Leita í fréttum mbl.is

Merkilegt af forsetaframbjóðanda

Hefði hin íslenska þjóð verið svikin í Icesavemálinu, þ.e. með því að neita henni um að sækja lagalegan rétt sinn í málinu, þá hefði sá gjörningur getað endað svo illa að hægfara borgarastyrjöld yrði alls ekki hægt að útiloka sem afleiðingu

Þetta segi ég vegna þess, að það, að þurfa að lifa sem íslensk þjóð í meira en hálfa öld með skuldaklafa og greiðsluklafa sem nagar og borar sig inn í sál þjóðarinnar í svo langan tíma, hefði getað komið af stað svo miklum innri ófriði meðal okkar, að friður hefði verið útilokaður í landinu

Hvert einasta ár hefði þjóðin verið rukkuð og hvert einasta ár hefði hún spurt sjálfa sig um lög- og réttmæti rukkarans, og einnig þeirra sem í upphafi gengu erinda hans og neituðu þjóðinni um að leita réttar síns - og hræddu hana með Norður-Kóreuneistaflugi í bensíntanki vinstristjórnarinnar. Var þetta virkilega rétt og lögmætt?, hefði þjóðin spurt ár eftir ár, áratugum saman. Efinn og reiðin hefði borað sig djúpt niður í þjóðarsál og vitund okkar Íslendinga

En kannski var það einmitt tilgangurinn. Að reyna þannig að kollvarpa þjóðríki Íslendinga innanfrá. Og þannig að koma því til leiðar að sundruð og óréttmætt skuldug þjóð hefði verið neydd til að skríða inn í það Evrópusamband sem allan tímann lá að baki hræðsluáróðurs og sundrungar- og uppgjafarstjórnmála vinstri stjórnarinnar (Samfylkingar og Vinstri grænna)

Ísland ætti aldrei að gera samning sem það getur ekki staðið við. Það er því í hæsta máta furðulegt að í framboði til Forseta Íslands skuli vera maður sem hefði getað komið, ýtt og hvatt, þjóðinni inn í þá óbærilegu aðstöðu, hefði hann verið forseti þá. Hér á ég við forsetaframboð Guðna Thorlacius

Icesave mun koma aftur. Ekki í sömu mynd, en það mun koma aftur og þá gæti forsetavaktin fyrir þjóðina, eins og síðast, skipt sköpum um framtíð Lýðveldisins. Hvorki meira né minna

Fyrri færsla

Evrópa er skáldsaga


Skrár tengdar þessari bloggfærslu:

« Síðasta færsla | Næsta færsla »

Athugasemdir

1 Smámynd: Ómar Ragnarsson

En er ekki enn merkilegra af forsetaframbjóðanda, sem var ekki fræðimaður úti í bæ að fjalla sem áhorfandi í ræðu og riti um það sem var að gerast, heldur var sjálfur gerandinn, allt frá einbeittri vörn hans fyrir Icesave og Landsbankann árið 2008 gagnvart því að koma böndum á það brjálæði, gegnum þáttöku hans sem Seðlabankastjóri að upphafi samninga stjórnar Geirs Haarde við Hollendinga og Breta um verra Icesave samkomulag en Icesave I var, en úthrópar nú mótframbjóðendur sína sem óalandi og óferjandi? 

Ómar Ragnarsson, 30.5.2016 kl. 11:14

2 Smámynd: Gunnar Rögnvaldsson

Pappír er þakklátur Ómar

Ekki leyfi til að setja íslensku þjóðina á hausinn A

Morgunblaðið 5. júlí 2009 - Davíð á vaktinni

Ekki leyfi til að setja íslensku þjóðina á hausinn B

Morgunblaðið 5. júlí 2009 - Davíð á vaktinni

Ekki leyfi til að setja íslensku þjóðina á hausinn C

Morgunblaðið 5. júlí 2009 - Davíð á vaktinni

Ekki leyfi til að setja íslensku þjóðina á hausinn D

Morgunblaðið 5. júlí 2009 - Davíð á vaktinni

Gunnar Rögnvaldsson, 30.5.2016 kl. 12:06

4 Smámynd: Elle_

Gunnar, þú lýstir þessu eins og það var.  Við gætum aldrei verið viss um að maður sem talaði opinberlega með ICEsave-stjórninni og vildi þennan skæða hrylling yfir börnin okkar, verði forseti sem væri nógu fastur fyrir.

Engu máli skiptir hvað hann kemur vel fyrir og hvað hann lærði, Davíð er eini öryggi maðurinn í forsetaframboði núna og bara miklu flottari þess vegna.  Og guð hjálpi okkur bara ef landsölumaðurinn Halla verður forseti.

Elle_, 30.5.2016 kl. 12:38

5 Smámynd: Elle_

Verð samt að segja að ég tel að vísu að Sturla yrði alveg öruggur og svo Baldur sem hætti.  Ætla samt að halda fram að Davíð væri öruggastur núna vegna festu og innsæis, skoðana og þroska allt samanlagt.  

Elle_, 30.5.2016 kl. 12:59

6 Smámynd: Gunnar Rögnvaldsson

Gleymdi að þakka þér Ómar fyrir innlitið.

Og þakkir til þín Elle.

Kveðjur

Gunnar Rögnvaldsson, 30.5.2016 kl. 15:22

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband