Myndarlegur afgangur, virkilega?

Mynd; evruupptakari 

 

Í frétt Morgunblaðsins þann 23. ágúst kemur eftirfarandi fram:

Myndarlegur afgangur varð af rekstri þýska ríkisins á fyrri helmingi þessa árs samkvæmt upplýsingum frá hagstofu Þýskalands sem birtar voru í dag.

Fram kemur á fréttavefnum Euobserver.com að afgangurinn nemi 8,5 milljörðum evra en sterkur efnahagsbati hafi átt sér stað í þýsku efnahagslífi undanfarið í kjölfar nokkurra mánaða stöðnunar þar á undan. 

En er þetta nú í reynd þannig? Myndarlegur afgangur? Er það? Afgangur hvers?

Það er nú reyndar frekar þannig, að nauðsynleg efnahagsleg örvun (e. stimulus), viðeigandi rýmri peningapólitík og fjárveitingar vegna sameiningar tveggja þýskra ríkja undir kyndandi kommúnistum Austur-Þýskalands, saman við kyndandi einokunarverndaðan og læstan sósíalisma Vestur-Þýskalands, rúmaðist ekki innan lagaramma ríkis þýska seðlabankans í ríkinu

Þannig; að finna varð aðra leið til að standa undir sterkum peningastraum sameiningar ríkjanna, en þó án þess að þýsk peningayfirvöld og þeir sjálfir þyrftu að greiða fyrir þessa ólukkulegustu og jafnframt misheppnuðustu sameiningu tveggja ríkja í seinni tíma sögu hins glataða meginlands Evrópu

Yfirvöld hinna beggja innanríkis-ríkja Þýskalalands urðu skyndilega svo hreint ótrúlega heppin að falla niður á evruna, alla leið neðan úr skjala-kjallara þýska efnahagsmálaráðuneytisins, sem lá þar á tröpputrýni 1941. Þeir vissu að innan ECB-seðlabankalings Evrópusambandsins —héti maður Þýskaland— væri hægt að brjóta allar settar reglur eins og eldspýtur og jafnframt, ofan úr turni hans, taka raunstýrivexti í Þýskalandi niður í hið lægsta stig frá lokum hinnar síðari heimsstyrjaldar meginlandsins

Þetta hefði ekki getað gerst í gegnum þeirra eigin seðlabanka; Bundesbank. Svo hér urðu þýskir nurlpúkar með almenning á læstum launum —yfirskilvitlega óvænt— alveg hreint svo ótrúlega heppnir, að stórsósíalisti sósíalisma í einu ríki skyldi strax koma á vettvang, til að sleikja tær sósíalista í heilu sameinuðu ríki. Og svona líka skyndilega að úr varð evra

Síðan var bara að láta þríhyrnda elítumafíu Þýskalands og eruophiles —þ.e. iðnaðarfyrirtæki þýska aðalsins í ESB, plús bankamafíu þýska aðalsins í ESB, plús verkalýðsmafíu þýska aðalsins í ESB, eða allt heila helvítis sózíalmarkaðz einokunarveldisklabbið— um að dæla peningunum suður um skólpveitu evrunnar, til að búa þar til þá sárt vantandi eftirspurn eftir vörum frá hinum stórfenglega og stórskalaða ritvélaiðnaði í demógrafískt impótentu og deyjandi Þýskalandi

Skapa þannig eftirspurn eftir vörum frá stærsta elliheimili veraldar. Þar kom afgangurinn myndarlegi. Og hann er hvað; jú svo myndarlegur. Því það er hreint kraftaverk hvers neikvæðir raunstýrivextir eru megnugir. Hreint kraftaverk. En þeir mega bara ekki koma fyrir hjá okkur. Ekki hjá okkur, því við erum jú Þýskalandið

Þetta er sem sagt hinn myndarlegi sózíalmarkeraði afgangur Kínaveldis Evrópu. Öllu þurrkað yfir á aðra, að þýskri venju. Aldrei að borga neitt, heldur láta greipar sópa og rukka aðra um það sem þeir sjálfir eru ófærir um að skapa; þ.e. sjálfa eftirspurnina. Og samt liggur Austur-Þýskaland enn sem ein rjúkandi rúst og mun halda áfram að gera svo, næstu þúsund árin. Og sömu leið fer meginlandið allt. Það er komið af stað; svo myndarlega af stað

Og þetta mun enda skelfilega

Fyrri færsla

Leiktjöld Evrópusambandsins af Róm

8,5 milljarða evra afgangur

Athugasemdir

[Helgi jónsson (IP-tala skráð) 27.8.2013 kl. 11:20]

Bullið í þér!!

[Flowell (IP-tala skráð) 27.8.2013 kl. 17:39]

"...iðnaðarfyrirtæki þýska aðalsins í ESB, plús bankamafíu þýska aðalsins í ESB, plús verkalýðsmafíu þýska aðalsins í ESB, eða allt heila helvítis sózíalmarkaðz einokunarveldisklabbið."

Verst að þetta er einnig sá raunveruleiki sem blasir við okkur Íslendinga. Iðnaðarfyrirtækin úti eru eins og sjárvarútvegs- og orkufyrirtækin hérlendis, sem þrífast á einokun/einkeypi, bankarnir úti eru bara eins og bankarnir hér heima, og verkalýðsmafían hérlendis gerir sitt besta í að hækka nafnlaun langt umfram framleiðni svo verðbólga límist á verðtryggðan höfuðstól þ.a. ósjálfbært lífeyriskerfi geti frestað dauðdaga sínum.

Meginlandið og eylandið er ekki svo ólíkt þegar allt kemur til alls.

[Gunnar Rögnvaldsson, 27.8.2013 kl. 18:21]

Þakka ykkur fyrir

Vert er að minnast þess að sameining Þýskalands fór fram undir ERM, sem er forfaðir evrunnar. ERM er mesti peningalegi skaðvaldur Evrópu; keðjusög og drepsótt velmegunar.

Sameiningin fór einnig fram samtímis því að verið var að troða geðklofnum Maastricht-sáttmálanum yfir Evrópu með engu lýðræðislegu umboði neinna.

Í þeim sáttmála er heill hluti sem kallast "the stability pact" eða stöðugleikahluti sáttmálans. Hann gekk út á það að ekkert ríki mætti reka ríkissjóð sinn með meira en 3 prósent halla. 

Það sjá allir að ENGIN geðheil né heiðarleg leið var að sameina eitt gjaldþrotið Austur-Þýskaland við eitt Vestur-Þýskaland undir ERM misfóstrinu og með ríkissjóð bundinn á höndum og fótum og samtímis vera að vinna að því að leggja Evrópu undir sig með Marðarspelkusáttmálanum og öllu því sem í honum fólst. Það hefði þurft MASSÍFAN (one off) fjárlagahalla og peningalega örvun til að láta sameininguna ganga upp.

Því varð Þýskaland að halda sameiningar-hlandinu í sér þar til landið -fyrst allra ríkja í EMU þverbraut stöðugleika-hluta sáttmálans- og míga því síðan yfir allt myntsvæðið, með ECB í rassvasanum.

Ég minnist þess ekki að íslenska lýðveldið hafi brugðist svona við Vestmannaeyjaeldgosinu. Því var ekki þurrkað yfir á önnur ríki.

Kveðjur