DDRÚV: sænska krónan eykur viðskiptin hjá sænskum kaupmönnum

Mynd; geimverur heimsækja Ríkisútvarpið, DDRÚV.

 

Áhrifin af falli sænsku krónunnar frá ársbyrjun 2007 og sterkt auknum kaupmætti Norðmanna, hafa haft þau áhrif að landamæraverslun Norðmanna hefur aukist um 2 prósent á milli síðustu tveggja ára. Þrátt fyrir hækkandi eldsneytisverð og vegatolla

 

Mynd: Sýnist ykkur að sænsk hemili hafi orðið ríkari síðan 1994?

 

Í Danmörku varð uppi fótur og fit í janúar þegar blaðamenn úr heimi einkaframtaksins fóru í verslunarleiðangur upp í Svíþjóð. Þar fundu þeir út úr því að matarkarfan kostaði helmingi minna í Svíþjóð en í Danmörku. Svona er að hafa sína eigin frjálsu mynt. Sænska krónan vinnur dag og nótt fyrir sænska hagkerfið, eins og sú íslenska gerir fyrir hagkerfi Íslendinga. Laðar að viðskiptin. Svíþjóð hefur því miður skuldbundið sig til að leggja niður krónuna og taka upp evru með Evrópusambandsaðild landsins, sem fram fór í hræðslukasti og ömurlegu sundurlyndi árið 1994 , þegar 2,8 prósenta meirihluti kjósenda ákvað að rúlla yfir þá sem ekki vildu leggja landið niður. Nú er Svíþjóð orðin bensínstöð fyrir Norðmenn og stærsti útflytjandi fólks á vinnualdri til Noregs. Týnd er Svíþjóð og tröllum gefin á alþjóðavettvangi.

 

Børsen 25. janúar 2012: De danske forbrugere må betale mere end dobbelt så meget for dagligvarerne som forbrugerne i Sverige. Det viser en stikprøveundersøgelse, som avisen 24timer har lavet 

 

Í matvælalandinu Danmörku, sem áður framleiddi daglega matvæli fyrir 15 milljón manns, er matvælaverð nú það hæsta í Evrópusambandinu, samkvæmt síðustu verðvísitölu hagstofu Evrópusambandsins í Brusselbákninu. Ferðamaður sem á leið um Ísland þarf að greiða:

 

113 á Íslandi fyrir mat (frjálst land: atvinnuleysi 6,9% í kjölfar bankahruns)

116 í Svíþjóð fyrir sama mat (esb-land: atvinnuleysi 7,5%)

113 í Finnlandi fyrir sama mat (evru-land: atvinnuleysi 7,4%)

136 í Danmörku fyrir sama mat og (erm og esb-land: atvinnuleysi 7,9%)

165 í Noregi fyrir sama mat (ríkasta land Evrópu: atvinnuleysi 3,1%)

 

Af Norðurlöndunum fimm eru matvæli og heildar endanleg neysluútgjödl heimilis fyrir utanaðkomandi ódýrust á Íslandi. Atvinnuleysi er hér óbærilegt, en samt lægst, að olílandinu Noregi undanskildu. Og þetta er svona þrátt fyrir einstætt bankahrun og hryllings ríkisstjórn. Hvernig skyldi ESB líta út þegar evran hrynur ofan á það eins og í Grikklandi. Íslenska krónan er bjargvættur okkar. Hún er svo að segja framkvæmdavald fullveldisins. Þess vegna vilja ESB-aðildarsinnar, eins og þeir sem sitja á tökkum Ríkisútvarpsins, losna við hana. 

Hefði Ísland legið í túnfæti Norðmanna þá væru íslenskar verslanir yfirfullar af Norðmönnum, Svíum, Dönum og Írum. En landfræðileg lega Íslands er þannig að yfirfullar flugvélar af Norðmönnum, Svíum og Dönum hafa í staðinn bara flogið þeim hingað til landsins. Þökk sé krónunni. Reyndar er flogið hingað frá öllum heimsins hornum. Og krónukeyptar flugvélar duga okkur bara ágætlega. Að minnsta kosti betur en áróðursdeild Ríkisútvarpsins dugar okkur.

 

Einnig má geta þess að landamæraverslun Íra við peningaumdæmi bresku krúnunnar á Norður-Írlandi og á Bretlandseyjum hefur blómstrað og stuðlað að enn hryllingslega stærra gati á galtómu gólfi ríkissjóðs Írlands, sem álpaðist til að ganga í Evrópusambandið og taka þar upp evru; sér til ævarnadi bölvunar.

Mottó DDR-Ríkisútvarpsins er þetta

 

Danir aki til Þýskalands því þar eru engin lágmarkslaun og almenn laun allt að helmingi lægri. Þjóðverjar aki svo yfir til Póllands, þið vitið til hvers. Pólverjar aki síðan til Rúmeníu. En Rúmenar aka ekki neitt. Þeir fá bara 20 aura á tímann við að horfa á austur-þýska sjónvarpið frá DDRUV.IS

Það aumingjalegasta sem ég veit er að búa á t.d. Suður-Jótlandi og versla í Norður-Þýskalandi, en heimta svo skattafjármagnaða velferð og heilbrigðiskerfi þegar heim er komið með klessuna.

Ríkisútvarpið DDR

Hver greiðir fyrir rekstur DDRÚV? Það geri ég, því miður. En mér býður samt við undirmáls fréttaflutningi frá þessari ríkisreknu áróðurfréttastofu. Nú hef ég fylgst með ykkur í næstum tvö ár. Sendið þið út frá Austur-Þýskalandi, eða hvað? Ykkur myndi sortna fyrir augum af austur þýskum Evrópusambandskommúnisma ef við gætum hætt að versla við ykkur. Að hlusta og horfa á ykkur er eins og að hlusta á sovéska Tass í gamla daga. Þið eruð orðnir óforbetranlegir áróðursmenn. Hlutverk ykkar er ekki það. Þvert á móti. En því hafið þið með fullum vilja gleymt.

 

Evrópuvaktin skrifaði einnig um þessa fréttamennsku RÚV: túlkun RÚV!

 

Norðmenn urðu sjálfstæð þjóð 1905

Það skemmtilega við Norðmenn er það að þeir hefðu aldrei byggt brú yfir til meginlandsins með hvorki Svíum né Dönum. Þeir hefðu byggt hana einir. Algerlega eftir þeirra eigin höfði og þegar þeim hentaði. Þannig eru Norðmenn. Norski sveitastrákurinn kann að búa til verðmæti úr litlu. Það var alls ekki sjálfgefið að fjárfestingar þeirra í olíuiðnaði myndu bera sig fjárhagslega þegar þeir fóru í gang með þær. Fjárfesting Norðmanna fór fyrir brjóstið á mörgum. Oft og iðulega voru þeir kallaðir glæframenn. Skyldleikinn við þrjóskuna leynir sér ekki meðal okkar. Það er bara gott.

 

Fyrri færsla

 

Öldrunarhagkerfi Evrópusambandsins rafmagnslaus innan 30 ára? Hver á að borga?

 

Athugasemdir

[Magnús Helgi Björgvinsson, 9.4.2012 kl. 15:03]

Þú veist vonandi í blinu hatri þínu á ESB að þessi vísitala sem þú ert a vitna í er reiknuð út frá verðgildi í ESB þannig að þegar við erum með um 113 þ.e. aðeins yfir meðatalsverðlagi þá er rétt að benda á að bæta við um 40% vegna þess að krónan hér féll hér 2007 og 2008 sem þýðir að matvælaverð hér er um 40% hærra en í Svíþjóð ef þú reiknar það í klukkustum í vinnu við að afla þeirra. Sem er jú afleiðing krónunar. Noregur er náttúrulega ekki marktækur nema að því leiti að þrátt fyrir háa skatta og opinber gjöld sem og þann mikla hagnað sem þeir þurfa að taka út úr hagkerfinu til að valda ekki þennslu þá hefur þessi tiltölulega litli markaður ekki náð að hemja vöruverðið. Því það var svipað og Svíþjóð þegar Svíar gengu í ESB.

[Gunnar Rögnvaldsson, 9.4.2012 kl. 15:10]

Regla númer eitt: Markaðurinn tekur alltaf það verð fyrir vörur og þjónustu sem hann mögulega getur fengið. Hann tekur alltaf hæsta mögulega verð á hverjum stað. Því meiri kaupmáttur, því hærra verðlag miðað við kaupgetu þeirra sem utan að komandi eru og sem heimsækja markaðinn.

Opni heimsins ódýrasta verslun útibú á Íslandi í Noregi eða í Danmörku, þá mun hún alltaf leitast við að taka það hæsta verð sem hún mögulega getur fengið hjá Íslendingum og Norðmönnum. Miklu hærra verð en hægt er að fá í ódýrum eða vanþróðuðum löndum, þar sem kostnaður er einnig miklu lægri.

Regla númer tvö: Eins er með launþega. Þeir sækjast alltaf eftir því að fá þau hæstu laun sem frambjóðendur af atvinnu geta mögulega boðið þeim.

Regla númer þrjú: Nema þegar um massíft langtíma atvinnuleysi er að ræða. Þá verður launamyndun ungs fólks afar erfið og upp vaxa kynslóðir ungmenna sem verða fátækari en foreldrar sínir. Þetta er að gerast mörgum löndum Evrópusambandisns. Vegna massífst 30 ára atvinnuleysis.

Regla númer fjögur: að gleyma ekki reglum númer eitt, tvö og þrjú.

Og svo er það einokun í dreifingarkerfinu sem t.d. er mikil í Evrópusambandinu. Verslanir lifa á náð og miskunn dreifingaraðila. Til dæmis virkar samkeppnin ekki í stórum hluta Evrópusambandsins vegna einokunar í dreifingarkerfinu. Íslendingar eru að flytja inn þessa einokun með því að versla svona mikið við dreifiaðila í ESB.

[Gunnar Rögnvaldsson, 9.4.2012 kl. 15:18]

Kæri Magnús

Það er búið að leiðrétta vísitöluna fyrir raunkaupmætti gengis. Þess vegna heitir hún PPPP (purchasing power parity).

Þú ert ekki að lesa tölurnar rétt. Þær eiga við UTAN AÐ KOMANDI AÐILA. Eins og t.d. ferðamenn eða viðskipaaðila. Hvar gerast bestu kaupin? Hvar á ég að opna fyrirtæki og hvernig get ég verðlagt miðað við heima hjá mér. 

Ef þú vilt opna verslun í ESB-landi X þá ertu sléttur ansi ef þú ætlar að verðleggja vörur þína eins og heima hjá þér ef PPP-vísitalan er önnur í því landi sem þú ert að opna í.

Ef þú ert ferðamaður þá sýnir þessi tafla þér hvar bestu kaupin gerast á eyrinni, miðað við heimaland þitt.

Kveðjur

[Gunnar Rögnvaldsson, 9.4.2012 kl. 15:41]

Smá viðbót Magnús

Sænsk verslun getur ekki fengið 165 fyrir verð vöru sinnar í Svíþjóð því kaupmáttur Svía er lægri en Norðmanna. Sænska verslunin verður að láta sér nægja að fá 116 fyrir vöruna í Svíþjóð því kaupmáttur Svía er svo miklu lægri en Norðmana.

En segjum nú svo að sænska verslunin flytji sig yfir til Noregs og opni þar. Þá getur hún fegnið 165 fyrir vöruna því hún er staðsett í landi þar sem kaupmáttur Norðmanna er miklu meiri en Svía. En þá munu Svíar þó hætta að versla við þessa verslun í Noregi og aldrei stíga fæti þar inn á meðan þeir hafa aðra valkosti.

Þetta er ástæðan fyrir því að atvinnuleysi á Íslandi er ekki hærra en það er. Við erum samkeppnishæf gagnvart útlöndum. Krónan okkar sá fyrir því. Annars værir þú atvinnulaus núna og hefðir ekki efni á tölvu til að skrifa mér hér á blogginu.

Kveðjur

[Eggert Guðmundsson, 9.4.2012 kl. 19:52]

Góður pistill Gunnar og gott að fá staðreyndirnar beint í æð. Það væri þarft að koma þessum staðreyndum víðar á prent.

ps. þú stakkst algerlega upp í Magnús með þinni viðbót og hafðu þakkir fyrir.

[Gunnar Rögnvaldsson, 10.4.2012 kl. 00:24]

Þakka þér kveðjurnar Eggert

 

Kveðja