Leita í fréttum mbl.is

Erlent vinnuafl snýr heim frá Noregi

Á föstudaginn var dönsk skaðafrygðar-grein í Berlingske. Ein þúsunda slíkra um hinn ríka Noreg sem birst hafa reglulega á síðum danskra fjölmiðla frá því að Norðmenn sýndu nágrönnum sínum hvað í norska sveitastráknum býr; ráðdeild og aftur ráðdeild, áræðni, þor, skynsemi, sjómennska og einstaklingshyggja sem illa er þoluð af samyrkjuþrotabúinu Svíþjóð og niðurslitinni Danmörku í föstu gengisfyrirkomulagi við þýska rass þann sem landið er pólitísk bóla á

Stungu fátækir sveitastrákar bornum niður í þjóðar-arðlausa Ekofiskjörðina undir heilu hafi. Þetta pot fór fram skömmu eftir að Noregur af sunnanelítum Evrópu var skilgreindur sem fátækur “útkjálki” álfu þeirrar sem elítan nú íklædd klæðum olíufatalauss ESB-keisara hefur sviðið niður í eitraða grasrót meginlandsins, svo að gufan úr gamla kommúnismanum sem þar er fæddur og stríðsalinn megi þrýsta út nasavængjum friðardúfunnar sozialismus - og sem er þýsk háþróuð leðurblökutegund, ja

Eftir hátt í tvö hundruð boraðar holur voru þeir við það að gefast upp. Ekkert fannst. En svo kom gjöfin frá hinum arðlausa sjávarbotni Noregs rétt fyrir frekar fátækleg jólin 1969. Jú, þeir höfðu stungið prikinu ofan í stærsta olíusvæði veraldar undir sjó. Restina þekkja allir. Og þó...

Margir þekkja ekki til þess verðs sem verður að fást fyrir olíuna bara til þess eins að tröllrisavaxnar fjárfestingar Noregs í þessu dóti beri sig, þannig að úr þessu verði ekki bara tap, eða réttara sagt, ein stór færsla kreditmegin í bókhaldi undir lyklinum “skuldaarfur í þjóðareign”, sem auðvitað er hægra megin við debet-dálk græðginnar. Fari maður alveg út úr bókhaldinu má jafnvel líta á þann hryllilega dálk sem verandi vinstra megin við veruleikann. Í þjóðareign!

Nú má ætla að hin íslensku þjóðnýtingaröfl hér heima fari fram á að almenningurinn Sigurlaug Urmulsdóttir og fjölskylda hennar fái að gera út á Drekamið með Black og Decker borvél sína knúna þjóðartapsraflostinu úr Kárahnjúkum. Það ætti jú að nálgast mannréttindi því þá myndu ljósin slokkna í Reykjavík og björgunarskipið Harpan láta út höfn. En hvað um það

Eftir 30 ár sem ríkir, hafa Norðmenn uppgötvað að olíuverð er fallið um 60 prósent og að lítil trygging er fyrir því að það muni ná sér aftur upp 2002-2013 þrep hráefnabólustiga ECB. Og það sem meira er, olían úr arðsömustu holunum er að verða búin. Restin kostar skilding þann sem haldið er fast um undir umsjón “þjóðararðssjóðsins” sem fjárfesti honum til dæmis í Rússlandi og kolaiðnaði um víða veröld svo að Danmörk gæti áfram búið til rafmagn til að framleiða vindmyllur sem Þjóðverjar nota til að kæla kolaverkin sín sem eru mun sunnar

Þetta hefur þýtt það að sveitastrákurinn er byrjaður að læsa hurðinni. Já hann er ennþá til, sprelllifandi, þrátt fyrir að hafa slegið um sig síðustu tvo til þrjá áratugi, that is all, smá skitin 30 ár. Á teikniborðið er því kominn niðurskurður (jafnvel útskurður) og 20.000 manns hent úr olíunni eins og skot. Og svo kemur restin af sjálfu sér, þ.e.a.s. gamlir nýrnasteinar og þvagsýra komin í bígerð (bí bí bí bíbb)

Þetta hefur strax haft þau áhrif að erlent “vinnuafl” er byrjað að yfirgefa Noreg. Það borgar sig ekki lengur að vinna þar til að geta svo sent peningana heim til ESB sem er á hausnum. Verið er að endurhugsa norska vinnumarkaðinn. Enda veitir ekki af, því á hverju eiga Norðmenn að lifa í framtíðinni, þegar allt er svona hrikalega dýrt að þeir hafa verðlagt sig út af gamla landakorti sveitastráksins. Hér mun verða gengið miskunnarlaust til verks. Og þessi húsnæðisbóla sem hangir yfir landinu, hún er alls ekkert grín. Einn títuprjón, ekki þarf meira til

Men under overfladen ulmer en krise, og den er så betydelig, at erhvervsavisen Dagens Næringsliv rapporterer om, at flere fremmedarbejdere rejser tilbage til deres hjemlande. Det kan ikke længere betale sig for dem at tage et arbejde i Norge og sende lønnen hjem | Berlingske

Fyrri færsla

Barnaveikin og bólusetningar og þjóðnýting


« Síðasta færsla | Næsta færsla »

Athugasemdir

1 Smámynd: Ragnhildur Kolka

Þér er lagið að setja hlutina í samhengi Gunnar. Mér sýnist á þessari færslu að 16 tíma vaktir íslenskra hjúkrunarfræðinga í Noregi séu u.þ.b. að þurrkast út. Íslenski taxta verður því að duga þeim bæði til vinnu og hvíldar.

Ragnhildur Kolka, 8.6.2015 kl. 10:07

2 Smámynd: Gunnar Rögnvaldsson

Þakka þér innlitið Ragnhildur, gaman að sjá þig hér.

Kveðjur

Gunnar Rögnvaldsson, 8.6.2015 kl. 15:13

3 identicon

Sæll Gunnar - sem og aðrir gestir þínir !

Gunnar og Ragnhildur !

Margt: má vafalaust að Norsku samfélgi finna, sem öðrum - en ætli megi ekki líkja Íslandi í dag, við einhverja ömurlegustu þrælakistu okkar samtíma,, gott fólk ?

Í Noregi: já, og suður á Madagascar einnig m.a.s., verzlar fólk sér húsnæði á heilbrigðum forsendum, þ.e., sér höfuðstóla lána lækka, við hverja afborgun - eins: og hérlendis tíðkaðist, í eina tíð.

Hví: ættu þeir Íslendingar - sem flutt hafa / sem flúið til Noregs - sem annarra landa, austan Atlantshafs - sem vestan þess (í Kanada, t.d.), að snúa aftur í þann viðbjóðslega soll hér, sem ýmis stjórnmála- og embættismanna úrhrök eru búin að koma á, um all langan tíma, að óbreyttu ?

Gunnar og Rganhildur !

Endilega: reynið að tjöruhreinsa innihaldslausan þjóðremb inginn úr ykkar hugskotum, og virðið betur fyrir ykkur þann hversdaglega ömurleika, sem við blasir:: ört fjölgandi hluta samlanda ykkar.

Hættið: að mæra gerfi- fullveldið (EES og Schengen kjaptæðið löngu búin að rústa því, m.a.) / og reynið að ná lágmarks jarðtengingu, hafið þið tök á, á annað borð.

Örlög Íslands: lands og miða og fólks og fénaðar, væru bezt komin í Kanadískum og Rússneskum höndum / í stað innlendu gerpanna, sem keyra sig áfram á lygum og græðginni ofurseldri svikseminni - upp á hvern einasta dag, gott fólk !

Með kveðjum: samt sem áður - af Suðurlandi /

Óskar Helgi Helgason (IP-tala skráð) 8.6.2015 kl. 16:23

4 identicon

.... afsakaðu Ragnhildur: og þið önnur, stafa villurnar / hér og þar, skrifað í nokkrum flýti.

ÓHH

Óskar Helgi Helgason (IP-tala skráð) 8.6.2015 kl. 16:28

5 Smámynd: Gunnar Rögnvaldsson

Sæll Óskar

Þar sem öll athugasemd þín er feitletruð þá verður eina sýnilega áherslan í henni sjálft nafnið þitt.

Kveðjur til þín suður og niður

Gunnar Rögnvaldsson, 8.6.2015 kl. 17:39

6 identicon

Komið þið sæl - á ný !

Gunnar !

Þó síðar yrði: kynnu orð mín að sannreynast, þó þið Ragnhildur o.fl. þykist mega full bjartsýni vera, um framvindu alla.

Og - á meðan ég man: eitthvað hugboð segir mér / að hinn Skaftfellzki Jón Krukkur (á 17. og 18. öldunum) muni sannspár reynast verða um, að land eyðist af langviðrum og lagaleysi.

Ekki að ófyrirsynju: að sá gamli hefði rétt fyrir sér, eins og allt er í pottinn búið í okkar samtíma, Gunnar minn.

Ekkert síðri kveðjur - hinum fyrri: svo sem /  

Óskar Helgi Helgason (IP-tala skráð) 8.6.2015 kl. 19:38

7 Smámynd: Gunnar Rögnvaldsson

Þakka þér innlitið Óskar

Kveðjur suður til þín

Gunnar Rögnvaldsson, 8.6.2015 kl. 20:10

8 Smámynd: Gunnar Rögnvaldsson

Það er annars furðulegt hversu gullfiskaminni virðist ráðandi þegar að efnahagsmálum kemur:

Frá 1997 til 2003 voru vextir á húsnæðislánum í Noregi á bilinu 5 til 9 prósent. Þeir tóku dýfu niður á við eins og annarsstaðar þegar uppbygging stóru fjármálabólunnar grasseraði frá 2002 til 2006.

Frá 2006 til 2009 hækkuðu norskir húsnæðislánavextir út 4 prósent og náðu hámarki árið 2008 þegar þeir voru á bilinu 5 til 7 prósent.

Þá hrundi heimurinn og þá hrynja vextir með, því eftirspurn eftir peningum hrundi og ofan í það kom svo sú staðreynd að fæstir voru í standi til að taka á sig auknar eða nýjar fjárskuldbindingar. Voru ekki lánshæfir sökum skulda.

Þegar olíuverðið féll niður í 9,5 dollara tunnan árið 1997 þá fóru norskir vextir á húsnæðislánum upp um tugi prósentustiga. Tugi prósentustiga og 7,5 Richter-jarðskjálftar fóru um húsnæðismarkaðinn í bylgjum þannig að fólk engdist sundur og saman af angist.

Þetta stjórnast algerlega af stýrivöxtum norska seðlabankans. Og þeir eru að miklu leyti háðir þróuninni í olíuhagkerfi Noregs. Ekkert tillit er tekið til peanuts smámuna eins og vöxtum á húsnæðislánum þegar seðlabankinn þarf að verja norsku krónuna.

Eins og er eru vextir á norskum húsnæðislánum þeir lægstu í 200 ár. Það er ei hyggilegt að byggja nein framtíðarplön á þeirri undantekningu, né að skrifa heim um það stjörnuhrap í áratuga-tímarúmi lána.

Gunnar Rögnvaldsson, 9.6.2015 kl. 00:24

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband