimska kolli en "góða" fólkið í dag? Heldur þú virkilega, að þjóðverjar hafi vaknað upp ein morgunn og sagt "Nú ætla ég að vera illmenni og myrða gyðinga".  Heldur maður þetta, er maður hreinlega ILLA GEFINN. Þjóðverjar voru að berjast "gegn því illa", nákvæmlega eins og "góða fólkið" í dag. Brenndi, barði, braut og bramlaði, hótaði og myrti ... alveg eins og "góða fólkið" í dag ... allt í nafni þess, að þeir væru að "berja á illmennunum".

En Hitler, hvaða "þjóðernissinni" er það sem berst fyrir að vera heimsveldi. Þú getur aldrei skapað "heimsveldi" nema með "fjölmenningu". Róm, var og er "fjölmenning".  Bandaríki Norður Ameríku eru Romarveldi nútímans. Hugarfar þeirra, er "heimsvaldastefna" ... alveg eins og Hitler.  George Bush, ákvað að myrða miljónir manna fyrir að sprengja tvær byggingar í Bandaríkjunum ... og Albright orðaði þessair miljónir dauðra sála sem "a good start".  Hillary Clinton hrópaði upp yfir sig "We came, We won ... he's dead". Og hló síðan, ofan í öll líkin og beinin sem lágau á götunni dauð .. líka af börnum, konum og eldra fólki.  Heilt þjóðfélag lagt í eyði ... henni fannst það "gamanmál".

"Góða" fólkið, hvort sem það er á íslandi, bandaríkjunum, sovétríkjunum eða þýskalandi nasismans ... er heimskt fólk, sem ekki lýtur á málin frá annarri hlið ... en blindu hliðinni, og er tilbúið að berja, limlesta og myrða í nafni "þess góða".