Leita í fréttum mbl.is

Ný bylgja farms mannsmyglara að skella á Ítalíu

Ný holskefla "flóttamanna" er nú að skella á suðurstöndum hins fársjúka Evrópusambands. Á Ítalíu hafa 22 skip með tólf þúsund manns lent á síðustu tveim sólarhringum. Þetta eru skipsfarmar fólks mannsmyglara sem græða á tá og fingri á fullveldislömuninni sem Evrópusambandið hefur valdið ríkjum þess

Frá áramótum hafa mannsmyglarar hent 76 þúsund manns í hausinn á ítölskum skattgreiðendum, fyrir risavaxnar summur illa fenginna peninga. Þeim fjármunum sem frá mannsmyglinu kemur er síðan veitt til framköllunar á enn frekari straumi nýrra viðskiptavina. Talið er að Ítalía sé fæðingarland Mafíunnar. En enn hefur þó ekki tekist að koma lögum yfir þann félagsskap innan landamæra landsins, og sem galopin eru út til annarra ESB og EES ríkja Evrópu. Talið er að Mafían hafi þénað mest allra á ESB-aðild Ítalíu og upptöku evru

Ítölsk stjórnvöld hafa nú fengið nóg og hóta að loka öllum höfnum landsins nema að Evrópusambandið kaupi þennan smyglvarning glæpagengja af herðum Ítalskra skattgreiðenda. En bök þeirra eru nú þegar mölbrotin vegna evruupptöku landsins, sem fært hefur fjármálakerfi Ítalíu að heljarbrún

Ítölsk stjórnvöld heimta því að mannsmyglinu verði dreift áfram sem jöfnu teppasprengjuregni yfir öll 27 lönd sambandsins. Að sögn þeirra sem til þekkja eiga sér nú hástemmd pólitísk orðaskipti stað á milli Rómar og Brussel

Í Þýskalandi er Angela Merkel aftur að sækjast eftir endurkjöri sem kanslari landsins. En sumir þýskir stjórnmálamenn hafa sagt að Merkel muni, öryggis síns vegna, þurfa að flýja til Suður-Ameríku þegar hún fer frá völdum, vegna þess hvernig hún tók á síðasta teppasprengjuregni mannsmyglara yfir Þýskaland og Evrópu. Hvernig skyldi hún taka á þessu málin núna, þegar þýskir kjósendur eru minntir svona á síðast. Fimm ára barni hefði tekist betur en Angelu Merkel í glímu við vandamál sem taka þarf á og leysa

Sænska Säpo-öryggislögreglan segir nú að það regn hafi skolað jafnvel tíu þúsund stórhættulegum ofbeldisleitandi öfgaíslamsmönnum inn í Svíþjóð. Árið 2010 mat Säpo að um 200 slíka einstaklinga væri að ræða innan landamæra sænska ríkisins. Hafa ber í huga að þetta er stærri tala en allur sá fjöldi hermanna NATO sem á vakt er vegna Rússlands í Austur-Evrópu. Þessi smyglaði mannafli gæti hæglega tekið hluta af sænska ríkinu á sitt vald og hafist handa við aftökur á sænskum ríkisborgurum, komist hann yfir nægilegar vopnabirgðir

Þeim svæðum í landinu sem ekki teljast lengur hæf til að lúta valdi ríkisstjórnarinnar í Stokkhólmi, hefur fjölgað um átta svæði upp í 61 landsvæði. Sænska lögreglan segir að svæðin séu ekki lengur hæf til þátttöku í sænska ríkinu né réttarfari þess og biður um hjálp. Lögreglan segist varla geta sinnt lögboðnu löggæsluhlutverki sínu á þessum svæðum

Það styttist sennilega óðum í herstjórn á þessum svæðum. Að Svíar þurfi að beita hernum í sínu eigin landi. Hluti af Svíþjóð er að breytast í útlönd, þ.e. í hluta af Mið-Austurlöndum

Hafa þessi ummæli Säpo nú haft þau áhrif í Danmörku að þar krefjast stjórnmálamenn þess að dönsku landamærunum á milli þessara tveggja Norðurlanda verði lokað og að engum sé hleypt þar um, nema undir fullu eftirliti. Hættan sem steðjar að Danmörku kemur ekki lengur aðeins frá suðri, heldur einnig frá norðri

Frönskum hersveitum sem standa í aðgerðum vegna borgarastyrjaldarinnar í Mið-Austurlöndum, hefur verið gert að sjá til þess að komið sé með öllum ráðum í veg fyrir að þeir einstaklingar og ríkisborgarar sem frá Frakklandi hafi snúist til liðs við bardagasveitir Ríkis íslam, geti snúið lifandi heim til Frakklands á ný. Hvar sem til þeirra næst, skal frá þeim gengið að fullu. Ekki verður liðið að þeir snúi lifandi heim til Frakklands á ný, til að vinna þar að frekari manndrápum (WSJ)

Þá mannsmyglara sem standa fyrir þessum straumi verður að handtaka, dæma fyrir mannsmygl og fangelsa. Höggva þarf skip þeirra upp og taka af þeim öll skipstjórnarréttindi, skyldu slík vera til staðar. Vísa þarf þeim úr lögsögunni og banna þeim nokkru sinni að koma inn í hana aftur. Skyldu þeir nást við iðju sína á ný, þarf að herða viðurlögin

En þetta mun auðvitað ekki fara svona vegna þess að æðsti talsmaður utanríkis- og öryggisstefnu Evrópusambandsins er hin ítalska Federica Mogherini, sem ólst upp í ungliðahreyfingu ítalska kommúnistaflokksins. Hún vill að hryðjuverkaskapandi stjórnmál íslamistatrúar verði hluti af tilvistargrundvelli Evrópusambandsins

Hún sagði í sumarræðu sinni árið 2014 að "pólitískt íslam" ætti að vera hluti af tilvistargrundvelli Evrópusambandsins. Þetta er firra því ekkert annað en einmitt pólitísk útgáfa af íslam er til. Federica Mogherini er gott dæmi um veruleikafirrtan umboðslausan embættismann elíta á ofurlaunum Brusselveldisins. Hefur því veldi veruleikafirringar nú tekist að sprengja Evrópu aftur á aðdragandastig Fyrri heimstyrjaldar

Enn og aftur hefur það sýnt sig að Evrópusambandið er fullkomlega ófært um að leysa nein þau vandamál sem steðja að því á ytri landamærum þess. Þetta sást þegar Júgóslavía var að brotna upp. Þetta sést vegna Rússlands og þetta sést hér á Íslandi á þeirri tenginu sem land okkar hefur við tortímingarvél ESB. EES-samningurinn er því að verða sjálfkeyrandi rottueitur fyrir Ísland

Evrópusambandið getur ekki leyst nein vandamál innan landamæra sinna né hvað þá heldur á sjálfum landamærum þess og alls engin vandmál getur það leyst utan þeirra. Sambandið er bara svarthol. Þar sogast bara allt inn og ekkert sleppur lifandi út. ESB er orðið svarthol uppsafnaðra vandamála

Fyrri færsla

Rekur Hitler CNN? - og náttúrubólan að verða búin


« Síðasta færsla | Næsta færsla »

Athugasemdir

1 identicon

Betra samstarf við Bandaríkin og Bretland ... burt með EU.  Loka landamærunum.

Bjarne Örn Hansen (IP-tala skráð) 29.6.2017 kl. 12:43

2 Smámynd: Jónatan Karlsson

Satt og rétt Gunnar, en hvað athugasemd Bjarne varðar, þá er hún ágæt, en þó ætti sérstaklega að styrkja tengslin við Rússland og enn fremur Kína.

það þarf víst ekki hér að undirstrika frekar nauðsyn þess að yfirgefa óheylla Schengen-samstarfið sem fyrst.

Jónatan Karlsson, 29.6.2017 kl. 14:59

3 Smámynd: Jónatan Karlsson

Óheilla.

Jónatan Karlsson, 29.6.2017 kl. 15:00

4 Smámynd: Gunnar Rögnvaldsson

Þakka ykkur fyrir innlit og skrif.

Seðlabanki Bandaríkjanna gaf í gær út skýrslu sem segir að ólöglegur fjármagnsflótti frá hinu gerspillta kínverska hagkerfi kommúnistaflokksins, á barmi örvæntingar, fari nú að hluta til fram undir merkjum "ferðamennsku". Ólöglegt fé sem flokkurinn og glæpaklíka hans hefur stolið frá þjóðinni er fluttur úr landi undir yfirskini ferðamennsku, til þess að reyna að lækka þannig viðskiptahagnað Kína við sérstaklega Bandaríkin.

Seðlabanki Bandaríkjanna segir þetta berum orðum og þau orð mun Donald J. Trump hlusta á með sperrtri athygli.

Fríverslunarsamningur geðklofinnar ríkisstjórnar Samfylkingarinnar við Kína, hefur skolað hingað kínverskum ferðamönnum sem hvergi annarsstaðar fá að aka um á þjóðvegum og sem valda hér vegna óhæfni stórkostlegum hættum fyrir íslenskan almenning á vegunum.

Það væri fróðlegt að fá það staðfest að þessi viðskipti við Ísland undir merkjum ferðamennsku nái ekki einnig til innflutnings ólöglegs fjármagns sem ratað gæti hinar ótrúlegustu leiðir inn í þjóðfélag okkar. Skemmst er að minnast Nubo úr áróðursráðuneyti kommúnistaflokksins, sem hafði sand peninga til umráða og sem voru örugglega á vegum flokksins. 

Ísland má sennilega enn sem komið er þakka fyrir að vera ekki komið á svartan lista fyrir þennan svo kallaða fríverslunarsamning við Kína. Sérstaklega séð í ljósi þess að enginn er frjáls í Kína.

Ég vona að Seðlabankinn og Fjármálaeftirlitið séu meðvituð um þetta og hafi eftirlit með "fjármagnsflutningi" af þessu tagi í formi "ferðamanna".

Fríverslunarsamningur við Kína er vitfirring.

Viðskipti okkar við Rússland byggja gömlum grunni og gagnkvæmum hagsmunum en ekki neinum samningum, enda óþarft því svo kallaðir "fríverslunarsamningar" eru alls ekki endilega af hinu góða. En þessu viðskipti okkar við Rússland eru núna gísl EES-samningsins og því engin. Á meðan heldur útflutningur Þýskalands til Rússlands áfram án sérstakra skakkafalla. 

Þetta er út úr kú.

Kveðjur

Gunnar Rögnvaldsson, 29.6.2017 kl. 16:21

5 Smámynd: Helga Kristjánsdóttir

Það á að vara í forgangi að segja upp Shengen,vona innilega að Bjarni hlusti ekki á úrtölur samstarfsflokkanna í ríkisstjórn.

Helga Kristjánsdóttir, 29.6.2017 kl. 16:34

6 identicon

 http://www.friatider.se/70-polisstationer-st-nger-i-sommar-finns-inga-pengar

 Af því að þú nefnir ástandið í Svíþjóð, þá er allt í lagi að senda þetta inn og sýna að ástandið þar er margfalt verra en hægt er að gera sér grein fyrir.
Ástæðan er að sjálfsögðu gígantígskur kostnaður af "flóttafólkinu" sem flæðir óhindrað inn í landið.
Sænska ríkið "Feministisku sósialistarnir" taka á móti ISIS morðingjum tveimur höndum þegar þeir koma til baka, útvega þeim íbúð, afskrifa lánin ef einhver eru, nýtt ID, vinnu ef þeir vilja og ýmsa kúrsa. Elítan heldur að það sé hægt að heilaþvo islamista og morðingja. 

valdimar jóhannsson (IP-tala skráð) 29.6.2017 kl. 16:53

7 identicon

Í þessu er ég alveg sammála þér Gunnar, vel skrifað og góð grein.

Hvað varðar ummæli Jónatans, þá er ég einnig sammála Gunnari í að með því að fjarlægja ESB og EU samningin, þá verða tengsl okkar við Bandaríkin og Rùsslan, eðlileg.

Bjarne Örn Hansen (IP-tala skráð) 29.6.2017 kl. 20:55

8 Smámynd: Gunnar Rögnvaldsson

Þakka ykkur Helga og Valdimar fyrir innlit og skrif.

Kveðjur

Gunnar Rögnvaldsson, 29.6.2017 kl. 22:35

9 Smámynd: Gunnar Rögnvaldsson

Fjármálaráðuneyti Bandaríkjanna skellti í dag kínverska ríkisbanka Dandong á svartan lista yfir glæpsamlegar peningaþvottastöðvar sem hvítþvo fjármagn fyrir ríkisstjórn Norður-Kóreu.

Öllum aðilum í Bandaríkjunum verður hér með bannað að eiga viðskipti við hann og kínverska skipafélagið Dalian Global Unity Shipping Company sem er kínversk útidyrahurð inn í Norður-Kóreu.

Ég vona að aðilar hér heima viti hvað fram fer í landi okkar undir þessum svo kallaða "fríverslunarsamningi" við Kína. Skyldi hann einnig teygja anga sína inn í Norður-Kóreu.

Gunnar Rögnvaldsson, 29.6.2017 kl. 22:38

10 identicon

því miður er allt kórrétt í þessum skrifum. Svíþjóð er holræsi í dag. Grunnréttindi lýðræðis eins og tjáningafrelsi er afnumið. búið að sturta því niður í klóaksrör pólitísks rétt-trúnaðar. Þöggun,yfirhylming og fréttafölsun er dagskipun stjórnvalda eftir þaulskipulögðu plani Merkelistanna í ESB. Svíar búa við stöðugt ofbeldi af hálfu islamista sem fals-fréttamiðlarnir kalla glæpaklíkur og glæpagengi. Sænskar konur lifa á víða í stöðugum ótta vegna nauðgana og áreitis af hálfu hinna "friðelskandi múslima". Borg eins og Malmö rambar á barmi gjaldþrots því múslimaskríllinn sem búinn er að hertaka borgina nennir alls ekki að vinna og lifir eins og blóðsugur á bótakerfinu en hatar allt sem sænskt er. Bílabrennur og skemmdarverk eru daglegt brauð. Rúmlega 50 hverfi eru algjörlega á valdi islamista og þar gilda sharia-lög. Lögregla, slökkvilið og sjúkrabílar hætta sér ekki þar inn af ótta við árásir islamistanna. Ástandið hjá frændum okkar í Svíþjóð er hræðilegt en meðvirknin og afneitunin er sjúkleg. Eins og fjölskylda sem býr við ofbeldi og kynferðisglæpi er reynt að láta líta út fyrir að allt sé í himnalagi. Eins og lítil varnarlaus frænka brosir sænska þjóðin til krataforingjans og vonar að næsta nauðgun verði ekki eins sársaukafull, veifar sænska fánanum og segir að Donald Trump eigi að skammast sín fyrir að ljúga uppá sænska fyrirmyndaríkið.

Þórir Kristinsson (IP-tala skráð) 29.6.2017 kl. 22:41

11 Smámynd: Jónatan Karlsson

Ég má að lokum til að benda þér Gunnar á, að þú skalt ekki trúa öllu sem bandarísk yfirvöld segja, eins ágætir og Kanar nú annars eru.

Raunveruleg ástæða þess að Kínverjar eru á faraldsfæti út um allar jarðir nú um stundir er einfaldlega sú að kínverska millistéttin sem hefur efni á að ferðast er orðin fjölmennari en öll bandaríska þjóðin og er það auðvitað ástæða gjaldeyris notkunar þeirra, fremur en illkvittið gjaldeyris samsæri.

Jónatan Karlsson, 30.6.2017 kl. 07:14

12 Smámynd: Gunnar Rögnvaldsson

Þakka þér innlit og skrif Jónatan

Rannsókn bandaríska seðlabankans segir að fjármagnsflóttinn frá Kína sé svo mikill að fela verður hann sem neyslu kínverskra ferðamana erlendis.

En hér er mest um straumfarir kommúnistaflokksins að ræða, þ.e.a.s hér er um að ræða flótta flokkelítanna frá því eina sem Kína hefur í miklu magni; og sem eru þúsund milljón fátæklingar sem lifa á tveimur dölum á dag.

Þessi elíta er að gera einkaheri sína út á örkina sem ferðamenn með greiðslukort sem notuð eru til fasteignakaupa og annarrar staðsetningar fjármagns í löndum þar sem eitthvað borgar sig enn. Svo fáar athafnir borga sig lengur í kínverska hagkerfinu að flokkselítan sendir heri af ferðamönum út um veröldina til að fela peninga hennar áður en Kína brasar saman í 80 prósent eignahruni hins dæmigerða útflutningsdópista.

Reynt er með þessu að koma í veg fyrir að útflutningshagnaður myndist í þjóðhagsreikningum landsins sem notaðir eru til að mæla þær refsiaðgerðir sem ríkisstjórn Donalds J. Trump er að sjóða saman handa gengisfalsaranum Kína.

Svo seint sem í mars reyndi kínverska Unionpay að loka á fasteignakaup ferðamannaherafla kommúnistaflokkselítunnar með greiðslukortum og hvítþvott hennar í hraðbönkum um allan heim.

Í flokknum sem hefur þúsund hendur veit engin hönd hvað hin gerir þar til þær höggnar eru af og koma til fingrafaragreiningar í aðalritaradeildum hans.

Þegar bókhalds-skreytingarnar eru skafnar af kínverska hagkerfinu þá stendur Japan enn eftir sem stærsta hagkerfi Asíulanda. Og um háls japönsku ríkisstjórnarinnar hanga ekki þúsund milljón fátæklingar sem allir hata ríkisstjórn sína.

Það styttist í áramótasýningu stóra kínverjans, sem ekki verður haldin til styrktar hjálparsveitum kommúnistaflokksins.

Árið 1971 átti sovéska hagkerfið að verða það stærsta í veröldinni innan skamms. Sovétríkin hættu að vera til 1991. Já já.

Árið 1987 átti japanska hagkerfið að verða það stærsta í veröldinni innan skamms. En það var búið að vera hrunið í þrjú áður en það hrun komst á forsíður fjölmiðla á vesturlöndum. Svo vel var það hrun falið. Já já.

Og þannig verður hrunið einnig í Þýskalandi, uber útflutningsdópista veraldar. Þegar það gerist þá dettur síðasti skórinn af ESB-margfætlunni. Já já.

Kveðjur

Gunnar Rögnvaldsson, 30.6.2017 kl. 08:42

13 Smámynd: Gunnar Rögnvaldsson

Þakka þér Þórir Kristinsson fyrir skarpa greiningu þína á sænsku sjálfstortímingar veikinni. Þetta er mjög sorglegt allt saman, svo ekki sé minna sagt.

Kveðjur

Gunnar Rögnvaldsson, 30.6.2017 kl. 08:53

14 Smámynd: Jónatan Karlsson

Það er erfitt að rökræða frekar við þig um þetta eina atriði sem mér sýnist við ekki vera sammála um, þegar þú hefur svar þitt á að vitna beint í rannsókn bandaríska seðlabankans á ferða gleði Kínverja sem reyndar eru líklega eftirsóttustu túristarnir í þeim geira um þessar mundir.

Hefur þú t.a.m. haft af því spurnir að Kínverjar hafi verið að kaupa fasteignir á Íslandi?

Að endingu verð ég að hvetja þig til að heimsækja Kína og kynna þér ástandið þar með eigin augum.

Jónatan Karlsson, 30.6.2017 kl. 09:49

15 Smámynd: Helga Kristjánsdóttir

 Langt síðan Kjartan Sigurðsson (Photo)hefur sent mér myndir frá Kína(Sjanghæ). Þótt ekki væru þær um pólitík var þar margt fróðlegt.

Helga Kristjánsdóttir, 30.6.2017 kl. 14:26

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband