Þýska Siemens undirritar 40 ára samning við Rússneska Járnbrautarfélagið

Útflutningur Þýskalands til Rússlands gengur vel. Vöruútflutningur frá Ust-Luga eða Sassnitz ferjuhöfninni sem er ferju-útflutnings-lúga Þýskalands til Rússlands (svo að Pólland geti ekki hindrað, grætt eða eyðilagt neitt fyrir Þýskalandi og dingli sem lengst á krossinum) er í fullum gangi

Þannig undirritaði þýski iðnaðarrisinn Siemens í sumar 40 ára viðskiptasamning við Rússneska Járnbrautarfélagið (RZD) sem stjórnað er af veltengdum Yakunin félaga Pútíns (WSJ 9. maí 2014). En um þessa ferjuhöfn í kjördæmi Merkels fer vöruútflutningur Þýskalands til Rússlands með ofangreindum járnbrautum. Gífurlegum fjármunum hefur verið varið í enduruppbygginu þessarar lúgu Þýskalands austur framhjá Póllandi. Fréttatilkynningu Siemens pr. 18. júní 2015 má finna þarna

Fyrir Ísland eru fiskveiðar mörgum sinnum tilvistar-, fullveldis-, og þjóðhagslega og pólitískt mikilvægari en allur iðnaðargeirinn er fyrir Þýskaland. Miklu mikilvægari því hann er undirstaða Íslands sem ríkis. En járnbrautir úr iðnaðargeira Þýskalands handa félaga Yakunin í Rússlandi eru undanþegnar banni og því ekki á listanum ásamt þýskum aðföngum til rússneskra hermála

Bannið er fullt af holum og Sviss tekur ekki þátt í leiknum sem enga þýðingu hefur haft nema til þess eins að auka yfirríkisleg völd Evrópusambandsins yfir nýlendum þess. Þetta er elítumál ESB, en ekki neitt í neinni líkingu við tilvistar- öryggis- og hugsjónamál Kalda stríðsins. Sem var stríð og barátta þar sem báðar ESB elítur Þýskaland og Frakkland torvelduðu oft á tíðum sigur og frelsun landa undan oki kommúnismans - sem var og er þýsk Hegelsk útflutningsvara marxisma til Rússlands - og þar sem elítu kommúnistískt Frakkland rak NATO úr landi

"The moderate MPs are of the opinion that the island must not give in [and must go along with the EU sanctions], while the ultra-nationalists and the Pirate Party support the fishing companies' demands [to not respect the EU sanctions]."

Allir sem styðja ekki elítur Evrópusambandsins í þessu máli sem og öllum öðrum, eru kallaðir svikarar eða "þjóðernissinnaðir öfgamenn", eins og sést á skrifum ESB-heilaþvottarins um Ísland í Corriere della Sera á Ítalíu þann 10. ágúst síðastliðinn. Öll þorskastríð Íslendinga hefðu í dag af ESB verið skilgreind sem "helstefna þjóðernisöfga" eins og á öðrum nýlendutímabilum í sögu Evrópu. Við værum því nýlenda þar að eilífu, hefðu forferður okkar ekki staðið sig

Skaði Þýskalands er enginn því evran hefur hrunið um 37 prósent undir brunameðferð Þjóðverja á evrusvæðinu. Rússland hefur einfaldlega ekki lengur efni á innflutningi. Ísland er hins vegar rétt skriðið út úr algeru bankahruni bankakerfis sem varð til undir óvinveittri svikalöggjöf ESB og hvers fall má að miklu leyti skrifa á reikning EES-tengingar íslenska lýðveldisins við rotið veldi Evrópusambandsins, sem rottaði sér saman gegn Íslandi undir óbærilegum aðstæðum hér heima

Á rússnesku járnbrautum þessum eru fluttar inn nýjar Siemens járnbrautir til nota í Rússlandi og eru það þær járnbrautir sem Siemens mun viðhalda næstu 40 árin svo hundruðum skiptir, svo að þær bili ekki og tefji þar með ekki enn frekari útflutning Þýskalands til Rússlands

Rússland mun aldrei aldrei samþykkja framvarðarlínu NATO í aðeins 300 kílómetra fjarlægð frá Volgograd. Sú hugsun er steindauð áður en hún er blikkar sem bara neisti í hvaða heilabúi sem er. Öll NATO mál Úkraínu eru fyrirfram dauð og það sama gildir um ESB-málin

Ritvélaðar járnbrautir eru eitt af sérsviðum Þjóðverja. Þýska Járnbrautarfélagið Deutsche Bahn AG tókst til dæmis á aðeins átta vikum að flytja 425 þúsund Gyðinga frá Ungverjalandi (þá fjórföld íslenska þjóðin) á vel smurðu járnbrautaneti til slátrunar í útrýmingarbúðum Þjóðverja, sem lágu út um gjörvallt evrópska efnahagssvæðið þeirra. Þær milljónir og aftur milljónir Gyðinga sem slátrað var af Þjóðverjum, voru fluttar í gripavögnum Deutsche Bahn ríkisjárnbrauta (DB) í gegnum oft prúðbúnar og ný-fánum klæddar borgir Þýskalands, en sem í dag eru örvæntingarfull elliheimili þýska öldrunarhagkerfisins

Þýska öldrunarhagkerfið er fullkomalega útflutningsháð sökum krónísks innra eftirspurnargetuleysis og sem sækja þarf því alla alvöru eftirspurn til neytenda annarra ríkja, sem búa svo vel að borgurum sínum að þeir vilji og geti eignast börn. Þýskaland lifir nú á evrusvæðinu sem hjálparlaust er í fastlæstu og handjárnuðu gengisfyrirkomulagi við það. Aðeins 45 prósent Þjóðverja styðja að Þýskaland komi öðru NATO ríki til aðstoðar í neyð

Deutsche Bahn þjónar í dag Þýskalandi dyggilega og er ennþá í eigu ríkisins. Án þeirra hefðu stóriðnaðarmorð þýska ríkisins á milljónum og aftur milljónum Gyðinga ekki getað gengið eins hratt og snurðulaust fyrir sig og þau gerðu. Enginn vann við Deutsche Bahn, að sögn þýsku þjóðarinnar eftir stríðið. En í dag vinna þar allt í einu um 300 þúsund manns

Útflutningur fröken lokomotivfører Angelu Merkel til Rússlands nam 4309 miljörðum króna á síðasta ári eða rúmlega tvöfaldri landsframleiðslu Íslendinga það ár undir svo kölluðum "viðskiptahöftum", sem eru sérsniðin að valdaþörfum Þýskalands og Rússlands (Statistisches Bundesamt)

Með NATO í rassvasanum hefur ESB-Evrópu tekist að láta Bandaríkin borga 80 prósent af NATO. Þýski elliheimilisherinn æfir með kústsköftum og allt að 85 prósent af útgjöldum til varnarmála evrópskra NATO-ríkja fara í ellilífeyrisgreiðslur. Forseti Bandaríkjanna eins og er heitir því miður ekki Ronald Reagan, heldur Barack Obama. Bara svo þið vitið það. Hann var kosinn sem óskaforseti Evrópuelíta, enda sést það vel í dag

Útflutningur Pútíns til Þýskalands var á sama tíma 5600 miljarðar króna, eða næstum þreföld landsframleiðsla Íslendinga

Brjálað en leynt markmið elíta Evrópusambandsins er að eyðileggja NATO. Og með þessari misnotkun gengur það bara ansi vel þegar hugsað er til komandi viðbragða bandarísks almennings. Það sem kemur í staðinn er óskadraumur ESB, en horror framtíðarinnar, ef menn hætta ekki að slefa svona ómálga ofan í diskinn sinn við matarborðið

FÍFL!

Fyrri færsla

Viðskiptaþvinganir á Rússland eru glórulaus mistök