Leita í fréttum mbl.is

Þegar Danmörk sagði nei við ESB-martröðinni

Árið 1992 sagði Danmörk nei við Martraðarsáttmálanum, kenndan við borgina Maastricht. Danska ríkisútvarpið DDRDK fékk þá námsmenn sem unnu kauplaust í aðalstöðvum Evrópusambandsins til að sitja í afmyndunarverum sínum til að fordæma og hneykslast yfir neiinu og öllu því "eldra" en tveggja vetra fólki sem sagði nei

Það kom svo í ljós að þetta unga fólk vann kauplaust hjá ESB í þeirri von að það myndi síðar frá vinnu útá að hafa borið pappíra sambandsins á borðin og snert þá. Það myndi líta vel út í "ferilskrá" þeirra. Þá var 11 prósent atvinnuleysi í Danmörku því að stjórnvöld höfðu svo sovéskt dyggilega unnið hart að eyðileggingu danska hagkerfisins, til þess eins að það loksins gæti lagst með delerium-evros inn á geðdeild ERM II. Þetta ERM II er pyntingaklefinn fyrir evruupptöku og gasklefi velmegunar. Evran er þriggja fasa pynting

Og ein af mörgum slæmum afleiðingum hennar er sú að mjög stór hluti ungs fólks í Evrópusambandinu má teljast heppið ef það fær launaða vinnu fyrir fertugt. Og það eignast heldur ekki börn, framtíðin er svo kolsvört

Þess skal getið hér að DDRDK er þó bara DDR-Light útgáfan af DDRÚV. En báðar eru stofnanirnar málgögn vinstrimanna og væru alls ekki til í dag ef að gamla KGB hefði ekki vísað þeim veginn til hins "upplýsta einræðis"

Á föstudaginn átti sér svo stað stærsti og mikilvægasti pólitíski atburður í Evrópu frá því að Berlínarmúrinn féll 1989. Í kvöldfréttatíma DDRÚV var náttúrlega ekki pláss fyrir þann raunveruleika. Algeran forgang hafði hin hannaða pólitíska sírenufréttasería stofnunarinnar um Ónýta Ísland. Sú frétt var þá klár úr hinni pólitísku framleiðsludeild DDRÚV og varð því að vera númer eitt þann dag, eins og flesta aðra daga. Ísland er ónýtt, skal, hvað sem það kostar, verða sýnt, þó svo að logarnir frá brennandi Evrópusambandinu teygi sig alla leið hingað upp til Íslands. Ekkert skal stoppa herferð okkar gegn þeim sem halda okkur uppi, er mottó DDRÚV. Við erum stærsta sundrungarafl Lýðveldisins og stoltir af því

Í sáttmálum ESB stóð þarna árið 1992 að þjóðaratkvæðagreiðsla Dana myndi stoppa Martraðarsáttmálann. Ef að öll ríki segðu ekki já, þá myndi martröðin einfaldlega hætta. En það gerði hún auðvitað ekki, eins og kjósendum hafði verið lofað er þeir voru blekktir inn í sambandið. Martröðin hélt bara áfram og það sama gerðist þegar Martraðarstjórnarskrá ESB, Lissabonsáttmála, var kosinn út með öskrandi neii í Frakklandi, Hollandi og Írlandi

Svona er Stalín-ESB. Og þar borða menn stálevrur og njóta nýrrar stálfátæktar. Það er einfaldlega ekki hægt að kjósa Stalín-ESB burt. Ef þetta endurtekur sig einu sinni enn, þá eru það vopnin sem verða látin tala. Það eina sem brátt er eftir í vopnabúri borgaranna, því Stalín-ESB verður að fara. Nema að menn vilji ESB-Norður-Kóreu. En það er þangað sem Evrópusambandið er að leiða álfuna í brátt 60 ár

Draumur ESB-sinna á Íslandi mun þá kannski rætast - og loksins snúa rétt; að þeim sjálfum! Og nú er einn Norður-Kóreu maðurinn kominn á Bessastaði. Loksins tókst það!

Fyrri færsla

Guðni Th. nýr forseti Íslands [u]


« Síðasta færsla | Næsta færsla »

Athugasemdir

1 Smámynd: Valdimar Samúelsson

 Rétt mælt. ESB er Skrímsli og við getum séð það á því hvernig þeir haga sér við Bretland. Já bara út strax skrattakollarnir ykkar segja þeir...þetta er andlítið á þeim.

Valdimar Samúelsson, 27.6.2016 kl. 07:45

2 identicon

 Alveg rétt. Ég var að lesa það áðan í Jótlandspóstinum, að fleiri lönd vildu ganga í kjölfar Bretlands og hafa þjóðaratkvæðagreiðslur um útgöngu úr ESB. Bæði Svíþjóð og Holland eru alvarlega að hugsa um það og sömuleiðis Ítalía, svo að Brexit á eftir að hafa sínar afleiðingar. Það er heldur hlálegt, svo ekki sé meira sagt, að á meðan löndin innan ESB bíða nú í biðröð eftir að komast út úr sambandinu, þá sé hér heima stór hópur fólks, sem endilega vill ana þangað inn. Ekki treysti ég þessum sætabrauðsdreng, sem var valinn forseti um helgina til að standa í móti því, heldur gæti ég alveg trúað honum til að færa stjórn ESB landið okkar og miðin á gulldiski. Mér sýnist líka strákurinn ætla að verða sami viðburðastjórinn og Dagur er hér í borginni. Það held ég verði nú forseti eða hitt þó! Ég treysti honum engan veginn og alls ekki í ESB-málunum. Besta væri, að ESB liðaðist í sundur sem fyrst og yrði að engu. Það yrði hátíð í bæ hjá okkur andstæðingunum þá, en áfall fyrir hina. Þetta ESB er þvílíkur óvættur og stórhættulegur að auki. Ég skil Breta vel og aðra þá, sem vilja komast út þaðan.

Guðbjörg Snót Jónsdóttir (IP-tala skráð) 27.6.2016 kl. 09:52

3 Smámynd: Valdimar Samúelsson

Ég tek undir það sem Guðbjörg Snót segir. Þetta er merkileg grein sem Ólafur skrifaði um daginn http://skolli.blog.is/blog/skolli/entry/2175477/ og ég segi sama og Guðbjörg þessi nýi gerir ekkert fyrir fólkið nema kannski að rækta skóg.

Valdimar Samúelsson, 27.6.2016 kl. 10:09

4 Smámynd: Valdimar Samúelsson

Greinin beint 

http://www.mbl.is/frettir/innlent/2016/06/24/mjog_god_tidindi_fyrir_island_5/

Valdimar Samúelsson, 27.6.2016 kl. 10:11

5 Smámynd: Helga Kristjánsdóttir

Mér var um og ó eftir forsetakosninguna,ekki síst vegna þeirra sömu hugsunar og þú skrifar :"Það er einfaldlega ekki hægt að kjósa Stalín burt".  þá eru það vopnin sem tala,það eina sem bráðum verður eftir í vopnabúri borgaranna,því Stalín-ESB verður að fara; en þegar fólk á ekki neitt val og sér inn í logana,við höfum séð það allt áður.Það afar erfitt að skipta þessu flykkimér niður í 1.gír. mb.kv.

Helga Kristjánsdóttir, 27.6.2016 kl. 13:09

6 Smámynd: Gunnar Rögnvaldsson

Kærar þakkir fyrir innlit og skrif.

Mikið var þetta fallegt og ánægjulegt kvöld. 2:1

Kveðjur

Gunnar Rögnvaldsson, 28.6.2016 kl. 00:07

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband