Leita í fréttum mbl.is

Aftengja þarf Ísland við svartholið ESB

EES samningur Íslands við Evrópusambandið er bein ávísun á fötlun og fátæktargildru til fortíðar og líðandi stundar litið, en alveg sérstaklega til framtíðar okkar litið. Samningurinn hefur ekkert nema slæmt gert fyrir efnahag Íslands miðað við engan samning, og samningurinn hefur gert þjóðfélagi okkar Íslendinga í eigin landi mun erfiðara fyrir en hefði hann aldrei komið til sögunnar

Þetta er aðeins eðlilegt, rökrétt og hefði átt að vera öllum hugsandi mönnum augljóst, því Evrópusambandið var stofnað til að stúta þjóðríkjum Evrópu. Að því leytinu virkar EES-samningurinn eins og til var ætlast - af ESB

Í hvert skipti sem eldar kvikna í einu landi nýþýskrar Evrópu, þá lækkar gengi evrunnar og annar gámur í viðbót af þýskum úreltum ritvélum öldrunarhagkerfis skipast út frá höfninni í Hamborg. Betur og betur gengur því í úreltu Þýskalandi, en alltaf lækkar hins vegar og lækkar gengi gjaldmiðils þess, í stað þess að hækka og hækka eftir því sem betur gengur. Lærdómurinn fyrir Þýskaland er sá að "þessu gulleggi munum við aldrei sleppa. Þetta er nýlendan okkar! Höldum þessu áfram. Þetta er okkar Evrópa. Brennum óvitana og höldum þeim logandi. Við erum ESB og við ráðum. Áætlun okkar hefur gengið upp. Loksins!"

Allt í Evrópusambandinu er sökkvandi. Efnahagur, frelsið, lýðræði, stjórnarfar, heiðarleiki, velmegun, velferð og manngæska. Ófriðarský hrannast upp yfir Evrópusambandinu, fátæktin stigmagnast og árhundruða hnignun, eyðni og vesöld hefur tekið völdin og mun halda þeim svo þrúgandi fast yfir hausamótum Evrópubúa um aldir, að menn um gjörvallan heim munu standa sögulega orðlausir og gapa af ógleði í súrrealistískri vantrú

Í Evrópusambandinu ríkir nú rúmlega 30 ára gamall efnahagur, eða eins og hann var í Bandaríkjunum 1984, sem svarar til aðeins 62 prósentum af af þjóðartekjum á mann í Bandaríkjunum í dag. Bilið breikkar bara og breikkar. Þetta er staðan í ESB árið 2014 samkvæmt tölum OECD og er staðan lítið betri á evrusvæðinu, miðað við Bandaríkin. Það elítuþróaða ömurleikasvæði nær aðeins 66 prósentum af þjóðartekjum á mann miðað við Bandaríkin og bilið breikkar og breikkar (jafnvirðisgildismynt, verðbólga hreinsuð út)

Á Íslandi ríkir hins vegar 16 ára gamall efnahagur, eða eins og hann var í Bandaríkjunum árið 1998, sem svarar til 77 prósentum af þjóðartekjum á mann í Bandaríkjunum í dag. Ef þessu heldur svona áfram mun efnahagur Íslendinga verða dreginn í svaðið enn frekar en orðið er með EES og það með feykilegu eyðileggjandi afli

Þessi helvítis-samningur er ábyrgur fyrir bankabólunni og afleiddu bankahruni. Hann er ábyrgur fyrir því að þjóðartekjur á mann miðað við Bandaríkin eru miklu hlutfallslega lægri en þær voru árið 1982, en þá voru þær rúmlega 90 prósent af því sem Bandaríkjamenn höfðu. Og það þarf að leita aftur til 1987 til að finna síðustu sæmilegu töluna miðað við Bandaríkin, en þá var hún 87 prósent

Allt frá undirbúningi og pólitísku glingurþrasi vegna EES samningsins er algert rusl, á íslenskan mælikvarða, borið á þjóðarborðið og arfaþakinn illgresisgarður fyrir efnahagsbúskap Íslendinga verður samkvæmt ESB-venju staðalbúnaður, til að gera nú þjóðinni eins erfitt fyrir og mögulega er hægt

Íslenskir stjórnmálamenn hafa með EES-samningnum tengt Ísland við sökkvandi stein í stað þess að tengja landið okkar við rísandi stjörnu, sigurvegara og besta bandamann okkar nokkru sinni. Það er ekki gott. Það er beinlínis hættulegt og allir hefðu átt að vita hversu heimskulegt þetta var

Sigmundur Davíð Gunnlaugsson og Bjarni Benediktsson eiga strax að panta hraðvirkustu fallöxi heimsins til að höggva EES samninginn af Íslandi. Eftir engu er að bíða. Af með þessa kryppu. Út með ESB illgresið og sukkið. Step on it drengir!

Goðsagnir um EES-samninginn og "80 prósent" uppspuninn

Tengt: 1960: Sovétríkin brátt stærsta hagkerfi heimsins

Fyrri færsla

Lynn Anderson látin: "Keep Me In Mind"


« Síðasta færsla | Næsta færsla »

Athugasemdir

1 Smámynd: Hrólfur Þ Hraundal

Það þarf að skera undan þjóðverjum Evróputrollið, en ef það er ekki hægt þá verðum við að koma okkur af þeirra miðum.  Já neyðarbremsan er ekki með, ekki einu sinni í farangrinum. 

Hrólfur Þ Hraundal, 4.8.2015 kl. 07:43

2 Smámynd: Jóhann Elíasson

Mjög góð grein.  Ég er sammála hverju einasta orði

Jóhann Elíasson, 4.8.2015 kl. 10:18

3 Smámynd: Helga Kristjánsdóttir

Kraftur og karlmennska; akkurat það sem þjóðina vanhugar um. Er nú farin að skilja blúndukellingaskrif nafna míns! "Látum hendur standa út úr ermum og ekkert þras"....

Helga Kristjánsdóttir, 4.8.2015 kl. 16:51

4 Smámynd: Jónas Ómar Snorrason

Ja hérna, það er bara ekkert annað. Þetta er einhver óraunsæasta og mest bitur grein sem ég hef lesið frá ykkur afturhaldseggjunum. Vandamálið hjá ykkur er svo ljóslifandi. Þið neitið að horfast í augu við stórkostlegu vandamáli ykkar eigin lands, þess í stað hamist þið eins og rjúpa við staur, að setja út á önnur ríki, sem mynda viljug bandalag er heitir ESB. Þetta eru ríkin, sem haldið hafa uppi t.d. sjávarútvegi og öðrum útflutningi sem nemur 70-80% af útflutningstekjum íslendinga. Þegar þú getur sýnt fram á það, hvaðan þessar útflutningstekjur geti komið annar staðar frá, þá skal ég alla vega, opna augu og eyru, en þangað til grow up.

Jónas Ómar Snorrason, 4.8.2015 kl. 17:09

5 Smámynd: Gunnar Rögnvaldsson

Þakka ykkur fyrir

Ég hugsa að það séu ESB-sinnar sem séu afturhaldsamasta samkunda sem til er. Þeir eru oftast, en þó ekki alltaf, ofstækismenn með rörsýn á tilveruna.

Við þurfum að ryðja úr vegi nokkrum goðsögnum um EES-samninginn þannig að vitrænar umræður um þetta mál geti farið fram.

Í fyrsta lagi

Við þurfum ekki á EES að halda til þess að geta selt vörur okkar erlendis. Ef EES-samningurinn yrði felldur úr gildi þá mun fyrri fríverslunar-samningur okkar við ESB sjálfkrafa taka gildi. Þetta kemur gagngert fram í EES-samningnum. Ísland mun því geta selt vörur sínar án tolla og annarra viðskiptahindrana eins og áður.

Samkvæmt WTO-reglunum getur ESB ekki lagt hærri tolla á Ísland en á önnur lönd utan Evrópusambandsins. Lausnin í hinu svo kallaða laxastríði, þar sem ESB var skikkað til að gefa sig samkvæmt fyrirmælum frá WTO, sýnir einmitt, óháð EES-samningnum, að ESB er skyldugt til að virða alþjóðlegar viðskiptareglur.

ESB hefur engan rétt til - eða hagsmuni af - að hefja viðskiptastríð við Ísland ef við skyldum segja EES-samningum upp. Stærsti hluti vöruútflutnings okkar til ESB eru hráefni- og hálfunnar vörur sem eru notaðar til frekari vinnslu í framleiðslugeira ESB-landa.

Það væri því beint óskynsamlegt af ESB að gera nokkuð sem helst til klúðra þessum gagnkvæmu viðskiptum.

Þjónustuviðskipti okkar myndu halda óbreytt áfram án EES-samningsins. Því sjá alþjóðlegar reglur GATS fyrir, sem er þjónustusamningshluti WTO-samninga.

GATS-samningurinn mun samtímis veita Íslandi enn stærra alþjóðlegt ráðarúm. Til dæmis gæti þá meirihluti Alþingis varðveitt einkarétt Póstsins á útburði bréfa án þess að komast í krambúlag við reglur EES. Hér er aðeins eitt smátt en þó mikilvægt dæmi á því sviði nefnt.

Í öðru lagi

EES-samningurinn tryggir ekki öryggi atvinnu. ESB-dómstólinn hefur hvað eftir annað úrskurðað að réttindi sem kjarasamningar veita launþegum í EES landi verða að víkja fyrir (útópískri) "frjálsri samkeppni" á hinum svo kallaða "innri markaði ESB" og reglum hans. Þetta er uppskriftin að "sósíal-dumping" sem við höfum séð mörg tilfelli af á síðustu árum.

Í þriðja lagi

EES-samningurinn er ekki forsendan fyrir samvinu um rannsóknir, vísindi og menntun. Samvinnan á milli Noregs/EFTA-landanna og ESB hófst mörgum árum áður en EES-samningurinn kom til skjalanna með vísan til Lúxemborg-yfirlýsingarinnar frá 1984. Noregur var - alveg utan við EES-samninginn - fullgildur aðili að til dæmis lyfja- og heilbrigðisrannsóknum, raunvísinda- og tæknirannsóknum (SCIENCE) og umhverfisrannsóknum (STEP). Á sviði menntamála tók Noregur þátt í mikilvægustu sviðum þess, COMETT (frá 1990) og ERASMUS (frá 1992) áður en EES-samningurinn kom til.

Ef við göngum út úr EES-samningnum mun veigamesti munurinn þar á eftir verða sá að við erum ekki skyldug til að taka þátt í allri samvinnu á sviði menntunar og rannsókna (nema kjarnorkurannsókna?). Við gætum því sniðið áherslurnar á þessu sviði að okkar eigin þörfum.

Samvinnuverkefni okkar við ESB í dag eru líklega tapsgefandi verkefni. Noregur greiddi til dæmis 9 miljarða norskar krónur í aðildargjald til rammaáætlunarinnar fyrir árin 2007-2013. Þegar Norðmenn skrifuðu þetta þá var það tímabil hálfnað og samkvæmt Rannsóknarnefnd Noregs höfðu Norðmenn aðeins fengið tvo miljarða af þessum níu til baka.

Að lokum

EES-samningurinn er ekki "næstum því" jafngildi ESB-aðilar. Tollabandalag og viðskiptastefna ESB gagnvart þriðja landi, fiskveiðimálin, þrír fasar myntbandalagsins (EMU) og evran eru aðeins nokkur af þeim málum sem liggja alveg utan EES-samninginn. Frá byrjun ársins 2000 og til loka ársins 2009 voru alls 3.119 ný ákvæði, lög- og réttarfarslegar viðbætur settar inn í EES-samninginn. Á sama tíma samþykkti og meðtók ESB 34.733 ný ákvæði, laga- og réttarfarslegar viðbætur og breytingar.

Einungis 8,9 prósent af nýjum ESB-lögum og reglum var sem sagt bætt inn í EES-samninginn. Hann er því minna en 10 prósent af fullri ESB aðild.

Sjá: Goðsagnir um EES-samninginn og "80 prósent" uppspuninn

Kveðjur

Gunnar Rögnvaldsson, 4.8.2015 kl. 17:55

6 Smámynd: Gunnar Rögnvaldsson

Þess utan væri, ef sterkur vilji er fyrir hendi, hægt að endurreisa hér hóflegan en sérhannaðan alþjóðlegan hluta af fjármálakerfi, sem nyti góðs af að búa og starfa í þekktu lýðræðislandi. Í landi sem lært hefur af biturri reynslu hversu ömurlegt það er að vera lítil eining af geðbilaðri heild þess versta sem veröldin hefur séð síðan 1930.

Gunnar Rögnvaldsson, 4.8.2015 kl. 18:12

7 Smámynd: Helga Kristjánsdóttir

Þetta er allt frábært hjá þér.Vegna fyrirsagnarinnar að aftengja Ísland við svarthol ESB.Væri það ráðherra utanríkis,sem ætti að láta hendur standa framúr ermum og ljúka því.

Helga Kristjánsdóttir, 4.8.2015 kl. 21:28

8 Smámynd: Gunnar Rögnvaldsson

Þakka þér Helga.

Þetta er pólitískt mál - eða réttara sagt; pólitískt-strategískt mál. Svo fínt væri að taka það upp sem fyrst áður en Ísland sekkur enn dýpra með ESB-grjótinu niður á steinöld.

Þetta varðar í fyrsta lagi utanríkismál og allan þjóðarhag, en dýptin í málinu er þó í síðasta enda spurningin um frelsis-, fullveldis-, og sjálfstæðismál Íslands til frambúðar.

EES var röng stefna að taka. Þetta þarf að leiðrétta og læra af mistökunum.

Kveðjur

Gunnar Rögnvaldsson, 4.8.2015 kl. 21:42

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband