Hinn hreini ráðgjafakynstofn Samfylkinga Evrópusambandsins

Eitt mikilvægt og fram til þessa vanrækt og óleyst verkefni í þessu sambandi, eru nýjar aðstæður og brýn þörf á viðbrögðum við málefnum landa suð-austur Evrópu. Samkvæmt efnahagslögmálinu um að gjöfum fylgja kvaðir, þá verða lífsvenjur fólks í þessum löndum að breytast. Að öðrum kosti mun "ferlið" stoppa einn góðan veðurdag. 

Prófessor Dr Heinrich Hunke, efnahagslegur ráðunautur Þjóðarsósíalistaflokksins, 1942 Berlín; ráðstefnuskjöl efnahagsmáladeildar (economic conference paper).

  

Ekkert hefur breyst.

Lesandi góður. Þú verður að breyta þér. Nú fer Grikkland á skurðarborð hinna rétttrúuðu Evrópumanna, eina ferðina enn. Næst koma svo Portúgal, Spánn og Ítalía. Ert þú næstur?

Sósíaldemókratar hafa hins vegar ekkert breyst. Allt hér í ESB er ennþá við það sama gamla. Hinn eini sanni og hreinræktaði stofn réttra ráðgjafa Samfylkingarinnar í ESB standa þér ávalt reiðir og vel búnir til aðstoðar.

Samfylkingin og Vinstri-grænir bjóða þig velkominn.  

Slóð: FT

 

Fyrri færsla

Frjálsir kjarasamningar í ESB í húfi? Óhug slær á Evrópubúa. 

Athugasemdir

[Haraldur Baldursson, 10.2.2010 kl. 01:26]

Stökkvum um hálsinn á fjölbreytninni....fögnum því að ESB sameiningardraumurinn er að klofna í grunneiningar sínar. Ekki svo að ég hafi neitt á móti draumum eða rómantík...ég er bara ekki hlynntur þessari sérkenna-köfnun sem eitt steypumót fyrir allar krefur. Hvers vegan skildi nú sjónvarpsþátturinn "Út og suður" vera vinsæll... ég held að það sé vegna þess að hann er fögnuður breytileikans og lætur sér fólk og sérkenni þess í fasi og skoðunum varða.... fólk skiptir máli...ekki stofnanir.

Fengi ég einhverju ráðið (og þá væri heimurinn betri) myndi ég stofna sjálfsstjórnarhérað í Seljahverfinu. Við hefðum okkar eigin skóla, okkar eigin heilsugæslu og okkar eigin löggæslu. Samveldið (Ísland allt) fengi hjá okkur 7% af heildar-skatt-tekjun hérðasins.

Valddreifing er lausninn á vandanum...miðstýring er vandinn.

[Halldór Jónsson, 10.2.2010 kl. 21:27]

Það er mikill mergur í því sem þú segir Haraldur. Hér fer ríkið með 70 % opinbers fjár en sveitarstjórn með 30 % . Þetta er öfugt víða annarsstaðr, í Svíþjóð til dæmis er hlutfallið snúið við.

Alþingi er ekki kosið með 1 maður eitt atkvæði. Það eru sveitarstjórnir hinsvegar. Ég styð meiri sjálfstjórn í Seljaheverfi.

Gunnar,

Vogunarsjóðir og stakir spekúlantar eru núna í krossferð gegn evrunni og ætla að fella hana. Þeir eru með Grikkland sérstaklega í sigtinu þessa dagana og ætla herinlega að kollvarpa því í von um hraðvikan árangur. Svo taka þeir Spán.

Þeir tóku Ísland niður á skipulagðan hátt þannig að við erum rjúkandi rúst. Þeir sáu að við vorum með menn í efnahagsstjórn sem gerðu ekkert til að binda fé bankanna og mögnuðu vandamálin með því að hækka innlenda vexti þegar allir voru farnir í erlend lán sem bankarnir fluttu inn sem aldrei fyrr. Við leyfðum skortstöður gegn krónunni nokkuð sem við verðum að jafna til föðurlandssvika í framtíðinni.

Skrifaðu endilega um það Gunnar um hvað gerist næst í Grikklandi.

[Gunnar Rögnvaldsson, 11.2.2010 kl. 02:27]

Þakka ykkur fyrir innlitið Haraldur og Halldór. 

Hér er fyrsti hluti svarsins Halldór: Aðeins "járnagi" getur bjargað evrunni. Mörg ný Weimar lýðveldi í uppsiglingu í Evrópusambandinu.

Kveðjur