Leita í fréttum mbl.is

Bretland losar sig við hlut sinn í Evrópusambandinu

 

Lenín í gömlu Sovétríkjunum

Bretland hefur ákveðið að losa sig við hlutabréf sín í Evrópusambandinu. Rekstur sambandsins gekk erfiðlega um stund, en eftir að nýtt Þýskaland hóf yfirtöku á flestum atkvæðagefandi hlutum þess, er Bretum nú ljóst að Evrópusambandið hefur ávallt síðasta orðið sem Sameinað Þýskalandi H/F. En það þýðir að kjölfestir hluthafar hafa ekki lengur orðið og að félagið stendur því líklega frammi fyrir afskráningu og einkafélagsformyndugleika. Greinendur eru sammála um mikilvægi þess fyrir Breta að hafa losað sig við hlut sinn í tæka tíð

Áhrifin á Evrópusambandið GmbH verða hins vegar þau að fjármálalegi stöðugtlekinn sem einkennt hefur Evrópusambandið, mun verða enn meiri og gera bankakerfi jafnvel óþörf í löndum sambandsins. Áhrifin á peningastefnu ESB eru þau að hún verður endurskoðuð á kjörtímabilinu sem á ný er þúsund ár

Bretland hefur þó skilið eftir þann helming eignastýringar sem í augnablikinu sér um markaðsvakt á bréfum Rússlands í Eistlandi, Lettlandi, Litháen, Póllandi, Rúmeníu og Búlgaríu. Hinn helminginn sjá Bandaríki Norður-Ameríku um, vegna þess hve tímafrekt það er fyrir hina innri markaðsvakt Evrópusambandsins sjálfs að sjá um peningatalningu hins innri markaðar Þýskalands í sambandinu

Lýkur þar með þátttöku Bretlands í stjórnmálum 28 annarra ríkja á meginlandi Evrópu. Í framtíðinni mun Bretland einbeita sér að sínum eigin stjórnmálum og hefja viðskipti við heiminn á ný undir merkinu "hinn ytri markaður". Verður vörumerkjastjórn aftur sett í hendur breskra kjósenda undir slagorðinu:

Great Britain!

Fyrri færsla

Auðvitað er NATO úrelt - eins og það er núna


« Síðasta færsla | Næsta færsla »

Athugasemdir

1 Smámynd: Ragnhildur Kolka

Hún er rösk, hún May og hún lætur ekki þunglamalegan hramm þýska Bjarnarins slá sig út af laginu. Staða Bretlands er góð, svo góð að þeir treysta sér til að sigla undir eigin vélarafli. Spurning hvort fleiri ríki treysti sér að fylgja þeim eftir.

Ragnhildur Kolka, 18.1.2017 kl. 16:40

2 Smámynd: Gunnar Rögnvaldsson

Þakka þér Ragnhildur fyrir að minna mig á:

- að núna snýst friðarsúlan Evrópusambandið um neikvæða samstöðu innan þess til að sýna þeim sem eftir eru í sambandinu að þeir ættu ekki að voga sér né hvað þá hugsa um að yfirgefa það, og að búa þannig til kúgunar óvináttu á milli ríkja til að leyna sovéskri velmegun, skuldafjöllum, niðurskurði, kúgun, ónýtum bankakerfum, peningaskömmtun, valdníðslu, eignaupptöku og sívaxandi alræði innan sambandsins.

Það eina sem vantar upp á að þetta sé eins og meðferð Sovétríkjanna var á þeim leppríkjum miðstjórnarinnar í Kreml sem vildu og jafnvel reyndu að yfirgefa þau, eru vopnin. Þau vantar enn vegna þess að ESB er ekki treyst af neinum ábyrgum ríkjum til að hafa þau í neinum fórum sínum.

Þetta samband á eftir að enda hörmulega illa fyrir meginland Evrópu. Hörmulega illa.

Skál fyrir frú May og útgöngunni! 

Kveðjur

Gunnar Rögnvaldsson, 18.1.2017 kl. 18:43

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband