Leita í fréttum mbl.is

"Efnahagsvandi evrunnar"? Ha ha ha

Peningaviss Skarphéðinsson talar neðan tungumáls fullvita manna um eitthvað sem hann kallar "efnahagsvanda evrunnar". Hver nema fávís talar svona? Það gerir að sjálfsögðu enginn nema þessi landsóviðkomandi utanríkisráðherra sem greinilega heldur að evran sé lífvera. Þetta er eins og að hann sé að tala um efnahagsvanda krónunnar á jarðhitasvæðum, súrefnisvandamál súrefnis, tómt vandamál tómarúmsins í höfði ráðherra, eða um hið fossandi munnvatnsfroðubað neðri tanngarðs til vinstri við gómsviknar kosningar VG. Góðan daginn; ég ætla að fá einn þokubakka, takk. Á honum hef ég hugsað mér að bera bull mitt á borð fyrir íslensku þjóðina.

Hvers konar mann höfum við sem þennan svo kallaða "utanríkisráðherra". Er hann tómur í hausnum. Hann heldur greinilega að myntir séu til þess gerðar að fólk búi við þær. Sannur tilgangur ekta myntar er þveröfugur við þokubakkaburð ráðherrans. Það er myntin sem býr við fólkið. Hún þjónar fólkinu. Hún endurspeglar gjörðir manna rétt. Nema að um þessa fölsku þokumynt hins landsóviðkomandi ráðherra sé að ræða. Og sem frá upphafi var slegin til einræðisherra í pólitískri myntsláttuvél hinnar leyndu dagskrár sitjandi nomenklatúru ESB. Þessa nú lítt dulbúnu Frankensteinamynt embættis- og stjórnmálamanna meginlands Evrópusambandsins, er evra kallast.

Evran er ekki mynt. Hún er ógnarvopn sem lengi var beðið eftir í Brussel. Henni er haldið að höfðum ríkja Evrópusovétsambandsins og þeim skipað að afhenda hinum myntvopnaða handhafa bæði fullveldi og sjálfstæði þjóðríkjanna. Láti ríkin ekki undan, verður vopninu hleypt mun hraðrar af og því beitt enn harðar á allt fólkið og afkomendur þeirra. Jólin í Brussel koma, alveg sama hvað.

Væri evran hins vegar alvöru mynt alvöru þjóðríkis þá myndi hún gagnast fólkinu en ekki valda því þessum hroðalega og örkumlandi efnahags- fullveldis- og þjóðríkisskaða sem hún er að gera. Óbætanlegum skaða, hægfara dauða þjóðríkja og sívaxandi einræði.

Fyrri færsla

Reglumynt og regluverk regluverkamanna


mbl.is Viðræðurnar skammt á veg komnar
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Ragnhildur Kolka

Hverju orði sannara, Gunnar. Guðinn í Brussel er tignaður af fólki sem hefur ekki hundsvit á um hvað málið snýst, enda eru öfgahópar yfirleitt ekki mikið að velta sér upp úr staðreyndum. 

Ragnhildur Kolka, 3.8.2012 kl. 10:35

2 identicon

Þetta er sennilega sú allra vitlausasta grein frá þér hingað til, og eru nú þær margar vitlausar frá þér. Það eina sem þú getur komið frá þér í þessari grein þinni er skítkast á utnaríkisráðherran og ekkert annað.

Helgi Rúnar Jónsson (IP-tala skráð) 3.8.2012 kl. 12:40

3 Smámynd: Hrólfur Þ Hraundal

Frá bært Gunnar Rögnvaldsson, takk fyrir:

Það er hverju orði sannara að Evran er vopn og gamla foringjanum sást yfir það.  Nýi foringinn er ljóslega miklu snjallari foringi. 

Gamli foringinn lét smíða skip sem brenndu olíu, sem hann hafði ekki,  og hann sendi herinn inní Rússland þar til hann varð olíulaus og fraus fastur. Nýi foringinn lét hinsvegar smíða Evru sem rústar ríkjum án olíu.   

Ráðherrann landsóviðkomandi  er náttúrulega eins og hver önnur lofthæna sem getur ekki flogið og verpir ekki heldur og þar með alveg vita gagnslaus, en dýr á fóðrum.   

Hrólfur Þ Hraundal, 3.8.2012 kl. 22:20

4 Smámynd: Halldór Jónsson

You said it Gunnar!

"Væri evran hins vegar alvöru mynt alvöru þjóðríkis þá myndi hún gagnast fólkinu en ekki valda því þessum hroðalega og örkumlandi efnahags- fullveldis- og þjóðríkisskaða sem hún er að gera. Óbætanlegum skaða, hægfara dauða þjóðríkja og sívaxandi einræði."

Án ríkisfangs er engin mynt möguleg.Án einnar þjóðar að baki myntar stenst engin mynt nema ríkin sé boltuð saman og samræmi hegðun sína í einu og öllu. Þetta gekk með Luxemburg og Belgíu á sínum tíma áður en evran kom.

Evrópusambandið verður alltaf krypplingur miðað við Bandaríkin. Því það er ekki ein þjóð og verður aldrei.

Halldór Jónsson, 5.8.2012 kl. 21:55

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband