Leita í fréttum mbl.is

Meginland taparanna: "Evrópusambandið aldrei sundraðra"

Perspektíf Þýskalands

Mynd: geopólitískt perspektíf Þýskalands á landmassa evrasíu. Svona sér Þýskaland heiminn sinn og Evrópusambandsins. Þessari sýn deilir Austur- og Suður-Evrópa ekki með Þýskalandi, sem á orðið allt ESB

Já þetta er mikið rétt hjá honum Sigmari Gabríel þarna í Þýskalandi (sjá frétt Morgunblaðsins að neðan); Þýskaland þénar mikið og stórt á óförum annarra. Enda var það alltaf tilgangurinn með evrunni og myntbandalagi Evrópusambandsins

Evrusvæði Evrópusambandsins er núna haldið saman með peningapólitísku ofbeldi án skriðdreka til að komið sé í veg fyrir að Þýskaland verði gjaldþrota. Þýskaland er því miður öfugsnúið öldrunarhagkerfi, sögulega ólæst á efnahagsmál og jafnframt vestur-kína Evrópu, sem getur ekki staðist vegna þess að 50 prósent útflutningsfíkn þess af landsframleiðslu þolir ekki að missa neinn gísl úr því gíslatökubúri sem búið er að gera Evrópusambandið að handa Þýskalandi

Þýskaland þolir ekki að neitt land yfirgefi útflutningsmarkað þess sem er hinn svo kallaði "innri markaður" og sem hönnunarlega séð er fyrst og fremst til fyrir Þýskaland, alveg eins og allt ERM dótið sem sprakk 1992 var, og gerði um leið Þýskaland þá að hinum sjúka manni Evrópu. Evran átti hins vegar að halda þessu búri saman

Helmingur alls útflutnings Þýskalands fer til hins svo kallaða innri markaðar. Útflutningsfíkn upp á tæp 50 prósent af landsframleiðslu í fjórða stærsta hagkerfi veraldar með 18 lönd hlekkjuð við sig í læstu gengisfyrirkomulagi, er stærð sem startað getur heimsstyrjöld. Og það er einmitt það sem líklega mun gerast, með dyggri aðstoð frá austur-kína í Kína. Það er ekki hægt að byggja sólkerfi með 18 plánetum í kringum svarthol. Þýska hagkerfið er svarthol. Eyðileggjandi massíft svarthol

Vanti Þýskalandi enn lægra gengi gagnvart umheiminum, þá kveikir það bara í einu landi evrusvæðis í viðbót. Dugi það hins vegar ekki til, þá er milljón manna massa af geimverum með handsprengjur frá öðrum plánetum rétt í þessu sleppt lausum á hin handjárnuðu leppríki sem læst eru föst inni í Evrópusambandinu með evrum undir pervertri peningastefnu, sem einungis er tandurhrein heimsvaldastefna (e. imperialism) í nýjum klæðum

En það er alrangt hjá Sigmari Gabríel að þá myndu "börnin okkar og barnabörn fordæma okkur" fyrir að frelsa Evrópu frá oki evru og ESB með því að leggja sambandið niður. Þau munu hins vegar fordæma foreldra sína fyrir að hafa búið til þann Frankenstein peningamála sem evra Evrópusambandsins er. Fordæma þá eins og heimsvaldasinnaðir nasistar voru fordæmdir fyrir að tortíma Evrópu með imperialisma sem stúta átti öllum þjóðríkjum Evrópu, Mið-Austurlöndum og Norður-Afríku með líkamlegu ofbeldi. Sagan er að endurtaka sig, en bara í nýju formi. Þetta munu börn Gabríels ekki fyrirgefa. Ekki þarf að hafa neinar áhyggjur af börnum þýska kanslarans, því hún á engin sjálf, nema þau sem hún reynir að kaupa ást frá með brjálæðislegum tilraunum til að drekkja Þýskaland í tifandi tímasprengjum og geimverum

Þegar hrun fjármálabólunnar skall á, og sem í Evrópu var sköpuð með rotnum ECB-seðlabanka Evrópusambandsins sem átti þann veginn --framhjá þýska seðlabankanum og innlendri löggjöf frá Bandamönnum-- að skaffa dauðvona Þýskalandi dulbúinn örvunarpakka með gerræðislegum óábyrgum lánveitingum og peningapólitík sem drekkti gíslum evrusvæðis í suðri í skuldum undir neikvæðum raunstýrivöxtum til þess að búa á þann hátt til eftirspurn eftir þýskum vörum úr norðri, á hinum innri markaði, þar sem gíslar Þýskalands eru læstir inni í, já, þá kom auðvitað í ljós að hagsmunum þjóðríkjanna varð að fórna fyrir yfirríðandi hagsmuni Evrópusambandsins

Á fagmáli heitir þetta heimsveldisstefna e. imperialism. Þetta er jú hún gamla Evrópa og hún er ávallt söm við sig. Evrópumennin hafa langa reynslu í svæsnum pólitískum perraskap. Þau menni hennar blikkuðu ekki einu auga er hálf milljón manna misstu lífið á fyrstu viku Fyrri heimstyrjaldar. Hefði álfan haft kjarnorkuvopn þá og allar götur síðar, þá hefðu villimenn Evrópu notað þau án þess að blikka einu auga

Í frámálakreppunni sem enn blússar á meginlandi Evrópu var þjóðríkjunum fórnað á altari evrunnar til þess að hún gæti lifað af. Ef Þýskaland missir evruna, þá fer það í þrot. Miklu betra er því fyrir það að láta önnur ríki um að bjarga því og um leið leggja sjálf sig niður svo að vér í Þýskalandi getum sest ofan á alla álfuna einu sinni enn. Þetta er sá hvati sem lá að baki stofnun myntbandalagsins og Evrópusambandsins og einnig sjálfs Þýskalands 1871; samkeppnisfyrirkomulag og ekkert annað. Restin var sölugas sem hálfvitar Evrópulanda keyptu

Nú er 30-50 prósent af öllum lánasöfnum ítalska bankakerfisins í vanskilum. Skuldararnir geta ekki borgað því þeir hafa verið lagðir í rúst með evrum. Vel rekin fyrirtæki og heimili geta ekki einu sinni borgað né hvað þá flokkast sem lánshæf til að hægt sér að framlengja lengur og útilokað er að búa til hagvöxt. Þau eru varanlega lögð í rúst með evru. Þessi lánasöfn eru allar þær eignir sem bankarnir hvíla á. Allt hlutafé bankanna er löngu brunnið til ösku og nýtt algerlega ófáanlegt vegna fullkomins vantrausts. Lánasöfnin eru ekki bara í vanskilum, heldur eru þau algerlega brunnin rúst sem rýkur ekki einu sinni úr lengur. Þeim hefur verið framlengt svo lengi og ástandinu haldið leyndu svo lengi til að reyna að blekkja heiminn svo hann farist hreinlega ekki úr evrum

En nú er tíminn svo gott sem úrbrunninn líka og staðreyndirnar á jörðu niðri, teppasprengjugígar evrunnar, fara að tala sínu máli. Orðaforði ECB-seðlabankalings Evrópusambandsins yfir ástandið er algerlega tómur og eiginfé hans mun brátt fara sömu leið og eignasafn ítalska bankakerfisins; í þrot. Þessi seðlabankalingur hefur rústað öllu meginlandi Evrópu, enda var hann og myntbandalagið stofnanaleg hönnun algerra vitfirringa í peningamálum frá upphafi. Algerlega lúnatikk stofnun út í gegn frá upphafi

Þjóðir þjóðríkja Evrópu eru því að hoppa í gömlu björgunarbátana, gamla þjóðríkið sitt sem fyrri heimsveldi reyndu að útrýma. Hoppa í gömlu landamærin sín, fullveldi sitt í peningamálum og sjálfsákvörðunarréttinn. Hægfara en algerlega geigvænleg vatnaskil hafa orðið - og framhaldið verður ekki skemmtiferð því að heimsvaldastefna elur aldrei af sér annað er hörmungar. Það stendur ritað svart á hvítu í Hinum heilögu ritningum sem Vesturlönd voru byggð upp með

En sannleika og mörg þúsund ára reynslu Hinna heilögu ritninga var varpað fyrir róða og tandurhreinn imperialismi eins og þeir kalla ekki hina glötuðu stefnu sína var tekinn upp í staðinn, og þetta er árangurinn: Já, árangurinn er þessi ESB-imperial-state-hönnun sem er að fara með Evrópu og heiminn til andskotans, í stað fullvalda og blómstrandi þjóðríkja. Og síðan alþjóðavæðing hinna "frjálslyndu" sem varð því miður og fljótlega að ferlegum alheims-imperialisma og sem þar með hefur gert hina "frjálslyndu" sjálfa að algerum uber-imperialistum, en sem þeir gera sér þó ekki enn grein fyrir sjálfir. Nýr stóri-ófriður blasir því við. Til hamingju hálfvitar Evrópu, ykkur tókst þetta einu sinni enn!

Það verður fróðlegt að skoða þetta úr þeirri góðu fjarlægð sem Atlantshafið og íslenska krónan veitir okkur svo giftusamlega. Því bráðum, já bráðum, sest eini forseti Bandaríkjanna, sem að sögn fróðra, vit hefur haft á peningamálum í embætti sitt. Þá mun munkaklaustur klikk-fræðimenna seðlabankalings Evrópusambandsins kannski verða enn fróðlegra stjarnfræðilegt fyrirbæri næturhimnum Vesturlanda til að skoða í austri, frá öruggu Vestri

Fyrri færsla

Þess vegna sigraði Sjálfstæðisflokkurinn með Bjarna


mbl.is Evrópusambandið aldrei sundraðra
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Þetta er átakanleg hryllingssaga, Gunnar. Aldrei hefði mig grunað það - ég átti samt  heima í Þýskalandi í 33 ár - að "Þýskaland þénaði mikið stórt á óförum annarra" (  ! ) Illska Þjóðverja hlýtur að vera mikil þótt hún hafi alveg farið fram hjá mér öll þessi ár sem ég bjó í landinu. 

Orri Ólafur Magnússon (IP-tala skráð) 10.1.2017 kl. 10:19

2 Smámynd: Gunnar Rögnvaldsson

Þakka þér Ólafur.

Ég skil ekki af hverju athugasemd þín birtist ekki fyrr en núna. Samkvæmt pósti sem kemur frá bloggkerfinu þá kemur hún inn kl 17:57 og ég fæ póst um hana. En samkvæmt þessu hér að ofan þá er hún frá því kl. 10:19 í morgun, en í mínum vafra sást hún ekki fyrr en kl 19:30. Það er greinilega einhver hugbúnaðarvilla hér á ferð. Og fyrir hönd bloggkerfisins bið ég þið velvirðingar á því, þó svo að ég stjórni því bara alls ekki. En þetta á ekki að vera svona.

En að efninu: Þú getur ekki gert þýskan almenning ábyrgan fyrir neinum Evrópusambandsmálum því að í fyrsta lagi hefur þjóðin aldrei verið spurð álits í neinum málum sem tengjast ESB og þar fyrir utan er Þýskaland ekki lýðræðisríki í venjulegum skilningi heldur er því stjórnað utanþings með þríhyrndri skepnu útflutningsiðnaðarmafíu,- bankamafíu,- og EUphiles-mafíu sem ræður öllu í landinu, en utan þings. Þingið ræður litlu og þjóðin ræður engu. Og fyrir utan það þá er allt sem hefur með Evrópusambandið að gera algerlega umboðslaust ófreskja án nokkurrar tengingar við vilja þjóða þjóðríkjanna sem logið var þangað inn af stjórnmálamönnum sem enga enga minnstu hugmynd né ábyrgð höfðu og hafa ekki enn í neinum þeim málum. 

En það breytir því ekki að gerræðislegur viðskiptahagnaður Þýskalands við umheiminn er sá stærsti í veröldinni og hann er tilkominn vegna gengisfölsunar undir evru og samfelldrar 18 ára innvortis gengislækkunar í hagkerfinu sem þýtt hefur að raunlaun Þjóðverja hafa ekki hækkað í 15 ár. Þjóðverjar hafa ekki fengið kauphækkun í 15 ár.

Þeir peningar sem vantar í Suður-Evrópu liggja því miður á kistubotnunum heima í Þýskalandi. Þeir urðu til á þann hátt sem Sigmar Gabriel segir.

Í hugum Þjóðverja er bara til einn móralskur viðskiptajöfnuður við útlönd; hagnaður Þýskalands. Þeir skilja ekki að jöfnuður er jöfnuður. Og þetta munu þeir aldrei skilja. Enda mun Þýskaland aldrei ganga upp og hefur aldrei gengið upp því að til þess var stofnað á fölskum forsendum 1871. Þetta land mun því aldrei verða til friðs í Evrópu, því miður.

Kveðjur

Gunnar Rögnvaldsson, 10.1.2017 kl. 19:56

3 Smámynd: Gunnar Rögnvaldsson

Orri Ólafur átti það að sjálfsögðu að vera.

Gunnar Rögnvaldsson, 10.1.2017 kl. 20:09

4 Smámynd: Gunnar Rögnvaldsson

Um Þýskaland má segja að það sé "efnahagsleg hugmynd um þjóð". Þannig stofnsáttmáli um þjóð og ríki hennar, gengur náttúrlega aldrei upp. Enda er það reynslan af tilvist Þýskalands á meginlandi Evrópu. Hún gengur ekki upp.

Um allt Evrópusambandið gildir það sama. Byggt á geðklofinni hugmynd á svipuðum nótum. Enda er fyrirmyndina ekki langt að sækja.

Hmpf!

Gunnar Rögnvaldsson, 10.1.2017 kl. 22:23

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband