Aðild Stalíns að Evrópusambandinu

Fréttin hér að neðan sem tengd er þessum pistli ætti að hafa kveikt öll aðvörunarljós hugsandi manna. En hafi hún ekki gert það, þá er hér neistaflug samhengisins. Og það er svona:

Allir þekkja fjöldamorðingjann Jósef Stalín, en margir þó misvel. Flestir kommúnistar litu á ókjörinn hann sem einhverskonar alþýðlega, ósnertanlega og hetjulega abstraktion langt út við sjóndeildarhring. Og þeir dýrkuðu hann á sama hátt og ESBsinnar dýrka Evrópusambandið í dag. Hann reyndi að negla hið sovéska kommúnistaheimsveldi saman með fólksflutningum og ofsóknum. Fólk var rifið upp án róta og búferlaflutninga-sent eins og pakki til einhvers annars hluta heimsveldisins, nauðugt og óviljugt. Bögglapóstur póstþjónustunnar naut blíðari meðferðar

En rætur fólksins urðu auðvitað eftir. Hakinn sem Stalín notaði við að höggva upp þjóðir og þjóðabrot, var svo, eftir hrun Sovétríkjanna, fluttur sem stjórntæknileg gersemi til Brussels, til notkunar á þjóðir Evrópusambandsins

Í Evrópusambandinu var massífu atvinnuleysi og peningapólitískum hörmungum komið á í mörgum ríkjum sambandsins undir sama fyrirkomulagi og notað var í Sovétríkjunum, þ.e. endalausum "skipulagsbreytingum" (e. structural reforms). Hugtakið "structural reform" þýðir í stuttu máli þetta: breyttu þér og vertu eins og ég - þ.e. eins og Þýskaland og stundum Frakkland, þegar við á

Búið var svo til fyrirbæri sem selt var undir heitinu "fjórfrelsi" og sovéska hakanum komið í vinnu á ný. Ég kalla þetta hins vegar hórfrelsi, því að þau stjórnvöld sem iðka þetta "fjórfrelsi" eru að hórast með þjóðríki sín. En þjóðríkin eru sjálfur hornsteinn Vesturlanda og fremsta manngæskuberandi stofnun mannkynssögunnar

Allir hugsandi menn ættu að svitna þegar jafnvel kommúnistar eru farnir að nota hugtök eins og "frjáls verslun og viðskipti" með morgunkaffinu. Þeir eiga alls ekki við neitt frelsi. Engan veginn. Þýskaland hefur aldrei stundað frjáls viðskipti. Landið var harðlæst og lokað útlendingum allt fram til 1980 og naut frá 1950 sérstakra viðskiptakjara við Bandaríki Norður-Ameríku. Þessi sérmeðferð kom landinu á fætur. Annars væri það nákvæmlega eins og Austur-Þýskaland er í dag eða þá að það væri massíft fyrrverandi Sovétríki

Til fjandans með þetta hugtak. Það hafa aldrei aldrei í sögunni verið stunduð frjáls viðskipti í heiminum. Þau hafa alltaf verið vernduð. Hugakið er því orðið algerlega kommúnistískt þegar það er notað um ESB. Einn stór þokubakki fullur af þvælu. Það er Kyrrahafsfloti Bandaríkjanna sem verndar siglingarleiðir þýsks útflutnings. Og það hefur hann gert hvern einasta dag ársins í meira en sjötíu ár. Þess vegna er Þýskalandi svona illa við Bandaríkin, því það á þeim allt að þakka. Án Bandaríkjanna væri Þýskaland ekki neitt. Meginland taparanna mun aldrei geta komið sér upp svo mikið sem bara einni "carrier strike group" á neinu hafi veraldar. Að dansa þannig stórskalaðan ballet á höfum heimsins krefst fullveldis: fulls og óskorðaðs valds yfir eigin málum, og hugrekkis. Hvorugt þessa er til í ESB

Í Sovétríkjunum áttu þjóðir og fólk að verða að Sovétmennum. Í Evrópusambandinu áttu þjóðir og fólk að verða að Evrópumennum. Vinnureglur samhæfingarinnar eru þessar: ef þú lofar að gera kjósendum í landi þínu illt, þá lofa ég þér í staðinn að gera mínum kjósendum að minnsta kosti jafn illt hér heima hjá mér. Þetta er ESB-samhæfingin (co-ordination). Svona er allt gott mulið niður og sett undir sambandið til rotnunar

Þessi tundurspillandi fræ Stalíns niður í gróðurmold kúgaðra þjóðríkja og þjóðarbrota fóru svo að spíra. Þau urðu að "minni-hlutum" eins og þeim sem við sjáum í Eystrasaltslöndunum og í Úkraínu í dag. Það er svona sem Evrópusambandið er orðið að hluta til. Það er orðið algerlega ófyrirsjáanleg tifandi tímasprengja sem sprungið getur hvenær sem er og næstum hvar sem er. Þetta er ein af átsæðunum fyrir því að Evrópusambandið er á leiðinni að verða eitt svæsnasta ófriðarsamband mannkynssögunnar. Sambandið mun með tímanum reynast álfunni sem enn annar Bleikur hestur

Vinstri hönd stjórnmálamanna nokkurra Austur-Evrópuríkja (Mið-Evrópa núna) ætlar sér nú, eins og þau gagnrýna Rússland fyrir með þeirri hægri, að hafa utanþings og erlend áhrif á stefnu og stjórnmál rótgrónasta lýðræðisríkis veraldar, Bretlands, og halda að þeir komist léttilega frá því. Þau halda það vegna þess að í þeirra hugum er þetta hvort sem er orðinn rótgróinn og áunninn kækur. Þetta er einungis hægt að útskýra með tilvísun í þann heilaskaða sem heilabú frjálsborinna manna verða fyrir þegar umgengni þeirra við Stalín í Evrópusambandinu verður eins og hún er og hefur ávallt verið hjá ESB-elítum: ný sovétstappa úr ESB-sjoppulúgum hóruhúsa fjórfrelsisins

Þau stjórnmálaöfl á Íslandi sem vilja taka sáningarvél Stalíns í notkun gegn þjóðríki Íslendinga eru þessi:

Vinstri grænir
Viðreisn
Samfylking
Björt framtíð
Píratar
Aðrir kratakommúnistískir smáflokkar

Þetta, meðal annars, er ein af ástæðunum fyrir því að sú Evrópa sem Evrópusambandið reyndi að búa til út landfræðilega heitinu Evrópa, er að brotna upp. Og það sem meira er. Þetta er ein ástæðan fyrir því að landbrjóturinn ESB er að sigla álfunni inn á braut nýs ófriðar. Næstu áratugir munu ekki verða sú skemmtisigling sem myndskreytt er með þvaðri í útsölubæklingum þessara brjálæðinga

Fyrri færsla

Brexit: Talið niður til hláturssprengju

Gætu beitt neitunarvaldi gegn Bretum

Athugasemdir

[Helga Kristjánsdóttir, 19.9.2016 kl. 02:19]

Eftir fræðandi lestur pistls þíns,sýnist mér að heimsstyrjöld nr.III,sé að skella á með nútímalegum hernaði og engu  sprengipúðri,það mun notað seinna.Engin uniform engar víglínur eða "basúkkur"

 Gamla formið að segja landi stríð á hendur hentar ekki Evruliði sem treður marvaðann í gerfiseðlum nefndar Evrur, og eru við það að súkka niður. Óvinurinn er hér allt um kring og þekkist ekki fyrr en hann berar sig í "þjóðarmiðlinum" 

[Gunnar Rögnvaldsson, 19.9.2016 kl. 14:53]

Þakka þér Helga

Það er staðreynd að pólitískt landslag Evró-Asíu landmassans og Miðausturlanda er að brotna upp og sennilega að springa í tætlur. Óstöðugleiki, bæði pólitískur, þjóðfélagslegur og efnahagslegur ræður ríkjum.

Margar pólitískar hannanir þessa hluta heimsins eru ónýtar, fallnar og hættuskapandi. Því má með miklu öryggi gera ráð fyrir hinu versta. Þessi helmingur jarðkringlunnar (Austurhvel jarðar) er búinn að vera næstu 500 árin. Já styrjaldir munu örugglega geisa. Þetta er "gamli heimurinn".

Stöðugleiki veraldar hefur nú eignast nýtt heimili sem er Vesturhvel jarðar - og sem kallast "nýi heimurinn". Þessi grófa skipting jarðkringlunnar sem gengur gegnum borgarhlutann Greenwich, staðsetur okkur og Bretland réttu megin við allt-vitlaust. Það eru þessi mið sem munu gilda næsta hálfa árþúsundið.

Evrópa er algerlega toast og nýtt kalífat Mið-Austurlanda mun rífa og tæta neðan úr henni næstu 200 árin. ISIS er bara byrjunin á því. Að austan mun sundurtættur björn rífa í sig eftir því sem honum hentar. Kína getur aldrei lagast. Það er haldið banvænum kommúnistískum einræðissjúkdómi.

Ísland verður að halla sér Vestur, ef það ætlar að lifa af.

Kveðjur

[Halldór Jónsson, 20.9.2016 kl. 21:56]

Þetta er frábær samantekt og rýnin hugsun. Svona lítur sannleikurinn út ef hætt er að stikla í kring um hann. Sérlega rétt með Þjóðverjana og Kanann. Og eiginlega allan krataheiminn og Kanann. Allir sparka í einu tæru lýðræðisþjóðina sem til er í þessum andskotans krataheimi.

[Gunnar Rögnvaldsson, 21.9.2016 kl. 18:05]

Þakka þér Halldór.

Ekki miklu hægt að bæta við þetta hjá þér.

Kveðjur