Leita í fréttum mbl.is

Urmull Jónsson félagsmaður vill læra hvernig á að halda atvinnuleysi himinháu í marga áratugi á Íslandi eins og í Finnlandi

Félagsmálaráðherra Ísland vill fara "finnsku leiðina".  

Um verður að ræða svo nefnt finnskt samfélagslegt heljarstökk

Atvinnuleysi í Finnlandi er 9,2% núna. Finnland er þar af leiðandi í Evrópusambandinu eins og sést. Þar er atvinnuleysi alltaf svona hátt og verður alltaf svona hátt því Evrópusambandið sér um að halda því svona háu, alltaf. Þetta er jú heljarstökk.  

Stöðugleiki. Alltaf viðvarandi hátt atvinnuleysi 

Hagstofa Finnlands sagði að 9,2 prósent af Finnum á vinnumarkaði hefðu verið atvinnulausir í febrúar. Þetta er sama hlutfallið og í janúar. Það var 10,1% atvinnuleysi hjá karlmönnum og 8,2% hjá konum. Atvinnuþátttaka var 65,4% og 21.000 Finnar höfðu helst úr lestinni sem þátttakendur á vinnumarkaði á síðustu 12 mánuðum; Hagstofa Finnlands

Atvinnuleysi Finnlands hefur ekki farið niður fyrir 7% frá árinu 2000 til 2009 nema á árunum 2007 og 2008 þegar það fór niður í 6,4% fyrir árið 2008 í heild. Frá árinu 2000 til 2005 var atvinnuleysi alltaf yfir 8% í Finnlandi. 

ESB-aðild þýddi mesta efnahagshrun Finnlands síðan 1918 

Finnska hagstofan gerði grein fyrir árinu 2009 í heild þann 1. mars. Landsframleiðsla Finnlands féll um hvorki meira né minna en 7,8% á árinu í heild. Þetta er mesta hrun í landsframleiðslu Finnlands á einu ári frá því að mælingar hófust árið 1975. Í frægu finnsku kreppunni 1991-1993, þegar Finnland upplifði erfiða bankakreppu samhliða hruni Sovétríkjanna, þá féll landsframleiðsla Finnlands "aðeins" um 6% á árinu 1991 þegar verst lét. Til að fá fram tölur um svipað hrun og varð á árinu 2009, þurfa Finnar að leita aftur til áranna 1917-1918. Mynt Finnlands er evra. 

Útflutningur Finnlands hrundi alls um 24% frá 2008-2009, fjárfestingar hrundu um 13%, innflutningur hrundi um 22% og einkaneysla féll um 2,1%. Rekstrarafkoma fyrirtækja hrundi um 39%. Þau greiddu því 44% minna í skatta og greiddu út 34% minna í arð: Hagstofa Finnlands

Bara ef einhver í Samfylkingunni væri læs 

Þetta er hin svo kallaða finnska leið sem mikið hefur verið í ríkisfjölmiðlum og háskólum á Íslandi og kynnt þar sem fyrirmynd fyrir Ísland. Nú er hún hlaupin í ráðherra.

Ef forsætisráðherra Ísland væri læs þá myndi hún vita þetta. En það er hún sem sagt ekki. Þetta eru jú félagsmálaráðherrar. Urmull af þeim.  Þetta er sama fólkið og klappaði þegar því var sagt að klappa fyrir snillingunum. Vanhæft fólk. Klappliðið. 

Fyrri færsla

Gott ráð til fjárfesta í ríkisskuldum evrusvæðis 


« Síðasta færsla | Næsta færsla »

Athugasemdir

1 Smámynd: Jón Ríkharðsson

Sæll Gunnar, mér þykir verst hvað fáir vita af síðunni þinni, það þyrfti að auglýsa þig betur. En ég býst við að þú hafir einn helsta galla greindra manna og það er að vilja ekki vekja á sér mikla athygli. Það eru helst hinir heimsku sem sjá um það, eflaust er það ein helsta ástæðan fyrir öllu bullinu í heiminum.

En þetta var góður pistill og gagnlegur. Samfylkingin er þrátt fyrir allt í miklu uppáhaldi hjá mér. Það er afar athyglisvert að fylgjast með U-beygjum þeirra í stefnumálum. Þegar útrásin var í tísku voru þeir miklir frjálshyggju kapitalistar, en þegar hrunið varð urðu þeir snögglega mjög vinstri sinnaðir.

Þótt flokkurinn hafi vissulega skemmtanagildi, þá er hættulegt að fela þeim landsstjórnina.

Jón Ríkharðsson, 20.4.2010 kl. 22:23

2 identicon

Sæll Gunnar og þakka þér fyrir greinagóðan pistil.  Við hér á klakanum sem erum meðvituð um ástandið erum orðin mjög uggandi.  Því miður virðist stór hluti þjóðarinnar ekki setja sig nógu vel inn í málin.  Í vilja yfirlýsingu stjórnvalda núna er liður nr. 18.  Þar er því lýst yfir að í október 2010 munu aðgerðum stjórnvalda fyrir heimilin renna út.  Frestanir nauðungarsölu munu renna út en það eru þúsundir sem frystu lánin sín 2009 fengu frystingu framlengda 2010. 

Ég var að hlusta á viðtal við Árna Pál í útvarpinu í morgun.  Aðspurður um þetta sagði hann að í haust  "mætti ætla að þessi mál verði komin í horf ".   Halló ! hefur atvinnuleysi minnkað  ?  hefur höfuðstóll lána verið felldur niður ?  er búið að afnema verðtrygginguna ?.

Í haust á nefnilega umboðsmaður skuldara að taka til starfa.  Að mínu áliti er þetta tóm bullshit.  Úrræði stjórnvalda til þessa duga alls ekki.  Komu of seint og of máttlaus.  Ingibjörg Þórðardóttir formaður fasteiginasala var líka í útvarpinu og orðaði þetta þannig  "nú þarf aðgerðir - ekki umræður.

Gunnar.  Ég hvet þig til að senda þennan pistil þinn í öll dagblöð hér vegna þess að fólk þarf að vakna hér og standa saman.

 Það er hræðilegt ef lausn Árna Páls er sú finnska.

Bryndís Júlíusdóttir (IP-tala skráð) 21.4.2010 kl. 08:56

3 Smámynd: Jón Ásgeir Bjarnason

Það er svo sem ekki ólíklegt að þetta sé allt með vilja gertþegar finska leiðin er auglýst, þó fæstir vilji svona ástand í raun.

Sósíaldemókratar eru ekki ekta ef þeir eru ekki dálítið hrifnir af atvinnuleysi.

Það er ekki fínt að vinna, finnst sumum. Sérstaklega ef skapast áþreifanlegur arður eins og af framleiðslu, eða ef annars vegar um láglaunastörf eru að ræða.

Og svo þýðir þetta stærri sósíalur.

Kanski fleiri kjósendur á endanum...

Jón Ásgeir Bjarnason, 21.4.2010 kl. 09:48

4 identicon

http://www.stat.fi/til/tyti/2010/02/tyti_2010_02_2010-03-23_tie_001_en.html

Lestu það sem þú vísar í! Atvinnuleysi í Finnlandi jókst mikið þegar Finnar mistu Rússaviðskiptin, en hefur minnkað stöðugt síðan þá, þar til núna í kreppunni.

Finnska leiðin gengur m.a. út á góða menntun, eitthvað sem Íslendingar geta ekki boðið sínum borgurum upp á. Það er beinlínis hlægilegt að það skuli vera fleiri en einn Háskóli á Íslandi .. tóm vitleysa.

Finnar standa fast í lappirnar og standa sig vel.

Ari Þorgilsson (IP-tala skráð) 21.4.2010 kl. 13:06

5 identicon

Jón, ég held að síðan hans Gunnars sé þekktari en virðist við fyrstu sýn. Málið er að vinstra stóðið heldur á svo brothættum "sannleik" að mótmæli gegn rökföstum og málefnalegum einstaklingum er látin vera.

Þeir mega ekki við fleiri sprungum í sinn dapra málflutning, því reyna fáir úr "cultinu"að hrekja málflutning Gunnars eða auglýsa boðskap hans.

runar (IP-tala skráð) 21.4.2010 kl. 14:26

6 Smámynd: Gunnar Rögnvaldsson

Þakka ykkur fyrir innlitið

Ég flyt alkominn til Íslands í maí. Þá get ég betur sett málpípu þjóðfrelsis og sjálfstæðis Íslands við hönd.

En þetta er erfitt mál því hér er við trúarbrögð og fáfræði að etja. Jafnvel vísindamenn eru gjarnir á að taka til sín trúarbrögð, eins og sást svo vel þegar bæði Max Planck og Niels Bohr komu fram með nýjar staðreyndir. Andstaðan við boðskap þerra dó aðeins út í takt við líkamlegt andlát andstæðinganna.

Við sjáum þetta á mörgu ESB-háskólafólki á Íslandi núna. Það varðveitir trú sína á ESB betur en heilbrigða hugsun í eigin líkama.

Gunnar Rögnvaldsson, 21.4.2010 kl. 14:51

7 Smámynd: Gunnar Rögnvaldsson

Ég vil taka það fram að ég er hlynntur alvöru trúarbrögðum því þau segja einmitt að þau séu trúarbrögð. Raunveruleg trúarbrögð. Mest er ég fyrir kristin gildi þ.e. mína gömlu barnatrú.

En ESB er ekki trúarbrögð. Menn ættu ekki að láta áróður ESB-sinna blása sig hér um koll.  

Gunnar Rögnvaldsson, 21.4.2010 kl. 15:04

8 Smámynd: Gunnar Rögnvaldsson

Eins og sést á myndinni hér fyrir neðan getur Ísland ekki lært neitt af Finnum í atvinnumálum annað en það að Ísland ætti aldrei að ganga í Evrópusambandið, því það þýðir hátt atvinnuleysi um aldur og æfi. 

Fyrir Finnland þýddi það að ganga í Evrópusambandið að atvinnuleysi komst aldrei aftur niður á viðunandi stig.

Ari Þorgilsson: Finnar geta því miður ekki staðið í fæturna því þeir hafa engar fætur lengur. Þeir hafa bara evrur og hún reynist þeim mun verri en flest sem þeir hafa prófað áður. En nú komast þeir ekki út úr evrunni aftur. Aldrei. 

Ástæðan fyrir því að Finnland náði sér sæmilega á strik eftir kreppuna 1991 var sú að gengi finnska marksins var fellt massíft og þeir yfirgáfu EMS gengisbindinguna þann 8. september 1992. Þá fyrst fór ástandið að lagast. Gengisfelling bjargaði Finnlandi. Það var ekki ESB sem gerði það. En ESB innsiglaði hátt atvinnuleysi í Finnlandi um aldur og æfi því evran hindar atvinnusköpun. 

Atvinnuleysi í Finnlandi og á Íslandi frá 1980 til 2011 (2010 og 2011 er spá AGS)

 .

Gengi nokkurra gjaldmiðla miðað við Finnska markið 1990-1999

Gunnar Rögnvaldsson, 21.4.2010 kl. 19:08

9 Smámynd: Jón Ásgeir Bjarnason

Hefði kanski átt að bæta við að sósíaldemókratar vilja heldur ekki sjá mikið af því að fólk fái há laun fyrir vinnu sína. Fátt er meira syndsamlegt en hálaunavinna.

Að ekki sé talað um yfirvinnu. Það er næstum jafn slæmt og strípidans við súlu.

Reyndar ekki bannað, en auðvitað skattað svo rækilega að fólk sem prófar slíkt er í útrýmingarhættu.

Það er ekki sama hvernig vinnu sósíaldemokratar sætta sig við. Þá er betra að hafa atvinnuleysið og fólk á sósíalnum.

Kanski ekki undarlegt að skandinavar "vinni" stundum við að vera atvinnulausir. Það er auðveldast til að passa í kassa sósíaldemókrata.

T.d. hátt í fjórðungur "vinnufærra" Norðmanna á einhvers konar framfærslu ríkisins.

Evran er svo annar athyglisverður kapítuli, sem gaman er að lesa og læra um.

Jón Ásgeir Bjarnason, 21.4.2010 kl. 19:47

10 Smámynd: Jón Ásgeir Bjarnason

Og fyrst maður er byrjaður.

Af hverju í ósköpunum verður menntun betri við að setja alla hærri stigs menntun undir sama hatt?

Það þykir mér svolítið undarleg röksemdarfærsa Ari. Kanski ódýrara, en betra??

Það er mjög gott að það sé enn til val á Íslandi varðandi menntun. Menntun er alveg eins og flest annað. Alltaf eitthvað gott í "bland í poka".

Jón Ásgeir Bjarnason, 21.4.2010 kl. 20:02

11 Smámynd: Gunnar Heiðarsson

Þetta eru frábærir pistlar hjá þér Gunnar, en ég er hræddur um að þeir skipti ekki svo miklu máli gegn aðildarsinnum. Þeir hlusta ekki á rök og flytja sitt mál gjarnan með því að vísa öllum rökum á bug og kalla þau "bull".

Eina leiðin til að koma í veg fyrir frekara tjón af aðildarumsókninn er að koma Samfylkingunni frá völdum og sjá til þess að þau komist aldrei aftur að stjórn landsins.

Evrópusambansds aðild er eina málið sem heldur Samfylkingunni saman. Þeirra eina ósk er að við fáum inngöngu í þennan blessaða klúbb, þá geta þeir stundað sína framhaldsskóla kappræður í friði og þurfa ekki að skipta sér að stjórnun landsins. Brusselveldið mun sjá um það.

Hinsvegar er gott fyrir okkur hin sem erum á móti aðild að fá þessar upplýsingar og einnig er kannski von til að efasemdarfólkið sjái hlutina í réttu ljósi við lestur þeirra.

Áróðurinn frá aðildarsinnum er mikill og hafa þeir flestar fréttastofur með sér í honum. Íslenskir fréttamenn virðast eiga erfitt með að skoða hlutina ofaní kjölin og byggja sínar fréttir á staðreyndum. Þeir viðast fara eftir þeim sem hæst láta.

Gunnar Heiðarsson, 21.4.2010 kl. 20:09

12 Smámynd: Gunnar Rögnvaldsson

Þakka ykkur 

Já menntun ein leysir ekki vandamálin. Menn þurfa líka að geta hugsað - og vera frjálsir. 

Uppspretta velmegunar og ríkidæmis verður alltaf frelsið. Þessvegna lögðu Sovétríkin upp laupana, þrátt fyrir að þau hefðu gott kerfi skriffinna, sæmilegt menntakerfi, góða vísindamenn og mjög marga og góða áætlunargerðarmenn. Það hjálpaði þeim þó ekki neitt þar sem einstaklingsfrelsið og sjálfsábyrgðina vantaði alveg. Ekkert var hægt nema með aðstoð hins opinbera. Vöðvar frelsisins voru horfnir og þessvegna önduðust Sovétríkin og var andlátið einkar kvalarfullt fyrir þegnana.

Evrópusambandið er einnig að verða mjög voldugt sem bákn skriffinna. Uppspretta hins dýrmæta frelsis liggur dýpra í manninum en flestar hagfræðibækur geta nokkurntíma sýnt fram á. Þar sem formúlurnar byrja og enda þar tekur við það fyrirbæri sem hvergi er hægt að sýna fram á með formúlum eða macro-kenningum um efnahag þjóða.

Þessu gera fæstir sér grein fyrir. Það er þetta frelsi, sjálfstæði og sjálfræði sem hefur gert Ísland að einni ríkustu þjóð í Evrópu í dag. Frelsið og sjálfstæðið sem vannst á 20. öldinni hefur unnið verk sitt vel og er núna stærsta og dýrmætasta auðlind Íslendinga.

 

Gunnar Rögnvaldsson, 21.4.2010 kl. 21:30

13 Smámynd: Júlíus Björnsson

Gæði grunnmenntunar skiptir öllu máli. Sumir fæðast í fjölskyldum þar sem fræðikennsla er heima frá morgni til kvölds. Arðbær viðskipta fræði er oftar en ekki fjölskyldu leyndarmál. Þjóðverjar láta foreldra ská börn sín á Háskólahraðbraut um 10 ára aldur.  Frakkar reyna að flæma 90% frá æðra námi beina þeim í önnur.  Yfirgreind er meðfædd og 80% eru meðalgreind. Yfirgreindur sem fer í rándýran séreignarskóla er oftar hæfari en yfirgreindur sem fer í skóla meðalgreindra. Þeir yfirgreindu í auðhringunum velja sína líka sem eftirmenn og spyrja um skólann og námshraðan. Enginn verður óbarinn biskup. Auðþekktur er asninn á eyrum. Jú þau eru stór. Reyndir vita líka að hann er staður og gengir illa. 

Júlíus Björnsson, 21.4.2010 kl. 23:15

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Gunnar Rögnvaldsson
Gunnar Rögnvaldsson

Búseta: Ísland.
Reynsla: 25 ára búseta í ESB og fyrirtækja-rekstur í DK/ESB frá 1985 til 2010. Samband:
tilveraniesb hjá mac.com

Ég er hvorki skráður á Facebook, Twitter, Linkedin né á neinum öðrum "félags-vefjum". Aðsetur skrifa minna er einungis að finna hér á þessari síðu og á tilveraniesb.net og í blöðum og tímaritum

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband