Leita í fréttum mbl.is

Jæja, virka stýrivextir ekki?

Því var árum saman haldið fram hérna heima á meðan koppasveit Samfylkingaflokka var að reyna að troða Íslandi inn í Evrópusambandið, að stýrivextir krónunnar okkar virkuðu ekki. Þetta var gert til að blekkja almenning, kjósendur

En núna er mikið grátið yfir því hve stýrivextir Seðlabankans virka vel. Og að þeir séu náttúrlega allt allt of háir í hraðast vaxandi hagkerfi Vesturlanda, sem er jafn galin ályktun og sú fyrri

Stýrivextir virka. Þeir virka alltaf en það tekur mismunandi langan tíma að láta þá virka. Það sést til dæmis á allri Suður-Evrópu. Hún liggur í rúst eftir neikvæða raunstýrivexti ECB-aukaseðlabanka Þýskalands, sem bjó þar til stærstu fjármálabólu veraldar. Raunstýrivextir hans voru háðir þjóðerni og útkoman úr hamförum þessa ECB-eiknaseðlabankalings Þýskalands eru háðar þjóðerni

Þetta er hinn innbyggði kerfis-nasismi Evrópusambandsins, hann er háður þjóðerni og sem logið var upp sem sú stofnun sem átti að búa til evrópskrar útkomur, en ekki útkomur byggðar á þjóðerni. Ef þú heitir Þýskaland þá ertu í góðum málum. En ef þú heitir Grikkland eða Suður-Evrópa þá ertu rusl. Svona er allt sambandið

Á Íslandi er engin sérstök eyfirsk útkoma úr krónunni né heldur reykvísk útkoma. Það er vegna þess að íslenska krónan er raunveruleg mynt, en evran er hins vegar gjörspillt pólitískt ökutæki dulbúin sem mynt. Evrópusambandið er ónýtt og það er að eyðileggja Evrópu

Og nú hefur koppaþing ESB lagt til að atkvæðaréttur Ungverjalands í Evrópusambandinu verði afnuminn og frá landinu tekinn. Og sennilega er Pólland næst á þeim lista. Þetta gengur bara vel. Rússland gleðst og Hitler væri stoltur

Vestur-Evrópa býr ekki á sömu pólitísku plánetu og Austur-Evrópa. Svo halda menn að þessi lönd geti verið á sömu mynt. Þvílíkir grasansar. Vestur-Evrópa mun aldrei koma Austur-Evrópu til aðstoðar. Alveg sama þó svo að Rússland réðist inn í hana, Vestur-Evrópa myndi ekki lyfta litla fingri þeim til aðstoðar. Það eina sem verndar Austur-Evrópu eru Bandaríki Norður-Ameríku af því að þau hafa sameiginlega hagsmuni. Pólland á ekkert sameiginlegt með Frakklandi og öfugt. Ekkert! Evrópa er ekki til nema sem landfræðilegt heiti

Evrópusambandið og morknar stofnanir þess halda tortímingarför sinni áfram um allt meginlandið. Það hefur sambandið gert frá stofnun þess. Enginn skreiðarhjallur Íslands væri nógu stór til að hengja koppasveitir Evrópusambandsins þar upp til þerris. Svo stórt er þetta heimsveldi afglapa

Fyrri færsla

Microsoft í samvinnu við Norður-Kóreu gegnum NSA?


« Síðasta færsla | Næsta færsla »

Athugasemdir

1 identicon

Ég mótmæli harkalega, að hugsunarháttur í Evrópu sé háður þjóðerni ... nema þá að ég tilheyri einhverju annarlegu utbrotarþjóðerni sem ekki er viðurkennt í Evrópu.  Nei, Evrópa er á leið inn í Feudal society ... eða aftur til miðalda, með kerlingarblækur í fararbroddi.

Bjarne Örn Hansen (IP-tala skráð) 17.5.2017 kl. 18:50

2 Smámynd: Gunnar Rögnvaldsson

Skalinn er svona Bjarne:

0: Áföll sem Evrópusambandið í norðri bjó til dynja yfir þjóðir sambandsins árið 2008.

1) Hvert evru-ríki fyrir sig reynir að hoppa í gömlu björgunarbátana (fullveldis í peningamálum sem og flestum öðrum málum og svo landamærin sín) en sem búið er að brjóta í spón og brenna. Þeir eru ekki til lengur. Löndin byrja því að sökkva.

2) Myntbandalagið reynist engan vegin vera sá áfallaleysandi mekanismi (e. resolution mechanism) sem það var markaðsfært og selt sem.

3) Útkoman úr áföllunum er algerlega háð þjóðerni.

4) Í hinum brennandi enda skalans yfir útkomurnar úr áföllunum er logandi Grikkland og Suður-Evrópa, og svo smáríkið Írland, sem ESB er illa við vegna skattakerfis.

5) Í sólskinsenda skalans yfir útkomurnar úr áföllunum er Þýskaland. Það er alger sigurvegari, því það réði mestu og það hafði skrúfað myntbandalagið þannig saman í fæðingarferli þess, án vitundar almennings og aðildarríkjanna, að þetta yrði einmitt útkoman úr þeim áföllum sem það bjó til með því að hafa ESB í rassvasanum sem sú þríhyrnda utanþings-mafían sem stjórnar Þýskalandi er, og það með allri Evrópu núna: Þessi mafía er: a) Þýsku Bankarnir, rotnir inn að beini. b) Þýska útflutningsmafían (gamli aðallinn) og europhiles (ESB klíkan).

Aldrei áður í sögu Evrópu hefur munurinn á aðstæðum fólks í löndum hennar verið eins háðar þjóðerni eins og þær eru núna. Ef þú ert Grikki þá er líf þitt búið að vera. Þú átt enga framtíð. Ef þú ert Þjóðverji þá er framtíð þín allt allt önnur frá og með 2008. Það var þetta sem ESB átti að koma í veg fyrir að myndi gerast og sérstaklega myntbandalag þess.

Svo er þetta ESB-batterí að fordæma þá sem neita að láta kála sér svona, sem verandi "þjóðernissinna" ef þeir reyna að verja sig. Þeir sjá ekki fjallið sem stendur fast í auga þess. Það eina sem ESB á eftir að reyna að gera er að reyna að banna móðurástina. Þar með yrðu sovétríki þeirra fullkomnuð. En sovétið reyndi einmitt þetta; að banna móðurástina. 

Það verður fróðlegt að fylgjast með því þegar fangarnir á hinum innri-einka-markaði Þýskalands í ESB yfirgefa fangabúðirnar, einn af öðrum. Þá mun Þýskaland brasa saman, það þolir ekki að missa gíslana sem eru handjárnaðir við það með hinu fasta gengisfyrirkomulagi evrunnar á hinum svo kallaða innri markaði, sem í reynd er einkafangabúðir útflutningsdópistans Þýskalands.

Það verður einnig fróðlegt að horfa á framvindu mála hjá Intermarium löndunum í austri. Þau eiga lítið sameiginlegt með Vestur-Evrópu. Fyrir þær þjóðir er ESB farið að líkjast fangelsi. 

Kvðejur

Gunnar Rögnvaldsson, 17.5.2017 kl. 20:59

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband