Merck stöðvar afhendingu á krabbameinslyfi til grískra sjúkrahúsa

Þýska lyfjafyrirtækið Merck KGaA vill ekki lengur afhenda krabbameinslyfið Erbitux til sjúkrahúsa í opinberum rekstri í Grikklandi. Þetta segir talsmaður fyrirtækisins úr aðalstöðvum þess í Darmstadt í dag. Sjálfur yfirmaður fjármála hjá Merck KGaA, Matthias Zachert, segir enn fremur í samtali við Kauphallartíðindi Þýskalands, að sjúkrahús í opinberum rekstri í Suður-Evrópu-Evrópusambandsins séu þau sjúkrahús sem verst fara út úr evruupptöku Evrópusambandsins. Hann segir að Grikkland sé enn sem komið er eina landið í heiminum sem fyrirtækið neitar að afhenda lyfið til. Spánn sleppur enn sem komið er, en naumlega, fyrir horn forstjórnar Merck KGaA í sameinuðu Þýskalandi.

Grikkland gekk í Evrópusambandið árið 1981 —fyrir 31 ári síðan— og hefur á því tímabili þegið 97 miljarða evra af styrkjasukki frá aðalstöðvum Evrópusovétsambandsins í Brussel. Þeir áttu að byggja samfélag Grikkja upp.

Þann 1. janúar 1999 var evru-sogrörs-mynt Evrópusambandsins hleypt af stokkunum úr skipasmíðastöð ECB-aukaseðlabanka Þýskalands, eftir misheppnuðustu ríkjasameiningu veraldarsögunnar. Tilgangur myntarinnar af Þýskalands hálfu frá upphafi, var að bjarga rústuðum efnahag sameinaðs Þýskalands sem þá hét hinn sjúki maður Evrópu, á kostnað annarra ríkja heimsálfunnar.

Aðalefnafræðingur sameinaðs Þýskalands nú, er frú Angela Merkel. Hún er þess utan að upplagi og mennt stórefnafræðingur frá Austur-Þýskalandi kommúnista; DDR.

Tvær krækjur

FT: Merck halts supply of cancer drug to Greek hospitals

Der Spiegel: Wolfgang Munchau on why German unification was a historical mistake 

Fyrri færsla

Dynkur, marr, hvarf

Athugasemdir

[Bragi, 4.11.2012 kl. 00:03]

Sæll Gunnar. Miðað við pistlana þína, sem eru mjög þarfir og góðir, er erfitt að sjá þína framtíðarsýn hvað varðar ESB eða evrusvæðisins.

Við hverju býstu á nk. 5-10 árum?

[Hrólfur Þ Hraundal, 4.11.2012 kl. 01:01]

Það hlýtur að vera alveg stórkostlegt að vera krabbameins sjúkur Grikki og aðili að gloríusambandi sem getur slökkt á lífi hans fyrirvara laust. 

Fyrirvaralaust vegna þess að kjánarnir sem kosnir voru á þing honum til velsældar , gáfu valdsit til gloríusambands sem sogaði arðinn sem hann skapaði í verkefni sem eigin annar en þýska þjóðin kaus yfir sig.  

Það er stærri hola en svo að skrípakerlingin, vinkona hinnar Íslensku Jóhönnu nenni að fylla af eigin rammleik og þess vegna ræðst hún í að sjúga annarra  mæðra spena.

ATH. Ég vænti þess að mér sé almennt heimilt að nota orðið skrípakerling hér á blogginu þó að það sé óheimilt í Morgunblaðinu varðandi Jóhönnu.         

[Gunnar Rögnvaldsson, 4.11.2012 kl. 01:51]

Sæll Bragi og takk fyrir innlitið. 

1) Verið er að stofna ný Sovétríki á meginlandi Evrópu. Þar er framtíð Evrópusambandsins.

2) Fyrst var lýðræðinu eytt með agúrkuaðferðinni allar götur frá 1956.

2) Doktor Evrópu fór því miður heim þegar hann árið 1953 hafði komið á PaxAmericana firði á í rústasamélögum hinna föllnu keisaravelda meginlandsins - og þar á eftir tekið hin gömlu Sovétríki Evrópi í nefið með Anglo-Sax-kapítalisma sínum; þ.e.a.s U.S Exit. Þessi doktor heimsins er þess eðlis að hann fer alltaf heim til sín aftur (exit, exit, exit) því heima í friði vill hann einungis vera. U.S-doktorinn hefur frá fæðingu af engar keisaralegar ambitiónir haft, eins og meginland Evrópu hefur og mun alltaf erfðafræðilega hafa um alla tíð. Kjarni Evrópu er því genetískt pólitískt og stjórnarfarslegt misfóstur.

3) Svo féll gamli Sovétmúrinn frá Austri og yfir Vestrið með þeim afleiðginum að jöfnuður varð eftirróttari vara en frelsið. 

4) Síðan var þjóðríkjum meginlandsins komið fyrir í terpentínuupplausn fethista Evrópusambandsins á París-Berlinar öxlinum og sem sífellt er styrkt með áhellingum undir þeim áföllum sem sjálf tilvist Evrópusambandsins hefur alltaf valdið og mun alltaf valda Evrópu. 

5) Svo var fullveldi ríkjanna sett inn í skápa wannabe keisaraista meginlandsins, lyklunum hent burt og löndin látin um að kála hvort öðru í einum eilífðar innvortis gengisfellingar orgasma í handjárnum hins læsta gengisfyrirkomulags ERM, EMS og evrunnar og kapphlaupi þeirra niður á botn hins erfðafræðilega Hegelíanska marxisma meginlandsins, sem er misfóstur frá rótum af, upp allan búkinn og inn í musterishaus öxulsins, sem fyrir alvöru til varð er Bismarck svo glæsilega laug stofnun Þýskalands upp í gegnum og fram hjá fólkinu og umheiminum árið 1871. Stofnun Þýskalands er falschfahrer. Það sama gildir um sameiningu Austur- og Vestur Þýskalands og Evrópusambandsins alls. Ekkert meira undirförulla fyrirbæri hefur verið dregið yfir hörfuð Evrópu á nýrri tímum. Og eins og þið vitið er fullkomlega miðstýrt hálf sovéskt Frakkland þegar að háma í sig hina fimmtu stjórnarskrá "byltingarinnar" sem svo gersamlega mistókst. 

6) Nú er "financial repression" sem sé komin.

7) Og nú er "fjárkúgun" sem sé staðreynd

8) Verið er að afnema kpítalisma á meginlandinu. Marxisma Hegels verður troðið þar inn í tómið sem ESB hefur nú búið til og upp úr því munu rísa hin nýju Sovétríki Evrópusambandsins; sem byggja lagalega tilvist sína á eftirfarandi heimspeki í margföldum sáttmálum og lagabálkum, sem allir heimskir hafa skrifað undir, en enginn með fullu viti lesið: - (lesist vel og vandlega) =>

Stjórnarskrá Evrópusambandsins fyrirskipar ákveðið "samfélags- og efnahagslegt lífsmódel" eða líferni í öllum ríkjum sambandsins fyrir alla þegna sovétsambands ESB, alveg eins og stjórnarskrá gömlu Sovétríkjanna gerði; en hún fyrirskipaði að kommúnismi væri hið eina leyfilega og löglega samfélags- og efnahaglega lífsform fyrir alla borgara og fyrirtæki innan landamæra Sovétríkjanna. Út frá stjórnarskránni þeirri ættu allir að skoða æðstu dómstóla gömlu Sovétríkjanna og því næst allan æðsta dómstól Evrópusambandsins, lög hans, dóma og túlkanir; þ.e.a.s. Evrópudómstóllinn (ECJ) e. European Court of Justice.

ECJ-dómstóll Evrópusambandsins styður aðeins þau "réttindi" borgara og fyrirtækja innan sambandsins sem stuðla, hvetja og vinna að ákveðnum málstað sem njörvaður er niður í undirstöðu allra sáttmála Evrópusambandsins; "Une certaine idée de l'Europe" eða "hinni sérstöku hugmynd um Evrópu(sambandið)". Þessi hugmyndagloría um Evrópu ER dómstólinn sjálfur, lög hans og túlkanir. Hún er Dottin niður til Jarðar sem framandi geimvera og illfygli mikið. "Réttindi" boragranna eru af ECJ-dómstólnum aðeins leyfð ef þau stuðla að "meiri sameiningu" (integration). 

Og það þýðir í praxís að dómstóllinn mun alltaf dæma þessari "samruna hugmynd um Evrópu" í hag og vaða yfir öll stjórnarskrárbundin réttindi þegnana í öllum aðildarríkjum. Réttindi borgarana á lagasvæði dómstólsins — og sem hann skammtar — eru bara til í raunveruleikanum ef þau gagnast, stuðla að og styðja við þessa "hugmynd um sameinaða Evrópu". Ef þau stangast hins vegar á við "hugmyndina um sameinaða Evrópu" þá eru réttindi borgarana ekki til (non existing) í augum dómstólsins.

Lengra nær hinn heimspekilegi grundvöllur og lagarammi dómstólsins ekki. Þetta er í eðli sínu einræðisleg uppskrift (e. totalitarian concept) að nýju helvíti á okkar Jörð. Þetta er kjarninn í ESB. Og þetta er nýtt sovét, eins og við mátti búast af meginlandi Evrópu. 

Við eigum að segja okkur úr EES og lifa undir þeim lögum sem aðeins við sjálf setjum fyrir okkur sjálf og bara fyrir okkur sjálf. Magna Carta frá 1215 verðum við ávalt að muna. Fátt verður mikilvægara í þeirri afar slæmu framtíð sem herja mun á okkur frá hinum nýju Evrópusovétríkjum ESB. 

Kveðjur

[Gunnar Rögnvaldsson, 4.11.2012 kl. 02:11]

Þakka þér Hrólfur

[Gunnar Rögnvaldsson, 4.11.2012 kl. 04:25]

En hver er drifkrafturinn á bak við hin nýju Sovétríki Evrópusambandsins. Það er ansi merkileg spurning en svarið við henni er því miður mjög dapurlegt: 

 

Setjist maður rólega í yljandi lyngið að hausti til og velti smávegis vöngum í fjarveru sótthita-embættismannahárrar stjórnmálagreindarvísitölu, þá sé ég ekki annað en að þetta sé svona þegar spurt er þannig: Hvað fær stjórnmálamenn til að afsala fullveldi ríkja sinna yfir til Evrópusambandsins? Hvað er það í raun sem fær stjórnmálamenn til að selja og gefa burt fullveldi og sjálfstæði þjóðríkjanna í Evrópu?

Svar; þegar fullveldi og sjálfstæði ríkja verður óverjanlegt (e. indefensible), þá er mikil hætta á að þetta tvennt breytist smám saman í nokkurs konar pólitískan söluvarning. Breytist í pólitíska "skiptimynt" og sogist inn á kauphallargólf hinnar pólitísku græðgi hins pólitíska hagkerfis sem orðið er tröllrisavaxið; "Ég skal svíkja þjóð mína ef þú firrir mig ábyrgð gagnvart kjósendum mínum í staðinn. Þá mun ég geta setið fastar í sessi og án ábyrgðar ofan á kjósendum mínum. Þegar ég hef smám saman selt og gefið burt fullveldi þjóðarinnar, þá mun ég geta sagt við kjósendur mína; sorry, sem þjóðkjörinn fulltrúi ykkar neyðist ég til að segja við ykkur að þetta er því miður ekki hægt, því þetta er ekki lengur á okkar höndum. Þetta "þetta" er komið yfir til Brusselveldisins og þeir ráða þessu um "þetta"." Þannig get ég sem liðleskja, stjórnmálalegur undirförull fölsungur og dagsdaglegur hug- og getuleysingi, setið áfram og enn fastar sem klístruð klessa á háum opinberum launum ofan á kjósendum, sem þá eru orðnir eins konar einkaþrælar valdaelítu sem enga ábyrgð ber gagnvart kjósendum, heldur er elítan þar með orðin eins konar sósíaldemókratískt og nomen-klessu-klattúru-fílter á milli einræðisformsins og gervilýðræðis." Það er svona sem elítuvætt Evrópusambandið hefur risið upp til raunverulegra valda með lygum og falsi stjórnmálastéttarinnar í ESB. Evrópusambandið er í engu sambandi við fólkið. Það er einungis vel launuð stóðelíta á leið til hins erfðafræðilega einræðis valdastrúktúrs meginlands Evrópu.  

Þetta sást vel í praxís og undir eins konar tímalegri hraðspólun í Noregi þar sem svo kallaðir quislingar spruttu upp í aðdraganda og undir valdatöku nasista í Noregi. Þegar fullveldi og sjálfstæði Noregs var orðið óverjanlegt, þá spruttu samskonar öfl úr læðingi og nú eru hægfara að verki í öllum löndum Evrópusambandsins. Þannig varð fullveldi Noregs að pólitískum viðskiptavarningi í hinum pólitíska sektor. Þetta endar auðvitað aldrei vel því þetta er sjálf fæðingardeild ónýtra stofnana sem ala af sér eilífa hörmung. Undir áföllum höfum við séð ömurleg öfl leysast úr læðingi. Og trúið mér; á meginlandi Evrópu mun elíta Evrópusovétsambandsins nýta sér öll núverandi og framtíðaráföll til hins ýtrasta.

 

Fullveldisafsalið treystir ömurlega og andlýðræðislega stjórnmálamenn ófrelsisins í söðli sínum. Þeir eignast við afsalið verndara valda sinna hjá hinu yfirríkislega umboðsluasa valdi nómenklatúru-veldis ESB. Og þeir skýla sér á bak við rotnar einræðis og umboðslausar stofnanir þess.

Hafið er okkar stóra vörn. Við liggjum ekki í túnfæti Þýskalands eins og til dæmi Danmörk gerir. Um þessar mundir er síðasta tækifæri Dana á því að verða fullvalda þjóð að renna út, áður en Grænland lýsir yfir sjálfstæði. Þangað hefðu Danir getað flutt og notið og varið sjálfstæði sitt fram í rauðan dauðann. Í túnfæri Þýskalands getur ekkert sjálfstæði neinna ríkja þrifist eftir að stórveldi Bandaríkjamanna pakkaði saman og fór heim frá meginlandi taparanna í ESB.

Fyrir andvirði einnar Kredithörpu í Reyjavík og sem marrar þungt í höfninni í Reykjavík, hefði mátt kaupa 8 til 12 stykki af F-16 orustuþotum til ótvírætt að handhefja fullveldið í lofthelgi lýðveldis okkar Íslendinga. Sem samstilltur stórstrengur við Bandaríkjamenn væri hljómkviða framtíðar Íslendinga í eigin landi þar með orðin ósigrandi. Og undir 200 sjómílum og áframhaldandi sterkum og peningalega græðandi sjávarútvegi, hefði arður hans sjálfviljugur getað reist tónlistarhús sem hæfði landi fiskimanna og bænda. Tónlistarhús myntsvæðis íslensku krónunnar á átjándu stærstu eyju heimsins hefði þá getað orðið aðdáunarvert.

Í staðinn búum við við ríkisskipulagt undanhald sem koma mun á ánauðarríki fátæktarinnar í anda Evrópusovétsambandsins.

Hægt er enn að hysja upp um sig brækurnar, hæstvirtu drullumallarar